فخر المدونين Make Some NOISE (1 زائر)

[خَوْد]

5.12.2019


اخخخخ انا متحمسة كتييير لا جد صايرة الحياة حلوة كتير مستغربة ههههههه مابعرف ليه حاسة انو رح يجيني ### كلمة سورية مشهورة اي كلما كون فرحانة او مرتاحة او متحمسة لشي الحياة بتحس و لازم تخربو المهم ما علينا .. انا ئلبت اليوم الصبح ايفون 11 و مو مبسوطة لاني الموبايل ايفون 11 و الله العظيم لو حكيتلكم رح تبكوا علي فرحانة لاني رح احمل موبايل بدون شاحن محمول لانو الموبايل الي معي بطاريتو ما بتضاين شي و فوق هاد ملعون خيره على اد ما وقع و انكسرت شاشتو لدرجة طلع عليه شي اسود بالشاشة ههههههه و فوق هاد محل السماعات انضرب يعني كلما حط سماعة بالسلك بتوشوش بسبب هل الخلل يعني لازم بلوتوث و زيدكم من الشعر بيت حتى عدسة الكاميرا من ورا انكسرت على اذا بدي صور و في ضو جاي ع الكام بيطلع متل خط ههههههههههههههه و فوق هاد <بعرف عم تحكوا ببالكم بس بس شو فيه كمان > بس رح كمل و فوق هاد السوفت وير كلو عم بعلق يعني ك تصوير فديو بالسناب او الانستا مثلا ما بصور بعلق البرنامج كلو و لازم احذف الصفحة و ارجع افتحها و اذا صور و زبط الموبايل بيحمى هههههههههههههههههههههه المهم ما علينا من كل هاد كلو سلبي و صار من الماضي هلق لأني اللاب توب تبعي باقيلو شهرين بس و بصير رسميا الي مو للموقع الي مقسطة منو ف طلبت موبايل و بصراحة ماقدرت قاوم اغراء العرض الي شفتو مابعرف يعني الي خبير بهل المواضيع رح يشوف انو العرض كتير مغري تخيلوا انو ايفون 11 126 قيقا مع باقة نت 14 قيقا بالشهر مع اتصال مفتوح و مسجات مع اير بودز برو و تأمين شامل ضد الكسر و اذا وقع بالمي و اذا فيه عطل فني تبديل مجاني + خاصية جديدة اذا الموبايل قدم و بدي بدلو بموبايل جديد بدفع 700 يورو و بيعطوني الاجدد تخيلوا كل هاد ب 60 يورو بالشهر لمدة سنتين !! بس طبعا انا بقدر بعدين غير بنود العقد بين سنتين و سنة ونص اذا تحسنت حالتي المادية و انا اكتر شي مريحني بهل العقد انو اذا انكسر الموبايل بيترجع بواحد جديد هالشي كتير ريحني و مخليني مبسوطة بالعقد . . و بكرا رح يوصل و كحل عيني فيه و اخيرا رح اقدر استخدم موبايل بدون ما احمل شاحن معو هههههههههههههه اخخخ يا ئلبي اذا هي اكبر احلامي و اخترتو ابيض مع اني بصراحة بخاف من هاللون صحيح هو حلو بس سلبياتو كتيرة يعني اي خدش صغير رح يبين عليه و مع هيك ما قدرت قاوم اللون من اول مرة شفتو بإيد رفيقي متل المراية الله وكيلكم و فوق هاد رح اشتريلو كفر يتعلق بالرقبة مشان ما يفكر بنووب انو يوقع او يسوي عرض بهلواني ع حساب قلبي هههههههههه

المهم بعد ما حكيتلكم عن اكتر شي مخليني متحمسة نجي لتاني سبب انو الامتحان قرب !! يا جمااااعة يا اصحاب الاحذية اللماعة بتعرفوا انو الامتحان يوم السبت الموافق 7.12 !!!! يا جماعة يا اصحاب الاحذية اللماعة بتعرفوا اني حاسة انو مبارح مبلش كورس مع اني كملت بالكورس تقريبا سنة !! بلشت بتاريخ 28.1.2019 و رح يخلص الكورس ب 13.1.2020 ! يا جماعة و قسما بالله الوقت عم بمر بشكل خيااااااااالي شي مو طبيعي ! و يوم السبت بإذن الله رح اخد اول شهادة تقييم لغة المانية !! هالشي اكبر من اني اتخيل كل هالموضوع ! و متحمسة كتير للامتحان و حاسة اني رح سوي كتييير منيح فيه و مو خايفة ابدا . بالعكس متحمسة لاني بدي فقع كل رفقاتي الي بيعرفوا بس انجليزي و احكيلن لا لا لا شوفوا شو معي شهادة تقييم لغة المانية و انتوا ما عندكن هههههههههههههههه اي والله كل واحد منن بيحكيلي انو لغة صعبة و مو حلوة و بدي حط بعينن حصوة انو مع انها صعبة و مع هيك جبتها . .

و مو بس هاد الشي مفرحني و محمسني في عنا شي اسمو ( فاي ناخت ) و هو معناه اجازة الكريسماس و راس السنة مع بعض . . ف انا بالفايناخت رح سافر ع برلين احتفل هنيك !! تخيلوا يا جماعة قبل سنة كنت جاية المانيا جديدة و خايفة اطلع مع حدا و خايفة اطلع لحالي لانو البلد غريبة و جديدة علي اما هلأ بروح لآخر الدنيا عادي خلص المانيا صارت الامارات 2 هههههههههههههه ف متحمسة كتير لاني لحد هلأ مارحت ع المقاطعات المشهورة متل برلين او ميونخ و بتقدروا تحكوا كمان اني تعمدت اني جيب الموبايل قبل الطلعة مشان صور صور كتير حلوة وواضحة ووريجكم احتفالاتنا ! اصلا نحن عم نحتفل من اول شهر 11 بدئوا يحطوا شجر الكرسماس و الالعاب و الفعاليات و التخفيضات و الزينة و الله شي خيالي و بيسحر العين ع اد مانو حلو . . حتى حطينا شجرة كريسماس بالبيت و كتير حلوة و كيوت لانها صغنونة ههههههههههه رح صورلكم ياها بالموبايل الجديد انشالله مشان تكون واضحة . .

و هيك بكون خلصت كل الي صار اليوم . . نراكم في تدوينات ايجابية اخرى
تشوز


​

 

[خَوْد]

#تدوينة الفعالية الشهرية
# شعورك لإنتهاء آخر شهر من العام و شعورك للعام القادم .

بصراحة شعور لا ينوصف !! عنجد هالسنة مرت بسرعة كبيرة حتى انا ماعرفت كيف
صرنا بآخر شهر منها !! بس بدكم الصراحة ؟ انا حققت كتير اشياء بهل السنة اشياء
اجت ع وقت طويل مو بيوم او يومين ! بس مو حابة انو نطلع برا السؤال و نحكي بس
بالشعور انو شعور مخيف و حلو بنفس الوقت ! خاصتا اذا كان فيه انجازات و نجاحات

اما شعوري للعام القادم لا ينوصف رح يكون كمان مليء بالنجاحات و انا متأكدة من
هالشي و الي متأكدة منو اكتر اني رح كون سعيدة ! بمعنى اخر رح حقق اسس السعادة
الي بيحكوا عنها اذا حققتيها حققتي سعادتك لانو هالسنة كنت مشغولة بإني كون قوية
و السنة الجاية رح كون اسعد من هيك

شكرا 2019 انك علمتيني كيف كون قوية و كيف اعتمد ع حالي و شكرا ع كل موقف
ضعفني و حسيت اني لحالي لانو من هالمواقف صرت قوية هلأ و اكتشفت
منهم انو في ناس معي و بحبوني و بيرفعوني للأعلى

اما 2020 استنيني ف انا جاية و بقلبي مليان حماس حماس اني كون اسعد من قبل
حماس اني كون انجح و احسن من مبارح حماس اني عم قرب من حلمي يوم عن يوم


​

 

[خَوْد]

The saddest word
in the whole wide world
! is the word almost


​

 

[خَوْد]

-








الفعالية الاسبوعيةة

ماذا كسبت من 2019 ؟

بصراحةة جواب ع هالاسئلة طويل و مابدي بس جاوب ع السؤال بس رح حاول اختصر كسبت من سنة 2019 كتير اشياء يمكن انا ما كون منتبهة الها متل ما غيري منتبه عليها لانو محدا بيعرف حالو قد ما الناس الي عم بعاشروك بيعرفوك لانك الواحد مابشوف حالو دائما بس اكتر شي لاحظتو ع حالي اني صرت اعتمد ع حالي اكتر و صرت بقدر عيش اسبوع و اسبوعين و اكتر برا حضن امي و حاول اتأقلم لانو قبل كانوا ينادوني اني بيتوتيةة ههههههه و هالشي ماحبيتو ابدا يعني تخيلوا امي لا سمح الله صرلا شي و انا ماني متعودة اني عيش الا بحضنا كمان هيك ما حلو و مو منيح لازم اطلع و اعتمد ع حالي و حاول اتأقلم برا حضنا و اكلا الطيب ولا كيف و كسبت رفيق بجنن مع اني ما حبيت اني اكتب عنو بهل التدوينة بحب هالشي يكون خاص بس فرحانة فيه و مفتخرة فيه انو هو رفيق دربي يعني شي مانو سهل اني لاقي رفيق يمشي مخو ع مخي و يحب جوي و انا حب جوو ما يكون كل واحد بميل المهم مو حابة اشطح بالموضوع بس يعني فرحانة كتير انو عندي رفيق يعني و مازالت الحياة عم تمشي يعني اليوم رفيق ان شاء الله مع الوقت يصيروا رفقات انا كتير مبسوطة لهل الشي . و كسبت لابتوب كسر ضهري لحتى كملت تقسيطاتو الله ياخدو و الحمد الله هالشهر اخر شهر للتقسيط و بكون اوفيشيلي الي و كسبت موبايل ههههههههههه حاسة الموضوع بضحك بس هاد يعتبر كسب ولا لا ؟ دام سكاي ما حدد كسب مادي او معنوي و كسب شهادة تقييم لغة المانية الله الله شو هاد يا زينةة ما توقعت اكسب كل هاد

ماذا خسرت من 2019 ؟

بالنسبة للخسارة خسرت مصاري ع الاكل بس عاد هي انا عنجد اعتبرها خسارةة و صار عندي دين عند ماما 300 يورو كل هاد بسبب صياعاتي و طلعاتي بس يعني رح حاول ردلها ياهم هالسنة يعني بصراحةة هاد اكتر شي خسرتو ب 2019 . . اي صح تذكرت خسرت رفقات يعني اقل شي بقدر احكي عنهم انهم رفقات و المفروض حط هالكلام بفقرة الكسب مو الخسارة لانو نعمة اني خسرتهم عبارة عن فاريوس بصيب الجسم يا انو يقضوا ع الجسم او انا لازم اقضي عليهم بس الحمد الله صار و مشي الحال فكرت حالي اني انا الكخة الي مو منيحة بس مع الوقت كان هاد اكتر قرار صائب اتخذتو

​

 

[خَوْد]

-​

​

​

​

​

​

​

​

​

​

​

هلأ انا بهل التدوينة المفروض اني اكتب شو صار معي بهل الفترة الي راحت اخخ بس شو احكي ​

لاحكي والله مو عارفة شو احكي و مو عارفةة شو اكتب و مو عارفةة من وين بلش و خايفة ​

اكتب شي و ضيع جزء من الفرحةة الي كنت عايشة فيها . هالاسبوعين الي راحوا​

كانوا احلى اسبوعين بكل حياتي جد جد كانت تجربة جديدة علي و راس سنة غريب وجديد ​

علي و بدايةة كلها جديدة و فرش علي حسيت اني كبيرة و بالغة و بقدر اني اعتمد ع حالي ​

المهم حبيت احكيلكم الي ما عندو ايفون 11 يشتريه من اليوم فورا بدون محدا يفكر !! عنجد شي ​

خيالي عنجد انو سعرو فيه صح غالي و ممكن تنشق *** و هو عم يدفع فيه بس وربي ​

بيستاهل يعني فخامةة و تصوير و تكنلوجيا و ثقييل بحس الواحد عامل سبيكة ​

ذهب و صوت الاغاني عالي تخيلوا كنت قاعدة عم حط ميكب وبتعرفوا ​

الميكب فن متل اي فن ف لازم حط اغاني مشان اندمج قمت شغلت اغاني من الموبايل وصدقا ​

ماكان الصوت عالي ( بالنسبة الي ) و اذ مافي 15 دقيقة و حدا بدق الباب وحدة عجوز متدايقةة ​

عم تبربر بالالماني الله وكيلكم مافهمت منها شي بتعرفوا الالماني لهجات و بدكم وقت تاخد دانكم ​

ع اللغة العاميةة حتى لو بتعرفوا الماني بس كل الي فهمتوا لاووت مووزييك ف عرفت انو صوت ​

لاغاني عالي حكيتلا اوكي سوري وانا بيني و بين حالي ديييييييييييييم صوت الاغاني كان عالي ​

لدرجة هية منزعجة ؟ ههههههههه فاااا اي جيبوا وانتوا مغمضين و لا تجيبوا 11​

برو لاني حسيت نفسو اللهم فيو راس غاز زيادة ( غاز يعني كاميرا ) ​

​

.*_​

​

بصراحة انا اكتشفت انو الموبايلات ب المانيا ارخص بكتير من اني اشتريه من الدول العربية و بشكل ​

عام رح احكي عن الامارات . . موبايلاتا غاليةة و نصب خاصتا من شركة اتصالات الله لا يبعتلا الخير ​

لو بس رجعتلي مصاريي الي نصبت عليي فيهم كان عندي برج ب اسمي بنص النخلة ​

اول شي التقسيط بالامارات كتير صعب مو نفس هون ع الاي دي الالماني هنيك لازم مدري شهادة​

راتب و تكون بتشتغل المهم سالفة معقدةة اما هون بس يكون عندك هوية المانيةة و مابتنزل ع البنك ​

ولا شي اونلاين والله تطلبو طلب كأنك عم تطلب شوال بصل من النت بس ​

يوصل بيجي واحد بس لازم يكون صاحب العلاقة موجودة يتأكد انو الهوية الك و بيعطيك علبة الاحلام ​

و بروح شايفين ما اسهلا و كتير رخيص يا جماعةة تخيلوا 128 قيقا و 14 جيبي نت و الاتصال ​

و الرسائل مفتوحة كل هاد ب 52 يورو بالشهر + في تأمين من الشركة نفسها اذا انكسرت الشاشة​

و اذا وقع بالمي و خرب مع انو هو ضد المي بس الو قدرة معينة و بيخرب او اذا كان في عطل ​

فني كل هدول اذا صارت وحدة منهم برجعوه و بيعطوك واحد جديد و هالخدمة مجانيةة يعني ما دفعت ​

عليها طبعا التقسيط ع سنتين بصراحة هالمواصفات مغرية بالنسبة للسعر + في خاصيةة اني اعطيهم ​

الموبايل بعد سنتين و يعطوني الاجدد بس بعطيهم زيادة 700 يورو بس يعني مافهمتا لهي كيف وولا مرة ​

سويتا قبل بس سمعت عنها بالامارات . . المهم حبيت احكي عن تجربتي فيه لانو جد موبايل خاااارق ​

خاصتا اذا بدكم تحضروا افلام الشاشة كبيييرة يعني تخيلوا هاد ايفون 11 العادي مو الماكس الماكس بيجي ​

اكبر يعني لو هاد العادي كيف الماكس بدي احمل ايباد بالعرض يعني ؟ كتير كتير ​

كبيرة الشاشة وواضحةة يعني كتير صارت المشاهدة من الموبايل مريحة و لما افتح المنتدى من الموبايل و اقلب ​

الموبايل للعرض الشاشة بتصير بالعرض صح ؟ اي بتطلع التابز فوق نفس ما تكون فاتح من اللاب يعني ​

بيتحول نظام كمبيوتر للعادةة يعني بس مشكلتو انو ثقيييل يعني انا متعودة ع ايفون 6 خفيف و بينحمل ​

ب ايد وحدة هاد بدو ايدتين و ثقيل يعني جد جد مابمزح معصمي كتير مرات بيوجعني بسبب مسكتي للموبايل ​

ب ايد وحدة ​

​

​

​

يتبع .​

​

​

​

 

[خَوْد]

عدنا . . كانت اجواء الكريسماس متل هم قلبي بصراحةة مابعرف شو بصير بالالمان بعيدهم
كل شي مسكر و الكل بكونوا بالبيت على اكل حلو و شرب جوهم ملل والله لو يشوفوا عيدنا شو
منعمل الشوارع ما بتوزع من كتر الزحمة و كل شي فاتح حلاوة العيد انو نطلع و نغير جو مو بالبيت
نفسي افهم جوهم بس ما قدرت !!؟ بس احلا شي زينة الكريسماس و اجواء الشتا بس للاسف المفروض
الكريسماس يجي مع التلج بس للأسف بسبب الاحتباس الحراري الي عم بصير ! حتى تخيلوا لهلأ مانزل
تلج ؟؟ و المفروض ينزل من اول 12 ؟؟ بصراحةة الموضوع صار خطير المهم بعدها اجا النيويير
عاد هاد كان احلا احلا نيويير بقضيييه بكل حياتي على اد ما استمتعت فيه يعني شو احكيلكم ؟؟ الحكي
مو متل الشووف تحكوا كنت واقفة عند الجبهةة بالجيش كلو صواريخ و قنابل عم تنزت
بس والله مافي امان بنووب يعني مرة حاولت اطلق صاروخ اخر شي خفت لانو طلعت منو شرارة و زتيتو
و ركضت اهرب ومابعرف ع مين زتيتو بس والله ابدا مافي امان و مرات علب المتفجرات
الي هيةة الالعاب الناريةة بتنحط الارض ومرات من كتر الضغط عليها بتوقع ف بتصير بدل ما تطلق
ع السما بتصير بتطلق بشكل عشوائي ع الناس و اهرب اذا فيك تهرب
انا شتريت علبتي الالعاب الناريةة ب 40 يورو الله مصاري كب اخر شيبشحد عند امي اخر الشهر ماما
مامعي سلفيني شوي و برجعلك ياهم عاد هي العلبة
بتجي مجموعة ( بااك ) فيها 14 حبةة منوعةة منهم 4 صواريخ يدوية و 5 راجمات صواريخخ عاد الراجمات
انتوا بس شغلوها و شوفوا شو بصير بالسم و الباقي العاب للزينةة يعني ماهل شي المهم
و بصراحةة انا اخر شي تضايقت والله يعني تخيلوا جبتن ب 40 يورو اخر شي اغلبها العاب زينةة ؟ كان نفسي
يكونوا اغلبهم راجمات صواريخخ مشان سوي شو يعني اخر شي رفيقي طبطب علي و حكالي
جملةة هيك حسيت انبسطت فيها حكالي انو مافي لاجىء سوى متل ما سويتي حتى في المان ما شاركوا
كانوا عم بيتفرجوا بس عاد هل الكلام شجعني كتير لاني حبيت كون متميزة على اساس ) اخر شي لما
سألنا عن الصواريخ الرهيبةة الي كانوا الناس عم بشغلوها حكا قال هي بتنجاب من هولندا و عاد هولندا
جمب برلين بينراحلها بالسيارةة بجيبوا الصواريخ و بيرجعوا عاد شو متفيقين بروح لاخر معمر الله مشان
كم صاروخ بس شكلي رح سويها السنةة الجاية ان شاء الله و عاد صورت كتير صور
و مو حابةة اعرضها هون لانهم كتار بدهم هيك موضوع مرتب ان شاء الله رح نزلو . .

عاد بالفلنتاين رح ارجع مرة تانيةة على برلين و نشوف اجوائهم مرة تانيةة كتير نفسي شوفها
لانو الجية الي قبلها كنت بمقاطعةة تابعة لبرلين اسما كوتبوس بس هالمرة ان شاء الله رح روح عليها
كتير متحمسةة لفلف فيها و بشوارعها و شوف هالمدينةة الي صرعوني فيها بالامارا
عاد بصراحةةما كان عندي انا موبايل زفت ؟ و تصويرو كتير سيء ؟ ف من وقتها ما تعودت اني صور
كل شي ف لما اجاني موبايل جديد لساتني ع النظام القديم اني بنسى انو معي موبايل تصويرو حلو
و بنسى صور بتسدئوا ؟ الفقر وما يفعل بس رح حاول
هالمرة صور كتير صور لانو هالنوعيةة من الطلعات ما بتطلع كل يوم يعني مرة بالسنةة اذا صدفت

اخر شي حابةة احكيلكم انو كل هاد الي كتبتو كانت قصةة مختصرةة جدا عن فرحتي بهل الاسبوعين
انو في اشياء ما بتنحكى ف لما جمعت الكلام طلعت هالفقرة المهم شو ؟ المهم الاخلاق
و حب الوطن مابعرف شو دخلها بس هاد كل شي نراكم في تدوينةة اخرى .


​

 

[خَوْد]

يالله ماني مسدئةة اني نجحت بالامتحان و بعلامات عالية كمان
اول امتحان تقييم لغة الماني بسويه بحياتي و جبت بالكتابي علامة كاملة كيف والله مابعرف
مع اني الكتابي اصعب شي محدا بجيب فيه علامة كاملةة كنت خايفةة منو وربي ج
و التحدث جايبة فيه 92 ياخي حاسة اني عم بحلم ! و الي بضحك انو اسهل الفقرات
القراءة و السماعي مخبصة فيهم هدول مع بعض 35 يلا اهم شي انو الصعب شلتو
+ بكل الفقرات جايبة B1 يعني الزبدة OFFICIALLY I'M B2 STUDENTرررر





نستقبل التبريكات و التهاني على الخط الساخن و نقول الو رررررر


​

 

[خَوْد]

الفعالية الشهرية

ما هي اهدافك وتطلعاتك في هذه السنة ؟
تكلم عن طموحاتك التي ستسعى لها ولا تكن متشائم

رح اختصر الاجابةة ب . . السنة الماضية كنت قويةة و هالسنة رح كون سعيدةة
و كون متفائلةة من كل النواحي و مارح خلي اليأس يدخل قلبي . . و حاول ساعد
اشخاص اذا قدرت ساعدهم ولو بشي بسيط . . و حسن من حالي بالمجالات الي بحبها
ان كانت بالتصميم او بالرسم او بالحياة الي عايشتها او بعلاقاتي الاجتماعيةة . . و حابة
ادخل كورس B2 هالسنة و ان شاء الله باخدها و بنجح فيها لأنو هالكورس صعب و اللغة الالمانية
كلها توقف بهل الكورس يعني الكورس هاد الفاصل بين اني كون متقنتها كتير او لا . .
و ان شاء الله باخدها انا قدها و قدود . . و بإذن الله هالسنة رح ارجع للرسم خلص حاتطو
ببالي رح اشتري مستلزماتو و بلش ارجع لعشقي القديم لاني صدقاَ صدقاَ اشتاقت ايدي تمسك قلم
رصاص و ترسم ق8


​

 

[خَوْد]

لوحة: Ivan the Terrible
للفنان الروسي: Ilya Repin

من أشهر اللوحات العالمية وأكثرها أثارة للجدل
" أيفان الرهيب يقتل ابنه "



في اللوحة يظهر إيفان الرابع أعظم قياصرة روسيا وأكثرهم شراسـة ودمـويـة في القرن
ال 16 ممسكا بابنه الذي قتله بواسطة عصا حـديدية اثر مشـاجرتهما حول مشكلة أسرية
برعب شديد وندم عظيم ينطلق الأب الى ابنه ليضمه الى صدره ضاغطا بشدة على الجرح
املا أن ينهض ابنه ويزول هذا الكابوس عـيناه تقولان كل شيء ، الذعر الممتزج بالدموع
والندم الأمر الذي جسده الفنان ايليا بشكل عـظيم هذة اللوحة تجعلك تتسائل كيف لفنان أن
يظهر ملامح الندم والهلع بهذة المثالية .


​

 

[خَوْد]

يوم الاثنين عندي موعد عند الجوب سنتر . هي منظمة الي مسؤلة عنا بشكل عام مابتترك حدا بحالو
يا انو يدخلوا اللاجئين بكورسات لغة او يشغلوهم بأي شي اما يدفعوا عليهم ويضلوا اللاجئين قاعدين مو
زابطة معهم خاصتا انو الالمان بيحكولنا انو نحن اخدين ضرايبهم و عم نصرفها ف مابدي اسمع
كلام زايد بلا بلا بلا هي جبت شهادة البي 1 و رح فوت يوم الاثنين الجوب سنتر و افتح الباب برجلي
علاماتي عالية ومحدا قدي المهم المفروض بهل الموعد يحكوا معي مشان كورس البي 2 و عاد يعني
هالشي مو اختياري غصبن عني بس شو سوي خليتا تطلع من قلبي و اني انا طلبت الكورس قبل ما تطلع
النتائج و هن انبسطوا شايفيني دحيحة و هن بحبوا هالنوعية من الناس عاد ان شاء الله ما يحطوني
بكورس مستعجل يعني بدي ياه بعد تاريخ 15-2 لاني طالعة رحلة استجماميةة و ماني متفيقةة روحلهم
ع الكورس و انا لابسة احمر . . المهم بتصدقوا انو الشهادة حاتطتها قدامي ع الطاولة
وكل شوي بشوفها و منصدمة من حالي انا شو سويت ؟ احساس فظيع يا جماعةة اول مرة بجيب
هيك علامات و مو راضية عن حالي المفروض ما جيب هيك علامات احساس غريب علامات الي
فوق ال 90 معقول الناس الي بتجيب تسعينات تعودت ع هالاحساس و اكيد رفقاتي بالكورس
كانوا عم بسبوني سب لاني كنت ع نياتي و مو عارفة راسي من رجلي و ضايعة و خايفة من الامتحان
اخر شي جبت هيك علاما تذكرت الطالب الي بيحكي بالمدرسة اني انا خبصت بالامتحان او بكون
كسلان اخر شي بجيب معدل اخر السنةة هاد المفروض يكون الو كرسي محجوز خص نص الو بنار
جهنم بس والله اني انا مو من هالنوع ! الالمان طلعوا كريمين بالعلامات

اما شو ؟ عايشة حياة البطالي الي ماعندو لا شغلة و مشغلةة عنجد الحياة صارت مملة بدون كورس !
بتعرفوا الكورس كان كارفني كررف كل يوم بطلع من البيت من الساعة 8 ونص وبرجع الساعة 6 ونص
بليل عااد ما كنت الحق سوي شي باليوم ج . . و هلأ عندي فراغ مو طبيعي ومافي شي سويه !
عاد الكورس الو سلبيات و ايجابيات اكيد و من الايجابيات انو هون بمولوا سعر تذكرة المواصلات وانا
بستغلها للطلعات و الجم و للروحة للكورس و هلأ ما عاد في ج !! و لسا بدي سوي كورس
السياسي سمعت انو مهم للاقامة الدائمة اذا بدي اخدها هاد امتحان عن سياسة المانيا
و تاريخها ايام هتلر ومدري شو . . الكل بيحكي انو الامتحان سهل فيه 300 وسؤال وبيجي بالامتحان
بس 33 سؤال بس ايمت اتفضالو واخد الامتحان !

المهم حابة اسألكم سؤال محيرني جد ! انا عندي عصفورين ذكر و انثى] . . المهم انو العصفورة
باضت 4 بيضات و ضلت قاعدة فوقهم شي 3 اسابيع لحتى يفقسوا . . السؤال هو . . انو اليوم شفت
العش و ما كان في غير بيضين بس معقول تكون اكلتهم ؟ او رجعتهم لبطنها ؟ لاني جد ماعندي
معرفة ب مواضيع العصافير بس جد سؤال محيرني وماعرفت وين راحت البيضتين !! و المصيبة
انو اذا بيضة من البيضات ال 4 صرلهم شي بعرف انو الام بتعمل عرس خاصتاَ عند الحيوانات
ممكن حدا يفيدني اذا عندو خبرة بمواصيع العصافير و يحكيلي وين راحت البيضتين ؟



​