هل قمن بتجربة نظام الكيتو دايت من قبل (1 زائر)

[fares]

الايجابيات المحتملة

• الصرع: تم استخدام النظام الغذائي الكيتوني لأول مرة سريريًا لعلاج النوبات. وقد تم استخدامه للحد بنجاح من النوبات لسنوات عديدة ، مع البحث لدعم الفوائد التي تفوق أي سلبيات.
• مفيد في الحفاظ على قياسات السكر الطبيعي والحماية من امراض الضغط والسكري
• فقدان الوزن : هناك بعض التغيرات الأيضية الرائعة في البداية مع هذا النظام الغذائي. في مقال كتبه أنطونيو باولي ، لاحظ أن المعلمات الصحية المرتبطة بحمل الوزن الزائد تتحسن ، مثل مقاومة الأنسولين ، وارتفاع ضغط الدم ، وارتفاع الكوليسترول والدهون الثلاثية. صحيح أن أكسدة الدهون تزيد بسبب تكيف الجسم مع تناول الدهون الغذائية العالية. ومع ذلك ، فإن أكسدة الدهون وفقدان دهون الجسم هما عمليتان مختلفتان. عندما تكون أكسدة الدهون أعلى ، هذا لا يعني بالضرورة أنه سيكون هناك انخفاض في دهون الجسم. سيكون إجمالي السعرات الحرارية وحرق السعرات الحرارية المحدد الرئيسي لفقدان الدهون.
• داء السكري من النوع 2 : يمكن أن يكون لتقييد الكربوهيدرات تأثير مباشر على تركيزات الجلوكوز ، وخفضها بمرور الوقت. قد تكون طريقة مباشرة إلى الأمام يمكن السيطرة على مرض السكري. ولكن يجب على المرء استشارة اختصاصي تغذية مسجل قبل استخدام هذه الاستراتيجية ، لأن النظام الغذائي الصحي العام والتحكم في الكربوهيدرات يمكن أن يحقق نفس النتائج.
• السرطان: هذا مجال متزايد من البحث عن النظام الغذائي الكيتوني. أثبت تأثير واربورغ أن الخلايا السرطانية يمكن أن تكسر الجلوكوز بشكل أسرع (على وجه التحديد 200 مرة أسرع) مقارنة بالخلايا النموذجية. النظرية هي أنه عن طريق "تجويع" خلايا الورم من الجلوكوز ، يمكنك تثبيط نموها والمساعدة في منع السرطان. anoodlife

 

[Ronin]

كثير يمدحون الكيتو بس طريقة الوصول لجدول معين هي الصعبة
ورسوم الاشتراك مع أخصاء التغذية مكلفة جدًا مع انه بالاخير بيقولك كل سلطة وحمص!

 

[fares]

الكيتو علاج صحي مناسب ممكن الشخص العادي يتبعه بدون طبيب لكن لو مريض بيحتاج متابعة طبيب

 

[جوهرهان]

السلام عليكم ورحمة الله وبركاته
شكرا لكم على المعلومات المفيذة
تحية طيبة​

 

[Mr Cat]

ترانيم - سبتمبر


السلام عليكم و رحمة الله تعالى و بركاته
سلمت يديك على كل مواضيعك المفيدة ، هل قمت بتجربة نظام الكيتو من قبل؟ الإجابة لم اجربه من قبل
و لم أسمع به أبدا ، و لكنه علاج مثير للاهتمام لانو يساهم في علاج السكري و السرطان !

و كمان يساهم في التغيرات الأيضية الي تنقص الوزن فهذا شي مفيدللذين يعانون من السمنة
بس هو ما يساهم في علاج السكري بصفة عامة فكما قلت يعالج بس النوع الثاني حيث انو يخفض كمية
الغلوكوز

و كمان يمنع انتشار الخلايا السرطانية في الجسم ويكسر الغلوكوز بشكل أسرع
و الله علاج مثير للاهتمام بس مكلف جدا
في امان الله​

 

[خَوْد]

مستر كات ~شهر 9~
-










جربت هالدايت و كتبت عن تجربتي بتدوينة موجودة هنا

فخر المدونين - Make Some NOISE

مساء الخير و3 . هاليومين كانوا من اسوأ الايام . اجاني وجع اسنان مو طبيعي و للأسف بطاقتي الصحية لسا ماوصلتني ف مابقدر روح ع اي دكتور ع الاقل يعطيني مسكن . حتى ما قدرت نام ساعتين ع بعضهم . بنام 5 دقائق و برجع اصحى من الوجع :( . ف الحمد الله اليوم مافي اي وجع ق1 . المهم اليوم حابة احكيلكم موضوع...

anime-tooon.com

بالتدوينة شملت اغلب النقاط بس رح ضيف كم نقطة اضافة ع المكتوب بالتدوينة

ايجابياته حسيتها اكتر من سلبياته و انا لما احكي اكتر مو اكتر بالعدد مثلا لما نحكي
انو الكيتو دايت بيحمي من اشياء صعبة انو الواحد يتحكم فيها ف هون بالنسبة الي
بياخد 5 نقاط زيادة . . نفس التحكم بنسبة السكر بالدم و ما نزيدها

و من اهم اهم اهم ايجابياته و هو كان سبب اختراع هالنوع من نظام التغذية

الصرع:

تم استخدام النظام الغذائي الكيتوني لأول مرة سريريًا لعلاج النوبات. وقد تم استخدامه للحد بنجاح من النوبات لسنوات عديدة ، مع البحث لدعم الفوائد التي تفوق أي سلبيات.

هو هالسبب . . هو بالاساس مانو دايت هو كان ( علاج ) لمرضى الصرع لانو كان بخفف حدة الصرع الهم و بعدها
انشهر و طلع للعالم و صار نظام تغذية

بس لو تعمقتوا بالموضوع لشفتوا انو ايجابياته كتير كتير اكتر من سلبياته و حاطة ايجابياته من خلال تجربتي بالتدوينة

هلأ نجي لسلبياته الي ما ذكرتها بتدوينتي و حتى ما موجودة بهل الموضوع

اول سلبية و الي رح نلاحظها اول وحدة انو الواحد رح يحس بأغلب الوقت بدوخة بسبب انخفاض نسبة السكر الفجائي بالدم
و بسبب هالشي كمان رح تحس برجفة بإيديك و لما توقف احتمال تهتز رجليك لأن رح نوصل لمرحلة ادخال السكر بالدم ستكون 0%

لأن ممنوع علينا اي نوع من الفواكه بأول شهر و اي شي فيه سكر ممنوع لأن هالشي رح يخرب كل النظام

تاني سلبية و الي جربتها شخصيا هي رائحة الفم الكريهة و هي بصراحة حسيتها ريحة حرق الدهون ههههههههههه
هو اكيد مافي ريحة حرق نفس ريحة الحرق العادية

و سلبيتين التعب و الارهاق لانو مافي مصدر للطاقة

و اخر سلبية انا ما وصلتها بصراحة هي للمراحل المتقدمة و هي انو البول بصير لونو اسود و انا انصدمت لما قرأتها
و من هون بيجي معنى اسم الدايت الكيتوني من هالخاصية او تعتبر سلبية للبعض

و الو تفسير علمي للون البول الاسود و لإسم الدايت نفسو ( الكيتو ) لان لما تكتر الكيتونات بالدم كلما صار البول اغمق لدرجة بيوصل للأسود
و اسم هالحالة ب فرط كيتون الجسم

محتوى مخفي: تفسير فرط كيتون الجسم

يَحدث فرط كيتون الجِسم نَتيجة خَلل في عَمليات الأَيض بِحيث يَحدث ارتفاع مُستوى السُكر بِالدَم
والأَجسام الكيتونية بالدَم والبَول، بحيث يُصبح مُستوى السُكر في الدَم 250 مغ/ديسيليتر ، وَتَزداد
فِي هذه المَرحلة عَمليات تصنيع الغلوكوز فِي الكَبِد نَظراً لِعدم قُدرة الجِسم على استخدام السُكر
المَوجود بِالدَم نَظراً لِعدم وُجود الأَنسولين وَزِيادة تَحطيم الغلايكوجين المُخزن بِالكبد وَزِيادة تَحلل
اللايبيدات مِما يُؤدي إِلى زِيادة تركيز الأَحماض الدُهنية في الدَم ويَستخدم الكَبد هذه الأَحماض
في عَمليات الأَيض كَمصدر للطاقة بدلاً من الغلوكوز مما يُؤدي إِلى تَراكم الأَحماض مِثل الكيتونات
والأَحماض الكيتونية وَهذه الكيتونات تَشمل: الأَسيتون، البيتا هيدروكسي بيوتيرات والاَسيتو أسيتات.

^ الزبدة من كل هالكلام لأن المصطلحات العلمية بتعقد الموضوع
انو هالدايت اساسو الكبد يعني الجسم بحول كل الشغل للكبد مشان هيك بصير
لونو اسود و هي تعتبر من اعلى مراحل نظام الكيتو ومو اي حدا بيوصل لمرحلة البول الاسود
ف الي وصل للبول الاسود يا نيالك < شسالفة

اخر شي حابة اني احكيه .. صح انو ( بالنسبة الي ) شفتو ايجابي اكتر من ما كان سلبي
طبعا انا بحثت عنو و شفت في اراء سلبية و كمان قرأت عن وفيات نتيجة اتباع هالدايت
بشكل خاطىء و انا ابدا ما استغربت الموضوع لأن الموضوع في خطر و خوف بصراحة

لان انك بالمرتبة الاولى تغير نظام الحرق بجسمك هاد الخطر الأول و كمان انك تمنع حالك
من السكر هاد الخطر التاني و انك تدخل كميات كبيرة من الدهون هاد الخطر التالت

ف تطبيق هالدايت بالشكل الخطأ عنجد كاااارثة وممكن يؤدي للموت . . مثلا بالمراحل
الاولى من الدايت الواحد بيدخل بشي اسمو ( انفلونزا الكيتو ) هي ببساطة أعراض
الانسحاب من الكاربوهيدرات. لما الشخص يقطع الكاربوهيدرات بشكل فجائي في أول أيام
الكيتو رح تدخل بهل الاعراض:

الدوخة . الغثيان . الإسهال أو الإمساك . الصداع . الإعياء . الشد العضلي . العصبية

فمشان ما تدخل بهل الحالة . . اقطع الكاربز شوي شوي مو بشكل فجائي

^ و لو اني انا لما بلشت الدايت قطعت الكاربز و السكر بشكل فجائي بس ما دخلت
بحالة الانفلونزا . . شكلها تختلف من شخص لآخر

و الاهم بما انو هالدايت بيعتمد ع الدهون و مافي مدخل للفيتامينات
نحاول قد ما نقدر ناكل خضار لانها بتخفف من حدة الكيتو

و كمان انو نخفف ع نفسنا شوي يعني مثلا انا اعتقد و اعتقادي قريب للحقيقة
انو الي ما خلاني ادخل بمرحلة انفلونزا الكيتو انو انا جسمي غذائو قوي و مشبع
يعني ماعندي نقص بأي شي الحمد الله لا من حديد ولا من احماض ولا من فيتامينات
ف اعتقد انو عدم دخولي لهل المرحلة انو انا قوية جسمانيا و جسمي قدر يتحمل
هالانقطاع المفاجىء . . ف من جسم لجسم بيختلف مثلا لو حدا عندو نقص بأي شي
ممكن يسبب كارثة لان هالدايت من الاساس جدا جدا جدا قاسي الأشخاص الطبيعين
ف كيف لو كان الشخص عندو نقص بأي شي . .

ف احتمال بسبب هالشي كانت تجربتي ايجابية بس مو بالضرورة تكون ايجابية
للكل


و اخر شي . . هالدايت برأيي مابدو لا دكتور ولا وصفة طبية ولا حتى خبير تغذية
مع اني صحيح ذكرت انو هو دايت مافيه مزح و خطير بس اي حدا بيقدر يسويه
( طبعا بإعتدال مو انتحار )

و موجود كتير جداول اكل بالنت و لو عن نفسي انا ما اخدت جدول من النت . .
سويتو من مخي كل الي سويتو اني كنت دخل نسبة عالية من الدهون و كنت اشرب
مرقة اللحمة المسلوقة و ما كنت اكل سكر يعني هاد لحالو بنقص الوزن
و بدخل الواحد للمرحلة الكيتونية

و الي عندو نقص بأي شي لا يسويه و الافضل يسوي فحص قبل ما يعملو


انتوا خدوا الزبدة من الدايت الي هو ( يعتمد على نسبة الدهون المرتفعة و تقليل نسبة السكر )
و بعدها خدوا جداول من النت بناءاَ لهل الكلام < ما بدها ذكاء

بس الجداول مهمتها انو تنوع الاكل و طريقة طبخو ومشان ما نمل ولا بشكل عام
المهم الواحد ياكل دهون او يشوف اكلة فيها نسبة دهون عالية و بس

حتى في تطبيق للكيتو دايت نزلتو وقت كنت عم بعملو بساعد بتتبع الدايت
من ناحية نسبة الدهون و الاكل الي مو لازم اكلو اسم التطبيق ( KETO APP - KETO DIET TRACKER ) التطبيق لونه سماوي

المهم الحكي بهل النظام ما بيخلص . . حتى كنت انا و اختي كتير نتناقش فيه لأنو كان عندها
صديق كان ماشي عليه فترة طويلة و نقص منو . .

و اهم اهم شغلة قبل ما اختم ردي انو الي بدو يسوي هالدايت لازم لازم لازم يتثقف فيه و يقرا مقالات
و يشوف فديوات ع اليوتيوب لازم لان هالدايت مو نفس باقي الدايتات اذا صار في خطأ عادي لا هون
الخطأ بموتة لا سمح الله
​