4AM (2 زائر)

[Cyber ✧ A C E]

السلام عليكم ، ?
اليوم الصبح ( الصبح اقصد الظهر لان هالوقت الي قمت فيه )
كنت اقرا ايميلات الجامعه لان فجاه كان في وايد، الا اكتشف ان ما راح
يكون فيه حضور لين نهايهً الفصل !!! كل شي بيكون عن بعد.. المحاضرات و التسليم
المشكله الحين الموضوع فيه اجابيات و سلبيات ، الحلو اني احتمال مو لازم اقوم الصبح خصوصاً اني
انسان ليلي im more productive at night ? ، لازم انظم وقتي حق كل شي عشان انجز بروحي ...
السلبي ان في اشياء محتاجها ضروري و استعملها بشكل يومي في الجامعه مثل الطابعات
كانت هاي الخدمات في الجامعه مجانيه ، الحين بما ان ماقدر اروح . . . .
اتصلت ع شركات تطبع و اكتشفت الاسعار كانت غاليه....
يارب يعطوني خصم ، صديق انا زبون .
حالياً عندي mixed feelings و متوتر . .
خصوصاً ان هذا هو مشروع التخرج و ابي اسوي شي مضبوط و افتخر فيه طول عمري


الشي الاجابي بعد اني كنت قاطع الالعاب و شكلي برجع الحين بس ان شاء الله ما امصخها
والله محتاااج ضروري بعد الكأابه و المآساه الي اقراها في الايميلات و قروبات الواتس اب .
اجواء كآييييبه ابي اسوي شي... خلني انسى الهم الي فيه
كله اسمع اغاني انميات تابعتها من زمان ترجعني ايام كنت اوتاكو مستانس ماعندي حياه . . .




??

​

 

[Cyber ✧ A C E]

حصلت اليوم رسماتي الرقميه قديمه
اسرتجعت الذكريات ههه والله رسمي كان احسن من مما توقعت
ما اعتبره احترافي بس يمشي حاله و يفي بالغرض
كلها رسمتها اونلاين مافي اي رسمه رسمتها بروحي والله هاذي
المواقع و البرامج كانت اكبر حافز لي لاني كنت اشوف رسامين ثانيين و اتعرف عليهم
كان في واحد ع الجوال اكثر واحد حبيته اسمه Big Canvas الناس الي هناك ما شاء الله عليهم بس
مع ان الرسم بالجوال شوي يبيله ، بس كان فعلاً ممتع ، ،

ع فكره اسمي القديم في هالبرنامج كان shuriKEN
ر هنا اختصرته ، ، ، المهم



هذي والله كانت احلا ذكريات Big Canvas
كنت مسوي صفحه تصميم شخصيات مستوحيه من خضار و فواكه
الفكره ان كل الشخصيات يكونون من مخيم صيفي و كلن له طبع مختلف
و اايد ناس شاركو معاي و رسماتهم كانت جمييييله
ما راح اقولكم اي وحده شخصيتي والله تفشل ، بس الحمد الله اني تطورت
اتمنى ترجع هالايام او احصل الفرصه اني اعيد هالتجربه و لو مره



رسمه داي الشجاع كان تعاويني بيني و بين رسامتين عرب
للاسف ما اتذكر اسمائهم ، بس ال اتذكره اني رسمت السكيتش
و لونناها مع بعض . . .





هالرسمه كنت فخور فيها خصوصاً اني رسمتها بدون ما اشوف صوره
التلوين شوي مضروب بس لحين عاجبتني ، كنت كله احاول ارسم الوجه
من ع جنب و ما يضبط هاي اول مره ضبطته من نفسي




بعد ما سكر Big Canvas حولت ع ملتي دراو ،،
نفس فكرته بس كل الي فيه حقيرين
الناس الي فيه عكس البرنامج الي فيه ابداً ما يقدرون الرسم
بس يشخبطون ع رسمات بعض و خلاص . . .
هذي رسمه من اول الرسمات الي رسمتها هناك و فقدت الامل فيها ولا كملتها . . .




كنت لحين اتدرب ع رسم الوجه من ع جنب
كنت احاول اقلد صوره، وبس طلعت هذي االنتيجه ..





هالرسمه محببه لقلبي
خقيت قبل ما اخلصها وصورت و ما اتذكر اذا
كملتها ولا لا بعد اضن احد شخبط عليها كالعاده ق
و بعدها تعلمت اسوي صفحه private في ملتي دراو . .




​

 

[Cyber ✧ A C E]

الفجر يوم السبت 14/3/2020

Fancy , Ranzizo , Jello
استمتعت بالرسم معاكم ،، مع اني كنت مسهركم معاي




هذي كانت warm up بالنسبه لي
نفس التمدد قبل التمارين
احب رسم العين بس ماعرف ارسم الرموش
كل رمشه شكل و اتجاه غير




هني يوم عطيت درس عين فاشل
حرفياً ما اعرف اشرح . . سوري مينا سان
بس حبيت رسمه اعماق المحيط



وهنا قررت ارسم جين من جينتاما ، اول سكيتش
سريع ، كنت مسوي زووم ع زاويتي فقط و بعدين يوم بعدت
مت ع رسمه جيللو




و هاي بعد ما نصهم طلعو . تمللت من رسمتي
رحت لونت لوحه الجبال حقت رانزيزو ، انا و فانسي




و بس هذا اخر شي طلع معاي ،، ادري ما يشبه وايد
بس اهم شي اني حاولت و استمعت في الرسم
and that all that matters

​

 

[Cyber ✧ A C E]

امس رحت اخذ كل اغراضي من السكن الجامعي
و رجعت البيت ،، بما ان هالفصل بيكون كامل عن بعد..
اوكي،،، الكورونا وباء و شي خطر، بس حرفياً في كل مكان
اسمع اخباره في البيت في التلفزيون و في كل مواقع التواصل
المشكله انها 99٪ سلبيه .. خصوصاً قروب واتس اب الجامعه
اكثر شي يعطيني طاقه سلبيه ، الحين انا افتحه ابي شي مفيد
احصل كله اشاعات و ناس passive aggresive و منافقين ، ،
متى اتخرج و افتك منهم اول انسان بيحذف القروب هو انا

هالايام كلها كآابه ، عاد انا اذا وصلت مرحله من الاكتآب الي
مستحيل اشتغل ع شي، وانا اخاف اوصل هالمرحله
فاحاول اسوي لنفسي شي و اغير جو في البيت . .

هدفي الحين اني استغل فرصه قعدتي في البيت و مع الكسل الي انا فيه
اسوي شي يفيدني ، واحس بالانجاز . . بس ما اعرف شآسوي



​

 

[Cyber ✧ A C E]

اولاً ابارك لنفسي على اني وصلت 100 مشاركه
كأنسان فقد الاهتمام في المنتديات من زمان اعتبره انجاز ?

المهم و انا توي اتفرج ع مدونه @ranzizo ، جتني كتمه و استرجعت ذكريات
مؤلمه توقعت اني دفنتها و نسيتها من سنين

كان عندي ماده اسايه في التخصص ( تصميم جرافيك ) كان اسمها interaction
و طبعاً تغير المنج و حذفوها الحين ، ياحظ المستجدين بس ق

دكتور كان مأساه حرفياً ، ، سوينا كل شي في الكلاس ما عدا الجرافيك ديزاين
المهم انا ا ك ر ه شي فيه شغل يدوي ،، انا انسسسان clumsy
بكسر و و بخرب كل شي ،، كم مره قصيت يدي ب موس وانا اقص بوستر
المشكله ، ، اخاف ع المشروع اكثر مني اهم شي ما اخترب او طاح عليه دم

احتمال كل مشروع ورقي سلمته عليه DNA مالي


so anyways . . .

كان عندنا هالمشروع عن البرمجه ، ، ، انا بعد ع فكره اكره البرمجه
لاني شخص تفكيري "بصري؟" ، ما ابي اشوف ارقام و حروف و اقعد اكتب
و مو فاهم شاللقصه ،،، و احترم المبرمجين و صراحه آهنئهم ع الصبر . . .

المهم،،، الله يسلمكم الدكتور يكتب كلام و ارقام و احنا نكتب معاه و مو فاهمين
و اذا عندنا اي سؤال ، ، يقول سألوا قوقل ، ، ، انا بعد ماعرف و اتعلم معاكم


كانت فكره المشروع برمجه لوح و في شيء فيه اضواء ملونه
. ولازم نسوي صوره او شي . .
والله ما ذكر عدل ، لاني ابي انساااااااااا

المهم اتوقع الصور تشرح وضعي كيف كان . . .



اعرف . . . الاسلاك جدااااااااً مرتبه و منظمه
و واضح اني اعرف و فاهم شكنت اسوي ذاك الوقت ?



لحد يضحك علي اني مسوي كرز والله الي فيه خير يسوي الي سويته


من كثر هالكلاس كان بايخ و ماله علاقه بالتخصص ،. ، تتوقعون شنو كان المشروع الثاني ؟ ؟
حلبه غولف مصغره و كان مشروع جماعي ، ، ابي افهم الدكتور شنو يحس فيه و ليش يحب يحطنا في دوامات...
المفروض اقعد ع الكمبيوتر اتدرب ع الفوتوشوب ولا اي شي ثاني
اخرتها احصل نفسي نجار و كهربجي. . . . . .



المهم هذا كان شكله يوم نشتغل عليه ، ، الحمد الله كنت في مجموعه ممتازه
و انجزنا قبل باقي المجموعات ، ، ،

الله يهدي هالدكتور و يعقل بس و يفكنا من شره





​

 

[Cyber ✧ A C E]

السلام عليكم ورحمه الله

هذي اخر مدونه اكتبها لفتره ، ،
دخولي للمنتدى قل بشكل كبير مؤخراً و اعتذر عن التقصير
بسبب التوتر و الستريس الي عندي حالياً بسبب الدراسه و الجامعه
شغلي للمشاريع صار جداً بطييئ خصوصاً مع قعده البيت،، ماعندي اي تحفيز او حماس اني انجز اي شيء مفيد
قررت اترك انمي تون مؤقتاً ،،. عشان احاول اضغط ع نفسي اكثر و انجز ،، و ان شاء الله ارجع لكم بحماس اكبر
انا جداً فخور بكل الناس الي متفاعله في تحدي الرسم و رسماتكم كلها تسعدني لما اشوفها ، و ان شاء الله هذا التفاعل يستمر حتى في غيابي ، شكراً لكل من صادقته هنا وسامحوني هالقرار المفاجئ ، ، بتوحشوني اكيد .


دعواتكم ، ، ،


في امان الله ،

​

 

[Cyber ✧ A C E]

السلام عليكم ورحمه الله ،
اخباركم يا شعب تون ،
حبيت ابارك لكم بالشهر اولاً
وثانياً برجوعي للمنتدى ?
الحمد الله اليوم سلمت آخر مشروع لي في الجامعه
متخرج لحد يكلمني ? ، ، بصراحه بعد ما سلمته توقعت اني برتاح
بس لحد الحين احس ان في اشياء لازم اسويها بعد ،، مخي مو راضي يستوعب ?

( وضعي حالياً )

خصوصا لما اكون في نهايه الفصل احس ان خلاص ماعندي طاقه اسوي شي ف شغلي كان جداً بطىء
و كنت خايف ان ما راح اخلص ع الوقت قعدت اشتغل اشتغل ليل و نهار الى اخر لحظه ?
الدكاتره حسبي الله عليهم قاعدين يعطونا شغل زياده فجأه بدون سبب ، يعني يبون نفس الشي بس بس اشكال
غير ، يعني نفس المحتوى مره كتاب و مره موقع و مره document ،، يعني المفروض يخيرونا بينهم ليش اسويهم كلهم
وهم فيهم نفس المحتوى اساساً ? خصوصا الكتاب كان مآساه لاني وصلت 100 صفحه تقريبا ، ، ، الحمد الله اني افتكيت من هالسوالف و الازعاج و ماراح اشوف وجوهم
ولا اسمع صوتهم بعد اليوم ? ، ، ،
+ شكراً لكل من تذكرني و هنأني بيوم ميلادي ، برثداي بوي

المهم ابي انام بعد شوي لان بنهار من التعب بس قاعد اقاوم عشان اتفرج ع تغيرات انمي تون
ف اذا فجأه ما رديت على حد اعرفو اني خلاص ​

 

[Cyber ✧ A C E]

?

بما اني خلصت دراسه قررت اني ارتب حياتي اكثر و
خصوصاً الحين مع الحجر ابي اخذ هالفرصه و اني ابدأ
الي اعرفه ان لما اكتب اهدافي يكون السهل علي تحقيقها ف بكتبها هنا

اول شي اسوي تنظيف عميق لغرفتي و جرد لكل شي فيها ، برمي كل اشياء الجامعه و الدراسه
و الاشياء الي ما احتاجها بعطيها لي شخص ممكن يحتاجها . . . نوعاً ما ، بديت ارتب و لاحظت
عندي كميه كبيره من ادوات الرسم و انواع الاقلام و الفرش و الالوان و الدفاتر . . . كنت دايماً اشتريهم ع
امل اني ارسم بس للاسف ما يكون عندي وقت لها . . .

وهاي ثاني هدف عندي، ابي ارسم اكثر و اكثر و اعلم نفسي الرسم ، و ابي املئ دفاتر الرسم عندي
ان شاء الله بحاول اسوي لي تحديات تشجعني اني ارسم و اتدرب اكثر و ان شاء الله هالشي يرفع مستواي


من الاشياء الي بعد ابي اشغل نفسي فيها هي القراءه . عندي كثير من الكتب بس للاسف ماعندي الحافز
بحاول اسوي لي اهداف و اقرا كتاب واحد واحد و بعدها اتخلص منهم باني اعطيهم شخص ثاني او اتبرع للمكتبه
عندي بعد لسته افلام و انميات طويله من 2015 و انا احط في هالسته هههههه
الحين عندي الفرصه اني اتابع منها اخيراً ، لاي شخص مهتم ممكن اشارك اللسته،
بس لحد يعلق لان ادري ذوقي غريب فالانمي

اخر شي ، عندي experiences في الاكتآب من ايام المدرسه و نفس الافكار قاعده ترجع لي حالياً
، و اخاف اني اتعمق اكثر فيهم ،، هاليومين كله اسمع بودكاست عن الmeditation و اثرها ع الصحه النفسيه
قعدت ابحث عن الموضوع اكثر و اشوف فيديوات عن هالشيء . . . لحد الحين ماعندي فكره واضحه بس هدفي اني
اتخلص من كل الذكريات و الافكار السلبيه الي عندي و اعيش حياتي بسلام و ابي احسن نفسي و اسير انسان افضل in general
بحاول قد الامكان اتإمل اكثر كل يوم و اقرب نفسي لله اكثر.
لآي شخص مهتم انصح انصح انصح باهالقناه :

Headspace

Headspace is guided meditation for everybody. Download our app from the App Store or Google Play and learn how to meditate, wherever you are, whenever you li...

www.youtube.com

و هالقناه :

The School of Life

The School of Life is a collective of psychologists, philosophers and writers devoted to helping people lead calmer and more resilient lives. We share ideas ...

www.youtube.com

احسني كتبت وايد بس لحين عندي اشياء ما قلتها بعد ههه ،
خلني اخذ الامور واحد واحد اسهلي و بعدين انتقل للي بعده


???

​

 

[Cyber ✧ A C E]

2020 / March 8 ??



May 10 / 2020 ??


هالرسمه تؤكد ع ان الرسم مزاج
الرسمه الاولى كل ما اشوفها يجيني غثيان
بشعه بشكل المشكله انها بآول صفحه من تحدي الرسم
اشفق ع اي شخص شافها ،، ،
لو بيدي امسحها و احط غيرها . . . .

المهم ع الاقل اعرف اني نوع ما تحسنت في رسم الوجوه
و اكتشفت اني افضل رسم الملامح الحاده ع الناعمه ...



​

 

[Cyber ✧ A C E]

السلام عليكم ،
بما اني قايم من وقت ...1الظهر
بسبب حضور مقابله اونلاين عن درجات الجامعه
خلني اكتب لكم عن انميات ندمت ع متابعتها . . .




Toradora!
بصراحه يوم كم اتابعه كنت مستمتع في البدايه
الى ان وصلت الحلقات الاخيره خربت كل شييي
و تغيرت وجهه نظره ، الانمي في البدايه حلو و دمه خفيف
بس ع النهايه الشخصيات كلها فجأه تتغير بطريقه مقززه
حرفياً انقلبت شخصياتهم و هالشي بيين لي انهم طول الوقت كانو متصنعين
وحسيت اني فعلاً ضيعت وقتي
?



Piano no Mori
هالانمي ندمت اني تابعته لاني
على طول نسيته من كثر ما القصه ممله وتنسي بسرعه
ما اثرت فيني ابداً . .





Bakuman

استغرب من الناس الي تمدح هالانمي
كنت حدي متملل ، و اغصب نفسي اشوف الحلقات
متآمل ان في شي بصير ، ، قصته ان 2 رسام و كاتب
يسوون مانجا يشاركون في مسابقات ،، و نظام الانمي نفس
سوالف انميات الرياضه الي ، ،
هل سوف نفوز ام ونخسر ؟

و كل مره يفوزون ...
الشخصيات ممله ، الحوار ممل، و الlove intrests
مالهم داعي كالعاده . . .

يمكن اي شخص يحب المانجا او يبي يكون مانجاكا ممكن يعجبه
بالنسبه لي كان بايخ

اتذكر بعد اخر حلقه قلت اخيراً . .
و حطو فيديو "انتظرونا في الموسم الثاني"
I was like : HELLLLLL NO



No. 6

هالانمي اكثر انمي ندمت عليه
تابعته على وقته وهو ينزل و كان عليه ضجه اتذكر
وهالدرس اني تعلمته
اني ما اتابع شي لان كل الناس يتابعونها اولاً
و ما اتابع انمي حلقاته تنزل لان ماعندي صبر

اولاً هالانمي عكس ذوقي تماماً اكشن و دراما و مستقبل و مادري ايش ، ،
انا انسان بسيط بس ابي اتابع شي كوميدي او شي له معنى . . .

القصه ان في مدينه مطوره و شخص اكتشف ان الحكومه تتحكم في الناس
و تقدر تقتل اي شخص عن بعد ، بتقولون شلون

اسمعوا

ان في دبور ( اي دبور ) ? مزروع في رقبه كل البشر في هالمدينه
و انه فيه مرض او شي يسرع نموهم لين ما يصيرون عجايز بثانيه و يموتون
و الشخصيات الرئيسيه يبون يحررونهم و اخر شي يخربون كل شي و ناس تموت

شفتوا الخرابيط ?
القصه مضروبه و فيها وايد confusions
بعض الشخصيات مال انهم داعي و يتصرفون بطريقه غريبه بدون سبب
هالانمي بعد كنت بالغصب اشوف كل الحلقات لاني انتظر شي يصير و استغرب
من الناس الي كانو يتابعون معاي و يمدحونه . . . .
اخر شي اكتشفت ان الشخصيات شاذه و طول الانمي يعطون تلميحات
الحين العالم متدمر حرفياً و الناس يموتون في الخلفيه،
يعني يوم قلتو لي انهم يحبون بعض عبالكم سويتو نهايه سعيده يعني






الي يبي يتابعهم ع مسؤوليتكم
و الي already تابع منهم شي
ابي اعرف رايكم عنهم

​