مدونة متألقة في مٌحادثة عميقة مع " الفوضى _ (3 زائر)

[خَوْد]

-

​

 

[خَوْد]

-




الحمد الله
الحمد الله
الحمد الله

دائماَ و أبداَ
05.10.2024
​

 

[خَوْد]

-



رحلتي من ...

تصاميم الفوتوشوب

الى

تصاميم الباوربوينت

 

[خَوْد]

-



انا بحمد ربي اني لقيت وقت ادخل و اكتب هالتدوينة
بس ما تخيلت ولو لجزء من الثانية اني مارح لاقي وقت لحك راسي

حرفياَ ما عاد عندي وقت لشوف اهلي حتى الجم ماعندي وقت روحلو

و طاقتي عم تخلص بنص اليوم, حتى قبل عمري ما قيللت الضهر لاني

تعبانة هلأ صرت قيلل الضهر و انو مو قيلولة عادية لا انو يغمى علي
من التعب

والله صعب صعب كل شي صعب بس عم حاول الحق كل شي اول بأول

شفتو عندي اخر فصفوصة طاقة عندي رح حطا كلا بهل الفرصة الي انفتحتلي

صح صعبة و التخصص عم يمسح فيني الارض مو بس ذهابا و ايابا حتى ورباَ وشمالاَ

بس انا لها

لما اخدت قرار الانسحاب والله قلت دلل حالي شوي بالوقت طلع الحمد الله اني انسحبت
لك من اسبوعين مبلشة و هلأ لقدرت حك راسي و فكر اني افتح التون

بموووت والله بموووت

ادعولي انجح بالي عم اعملو كل شي علي جديد

 

[خَوْد]

-



اكتر شي كرهتو بجو الجامعة انو حرفياَ كل المسجلين كبلات
يعني مستحيل تشوف حدا لحالو

قصدي لازم يكون بنتين مع بعض مو قصدي انو مرتبطين

يعني انا مابعرف حدا عادي ضل لحالي ولا حدا يحاول يدخلني مجموعتو

ما الكل عامل كبل مع حدا تاني

و بتشوفوهم كلهم مسجلين بنفس المواد مشان ما يضلوا لحالن

الا انا هههههههههههههههههههههههههههههههههه

طبعاَ انا مبسوطة لأني تعرفت ع بنوتة امورة و نقلت موادا لنفس موادي مشان
ما نضل لحالنا ( حتى هي لحالا )

حرفياَ هالجامعة ما بتمشي و انا لحالي لأن كلما دق الكوس بالجرة
الدكتورة بتنزل فعالية جماعية ولازم بمجموعة على الاقل شخصين

يعني مو مشكلة الواحد يحس حالو غبي ومو فاهم السؤال بس مو يكون لحالو
يكون تنيناتنا اهون والله ههههههههههههه

 

[خَوْد]

-



المهم عندي بريزينتيشن يوم الاربعاء ( والله هن ما عندي يلا نحمي )

و الحلو بالموضوع اني اخدت ثيم logo and redesign على الاقل الثيم سهل و متداول بكثرة

بس رح قدمو بالالماني عاد عنجد الله يستر ههههههههههههههههههههههه

الجانب الايجابي لو انحشكت و ماعرفت شو احكي رح ارتجل لان الثيم عندي خبرة فيه

و بالنسبة للغة والله قد ما كانت واو ما بطلع شي قدام الطلاب الي مولودين و هي لغتن الام

بيحكوا فريرة و سريعين بحس اني عنجد غبية قدامن

بس رح اطلع برا دائرة الراحة لان مافي مجال ولو 1% اني ضل فيها بهل الجامعة ...

 

[خَوْد]

-





بصراحة , على اد ما عم اتعمق باللغة الالمانية على قد ماعم اتعلق باللغة العربية و عم اشتاق اني احكيها
عم صير حب اتعمق بهل اللغة اكتر من لما كنت بدولة عربية

يمكن السبب هو انعدام ممارستي الها عم يسبب شوق مو طبيعي الها !

هي اول مرة بختار اسم من اعماق اللغة و معناه حلو

مع اني ترددت كتير اني اختار هيك اسم , متعودة ع الانجليزي و معانيه

بس مبسوطة انو الامور راحت لصالح لغتي الام

-

احلى شي و الي حسيت فيه بالفخر بصراحة انو لما كنا بمادة من مواد الجامعة
الدكتورة ذكرت لغتنا كمثال للأشخاص الي بيقروا من اليمين لليسار و انو هدول
بتكون طريقة تفكيرهم مختلفة عن الاشخاص الي ما بيعرفوا يقروا الا من اليسار لليمين

و واحد من الصف ( روسي الجنسية ) بالرغم من صعوبة لغتو الا انو حكالي مندهش :
انتي بتحكي عربي ؟ مانها لغة صعبة ؟

كون انو هو بشوف احرفنا متل ما نحن منشوف احرف الصينين و اليابانيين غريبة

مع انو كمان احرف لغتو مو هينة انا بشوفها كأنها زخرفة احرف انجليزية

بس و مع هيك انبهر اني بحكي عربي و اني متعلمتا كونا لغة صعبة

عنجد بحب لغتي و ما حسيت بهل الاحساس من قبل , احساس الفخر و الحب العظيم لهل اللغة العظيمة

​

 

[خَوْد]

-




اليوم و مع سياق الحديث بين امي و اخي
كنت عم احكي لاخي اخر اخباري و هيك و حكيتلو اني كنت عم قدم ع شغل
و اختي الصغيرة كانت عم تساعدني

و ذكرت الها اني ما بدي شغل فيه احتكاك كتير مع الناس كون اني مابحب احتك مع الناس
( ذكرتها ع اساس انها سلبية مو ايجابية للأمانة )

بس هو حكالي لا منيح انك عملتي هيك لأن الاحتكاك كتير بالعالم يعني نقول لما شغل يكون فيه
احتكاك اكتر من 80% مع العالم مو منيح

حكالي العالم مليانة امراض نفسية و نصن مو متربين و متعالين ف بتكوني انتي سليمة و بتبلي مع هالناس

متل شغل ككرسون الي بقابل 400 شخص باليوم على الاقل

انا شفت الرقم انصدمت حكيتلو معقول في ناس بتقدر تقابل و تتعامل مع 400 شخص باليوم
حكالي اي و ضربلي الكرسون كمثال و عنجد يعني تخيلوا لو نصن اجا منن مرضى نفسيين و بدن
يطلعوا امراضن علينا مصيبة

ف اليوم حسيت اني بنعمة كوني ما بحب احتك مع كتير ناس طلعت خيرة و ما كنت بعرف

​