فخر المدونين Make Some NOISE (1 زائر)

[Selene]

انا هالفترة مارة بمرحلة ترميم لكل شي انهدم فيني و انا كنت غافلة عنو
او بالاحرى كنت اتناسى وجود حطام من كل حرب طلعت منها شبه حية !

هاد الخطأ الي عمري ما رح انساه او اني كررو ! اني انسى الحطام الي
خلفتو اخر حرب دخلتها ! لان حطام ورا حطام رح يتعب روحي و يخليها
منعدمة الاحساس و اسباب الحياة !

و كمان لما اتخلص من علاقة Toxic كانت كابوس بالنسبة الي !
لدرجة ما عدت اعرف كيف اتخلص منها ! تفرعت بحياتي نفس
ما الحشائش الضارة بتاكل البناتات لحتى تموت !

بس تخلصت منها و اول فترة كانت كتيييير صعبة علي !
و التفكير كان آكل راسي اكل ! تخيلوا لدرجة و انا بتحمم
كمية شعر مو طبيعية كانت تنزل ! لدرجة والله خفت لان
انا عمري ما نزل من راسي شعر نفس هالايام ! مع انو
غذائي فل و فيتامينات فل بس التفكير !! الله ياخد التفكير !

حسيت بهل الفترة كأني بنت بعمر العشرينات بس تفكيرها
بعمر التسعينات !!

قلت ببالي فجأة ليه حاملة هالسلم بالعرض ؟ ليه كارهة الحياة ؟
ليه كارهة الحياة بالرغم من وجود كتير اشياء تخليني افرح وانبسط
اشياء كنت اعملها و ما عدت اعملها !

صارت الاسباب لحالها تطلع و لما عرفت الاسباب عرفت حل مشكلتي !

مين هالبني ادم الي بيستاهل اتمنى الموت مشانو ؟
او بسببو ! او بسبب الي الاشياء الي مو منيحة الي سواها فيني !

بس طلعت من هالحرب بفضل الله ثم اهلي طلعت منها عايشة
ولا بيني و بينكم بالفترة الي مرت ما كان عندي اي سبب للحياة .

مشان هيك انا اليوم مبسوطة كتير لأني حسيت اليوم اني
طلعت فعلياَ من الدوامة الي كنت تسحبني لتحت !

و هلأ تخسي اي حدا يخليني ارجعلها ! لأني انا صحيح ما بتعلم
من اول مرة ولا تاني مرة و لا عاشر مرة لان مخي سميك
و دائما بآمن بالاحتمالات الضيئلة ! , بس صدقوني
لما وصلت للمرة الالف قلبي انعمل عليه مليون حاجز و قفل
و غير ربك ما رح يفتح لا للشخص الخطأ ولا للصح .

عفت كل شي بإرادتي و هلأ رح كرس كل وقتي
للأشياء المفيدة و لمستقبلي !

و انا كتبت هالكلام مشان غيري ياخد مني عبرة
لحتى ما يوقع بنفس الخطأ الي وقعت فيه !

و لو اني عارفة , حياة الانسان مبنية على التجارب
اي محدا رح يسمع من حدا الا لما يجرب بنفسو و يشوف !
كيف لما الواحد يكون بعلاقة توكسك او لما يكون رابط
فرحتو و مستقبلو بشخص تاني !

بس اقروا الكلام و خدوا هالكلام بعين الاعتبار
عل و عسى تكون عندكم خلفية اذا واجهتكم هيك شي

و ان شاء الله ما بتواجهوه لانو احساس مرير
احساس انك تكون وحيد و بعيد عن الكل بالرغم من انو الكل جمبك

شكرا لربي الف مرة لطفها فيني للمرة المليون
ما تتخيلوا انو اديشني فرحانة لأن صدقاَ ما عدت رابطة سعادتي
بأي شخص ان كان صديق او حبيب !

و الله يخليلي اهلي الي استحملوني بهل الفترة

و شكراَ للتون الي خلاني اهرب من العالم الواقعي بهل الفترة

​

 

[Selene]

-




ما ضَل شي !
راح الكتير و ضل القليل !

و ان شاء الله , الله ما بضيع تعب

SOON 22.9

دعواتكم ​

 

[Selene]

-









و اخيييييييييييييييييييييييييييييييييييييييييييرا خلصت
و اخيييييييييييييييييييييييييييييييييييييييييييرا افتكيت من ابو الكورس
و اخيييييييييييييييييييييييييييييييييييييييييييرا ما عاد في دوام

الله وكيلكم انو فرحتني هلأ لاني خلصت قرف حتى لو رسبت طز
المهم افتكيت من ابو الكورس

بس ما بعرف كيف سويت الله يستر من النتيجة

 

[Selene]

-

​

قال تعالى: وَلَيْسَ الذَّكَرُ كَالْأُنثَىٰ​

 

[Selene]

-









للذكرى

2019-2021





-​

 

[Selene]

-



​

Send a type or two​

Normal: I love you
Fighting: I’d fight you
Flying: I’d date you
Poison: I’m envious of you
Ground: I want to meet you in real life
Rock: I can relate to what you’ve gone through
Bug: You bug me sometimes
Ghost: You scare me sometimes
Steel: I think you’re strong
Fire: I think you’re hot
Water: I think you’re cool
Grass: I think you’ve grown a lot
Electric: You surprise me sometimes
Psychic: We have a lot in common
Ice: I want to be closer to you
Dragon: I think you’re amazing
Dark: I’d fuck you
Fairy: I think you’re cute

Waiting ​

 

[Selene]

-








مرحبا يا حلوين

بعرف اني ترقيت من هون و غبت من هون

بس بيني و بينكم حاسة ما عاد عندي طاقة لشي

كل طاقتي طلعتا خلال مسيرتي لوصولي لهل اللون

و كمان بعترف و ما بعرف لو في حدا متلي ( يحكيلي شخصياَ )

اني انا استمتعت برحلتي لهل اللون اكتر من حصولي عليه شخصيا

يعني صح حاسة بلذة الوصول من بعد تعب بس حبيت المسيرة و التحديات

الي خضتها لحتى وصلت هون

و هلأ صدقاَ ما عدت اعرف اذا رح اقدر كمل او لا , فعلياَ انا من لما وقفت

دخولي للتون انا وقفت استخدامي للاب توب و كنت مرتاحة نوعاَ ما

انو بتتذكروا قعداتي الطويلة ع اللاب ؟ و السهر ؟ و المجهود و الوقت

الي كنت اقضيه عليه ؟ ما عاد فيه صرت كرس طاقتي لنشاطات

حركية نفس رحلات او سفرات او رياضات . و ما بعرف لو رح اقدر

نسق بينهم و بين المنتدى , طبعاَ رح يكون واو انو اقدر نسق بينهم

ع الأقل رح اعمل اخر شي قبل ما انسحب . اني ( حاول ) ادي مهامي

كإدارية لشهر كامل ع الاقل و مشان ما خيب ظن الاعضاء فيني

انها اخدت اللون و سحبت .

و انا حابة كمل لأن بالأساس الي خلاني كمل مو الألوان بس

جو المنتدى ككُل كان حلو و مريح و ممتع بنفس الوقت

المهم نراكم في تدوينة أٌخرى , بحبكن كومة ​

 

[Selene]

-








عدنا مرة أٌخرى , و هالمرة تدويناتي رح تكون اجرأ من قبل , بتعرفوا ليه ؟

لأن اتضح في كتير اشخاص ان كانوا هون بالتون او برا او بالواقع ما عندهم

الجرأة انهم يحكوا بجرأة و بصراحة ! و هالموضوع بيتطلب قوة بصراحة !

بتعرفوا قوة لشو ؟ قوة كتابة هالجرأة و قوة انو هالشخص يتحمل الردود

الي رح تجيه من ورا جرأته الي بعض المرات بتتسبب بأذيته نفسياَ !

ايمت انتبهت ع هالشي ؟ انتبهت عليه مرة بتدوينة من تدويناتي نزلتها

و كانت جريئة شوي على ما اذكر كانت بتحكي عن الاصدقاء و انو ما عندي

حلقة صداقة و هيك ووحدة من البنات اجت حكتلي حكيتي الي بقلبي

بس خجلت اكتب هيك علناَ و انو يعتبر ضعف مني ! انا هون وقفت مصدومة !

انو ليه لحتى البني ادم يخاف يكتب الي بقلبو بكل شفافية و صراحة !!

لايمت بدنا نضل نخاف من المجتمع تبعنا !؟ لما نحط ببالنا انو كلنا مليانين

اخطاء و محدا كامل ؟

لك صارت معي قصة ثبتت عندي هالفكرة ! بالفيسبوك متسجلة بمجموعات

عامة و هيك و مرات بنزلوا قضايا اجتماعية , و انا كنت كتير خاف ابدي رأيي

لأن عنا ما شاء الله قمع للأفكار و التعبير الشخصي شي شنيع و فظيع !!!

و محدا بيحترم وجهة نظر حدا او رأيو حتى لو كتبو بإحترام بمجرد

انو هالفكرة او الحكي عارض قناعاتو و معتقداتو و تقاليدو الخ !!!

ف قلت لايمت يا بنت بدك تضلي تخافي هيك ؟ قمت ابديت رأيي بككككل

صراحة و شفااافيةة حتى والله العظيم من كتر الصراحة الي كتبتها توقعت

مليون بالمية لاقي انتقادات كتيرة و سب و الخ , بس الي صدمني كتيييييير

اشخاص ايدوني مع انو كان ردي نوعا ما تهجم صريييح لهل المشكلة

الي انعرضت ! و اخد تعليقي لايكات ما يقارب 150 لايك ب أقل من 12 ساعة !

هون عرفت انو فعلأ في كتير ناس ما عندها صوت ! ماعندها جرأة ! ماعندها

فن الكتابة و طريقة السرد ! وكتير و كتير !!

كنت قبل خاف و ربي كنت خاف اني ابدي رأيي علناَ خوفاَ من تهجم الناس

علي بعدها ! بس هلأ ما عدات خاف ! انو طز شو بدن يعملوا يعني

يشنقوني ؟ اعلى ما عندهم انهم يجرحوا بالحكي و اخر شي بدخل من داني

اليمين و بطلع من اليسار و يادار ما دخلك شر بس شو بكون استفدت ؟

اني وصلت صوت ناس كتاار كانوا خايفين يبدوا رأي نفسي !! لأن و الله العظيم

انا نفسي كنت ارتاح نفسياَ لما لاقي الي بقلبي انكتب بكومنت من شخص تاني

و للمعلومة اني بعلق على تعليق هالشخص و بحكيلو ياها ( حكيت الي بقلبي )

كتشجيع الو و يعرف انو مو بس هو بفكر هيك !!

ف اي من يوم و رايح تدويناتي رح تكون شفافة و صريحة , و فعلياَ

ما عاد بهمني مين بفكر عني اشياء مو منيحة ! الي بهمني فعلاَ

الأشخاص المعينين الي بيعرفوني شخصياَ اني انسانة منيحة

و اما قناعاتي و تصريحاتي ف هالشي لألي ولي متلي مو للكل

دامني يا بني ادم ما اذيتك مو ضروري تلت و تعجن من وراي

و تضل تحش بكلام طالع نازل .

At least I have balls you don't

ملاحظة : انا بحكي رأيي بجرأة بس بالمعقول , في اشخاص

الله يستر عليهم , بيحكوا بجرأة مقززة , ف ياريت ننتبه لهل النقطة

كتير منيح اذا حدا حب يحكي بصراحة و جرأة .

و بس والله منشوفكم بتدوينات تاني ​

 

[Selene]

-






شو رأيكم بالدخول القوي هاد ؟

حاسة بهل كم شهر مسحت الدنيا فيني الأرض ذهاباَ

و اياباَ هههههههههههههههههههههههههههههههههه

والله حاسة كبرت مليون سنة بربي

و شتقتلكم خيرات الله و كنت ادخل التون بين فترة و فترة كزائر

بس وربي مابعرف كيف احكيلكم , التصميم من لما تركت التون

ما صممت قطعت فرد مرة , لك حتى تصاميم شخصية لنفسي

ما كنت صمم , اجاني بلوك ابداعي فظيع .

هلأ افكار للمواضيع في بس ما عاد عندي طاقة اقعد

ساعات لموضوع اداري , فههوووون بحمد ربي اني خلصت

كل تحديات المواضيع الادارية

At least هلأ ببهركن بمواضيعي البسيطة و الخفيفة

قليلة عندي ياها ^^

بس بدي اعرف ميييييييين الي نقل فكرة نظام المصممين

للأرشيف مو معقول غبت كم شهر رحتوا دفنتوني

الي نقلو خليه يعترف

يعني ما رح اعمل شي اكيد بس انصدمت

لسا ما كملت الفكرة شهر نقلتوها !!

شوي وراجعتلكم !​

 

[Selene]

-








رح احكيلكم عن موقف صار معي بكورس اللغة شي يعني بضحك من قلب

على اد مو الشخص عامل حالو ذكي علي !!

و انا بحكيلكم ياها لتاخدوا حذركم لما تدخلوا صفوف ان كانت بالجامعة

او بالشغل ! ماعم امزح يعني حلو كتير انو نشارك تجارب بعض مشان

نستفيد !!

المهم , نحن الكورس تبعنا مختلط بس عنا شبين و الباقي بنات

واحد منهم محترم و النعم فيه ( و عراقي كمان ) انصدمت لما عرفت

انو عراقي بصراحة لانو كان يحكي ايراني ما خطر ببالي ابداَ

انو يكون عراقي بعدين مع الايام عرفت انو عراقي و بيعرف كذا لغة

ما شاء الله عليه ! فارسي و عربي و ايراني . المهم الموضوع

انو مع الشب التاني الله ( يكبر عقله )

المهم الي صار انو هو كان يشوفني قبل ما يبدا الكورس عند موقف

الباص و محطة القطار و كان بدو يحكي معي بس انا من النوع الي

مابعطي وش لحدا بالشارع يعني بكون وشي هيك ( :l ) بالضبط

فلما بلش الكورس اكتشفت انو هو كمان فيه ( لسوء حظي ) بعدين

اجا عنا سؤال بالكتاب انو لازم نعملو مع شخص تاني من الصف

Like my partner و الانسة هي الي وزعتنا و كان توزيعتي معو

فرحنا صرنا نحكي و هيك و حسيتو هو ما بدو اساساَ يحكي ضمن

الدرس و انا ما بحب احكي برا الدرس بصراحة مشان ما تنتبه الانسة

و تعتبرا قلة ادب مني انو استغليت هالشغلة لاحكي خارج الدرس

انا كتير من النوع المتحفظ داخل الكورس مو بس الكورس حتى

ضمن الجامعة و نظامية زيادة عن اللزوم !!

المهم شوي شوي شوي حكالي انو بكرا عطلة و اليوم الجمعة

( انو السبت و الاحد عطلة ) لوين رح تطلعي و هيك و انا جاوبت

بعفوية ولا مكان مع انو ما كان ببالي انو هو يفهمها انو تعا

رقمني لان ماعندي شي اعملو ؟ قام حكالي ممكن رقمك

قمت جاوبتو بلطافة مشان ما يعتبرا شوفة حال او شي متل هيك

انو ( رح فكر ) بمعنى انو لا حتى ما عطيتو جواب ناشف يعني

, قام هو تضايق و تاني يوم انا غبت

فيه , قام حكى لرفيقتي انو انا طلبت من زينة رقمها لحتى

( لحتى تساعدني باللغة ) و هي رفضت !!!!

اولأ هو ما عمل خطأ واحد لا تنين 1. انو هو نقل كلام بيني

و بينو لشخص تالت برا الموضوع 2. انو غير بالكلام لحتى

يبين حالو انو هو المنيح و انا السيئة !

قامت رفيقتي ( الله يخليها اديش انها بنت اصل ) مع

اني ما بعرفها لسا جديد معرفة عليها بالكورس !

دايركت بتبعتلي بنفس اليوم انو هالشخص

كذا كذا حكا , انا انصدمت كتييير انو معقول هيك عمل !!

حكيتلا لا تصدقيه تراه محرف بالحكي و هو كان بدو رقمي

لحتى نصير رفقات و طلعات و الله حيو , قامت ضحكت

و حكتلي بعرف انو كذاب مشان هيك اجيت و حكيتلك

لا و الي بضحك اكتر حكتلي انو هو اجا حكاها ع جنب

مشان محدا يلقطو ابن الفهلوي ههههههههههههههههه

من لما عرفت انو هو هيك زبالة بطلت اتعامل معو خير

شر !! حتى ال ( الهاااالو ) بطلت احكيلو ياها ولا اتطلع

بخلقتو !! و مرت الايام و هو بطبيعتو ما بداوم ع الكورس

كسلان يعني و من طجة الناس الي اجت من مليون سنة

المانيا و لساتو عالق باللغة !

ف بعد اسبوع هيك شي اجا سؤال تاني بالكتاب و لازم

احكي مع شخص لانو هو سؤال تحدث و الانسة مرة تانية

فرزتني مع هاد الاجدب , و انا والله العظيم ما تضايقت ولا شي

انا صايرة دوبلوماسية من الي بتعجبكم يعني , اخدت الامور

ايزي , ف هو شكلو اخد كم مني يعني لاني ما عطيت ردة فعل

ف صار يخلي جو التحدث متوتر , كلما اقترح شي يحكيلي انتي خطأ

و انتي ما بعرف شو و الخ , اخر شي تخيلوا يا ناس قلعني

حكالي روحي اشتغلي لحالك و انا لحالي , و انا شو ؟

حكيتلو تمام مع ابتسامة !

و مع كل هاد انا ما خانقتو ولا حكيت اي شي و حتى ما اشتكيت

خليت الموضوع بقلبي كوننا ( واعين و كبار ) لشو اللت و العجن ؟

و القيل و القال ؟ و إذ شو ؟ ابن ال ما بيتسمى راح و اشتكى

للانسة انو نحن تخانقنا ؟ و اساسا نحن لا تخانقنا ولا شي !!

و تاني يوم انا غبت _ سبحان الله كلما صار شي مهم بكون غايبة فيه _

بتبعتلي الانسة ع الواتساب انو شو صار هداك اليوم حكالي فلان انو

تخانقتوا , وانا عملت حالي مصدومة و انا فعلاَ هيك ماتوقعت يحكيلا

مع انو صدقاَ ما تخانقنا , حكيتلا الي حكا مو صح و ماصار شي و كل شي تمام

و حكيتلا مستقبلاَ مابدي اشتغل مع هالشخص و حابة احتفظ بالاسباب لنفسي

و شوفوا ها ؟ حتى لآخر شي ماحبيت طلعو هو الشخص السيئ مع انو فيني

احكيلا انو طلب رقمي و لف من ورا ضهري بس ما بدي وجع راسي حبيت لف

الموضوع بدون مشاكل , قامت اليوم الانسة بالاستراحة بتجي لعندي بتحكيلي

شو صار معك و معو ؟ لأنو مو انتي الوحيدة الي عم تشتكي منو و انا هون

انصدمت كمان انو الحمد الله فكرت رح اطلع المظلومة و محدا بضهري

طلعت الانسة حتى معي و عارفة انو هالشخص زبالة .

حكيتلا انو طلب رقمي للتعارف و رفضت و حكتلي هالشي ممنوع تماماَ

بالكورس ! و اساساَ الشي الغريب انو عنا مجموعة واتساب لكل المنتسبين

بالكورس لحتى نتناقش بالالماني و اذا حدا غايب يعطوا الواجب ف شو فكرة

انو يطلب رقمي اذا فعلأ لمساعدة ؟

المهم ف الانسة شكلا حكت معو لما انصرفنا و لما شافني عند موقف الباص

حكالي Alles gut ؟ التلو اي , حكالي انتي اشتيكي علي ؟ تضحكت حكيتلو

انت الي اشتكيت من سنة جدي علي جاي عندي هلأ تبكي ؟

طبعا ما حكيتلو جاي هلأ تبكي بس انو بهل المعنى حكيتلو ياها

مع ضحكة مسخرة اخر شيو لفيت وشي و ضليت لفلف بالموبايل

شكلو اكل ككككككم مرتب لما الانسة حكيت معو و كان معصب

و لما طلعنا ع الباص كان المقعد الي جمبي فاضي و هو حاول يقعد جمبي

و اساساَ بالحالة العادية ما كان يقعد جمبي بس انو هلأ بدو يورجينا

علاقاتو الاجتماعية و انو كل شي اوكي و مو صاير شي بس يحلم

يقرب مني شبر !!

قمت حطيت كتابي ع المقعد حكيتلو سوري , قام حكالي بالالماني

شكرا *** و سبني طبعاَ كانت من تحت لتحت مو صوت عالي

بس لقطت الكلمة , بس لو مكاني انتوا كنتوا وسختوا حالكن مع هيك

زيالة ؟ عملت حالي مو سمعانة لان صدقاَ فينا من المشاكل ما يكفي

و خلينا نشوف شو رح يطلع معو بعدين . اساساَ بيجي يوم و بغيب

عشرة و الواجبات ما بحلها و شخص فاشل ووسخ و بسب ع الطالعة

و النازلة شي بقرف من الاخر يعني .

بس مع مين وقع ؟ انا لو بدي حط راسي براسو , بخليه يشوفني بكوابيسو

بس بعيد عن هاد كلو انا عندي حالياَ مشكلة مغطية عليه كلو

المهم حبيت احكيلكم الي صار لحتى تتعلموا انو مو كل شي بينحكى

قدامكم صح و الي من ورا ضهركن عم يلعب لعب هههههههههههههههه

باااااااااااي​