فخر المدونين Make Some NOISE (1 زائر)

[خَوْد]

-

 

[خَوْد]

10.07.2022 / 00:47 / Sunday

أعـتـز بـنـفـسـي كثيراَ لـكـوني إستوعبتٌ الحياة جيداَ لِـكـوني فهمت
متى علي الإنـسـحـاب مـن الـعـلاقـات ومتى علي التشبثٌ بها, متى
أسـتـطـيع قول كلمة " لا " ورفـض مالا يٌـعـجِـبٌـني بِكٌل جٌرأة, متى
أكـون عفـوية و أتـعامل بطيبة ومتى ألـزمٌ حدودي وألجىء للرسمية
مـتـى أٌفصح عن مشاعري وأضـع ثـقـتي كاملة ومتى ألتزم الصمت
وأتخذ الحيادية ..

حـقـاَ سعيدة لِكوني تعـلـمت الكـثـيـرمِـن تـجـارٌبـي رغم ما كلفتني
إياه من أوجاع قاسية !​

 

[خَوْد]

10.07.2022 / 00:51 / Sunday

حينما أخبـرتـك بأنـنـي شـخـص سيء لم يكـن ذلـك بـداعـي لـفت الإنتباه
بل لأنـنـي أملك سلاماَ نـفـسياَ يجعلني أعتـرف بـحقـيقتي. لا أجيد الحديث
في أشياء أجهلها, ولا أعرف كيـف أنـخرط في حـديث لا يشغلني, النكات
التي أضحكـت الجـمـيـع لم تٌضحكني, لا أٌحـبذ الأغاني التي يٌحِبها الجميع
لا أقرأ للكٌتاب الـمـعـروفين ولا أٌحِـب الأمـاكن التي يتهـافت عـليها الناس
لزيارتها, السياسة لا تستهويني, عالمي الخاص ركبته بنفسي, بإهتماماته
و مـشاكله. أهتم بالتفـاصيل كبيرها و صغيرها بطريقة مٌزعجة, مزاجية
لأقصى درجة, يٌسوَدٌ تفـكيري إذا ما تعكـر صفـوَ مـزاجي, أعتزل الناس
و أميل للوحدة, و إذا ما تطفل علي بـشري نفرت منه, تعـز علـي نفسي
و أهتم جداَ بصلاحها .​

 

[خَوْد]

 

[خَوْد]

​

الشي اللي بستغرب منه بجد
انه ليه ااناس بتحب فصل الشتاء ما بتحب فصل الصيف

بعيدا عن حر الصيف و رطوبته
الشتاء بالنسبة لي جو كئيييب جدااا و قصيررر يومه جداا و الانسان ما يحس فيه الا بالكسل و االتجمد لدرجة الموت
و الأسوا انه ممكن تغيب الشمس أيام و ما تشوفها
و الأكثر سوء انه الأشجار بتفقد حيويتها و بتموت من المطر

الصيف فصل حيوي ممتع و منتعش صح الحر مقرف لكن
حبقى دايماً أفضله عن الشتاء

بالمناسبة يوم الثلاثاء حيكون اطول يوم بالسنة و أقصر ليل بالسنة
تعرفوا هالمعلومة ؟ ليكني خبرتكم ​

و الله انا متلك بعشق شي اسمو صيف

بس بتعرفي

لما كنت بالخليج كنت مٌخيرة بين فصلين و اي فصل حب اكتر ؟

بس لما تجي اوروبا رح تحبي كل الفصول بكل تفاصيلها

حرفياَ ما عندي فصل بكرهو , بحس كل فصل الو لمستو

الصيف فصل حيوي و بيجي بوقت الاجازة الصيفية للجامعات و المدارس
و فصل السفر و اللبس المٌفرح و المهفهف و الروايح الصيفية و الفواكه
الاستوائية و الايسكريم و السهر لأن ليل الصيف بجنن قث1

بيجي بعدو الخريف بتحسي بتقلب الجو و بتصير الطرقات كلها برتقالية
بجمالها الخلاب طبعا انا بمسميه فصل المرض مافي حدا
عرفتو الا و مرض ع تقلب الجو طبعاَ بحب بهل الفصل التياب تبعيتو
كتير انيقة و مانها دافية كتير و لا باردة كتير فصل مجموع بين الصيف و الشتي
مخلفين الخريف هههههههههههههههههههههههه

بيجي بعدو الشتي , الشتي صح خمول بشكل مو طبيعي و بحس باكل فيه
كتير , يخربيتو شو باكل فيه , يعني كل تعب الصيف بحرق الحريرات باخد اضعافها
بالشتي ههههههههههههههههههه و هاد غير انو الليل طويل يعني تخيلي عم تغرب
4 و نص ؟ و الليل من ساعة 5 للساعة 12 !! و المشكلة لو بدولة عربية كنا قلنا نحن هون
الناس بيتوفوا بعد الساعة 8 ف لا ارادي بشكل عام و بكل فصل بتحسي الدنيا كئيبة بعد الساعة
8 بس بباقي الفصول بضل اهون لأنو الجو معتدل فبتشوفي الناس بالشوارع و المطاعم

" عنا قانون كل المحلات الملابس و الي بتشتري منها بتسكر عال 8 و المطاعم و محلات المشاريب
بتضل مفتوحة ممكن لل 12 و في منها لحتى الزباين يروحوا "

اما بالشتي عبث يعني فوق ما هو جو كئيب حتى ما بتلاقي حدا بالشوارع كلهن يا بالبيوت
او جوا المطاعم

بس حلاوتو انو الجو نظيييف و لون الابيض الناصع من بعد ما ينزل التلج بتحسي
عيونك عم تتعقم ! عنجد منظر بيشرح القلب طبعا ما تنسي تقشيط الثلج من قدام
الباب و هاد موال تاني اذا ما بينكسر ضهرك ما بكون اسمي زينة
مو كسر كسر قصدي انو يمسكك من الوجع بس

و هاد غير بحسو فصل رومنسي لا ارادي بتحسي انك مرتبطة و انتي سنغل
و اذا تسمعتي لأغاني فيروز ؟ او اي اغنية هادية .؟ بس وصلتي

بس بشكل عام هالفصل بحبو لأنو اعياد المسيحيين فيه و بحس أجواء أعيادهم كتير حلوة
و هاد غير زينة البيوت من برا شي بياااااخد العقل من جمالها !!

و فيها فعاليات و العاب للأطفال و غير سوق الفايناخت الي بيفتح بس بالشتي فيه
كل شي ساخن من كعك لمشروبات ساخنة لكستنا لحلويات ساخنة الخ كتير حلو
فيكي تسميه سوق شعبي خاص بالعيد عندن و موجود بكل مدينة بألمانيا

و ما بنسى تخفيضات و عروض العيد عندهم طبعاَ نحن منروح معن و منستفيد

و هاد غير اللبس تبع الشتي الفخم و بحسو كتير انيق ما عدا الجاكيت الي بضيق خلقي منو
لأنو اذا ما سمكتي كتير ( و اتبعتلي الموضة ) رح تموتي برد و اذا سمكتي رح تطلعي نفس
دب الكوالا ههههههههههههههههههههههههههه هو كيوت بس يعني البنت النحيفة بتبين
منفوخة فيه فما بالك تكون معباية مشان هيك بعاني بجاكيتات الشتي كتير
بس هلأ صار عندي مناعة ضد البرد ف ما عدت احتاج البس جاكيت كتير سميك
هي كانت اول ايامي بالمانيا بس

منجي لفصل الربيع , هاد الفصل شبيه بالخريف بس بدون مرض و أغلب انواع الورود و خاصتاَ
التوليب بيطلع بهل الفصل و بتشوفي محلات الورود راشين المحل بهل التوليب و كلو فريش
و الوانن بتجنن !! و طبعاَ ماما بتعشق شي اسمو ورد و زرع ف كل سنة بفصل الربيع
بتبلش تشتري بشتلات هالورد و تحط بهل البيت ان كان من برا او من جوا و مو بس بيتنا كل بيت
بالمانيا بتشوفيه مليان ورد من كل الالوان و بتشوفي ابداع بشكل مو طبيعي بتنسيق الورد هون
شي فعلاَ بيفتح النفس

كمان بهل الفصل بكون الهوا نقي كتير و بكون في زخات مطر خفيفة بين فترة و فترة
و الوان تياب الربيع كمان عالم تاني بتكون بألوان فاتحة baby colors ممكن

بشكل عام كل فصل من فصول السنة عندي فيه حكاية بحبن كلن و بحس
اني ما بكره فصل او بحب فصل , يعني لو عشنا ببلد 24 ساعة فصل صيف رح نمل
و لو عشنا ببلد فيه فصل الشتي 24 ساعة رح نمل , التغيير حلو و الأحلى انو الواحد
يتسمتع بكل لحظة و يغير لأنو نحن بشر و اول خاصية فينا الي مو موجودة
حتى عند الحيوانات انو منقدر نتكيف بأي بيئة او جو !

بس اخر شي فصلي المفضل هو الصيف مع اني بحب كل الفصول بس هاد اكتر فصل
بميل عليه لاني انا حركية بشكل عام و هواياتي تتطلب الجو يكون معتدل و هاد غير اني
بحب السباحة و السفر و المغامرات و بحس هالشي رح يكون صعب لو كان بالشتي مثلاَ
و هاد غير اني من عشاق شي اسمو شمس , صحيح اني انولدت بدولة مافيها غير صيف
و شوي شتي بس و مع هيك بعشق شي اسمو شمس و بحب التان و لون البشرة
السمرة !
​

 

[خَوْد]

https://www.anime-tooon.com/up/

مرحبا يا حلوين

زمان عن المدونة

بس بتعرفوا انا ما بغيب بس هيك دايماَ برجع و معي
مفاجئات !

من كم يوم زرت مدينة مشهورة بالمانيا اسمها كولن بالألماني
KÖLN بالإنجليزي COLOGNE

ما شفت احلى من هالمدينة ! حبيتها اكتر من ميونخ !!
متخيلين اديشها حلوة !!

خاصتاَ كنسية كولن المشهورة الي ذكرتها بهل الموضوع

الختم الاداري - is my soul too dark for you ? | GOTHIC HISTORY P1

تم الختم بتاريخ 17/7/2022 the difference between to medicine and the poison is in the DOSE - لكي تستمتعوا بالموضوع أكثر استمعوا الى هذه الموسيقى . 1- تعريف عن شعب القوط - الإسم - التصنيف - اللغة - الأبجدية القوطية 2- عصور ما قبل التاريخ - غارات القرن الثالث على الإمبراطورية الرومانية...

www.anime-tooon.com

كمثال على الهندسة القوطية القديمة

فعلاَ هالكنسية اقل اقل شي بحكي عنها انها مٌهيييبة !!

بربي من علاوتها و ضخامتها و عتقها بتخلي عيونك غصبن عنك هيك
!!

ضليت ساعة اتأملها و لا مليت منها !!

هاد غير اني تصورت معها لازم لازم يعني اني اتصور جمب
تحفة اثرية عاشت بعد الحرب العالمية التانية !

متخيلين قدمها ؟ و كان في صور هنيك لما انهدمت نصها بسبب
الحرب انا انصدمت لما شفت الصور و كيف ضلت لهلأَ َ!!

عنجد عنجد انا معجبة بالألمان كيف بحافظوا ع مبانيهم و كيف
بضلوا يهتموا فيهم و يرمموهم بعد كل هالوقت !!

المهم ما بطول عليكم الصور لحالها رح تحكي مع انو والله
الصور شي و الواقع شي تاني تماما !!













^ شوفوا الجماااااااااااال !!





اما هون ف كان في جسر جمب الكنيسة
جسر طويييييييييييييييييل عنجد ابهرني بكذا شغلة

1- انو الجسر فيو آلاف الأقفال ! بعمري ما شفت هالكم الهائل منها !
و منصدمة كيف الجسر لهلأ مستحمل هالوزن الهائل !! لك تخيلوا
الجسر طولو اكتر من كيلو يعني بقدر احكي 3 كيلو هيك شي
ككككككككككلوو اقفال و من كتر ما الجسر تفلل منهم صاروا
يحطوا قفل فوق القفل !! متخيلين !!

حتى الي صدمني اني لمحت قفل من سنة 1800 يا ويييلييي
اديش هالجسر قدييييم

2- انو الجسر عبارة عن ممشى للناس و جسر للقطارات بحيث
القطار بيمشي جمبكم و انتوا عم تتمشوا و بتشوفوا الي جوا القطار
يعني كتييير قراب من بعض , انو كيف مصممينوا بهل الطريقة الرهيبة !

3- انو الجسر فوق نهر الراين بتشوفوا البواخر الكبيرة الناقلة و بتشوفوا
كل النهر للآخير الي مالو نهاية عنجد منظر كتيييييير حلو

و الأحلى من هاد كلو انو الجسر وراه بالضبط الكنيسة يعني موقع
ممتاز للتصوير !

طبعاَ في كتير شغلات حلوة شفتها هنيك بس من جمالهم مالحقت صور
منيح اني قدرت صور الكنيسة !

طبعاَ اول حدا اجا عبالي لما شفتها @Alice♔
اديش اشتهيتك تكوني معي بعرف انك بتحبي هالمباني !

-

و هاد غير انو تميشت ع الكورنيش عندهم طبعاَ هاد اول كورنيش
بمشي عليه بألمانيا كلها ! انو ممشى و جمبو نهر كبير

الكورنيش طوييييييييل و مليان ناس و مطاعم و كافيهات
و سكوترات و بسكليتات و سيارات حسيت حالي بالكورنيش
الجنوبي بسوريا هههههههههههههههه !

و جربت السكوتر الكهربائي كنت دايماَ خاف وربي احساس تاني
لا و صرت سوق جمب السيارات و احكي بيب بيب مشان ينتبهوا
والله تجربة غير شكل و الهوا كان حلووو و عليل حسيت اني طايرة !!

ما تتخيلوا اديه انبسط بهل الطلعة ! اكتر من لما كنت بميونخ
قال ميونخ صرعوني فيها حبيبي كووولن و بس

عنجد هالمدينة بتشششل من جمالها !

​

 

[خَوْد]

-

*



هالويكند رحت على منطقة بتبعد عن منطقتي 8 ساعات بالقطار
كل هاد لحتى اقدر شوف البحر الي بألمانيا ص0 !
إسم المنظقة Lübeck و هي تقريباَ جمب هامبورغ

آخر مرة شفت البحر فيها وشميت ريحتو كانت بسنة 2018 قبل
ما سافر من الإمارات , تخيلوا 4 سنوات ما شفت فيها البحر !

المهم لما وصلت ما صدقت , حسيت روحي رجعتلي ! نفسيتي تغيرت
حسيت انو البحر عم يناديني بس اقعد قدامو و اتأملو لحتى يسمع قصصي

ولحسن حظي انو الجو كان رهيب " متل ما بتعرفوا انو نحن بالشهر ال 11
و بألمانيا هالشهر بكون على ابواب الشتي يعني الجو بارد مع رياح و مطر
بس هالكم سنة الي مروا المانيا ما كانت طبيعية , بمعنى آخر شتاءها ما كان شتاء
و صيفها ما كان صيف , ف بسبب تقلب المناخ هيك كان على حظي الجو حلو
و مستغربة انو كان حلو لما اجيت لأن تاني يوم بالضبط انقلب الجو 180 درجة
شبه عاصفة كان في و هوا بارد متل السم مع زخات مطر خفيفة ! "

كانت مٌشمسة و الهواء عليل و نقي و في حيوانات ع الشاطىء نفس طائر النورس
البط و حيوان بيشبه طائر النورس بس كبير كتير ! الي ضحكني اكتر شي انو هالطائر
كان يهجم ع العالم الي معا أكل لحتى ياخد الاكل و ياكل !

مع أنها كانت زيارة جداَ قصيرة بس ما توقعت انو شوفة البحر رح تجددلي نفسيتي
هيك ! يا حظ الناس الي ساكنة جمب البحر , ترا عندهم نعمة يمكن مو حاسين فيها
و يشوفوها عادية لانها 24 ساعة قبالهم بس وربي البحر نعمة و راحة نفسية و بصفي
الذهن و لو الواحد متضايق بكفي يروح للبحر بتحسو بيسمعك

بس هلأ طلعنا من مود الصيف , و رح ندخل هلأ مود الشتي و التلج
و الأماكن الدافئة و المكنكنة .


​

 

[خَوْد]

-

The Original

نار1​

 

[خَوْد]

-

مساء الخير للمتأهلين أولاً للدور الثاني

- "البرازيل" هي "البرازيل" لا تُقلق مشجعيها و لا تضع نفسها بحسابات صعبة
و لو كانت تقدم أسوء نسخة بتاريخها , هي لا تنتظر مباريات خصومها في مجموعتها
و تدخل بمتاهات لضمان التأهل , "البرازيل" تأهلت بعناءها , باستحقاقها , بعدما
لعبت مباراتين بالعلامة الكاملة ضد أقوى و أشرس المنتخبات تكتيكياً , و أعند و أصعب
الفرق دفاعياً في كأس العالم .

- انتصاريين متتاليين

لم يستقبل شباك السيليساو و لا هدف

ليس هذا فقط , كما أن "أليسون" لم يقم
بأي تصدي يُذكر خلال المباراتين

دفاع متين يقف أمام "أليسون" ممنوع الاقتراب , سجلت "البرازيل" 3 أهداف
خلال المباراتين

​

 

[خَوْد]

-

| بعد هزيمة "الأرجنتين" من منتخب "السعودية" و كسر سلسلة اللاهزيمة.

حالياً أصبح المنتخب البرازيلي أول منتخب حالياً من منتخبات كأس العالم لديه سلسلة " لاهزيمة " .

- [17] مباراة .
- [14] فوز .
- [3] تعادل .

بشكل رسمي

- "البرازيل" أول منتخب في تاريخ كأس العالم لا يُهزم خلال [ 17 مباراة ] متتالية في دور المجموعات

.

- "البرازيل" بالأمس حققت الفوز رقم [ 75 ] في تاريخ كأس العالم

.

- الفوز رقم [ 44 ] ضد المنتخبات الأوروبية

.

- "البرازيل" رفعت أهدافها في تاريخ كأس العالم إلى [ 232 ] هدف [ رقم قياسي ]

.

الأرقام خُلقت للبرازيل فكيف لفريق يجمع المتعة و السحر , مع الألقاب و الأرقام
القياسية الأعلى بالتاريخ , مُعادلة لا يوجد لها حل غير أن "البرازيل" هي الكرة و كل
شيء فيها , أما الباقي يُحاولون الوصول لها بجهد و عناء لكن هيهات , التاريخ
منذ الأزل كتب كرة القدم باسم "البرازيل" فقط

.​