الختم الذهبي وَمَا هِيَ الْحَيَاةُ إلاَّ تَجَارُبٌ وَ دُرُوسٌ | نِقَاشٌ - النُّضْجُ (1 زائر)

[Pleiades]

مشاهدة المرفق 5188
سلمت الأنامل على ما خطته يداك غاليتي
A S T E R​

"لقد تغيرت ، ماذا حدث لك ؟ لم تصبح مرحا ، لماذا تتصرف بطريقة مختلفة ؟"
كلنا نعلم أن كل انسان يمر بمرحلة تغير من طبيعته جذريا ، تلك المرحلة هي مرحلة النضج النفسي فترة المراهقة
رغم أن طرفا المجتمع يجزم أن الكل معني بالنضج إلا أنه يستثني مجموعة من الأشخاص ويصبح بنظر الآخرين ساذج
أما الطرف الآخر فيظن أن النضج النفسي غير مهم ، بصيغة أخرى فهو يفقد الشخص حس الفكاهة و المتعة
كتعريف للنضج النفسي بمنظوري الشخصي ، فهو نتيجة بعض المواقف التي تغير حياة الشخص من ممتعة الى جدية
وهو قدرة الفرد على اتخاذ قرارات احسن من سابق عهدها ، وهناك من يتخذه لتغيير معاملاته الشخصية مع الآخرين
ما يجعل الأمور اكثر تعقيدا ، هو عدم فهم المجتمع لفكرة النضج ، او عدم توافقهم على فكرة واحدة حتى في مواقف اجتماعية اخرى
بعض من الأشخاص الذين يمرون بمرحلة النضج هم اشخاص ارتكبو أخطاء بسبب قرارات خاطئة حصلت في السابق
أما البعض الآخر فـمر بحالات نفسية سيئة ، او مشاكل عائلية وغيرها من هذا القبيل جعلتهم يتخذون من النضج قرارا للإعتياد على الأمور
من وجهة نظري ، فإن قرار النضج قرار سليم ، لكنه يقتصر على النضج في المواقف الجدية و إتخاذ قرارات حاسمة
وتجنب تأثير النضج الفكري و النفسي على بقية الحياة اليومية ، كعدم التواصل مع الأصدقاء و عدم الإنجذاب الى الإهتمامات السابقة
و يتخذونه سببا للعزلة عن الأفراد الذين لم يمرو بمرحلة النضج ، ظنا منهم ان تغيرهم جعلهم بمقام أعلى من الآخرين
أهم ما سببته هذه الصفة للمجتمع هي فقدان الأشخاص المقربين و الذين اعتادو على صفاتك السابقة قبل ان تنضج
لكن الجانب المشرق من النضج انه يبني حياة الفرد المهنية و العملية ، حيث نرى ان أغلب الأعمال لا تتطلب المهارات فقط، بل تتطلب المهارات الفكرية أيضا
لنفتح نقاشا حول هذه الفترة العصيبة ، نتكلم فيه حول موضوع النضج الفكري و النفسي ، و ما يجول بخاطركم من أفكار حول الموضوع
دعوني أعرف ما تعريفكم لمصطلح النضج ، وتجاربكم مع النضج مهما كانت بسيطة او معقدة فنحن نفتح جلسة لاعتباركم عائلتي
اريد ان اعرف بشدة ما يعنيه النضج بالنسبة لكم كفتاة لم تمر بتلك المرحلة ، اريد ان اعرف ان كان علي قطع حبل أفكاري هذا أم لا
دمتم في أمان لله و حفظه و رعايته

​

 

[خَوْد]

​

-










النضج بالنسبة الي يٌكتسب من تجارب الحياة بعض من ما ذكرتيها بس في مراحل للنضج , اي ان ممكن شخص يمر بعلاقة ان كانت حب او صداقة وطلعت مو منيحة الو و تعلم منها ( هون هو تعلم درس و من هالشي كسب خبرة بشي فهون بالمقابل نسبة النضج زادت عندو )

وفي ناس سافرت , مغامرة السفر كتير بتزيد النضج اي ان الشخص بصير انضج لما يطلع و يشوف الدنيا مو نفس الي بضل بنفس الدولة و نفس القوانين هالشي عشتو شخصيا لما طلعت من دولة كنت دايما فيها وما كنت سافر ف لو قارنت نضجي هلأ بقبل ففي فرق شاسع !

وفي ناس تغربت و عاشت هالاحساس برا بلدها هالشي كمان بزيد النضج مو نفس الي ضل بدائرة الراحة عندو ف المغترب بواجه مشاكل اكتر من لما يكون ببلدو و هالمشاكل لما يمر فيها و يحلها بتزيد نسبة نضجو و طريقة تفكيرو بالحياة

العلم , انا مابحكي انو الي ماعندو شهادات مانو ناضج لا بالعكس في كتير ناضجين و مادارسين , بس العلم له دور اي انو الطالب لما يعيش حياة طالب العلم من كل شي مثلا: تحمل مسؤولية حياته اي لازم ينتبه لآخر وقت لتسليم المشاريع و اذا تأخر بدو يضغط نفسو ووقتو لحتى يخلص المشروع او الواجب و عقلو بضل منشغل وبفكر ب ( عندي كتير شغل لازم خلصو ) و ممكن انو يتجنب السهرات مع رفقاتو و ايضا انو المعلومات الي بيكسبها من الجامعة او المدرسة كتيرة و هالكم الهائل من المعلومات بتزيد نسبة النضج . . و هاد غير انو بعد الجامعة ببلش يشتغل و كلو متصل ببعضو فالدراسة و طلب العلم له دور بالنضج من وجهة نظري وحتى انو طالب العلم بشوف الحياة من منظور مختلف و ماعم بحكي عن الشهادة ممكن حدا و هو بالبيت يتثقف بأي شي هيو ابي عندو اعدادية بس , بس هو حب هندسة الكهرباء و تعلمها و تثقف فيها ^ مثال بسيط ع كلامي . . فالي بيفتح عقلو بالعلم بينفتح لآفاق كتيرة و هالشي بزيد النضج و حتى طريقة رؤيته للأشياء و تقييمها

الشخص الي مر بمشاكل كبيرة بحياته و الي كانت عقبة صعبة انو يتعداها نفس اللجوء و طريق اللجوء لبعض الناس هدول الناس متأكدة انو نضجو اكتر من قبل ما راحوا لجوء لأي دولة . . لان لما تكون حياتك ع المحك هون الشخص رح يقدر نعمة الحياة و كل النعم الي عندو ياها يعني بعد هالتجربة رح ينضج اكتر و تتغير طريقة تفكيرو لكتير اشياء

و في كمان تجربة الزواج فالزواج بزيد كتير بالنضج من ناحية الطرفين ان كان ذكر او انثى

و في كمان الي اشتغل و عندو تجارب من الشغل هي كتير بتزيد النضج

تجربة الفقد لشخص عزيز خاصتاَ اذا كان من العائلة

و في كتير امثلة للنضج

فالشخص الي مر بكل هدول مو نفس الشخص الي مر ببعض منها فما فينا نقيم النضج من ناحية وحدة فهالاشياء كلها متصلة مع بعض و الها سبب تأثير


و برأيي في نصج سلبي و نضج ايجابي
​

، وهناك من يتخذه لتغيير معاملاته الشخصية مع الآخرين
ما يجعل الأمور اكثر تعقيدا​

برأيي هالنقطة ممكن ينطبق عليها النضج الايجابي و السلبي

اي انو ممكن تكون الامور اكتر تعقيد هالشي بيعتمد ع الشخص نفسو , بنفس الوقت ممكن تكون مو اكتر تعقيد لبعض الاشخاص
نفسي مثلا , تعلمت من خلال تجاربي اني غير معاملتي عن ما كانت قبل , يعني لما قارن معاملتي مع الناس لما كنت بعمر 20
و بين هلأ بعمر 26 في تغيير كبير , لأن الشخص رح يتعلم انو مو كل الناس بتتعامل معاملة وحدة و انو مو كل الاشخاص بنفس الوقت مناح الي , فكيف بعامل الشخص الي مو منيح الي نفس معاملة الشخص المنيح الي ؟ ف اكيد لازم يكون في موازنة بين المعاملة و هالشي مارح ينعرف لحتى بعد عدة تجارب لنوصل لهل المرحلة
​

فهو نتيجة بعض المواقف التي تغير حياة الشخص من ممتعة الى جدية​

وليه من ممتعة لجدية ؟ فالناضجين الهم اسلوب معين للمتعة , الناضج مو يعني نفسية ومابيبسطو اي شي ؟ بس ممكن اني حط مثال كالجرعة , جرعة المتعة عند غير الناضج بسيطة اما عند الناضج رح نزيدها شوي ليه ؟ لأن هو ناضج اي عندو خلفية عن كتير امور الي بتقلل من متعة بعض الاشياء بس هاد مو يعني انو اخد كل المواقف بجدية , كنت بعرف كتير اشخاص ناضجين و ممتعين بشكل ف هالشي بيعتمد ع الشخص نفسو
​

كعدم التواصل مع الأصدقاء و عدم الإنجذاب الى الإهتمامات السابقة
و يتخذونه سببا للعزلة عن الأفراد الذين لم يمرو بمرحلة النضج​

هاد النضج السلبي بعينه ولكن اعيد و اكرر يعتمد ع الشخص , وعلى نوع الصدمة الي مر فيها مثلا . . بتقدري تحكي انو كلما كبرتي بالعمر كلما قل عدد الاصدقاء فمع كبر العمر و التجارب و زيادة النضج رح تكتشفي انو الاصدقاء مو بالعدد لا , الاصدقاء بالمواقف , فما عاد رح يهمك كم عدد الاصدقاء بحياتك فلما تكبري و كان عندك صديق وفي واحد بس رح تحمدي ربك و تشكريه و هالشي صدقيني اول خطوة للنضج , من وجهة نظري الاشخاص الاجتماعيين النضاجين هدول بكونوا من النوع الي بجامل , اي انو لو ما بجامل ما بكون حواليه كل هالاصدقاء و هالشي مو خطأ , انا بشوفو نوع من انواع قوة الشخصية للأسف انا افتقرها , فالي عم حاول احكيه انو حتى الاجتماعي الناضج عندو صديق او صديقين بالكتير بكونوا وفيين والي بثق فيهم من بين كل الناس الي بيعرفهم و هالشي ما بخليه مستثنى من قاعدة النضج

اما عدم الانجذاب الى الاهتمامات السابقة هي اهم مؤشر للشخص انو عم ينضج و هالشي شايفتو ايجابي مو سلبي , انا بشوفو سلبي من ناحية وحدة لما الشخص يٌرغم على ترك ما احبه , مو انو يتركو من نفسو بدون ما حدا يجبرو او ظروف خارجة عن استطاعته .

مثلا: حب القهوة , في بعض الاشخاص قبل ما كانوا يحبوا القهوة و حبوها لما كبروا بالعمر وفي بعض الناس قبل كانوا يحبوا السكريات نفس الشوكولا و لما كبروا صاروا يحبوا الموالح اكتر

ومن امثلة الاهتمامات الي الشخص بكون مٌرغم انو يتركا و الي هي بطبيعتها بتكون سلبية نفس مثلا لما حب الرسم و مالاقي تشجيع من عيلتي او من المجتمع الي انا فيه و اضطر اني اتركو مشان اتماشى مع المجتمع الي عايشة فيه .

فلما يكون تغير الاهتمامات ايجابي فهي اشارة على النضج الصحيح
​

ظنا منهم ان تغيرهم جعلهم بمقام أعلى من الآخرين
أهم ما سببته هذه الصفة للمجتمع هي فقدان الأشخاص المقربين و الذين اعتادو على صفاتك السابقة قبل ان تنضج​

بالعكس الناضجين مو انو بحسوا نفسهم اعلى , بس لما احكي مع حدا مو بنفس نضوجي بحس بملل , و نفور , وهالشي انا بحكيه و بعترف فيه , انو كان عندي رفقات قبل و لما اتذكر كيف كنت اطلع معهم و ادخل و احكي معن بحكي بستغرب من حالي , لان لو هلأ اجوني مستحيل اني ميل عليهم , طبعا انا بحكي عن رفقات العاديين مو البيست , البيست فريندز بيختلفوا , فهل شي مو يعني اني شايفة حالي عليهم لاني نضجت , بس طريقة تفكيري بتختلف عنهم , وممكن اختلاف التفكير يسبب الاشمإزاز في بعض الاحيان و النفور ( حتى لو كان الشخص بنفس عمرك ) فما بالك بشخص مانو ناضج لسا ؟ فهون الناضجين بيتجنبوا هالفئة مو غروراَ منهم بس بالمختصر انهم مو جوهم ولا طريقة تفكيرهم

اما الاشخاص المقربين و البيست فريندز فلا ما اعتقد , لأن مهما صار فالعشرة ما بتهون , بعرف وحدة هية رفيقتي الروح بالروح , ومع هيك ما قطعت علاقتي فيها لاني نضجت , نفس ما حكيت العشرة ما بتهون بتضل رفيقتي الروح بالروح ووقفت معي بالحلوة و المرة على الرغم من اختلاف تفكيرها و هي صغيرة بالعمر كمان . و عندي كتير اصدقاء نفس الشي , انا بمشي مع هالمثل العشرة ما بتهون و بحبن كتير , اما الاشخاص الجداد فبطبق عليهم هالشي اني انا اتجنبهم اذا ما كان تفكيرهم قريب من تفكيري و نضجي .

اما الصديق العزيز الي شافني تغيرت بعد ما نضجت فهاد لا يعتبر صديق عزيز لأن الصديق العزيز رح يشجع تغيرك لان اكيد للأحسن و عندي صديق عزيز ولا مرة حكالي اني تغيرت مع اني متأكدة اني تغيرت .


اخر شي , النضج الو مراحل و مستويات , و أغلب النضج بكون نضج ايجابي لأن مهما كان انو الواحد يفكر بشي قبل ما يسويه يعتبر نضج و انو يخطط للمستقبل يعتبر نضج , انو يحب او يكره شي قبل ما كان يحبو او يكرهو يعتبر نضج , و النضج السلبي يعتمد ع الشخص نفسو بطريقة رؤيته للحياة وللأشياء .

و النضج الي بيكتسب مع العمر و هاد يكون النضج العادي الي بمروا فيه اغلب الناس , و لهل الشي منلاقي في ناس صغيرة بالعمر بس ناضجة اكتر من ناس اكبر منها و هالشي بسبب انهم مروا بأشياء بعض الناس ما مرت فيها و هن بعمر صغير , فهالنضج بشوفو اقوا من النضج العادي الي بيجي مع العمر و بشوفو مميز كمان . و كتير كنت قابل اشخاص صغار بالعمر بس ما شاء الله ناضجين اكتر مني فكنت كتير انجذب لهل الفئة و كنت ولازلت حسها مميزة .

و الناضج بطبيعة حالو اذا كان ايجابي المفروض مايشوف حالو اعلى مرتبة من باقي الناس لأن النضج بشوفو فتح العقل و آفاق التفكير و هالشي مستحيل يؤدي على التكبر و الغرور الا اذا كان سلبي .


شكرا لهل الموضوع القيم استمتعت فيه و بالكتابة


​

 

[رايدون]

هاي مونو أول ستاي عرفتها في التون.

إسمك مونو ولا غلطانة؟.

خَص بصير أدلعك مومو شرايك أحسه مناسب لك.

برأيي الشخصي هو أنو النضج شي حلو لأن يدل على أن الشخص كبر وصار يفكر بجدية

وهو التغيرات اللي تطرأ نتيجة النمو والتطور الداخلي

وكمان تدل على أنو الشخص وصل لمرحلة الإستقرار النفسي بحيث يكون الشخص

مايكون طفولي وكلامه جاد كمان

+واصلي بتقديم مواضيع كهذه لأني حرفياً أحببت الفكرة


​

 

[~GO~]

..

السلام عليكم ورحمة الله وبركاته ..

هلا فيك و يعطيك العافيه على طرح نقاش خفيف و جميل ..

بالنسبه لي الانسان حتى اخر يوم من حياته لا يتوقف عن النضج كل يوم سيتعلم و يتعلم و يمر بمواقف

و تجارب حتى آخر يوم في حياته ، نعم قد يحصل على التجربه و الخبره جراء بعض المواقف المتكرره في حياته

لكن يبقى هناك أشياء قد لا يمر بها لا مره كل 60 سنه مثلا ، حتى كبار السن يستمروا في التعلم و التعرض للتجارب

قد نقول عنها نضج مستمر ، لكن كلما ظننت أنك نضجت ستتعلم مع الوقت انك لم تنضج و ما زلت بحاجه للكثير

و هكذا حتى تصل اجسادنا الى القبور ..

وجهة نظر شخصية قد تكون صحيحة او خاطئة او قد تتغير رؤيتي لها مع الوقت او قد تبقى ثابته .​

 

[A S T E R]

شكرًا لردك المُميز
- H e R o
​

السلام عليكم ورحمة الله وبركاته



كيف حالك خيتو مونو ؟

ان شاء الله تمام التمام ؟

نورت يا حب بطلتك بالمنتدى ،
بتذكر إني قرأت وقلت بدي أرد ولكنني سحبت عالقسم وعالمنتدى ،
جد بعتذر على ذلك ، ولكن الظروف

المهم نيجي لموضوع نقاشك الجميل وهو النضج ،

أكيد الإنسان كل ما كبر بنضج أكثر ،
التقدم في العمر والمرور في تجارب كثيرة تجعل الإنسان يتغير في عقليته ونفسيته ونظرته تجاه الأمور والتجارب هي من تصقل هذه الشخصية وتكونها وتكون القناعات لدى كل شخص ، فعندما يمر الإنسان بانتكاسة مرضية مثلاً ويخرج منها سليم معافى ،
هذه التجربة بحد ذاتها تغير فيه الكثير وتجعله ينضج ويتغير ،
وبرأيي لن يحس به أحد وكما قلت سيرون أنه تغير عليهم ن مع أن الصاحب أو الصديق (الصح) يجب أن يتفهم تغير شخص آخر ،
كما قالت @Selene لأنه طبيعي جداً أن نتغير وتتغير أذواقنا في كثير من الأمور ،

وكذلك كما ذكرت بيبي (حكيت كل شي بدي احكيه بيبي ههههه ) تجربة العلم تجربة الزواج تجربة مشروع عمل تجربة الغربة ،
وغيرها من هذه التجارب تساهم في نضج الإنسان وتغيره ،
ولكنني لا أحب النضج السلبي ، أي أن أترفع عن غيري كما قلت لأنني أحسست نفسي بأنني نضجت ،
نبقي علاقاتنا كلها ولكن في حدود ، هكذا أنا افعل وهذا هو رأيي ،
يعني بصراحة البيست فريند عندي من 15 سنة أتواصل معها كل فترة بعيدة ،
نتكلم ونفضفض لبعضنا ونستقبل بعض بحب ولا نعاتب بعضنا ، بقية المعارف علاقات عادية واقل كلام ،
لانها تولدت عندي قناعة مثلاً بأن كثرة الكلام مع الناس تولد المشاكل ، وهي عن تجربة ،
خاصة بعد زواجي وأنجبت ،
فتجربة الزواج جعلتني انضج كثيراً ولكنني لا اتغير عن محبتي لمن حولي واحافظ على علاقتي بهم بحدود والحمد لله أحس بأن كل معارفي مثلي أيضاً.

وكل ما كبرنا كل ما نتعلم اكثر وننضج أكثر ،
ولن نتوقف عن التعلم من الحياة إلى أن نموت كما قالت جو ،
وعلينا نحن كمسلمين أن نبقى على اتصال بالله والقراءة والتزود من سير الرسول او الصحابة او أي كتب اخرى ونتثقف حتى نتعلم أكثر ونصقل شخصياتنا اكثر لنكون قدوة للأصغر منا .

يعطيك العافية حبيبتي على طرحك الجميل والممتع

سلمت يداك ، تنسيك حلو ومرتب والطقم نايس

في انتظار طلتك كمان مرة

في امان الله​

 

[Tiger]

موضوع لفت انتباهي لاهميته واختصر كلامي واقول
ان يتولى الفرد زمام اموره وان لا يتهرب من مسؤولياته ان له فكر مستقل بحيث لا يتاثر بافكار قد تأرجح حياته وتسبب له متاعب ، متزن الانفعال يتعامل بحكمة وصبر ويترفع عن صغائر الامور .

 

[UtagawaAki]

I love how this thread shows us the harsh realities and the way we can mature. I think maturity is a really nice thing and it's really nice for people to learn more about it. For me, personally, maturity is the ability to handle complex problems without ever having to be buried in the burden we feel. For example, one of the things that teach us how to mature is when we tend to realize that people really come and go in our lives whether we like it or not.

 

[River]

شٌكرا لردك المٌميز - Selene - 27.4.21

السلام عليكم و رحمة الله و بركاته
أحسنتِ اختيار هذا الموضوع الذي لعله يواجه العديد من وجهات النظر، كلٌ و منظوره الخاص!
بالنسبة لرأيكِ الشخصي، فأنا أراه جزءًا من النضج و ليس هو بحد ذاته، كما و قد يتوفر أثناء نضوج الفرد و قد لا يفعل .. فقد نجد شخص ذو فكر ناضج و قرارات سليمة، و لكن لازال لديه حس الدعابة، و حين تراه لن يبدو عليه أنه بتلك الجدّية في كثير من المواقف، و قد نجد شخص آخر يمر بهذه المرحلة لكن لا تتغير اهتماماته، و لربما سيغدو اكثر اهتمامًا بها!
كذلك النضج هي نتيجة أو مرحلة و ليست قرار، لا يمكننا أن نمر بها حين نريد أو نقرر ذلك، و قد نمر بها و لا ندرك ذلك حتى!
أيضًا أرى أنه أمر نسبي، فقد أجد أن هنالك شخص من وجهة نظري ناضج الفكر، لكن قد لا يراه الآخر كذلك، كلٌ حسب مبادئه الخاصة، و التي قد تختلف كثيرًا من شخص لآخر حسب بيئته التي نشأ فيها أو عائلته أو تقاليده أو دينه أو شخصيته ...
و آخر نقطة أود التطرق لها هي أن النضج بمعناه الكامل - كما تحدث أحدهم في الردود - لا يكون إلا بالتدريج، و كذلك سيبقى الانسان يرتقي سلم النضوج الى آخر عمره بمجرد أن يبدأ، و بدايته قد تتفاوت من شخص لآخر حسب تجاربه ..

كانت هذه مجرد وجهة نظر في النهاية، سُعدت لكوني قد دخلت هذا الموضوع اللطيف
دمتِ في أمان الله.