مدونة راقية في مٌحادثة عميقة مع " الفوضى _ (7 زائر)

[Selene]

-




أنا التي ينطوي العالم بين سبّابتها وإبهامها ،
أنتظر المغفرة مثلُ بكاء فقيد ،
مثلُ شظية العقُ عنها سخمَها .
أغوي قُمصانك بأصابعي وأبكي ،
لأني في الصباح الباكر
علي أن امسح وجهك عن عُمري
وآثار الليلة الماضية . أخاف ،
أخاف حينما يمسّ يدي العِصيان ،
أخاف العجز ، والقطط المُلقاة
على أرضيات الشوارع وهي ميّتة .
أخافُ عليك ، وأتكلمُ مع الله ليحميك .
أخافُ ألا استطيع كتابةُ شيءٌ آخر
بنفس الخوف الذي أبرع فيه بكتابة
رسائلي ، أخاف من أن يأتي نهار ولا
أستطيع النظر إليك .
أُنظر الي ،
لا أخاف من الموت ، لكن اخاف من الحرب
ومن شكل الأذرُع المبتورة . أخافُ الأشياء
الغريبة ، أصوات الأماكن الهادئة ، أن يكون
للصوت ظل لا أعرفه ، أخاف من الأطفال
ومن بُكائهم ومن فِكرة أن أكون أُماً .
لكن أتعلم ؟ أكثر شيء أخاف منه
أن يأتي يوماً ولا أستطيع الإختباء بين يديك .
أخاف من أن أُغني في اليوم الثاني للحسرة
بصوتٍ حزين ، أننا لن نكون معاً .​

 

[Selene]

-




مع مرور الايام و السنين و اكتساب الخبرات من التجارب الحياتية
و مع نضج الوعي , اكتشفت لما الواحد يكون Lowkey هو كنز بهل الوقت

فيني اعطيها مرادفات نفس الخصوصية الشخصية , ومحدا يعرف عنك شي
تخيل لما كون بوسائل التواصل الإجتماعي و محدا بيعرف عني شي ؟
الا القريبين مني طبعاَ , بس قصدي ان محدا من العلن بيعرف الأفكار الي بنشرا
الاشياء الي بحبها , مغامراتي, ايامي الايجابية و السعيدة و روتين حياتي اليومي
كيف شكلي ؟ بس بيعرف طريقة تفكيري من خلال تعليقي على المنشورات .

متخيل اديش هالشي قوة ؟ قوة لما ما حدا يعرف عني شي . مجرد اني لما اطلع اتمشى
و صور و انشرها ستوري اني تمشيت مثلاَ ليه لشخص مجهول يعرف اني طلعت اتمشى
و انا ما اعرف بالمقام الاول مين هالشخص و ما اعرف شو عم يعمل بروتينو اليومي ؟

ان كان هو او هي ما بتفرق , بضل مجهول

الأشياء الي بحبها ما عدت انشرها للعلن , و كتير شغلات حتى لأشخاصي المقربين ما عدت انشر
عم حب احتفظ فيها لنفسي , مع ان اشخاصي المقربين كتير بحبن و بحب انشر يومياتي معن
بس صرت حب يكون في شي لنفسي , فهمتوا علي كيف ؟ هيك احساس انو في شي خاص
فيني محدا بيعرف عنو غيري عم يكون احساس حلو . ماعدت حب حتى بعض الاشياء انشرها
لأشخاصي المفضلين .

لما كون مبسوطة و نزل بوست اني مبسوطة فيه ما عدت انشرو على العام بس لناس معينين
وكتييير معينين .

شي منو للعين ؟ شي منو انو كيف بكون احساسي لما حدا ما بعرفو ان كان ( هو او هي ) يشوفوا
اي بوستات خاصة لنفسي و كتير منهم ما بيعملوا اعجاب يعني انا ما بعرف بالاساس مين الي بشوف ؟
شي جداَ مرعب لما صرت فكر فيه , و قبل يعني كنت كتير انشر روتيني اليومي بالكامل , هي الفكرة
بحد ذاتها صارت مرعبة , لما اي حدا يعرف اخباري و انا ما اعرف اي شي عن الي بيعرف اخباري

حتى لو صورت بس كوب قهوة بدون ما بين اي شي , ليه ليعرف اني عم اشرب قهوة و انا مابعرف هو
شو عم يعمل ؟

الخصوصية شي كتير حلو و قوة , حتى هون مثلاَ كمدونة , اد ما كانت منفتحة على الاراء
و محدا بيتدخل بالتاني , في كتير شغلات نفسي اكتبا هون و ما بقدر, مالا علاقا بشغلات مالا
طعمة بس هيك بحس ما خرج تنشر هون .

لأن نفس نظام وسائل تواصل الاجتماعي, في كتير عقليات و أعمار مختلفة , انا ليه انشر
شي خاص فيني و يكون بدي نصيحة انشرها هيك للعلن مع وجود عقليات و اعمار
مختلفة حتى من ثقافات اجتماعية مختلفة و انا عارفة اني فيني ببساطة اني ابعت لشخص
معين هالشغلة الي بحس انو تفكيرو قريب من تفكيري , او بكون تفكيرو مختلف بس ناضج
كفاية ليفهم مشكلتي .

بدليل قبل كنت انشر مشاكلي و كانت تجيني ردود ع الخاص ابدا ما ساعدتني
يعني كنت حس اني انا بوادي و هداك الشخص بوادي تاني و كتير من المرات
اتضايق من رد هالشخص على تدوينتي مع اني بعرف انو ما قصدو بس هو هيك
تفكيرو , و المشكلة بالاساس مني ليه بالمقام الاول انشر مشكلتي على العلن ؟

-

StoryTelling الها علاقة بالموضوع

هالحكي بمنتدى تاني , مرة كتبت اني نفسي اشتري حذاء بمبلغ و قدره ( كان غالي )
و حلمي امتلك هالحذاء , مع ان اغلب الاشخاص ان ما صرفوا فلوسهم على حذاء
رح يصرفوه على شي تاني هن بحبوه بس الزبدة انهم رح يصرفوا هالفلوس
على شي نفسهم فيه قد ما كان غالي !

ف اجا شخص و انتقد تدوينتي انتقاد عنجد قليل ذوق و بين انو هو الفهمان
و العاقل يعني , انو مين هاد الواعي الي بيصرف هيك مبلغ ع حذاء

ماهي المشكلة مو بالحذاء لا ههههه المشكلة انك شايفو بس حذاء
عادي انت تجي تنشر شي كتير نفسك تشتريه و غالي و انا بشوفو
سخيف لانو مو من اهتمامي انا شو منظري اجي لعندك و حجم عقلك ؟
بس لأنك بتتمنى تمتلك شي معين و غالي . بالاخير كلنا منتمنا نمتلك
شغلات معينة غالية و ما منقدر

و كتير امثلة , مابحب ابداَ قلل من الشغلات الي بحبها اي شخص
قد ما كانت تافهة بنظري , هو شايفها كل شي و هالشي بكفي !

- ف تخيلوا اعزائي القراء , ان هيك رد اجاني على تدوينة جداَ عادية
صح كان كتير واضح اختلاف الثقاقة الاجتماعية و الثقافية و حتى التفكير

فما بلكم من نشر مشكلة خاصة كتير بشخص ع العلن , متخيلين كمية
الاراء الي ممكن تضر هالشخص اكتر من ما تفيدو ؟ -

-

حتى الفضفضات الي كنت اكتبا , مابعرف كيف كنت اكتبا هههههههه هلأ لو برجع و بقرأ
تدويناتي القديمة و الله بقول ببالي مين هي الهبلة معقول انا ؟ هههههههه

اي مرة قرأت سطر من اقوال الدحيح , بيحكي فيها , لما تتذكر افعالك القديمة و تضحك
انبسط عزيزي فهاد دليل على نضجك

هلأ انبسطت على هالحكي و كل شي بس ليه لحتى شوف او اتذكر افكاري القديمة
و طريقة حكيي ؟ وكيف كنت انشر كل شي ع العلن

المهم ما علينا ؟ الخصوصية طلعت شي كتير حلو , احلا من هيك انو لما بدك تحكي
اي شي و حدا بدو يهاجمك ما عندو شي يهاجمك فيه الا تفكيرك و هاد المطلوب

يعني المرضى النفسيين والله بيتركوا كل شي انت كتبتوا من افكار و بيجي ينتقد صورتك
يومياتك ماهو مريض بدو اي شي ينتقدو فلما مخو الصغنون ما بيقدر يجاري اسلوبك بالنقاش
و يبادلك بافكارو الي هي بالاساس ما بتكون موجودة مع هالنوعية من الاشخاص ف بيجي ينتقدك
انت كشكل و الي بتنزلو

So
Lowkey is a key





​

 

[Selene]

-




انبسطت ان الخلفيات رجعت
بس ما بعرف ليه حسيتها فخ ؟

لما سكاي حكا : انو رح يجربها فترة لو شاف انها ما زبطت رح يلغيها

و انا كرهت هالقصص, من وقت ما انلغى مركز التون اول مرة كل مواضيعي
خربت , و فكرة اني رجعها كتير متعب لأن المواضيع القصيرة الي عندي بتنعد
ع الاصابع هاد غير انو في كتير مواضيع ما ارشفتها عندي ع اللاب

و ماخطر ببالي حتى انو مركز التون ينلغى و هو المفروض انو يعتبر عامود
من عواميد التون , يعني قال تركت المراكز الغريبة و شديت ضهري بمركز
التون قام هاد الي خون فيني

ما رح حول ع الخلفيات, صح رح يروح علي المتعة الكاملة بتنسيق المواضيع
بس انا بتطلع لبعد 10 خطوات مو لبكرا , ما بتخيل ابدا اشتغل ع موضوع طويل
و يكون تنسيقو بخلفية اخر شي تنلغى رح يصير بالضبط نفس ما صار معي
لما انلغى مركز التون

شوفوا صار عندي مشاكل بالثقة هلأ ممكن استنى سنة من هلأ اذا
سكاي ما لغاها بلكي بقرر اعمل موضوع بخلفية بس كمان صرت خاف
من قرارات سكاي الفجائية هي

ومحدا اكلها غير الي مواضيعهم طويلة

النا الله​

 

[Selene]

فعالية الإسبوع ³

متى اخر مرة تركت هاتفك والحاسوب والتسلية الخاصة بهم ثم انغمست في لعبة شعبية مع من حولك؟
اذكر لنا احد الالعاب الشعبية التي تحب اللعب بها مع اصحابك واخوتك
مثلاً لعب ورق، او داما - طاولة زهر او حتى تحديات مجنونة وغناء وهيك...
موقف طريف او شرح عشان يناسب نمط تدوينة ممتعة


تبدأ الفعالية الأسبوعية بتاريخ 14/2 وتنتهي بتاريخ 21/2

​

بعرف ان الفعالية خلصت , بس حبيت شارك

لعبة اسمها tumble tower game



اللعبة هي بعد ما لعبتها اكتشفت انها 100% لعبة بتخص الي مهتمين بالفيزيا
لأن عنجد اللعبة بتوصل لمرحلة بدك تعرف بالتوازن لان اي حجر او حركة خطأ بتعملا
رح يوقع البرج بالي فيه

قوانين اللعبة بسيطة , لما بدي شيل بلاطة و حطها فوق بأول البرج ما بصير اني حطها بالنص ( اذا كانت اول بلاطة )
اما اذا كان في بلاطة وحدة بأول البرج عادي اني حط تاني بلاطة بالنص او ع الطرف انا مٌخيرة

السبب بسيط و اكتشفتو بعد ما لعبتا كذا مرة ان لما ما يكون في ولا بلاطة فوق و تشيل بلاطة من تحت و تحطها
اول البرج على الطرف كتييير صعب و محتاج خفة ايد و توازن عكس لما تحطها من الاول لحالها بالنص

وهاد قانونها الوحيد , و في خدعة تعملا لتعرف اي بلاطة تسحب من تحت , طبعاَ مو اي بلاطة تسحبها , بتجيب اصبعك
و تصير تخبط هيك شي كتيير بسيط و خفيف على بلاطة حاتط عينك عليها اذا شفتها ما تزحزحت شوي لبرا و ماسكة باختها
ف مو هي البلاطة المناسبة .
بتقوم بتجرب بالي بعدا لتلاقي بلاطة تزحزحت شوي , هي بتضل تضربا بشكل كتير خفيف و مو بالضرورة ضربات
متتالية , انت بتقيم الوضع عندك اذا البرج بيتحمل تضربها ع الخفيف ضربات متتالية او ضربة خفيفة و تستنى و ضربة خفيفة و تستنى
المهم بالنهاية رح تضل تضربا بشكل كتير خفيف لتطلع برا العامود لتقدر تسحبا بإيدك , حتى هي السحبة الها مهارة , و لازم تنسحب
شوي شوي ولا العامود كلو بيوقع

الي بضحك بهل اللعبة لما تنلعب مع عدد اشخاص كتار , بحيث انك تتقصد تشيل بلاطة معينة , لو انشالت الي بعدك رح يكون بمشكلة
لان البلاطة الي شلتا رح تخلي توازن البرج كتير صعب للي بعدك

لعبة جماعية حلوة و محتاجة خفة ايد و ذكاء بإختيار البلاطات

و بصراحة اخر شي البرج ممكن يوصل لمرحلة عنجد هون بحكي بدو واحد فاهم بالفيزيا و التوازن لان كنت استغرب كيف لهلأ ما وقع
و هو بكون كلو واقف على بلاطة وحدة من تحت

الي بالفديو كتيير صغيرة , الي جبناها كان فيها 60 بلاطة بطول 50 سم و بيوصل طولا
باللعب لفوق ال 90 سم عنجد بالاخير صرنا نوقف و شي نطلع ع الكرسي لنوصل فوق
لان لعبناها ع الطاولة , الكبيرة احلا و فيا اكشن لما البرج يوقع عنجد لو ما كان الواحد
منتبه انو رح يوقع الصوت بخوف

الي بدو يجيبا اسما tumble tower game​

 

[Selene]

-




هذه خريطة ألمانيا. بالأمس، شهدت البلاد انتخابات تاريخية، حيث
سجلت نسبة المشاركة الأعلى في تاريخها، إذ بلغت 84%.

المناطق المظللة بالأزرق تمثل ألمانيا الشرقية السابقة، التي كانت جزءًا من
المعسكر الشيوعي. اللافت في نتائج الانتخابات أن حزب AFD اليميني
المتطرف حقق تفوقًا واضحًا في هذه المناطق، مما يعيد إلى الأذهان
فكرة أن ألمانيا، رغم مرور 35 عامًا على سقوط جدار برلين، لا تزال
مقسمة فكريًا بين شرق وغرب. فالجدار سقط جغرافيًا، لكنه ظل متجذرًا
في العقول، خاصة في الشرق.

السبب الرئيسي وراء صعود اليمين المتطرف هو أزمة اللجوء، بالإضافة
إلى بعض حالات العنف ((الفردية))!! التي ارتكبها قلة قليلة من اللاجئين
والتي عززت مشاعر الخوف والانغلاق والتطرف بين المواطنين.

وهنا يبرز تساؤل مهم: إذا كان مجتمع متعلم، منفتح، ينعم برفاهية
اقتصادية، ويعيش في ظل ديمقراطية مستقرة، قد انجرّ نحو التطرف
بسبب هذه الحالات (((الفردية)))!، فكيف يمكن لمجتمع مثل المجتمع
السوري، الذي يعاني من الفقر والتخلف السياسي والاجتماعي،
أن ينفتح على حكومة جديدة؟ وكم من الوقت نحتاج لإسقاط فكر
البعث والأسد من عقولنا؟

إن بناء سوريا الجديدة ليس مجرد إسقاط الاسد جغرافيًا، بل هو
معركة فكرية عميقة تتطلب جهدًا ونقدًا متواصلًا لإعادة تشكيل الوعي
الجمعي للسوريين. الأسد قد سقط سياسيًا، لكن سقوطه فكريًا
هو التحدي الأكبر.

والأكبر من التحدي الأكبر هو التصدي للحالات الفردية لتأثيرها
بالوعي الجمعي .​

 

[Selene]

-




نصيحة مجربة

لما بدكن تحجزوا لسفرة , لا تحجزوا موعد كتير قريب يعني بعد اسبوع مثلاَ او 2
خلوا الحجز قد ما تقدروا بعيد شهر و اكتر

السبب

لأنكم رح تكونوا بهايب Hype السفرة من وقت الحجز لتخلص السفرة متخيلين اديش رح تضلوا متحمسين ؟

و اكتشفت من بعد عدة مرات حجزت و سافرت فيها , اني بكون مبسوطة قبل السفرة و هيك بكون متحمسة
و بجهز ع راحتي و بتفنن بكل شي و بكون مزاجي رايق اكتر من ما كون بالسفرة نفسها

ف صرت حب كتير احجز قبل بمدة طويلة لأن هالشي بخليني انجز كتير و يكون عندي طاقة مو طبيعية

ف استغلوا جو السفرة حتى قبل ما تسافروا , استنزفوا كل ثانية منها
​

 

[Selene]

-



من فترة اشتريت برواز صور ع شكل مربع فيه نموذج ل 11 صورة يتعلقوا
و هالبرواز بيتعلق ع الحيط

ف بما انو صوري مع العيلة و مغامراتي كتيرة ما رح يكفوا 11 صورة

ففكرت ليه ما اعمل من كل صورة ( كولاج ) اي حط كذا صورة بنفس الصورة

طبعاَ بتصميم حلو و هيك

و فتحت كانفا و كانت تاني مرة بستخدم كانفا , كوني بستخدم لبفوتو فما كنت فكر استخدم هالموقع مع
اني سمعت كتييييير عنو بس خلص دام عندي الفوتو ليه لفكر ببدائل ؟

ف انصدمت من كمية القوالب الجاهزة المجانية و غير المجانية الي فيه و كل قالب احلى من التاني

و اذ بعمل 10 قوالب صور و جهزت الصور و كل شي و طلعوا شلللل من جمالهم

وين هالموقع عني من زماااااااان !!!

و هلأ كتييير متحمسة اطبعهم ,

والله لو ما صوري و مع العيلة كنت نشرت نتائج القوالب بس للأسف
في صور غبيية و بتضحك

و لو تعرفوا من متى بدي اشتري هالقالب او البرواز من شهور و كل شهر بحكي يلا الشهر الي بعدو

لحتى الله كرمني و اشتريتو



​

 

[Selene]

-





قرأت من فترة مقولة :


girlhood is realising the "i hate pink” phase was never actually about pink

ما بعرف كيف صيغ الكلام بس رح حاول ..

وانا وصغيرة يعني بالمراهقة حتى لأواخر العشرين
حتى لكون واضحة اكتر لليوم الي تعرفت فيه على شخص معين

كنت ما طيق الون الوردي بالرغم من انو عندي اقتناع تام انو كل لون الو جماله الخاص و لازم يكون عندي هيك قناعة كوني بحب الفن

بس كنت اكرهو وحسو لون مايع ابدا ما بيلبق ع شخصيتي
اوك مرت فترة من الفترات حتى اكرهو ع البنات بس اواخر العشرينات صرت حبو ع غيري بس علي لا

يعني ما كنت اتخيل اقتني اي شي بهل اللون مشان ما بين مايعة

مابعرف هو انا بحب الازرق ولا حببت حالي فيه بالغصب وانا وصغيرة لان كان لون شبابي ؟ و تحججت بحبي الو انو هو لون هادي وعميق بالرغم من اني ابداً ماني هادية يعني فعلياً مابمثل شخصيتي

المهم، قرأت عن هالنظرية انو لما البنت تبدا تحب اللون الوردي وتحاول تدخلو بروتينها اليومي، ديكور غرفتها ، ممتلكاتها حتى تفكيرها تحول للون الوردي فجأة وبدون اي سبب ف هاد يعني انو جانبها الانثوي تعافى تماماً وصارت تحب نفسها كأنثى كاملة

ف بعد ما تعرفت على هالشخص حببني بحالي مابعرف كيف بس تشافت انوثتي بعد ما تعرفت عليه لان حرفياً بدا حبي للوردي بعد ما تعرفت عليه قرأت انو ممكن انو البنت هي من نفسها توصل لهل التشافي وممكن شخص يوصلها لهل التشافي

ومو قصدي هول من هالشخص بس انو ممكن هالشخص غير شغلات فيني كانت معلقة او محدا قدر يغيرا؟

ممكن لان هالشخص مانو سام ف جانبي المعطوب تعافى

ممكن من الفوبيات الي كانت عندي قبل وراحت بعد ماعرفتو ؟

بس الي متأكدة منو مو من نفسي عالجت حالي

 

[Selene]

-


انا اليوم وبعد كتييييير جدال مع نفسي
و كتير تفكير

اشتريت ال set الكامل من دايسون

- سشوار
- الي بخلي الشعر ستريت و مموج و كيرلي

طبعاً حقو كلية حرفياً و من قبل بدي ياه لان فيه خاصية كتييير بحبا وبتختصر تعب ووقت هو انو بس اعطوا الجهاز خصلة الشعر هو لحالو بيسحبها وبلفها و بضغطة بتنزل

قبل ما كنت فكر كتير جيبو لان شعري كان طولو وسط ماكان يعذبني بالسشوار العادي او اعملو ويفي او حتى كيرلي

بس هلأ ما شاء الله شعري طُوِل بالُحب يا جماعة 🥹
صار لاخر ضهري و حرفياً صار ياخد مني ساعة كاملة لاعملو بالسشوار والي بالضبط بكون ٤٥ دقيقة سشوار و ربع ساعة بالستريتنر مشان يمسك شعري و المصيبة انو بعد كذا ساعة بينفش بعد كل هالتعب

و حرفياً ايدي و كتفي اليمين كتير بصيروا يوجعوا لان الخصلة طويلة و بتضل ايدي لفوق و الشعر تقيل و على شد هيك ٤٥ دقيقة

بحكي لحالي ليه لاتمرن كتاف ها هيو تمرين كتاف

ف قلت خلص هاد وقتو و بنفس الوقت مو بس بيختصر وقت لا وكمان بيحمي الشعر من التلف كون هالمنتج مابيستخدم حرارة عالية بصراحة مافهمت شو تقنيتو بس الي بعرفو مابيستخدم حرارة عالية

وكمان فيه تكنلوجيا اول مرة بشوفا بمنتج خاص للشعر وهو انو لدايسون تطبيق بدخل فيه كل المعلومات عن شعري اذا طويل، سميك او خفيف، اديه صحي وشو حابة اعملو اليوم ؟ ويفي ، ستريت او تنشيف و الجهاز بكون شابكتو ع التطبيق مسبقاً ف من التطبيق و المعلومات الي بدخلا بهيأ الجهاز لهل المعلومات

شفتو شي خرافي هالقد ؟



مع انو لون البنفسي كان اغلى بكم يورو واستغربت ليه
مع ان هاللون كتييييير احلى



جبت هاللون 🥹

 

[Selene]

-



تجربتي لدايسون كالآتي :

اوكي هو بيختصر وقت بس قصة انو مافي تعب ما موجودة مع شعر طويل
ان الواحد اشترى منتج بمليون يورو او بيورو

شعر طويل = في تعب

انتبهت انو الدايسون عبارة عن سشوار يعني مو متل الفير العادي عبارة عن معدن و بيحمى
لا هو عبارة عن سشوار ع شكل فير و هالخاصية الي بتعطي الشعر لمعة و فوليوم عكس الفير العادي

الي الخصلة بتحسوها ملفوفة مزبوط بشكل نوعا ما حاد , لا الدايسون بيعطيكن شكل الشعر الملفوف بس
انو ببين طبيعي اكتر من انو تكون الخصلة حادة

مابعرف لو فهمتوا قصدي

و لأن الدايسون عبارة عن سشوار ف هلأ عرفت ليه ما بتشموا ريحة شويط للشعر

يعني سشوار الدايسون اضعف من السشوار العادي الي عندي بس لأن ( الاكستنشنز ) تبعول
الجهاز الهوا بكون مركز ع الخصلة ف الشعر ما بيحتاج حرارة عالية او قوة ضخ هوا عالية ليمسك

يعني مثلاَ وصلة فرشاه السشوار العادية لدايسون الهوا الساخن بضخ من جواتها عكس السشوار العادي
هيك يعني عنجد ما بتحتاجوا حرارة عالية او حتى ضخ هوا عالي

فكرة ذكية منن

يعني سشوار شعري بإستخدام دايسون صار ياخد 20 دقيقة بدل 25 دقيقة

حبيت نوه انو شعري لآخر ضهري و سميك و التوقيت هاد و هو مبلول مو ناشف

و هو ناشف ما بياخد ربع ساعة

بالنسبة للفير , شفت كتير فديوات بتحكي انو الدايسون بيمسك اكتر مع شعر مصبوع
او ما كتير ناعم , بالنسبة للشعر الناعم او الطبيعي ف قالوا انو حط ع اطواف الخصلة
موس الفوليوم و بعد ما لف شعري بخوا بمثبت و الافضل هي اللفافة الي بكون شلها دائري
لف كل خصلة فيها و بخ عليهم مثبت الشعر ليمسك الويفي ع شعري

يعني انا حطيت الموس و سبري و ما مسك , ف ما في غير جرب اني لف شعري بهل اللفافة
و خليهم فيها و بخ مثبت

بس بشكل عام , الوقت و انا عم سوي شعري ويفي كتيييير قصير
حرفياَ ما بياخد وقت و كتير سهل خاصة مع خاصية سحب خصلة الشعر لحالها

شكل الشعر النهائي كتير ناعم و بيعطي الشعر مظهر طبيعي و صحي حتى لو ما كان صحي

هلأ بالنهاية مارح رجعو بالرغم من اني جبتو مشان التعب بس اتضح انو الدايسون افخم نوع
و في تعب ف العطل من طول شعري مو من الجهاز هههههههههههههه

رح خليه عندي مشان ميزة حماية الشعر من الحرارة

احلى شي فيه انن عطوني شنتة محمولة الو مشان لو حبيت اخدو معي لبرا البيت
هاد اكتر شي عملي شفتو , الشنتة بتتسكر بمغناطيس و من المخمل كتير خامتها ممتازة
حجما مناسب للجهاز و اخد كم قطعة منن مو كلن حتى هي عطوني عليها ضمان سنتين

التطبيق لهلأ ما فهمت عليه مزبوط , لساتني ع الاولد سكول

حتى الجهاز من الفديوات الي شفتها بيحكوا انو استخدامك الاول الو مو نفس استخدامك
العاشر او استخدامك بعد سنة , انو رح افهم ع الجهاز اكتر و ايدي تتعود عليه اكتر

اللون واو , بحب الالوان الصارخة , ما توقعت يكون اللون هيك ع الواقع

اي صح , شفت في كذا لون ما كانوا موجودين بالموقع شفتن بالتيكتوك
لون الاحمر الخمري ( هاد عنجد بششششل من جمالو ) و لون ابيض لؤلؤي
لون والله من جمالو بدوخ الواحد !!

الجهاز اختصر شي 4 اجهزة منفصلة بجهاز واحد

المهم , مبدئياَ بعطيه تقييم 7 من 10

1 لسعرو
2 لأن شعري ما بيمسك عليه
3 التطبيق ما فهمت عليه