مدونة متألقة في مٌحادثة عميقة مع " الفوضى _ (7 زائر)

[خَوْد]

-



في ببالي فكرة عن موضوع و هالموضوع رح يكون حرفياَ خارج الصندوق

و الأحلى من هيك بحب تكون مواضيعي مفيدة لانو الوقت هيك ولا هيك عم يروح

و انا عم اشتغل عليه ف كون فدت شخص على الاقل افضل من ما نزل موضوع بدون

اي فائدة تٌذكر

ف رح يكون الموضوع مفيد بشكل ما بقدر اوصفلكم ياه للأشخاص المهتمين بمحتوى

الموضوع - مافيني احكي عن شو هو مشان ما احرقها -

و رح تكون عبارة عن موسوعة لهل الشيء و يكون مرجع لكل شخص مهتم

بفكرة الموضوع .

و متحمسة تتجسد الفكرة و مو عارفة لهلأ كيف و بأي طريقة جسدها


​

 

[خَوْد]

-



اختي رح تجي السبت هاد و مو مصدقة ايمت تجي
اشتقتلها كتير !

هي ساكنة بمقاطعة بعيدة عنا

و هي كانت رح تجي لأنو عيد ميلادي رح يكون 28 الشهر

ف مو مصدقة اني رح شوفها بعيد ميلادي و نحتفل سوى !

و فوق هاد اديش نفسي تكونوا ضايفيني على الانستا و افتح بث مباشر

مشان تشوفوا احتفال المدينة بالمهرجان شي بياخد العقل و المشكلة

انو لو صورت فديو و نزلتو ع اليوتيوب و كان فيه وجوه بدون ما اخد اذن

مسبق منهم اني اعرض الفديو يمكن اتقاضى -.-

هي اول مرة بشوف زحمة بهل الشكل بألمانيا عنجد شي كتير كتير
حلو و غريب , و هالويكند هو اخر ويكند للمهرجان و متل ما وعدتكم
رح نزل تدوينة عن هالمهرجان ولو انو الواقع شيء مختلف تماما

تخيلوا انو كل يوم ما عدا السبت ما بتلاقوا بني ادم يوحد الله بالشارع
بعد الساعة 7 بس هلأ تخيلوا ساعة 11 و زحمة لدرجة ما بتشوفوا الارض

و المحلات كلها مفتوحة و ما عم توزع و احلى من هاد كلو انو نحن ( انا و اهلي )
ساكنين بقلب المهرجان فما منحتاج نقعد ع المدرجات او بالمطاعم

المهم احلى هدية بتوصلني بكير ع عيد ميلادي كانت بروتين و لانو غالي
ماقدرت ما اطلبو كهدية عيد ميلاد كون اهلي متفاهمين بيحكولي احكي شو
بدك مشان ما نجيب شي ما بدك ياه

حكيتلن بدي هالبروتين

Iso Whey Zero Proteinpulver - 2270 g von BioTechUSA – BioTechUSA Germany

BioTechUSA Iso Whey Zero laktosereduzierte Molkenprotein-Isolat-haltiges Getränkepulver, gluten- und zuckerfrei, mit fantastischen Geschmacksrichtungen. Sein Proteingehalt unterstützt den Muskelaufbau.

shop.biotechusa.de

ما تتخيلوا اديش غلي بتذكر كان حقو 69

المهم انا اكيد رح احكي بتدوينة منفصلة عن مكملات الجم و شو فايدة كل واحد منها

-

المهم انو هالهدية اجت بوقتها و اكتر نكهة بحبها هي الكوكيز مع كريمة كتير طيبة !

هلأ تخيلوا نقصت 6 كيلو ب 3 اسابيع و انا والله ماني ماسكة لا دايت ولا شي
بس قطعت النقرشات و خخفت اكل شوي ولا اكلي هو نفسو نفسو

و انا من كل عقلي بدي اخد ابرة تنحيف المشكلة لهلأ بفكر حالي اني مبتدئة
بالرياضة و بنسى انو عندي Muscle Memory

و كلو كوم و لما شفت فديو عن تمرين كنت سويه و مدرب حكا عنو انو تمرين متقدم
كوم تاني حسيت هون بالإنجاز و لما قرأت التعليقات كلها بتحكي انو هيك تمرين
مو منيح للمبتدئين بالجم لأنو ممكن يسبب اصابة و بدون توازن كبير

لا دقيقة ما نفخت حالي لسا بس مبسوطة انو مستواي تطور كتير بالتمارين و صرت
اعمل تمارين متقدمة !!!


​

 

[خَوْد]

-


هدية عمر ال 30 عطتني ياها بكير قبل ما كملها !

انو العلاقات الإجتماعية ماهو الشي المهم , كنت دائماَ شوف العلاقات الإجتماعية كقوة
انو لما شوف فلان عندو كتير معارف , وااااو ياريت لو عندي معارف نفسو اكيد هو مبسوط

بس اكتشفت انو مو واو ولا هم يحزنون

اصلاَ لما تكتر العلاقات الإجتماعية بتنعدم الخصوصية حرفياَ

تخيلوا لو عندي كتير معارف , و قابلت حدا لنقول ( صديق او حبيب ) ورحت لأي مكان
انو تخيلوا بسبب كترة المعارف رح اضطر اني اختار مكان بعرف انو هالمعارف مارح يكونوا موجودين فيه
لأن بمجرد حدا من هالمعارف شاف رح يطلع الخبر بقناة الجزيرة حرفياَ

و من باب خصوصية الشيء

و قيسوها على كتير شغلات , مثلاَ انا اليوم متضايقة و ما بدي شوف او احكي مع حدا
وين ما رحت رح شوف حدا بعرفو و تخيلوا لو هالشخص ما بحب يبين ضعفو لحدا !

الخصوصية صفر حرفياَ !

اساساَ شو الفكرة من الواحد يكون عندو علاقات اجتماعية ؟

متل ما بقولوا

لا تٌغني ولا تٌسمن من جوع .

اذا ما كان عندي علاقات اجتماعية :

1- مارح موت
2- مارح افشل بحياتي و اساساَ النجاح عمرو ما ارتبط بعدد العلاقات الاجتماعية
3- مارح اغنى منهم
4- مارح افقر منهم
5- مارح كون عالهامش لأني انا بعطي قيمة و قدر لنفسي مو هم

يعني صدقاَ شو الفكرة من العلاقات الإجتماعية ؟

يعني مشان لما اعمل عرس يجوا و ينموا علي و على شكل فستاني و الشخص الي اخترتو ؟
ولا مشان بعد ما يخلص العرس اسمع كلام شروي غروي انو العرس كان ناقصو شي او كان مو قد مقامهم ؟

- و هي امثلة صارت و كتير بكتير أعراس و الكل بيعرف الحكي الي بينحكى ( بالهمس ) بالعرس -

امانة حدا يشرحلي , شو جايني منهم شي ايجابي ؟

اذا عندي مصدر موثوق اني فضفضلو , و نفس هالمصدر بيوقف معي بالأزمات , و نفس المصدر بيفرح لفرحي و بيزعل ل زعلي

ف شو فايدة اني اربط حالي بعلاقات اجتماعية ؟

-

الجزء التاني من التدوينة , اني انا الي بحدد كيف طبيعة العلاقة بتكون

بمعنى انا مو مجبورة حكي اي حدا يومياَ

و مو من باب انو انا ما بحكي كثقل مني , هو فعلاَ انا ما بحب اسأل كل يوم

و المقربين مني بالتون بيعرفوا هالشي , و الي بشوف هالشي كتكبر او غرور او
مابعرف شو

ف عاذرة كل حدا بفكرني هيك لأن بالأول و الأخير انوجدت ع هالحياة
لحتى ارضي نفسي مو ارضي الناس كيف بتحب و بترتاح .

ف لما نرسم كيف طبيعة العلاقة بتكون من البداية ما رح نكون مجبورين انو نبرر اي شي

و مانا مجبورين نسأل غصبن عننا , لأنو بالمختصر ( نحن هيك طبعنا )

ف هالشخص ان حب هالشي اهلاَ وسهلاَ ما حب , دور ع حدا غيري تمارس عليه طقوس تفكيرك
و عاداتك .

انا حرفياَ وصلت لمرحلة اني ما عاد اسأل ع حدا لأني ( لازم ) اسأل
و هالطبع فيني من لما كان عمري 17 سنة ( 28 الشهر رح ادخل 29 ) ف 12 سنة و انا هيك
اسلوبي , و ياريت لو هالأسلوب او العادة مأذية حدا .. !

لإني واضحة و الوضوح يعتبر بهل الوقت شي جداَ صعب لأنو قَلة الي بكونوا واضحين
و الوضوح بيتطلب شخصية قوية .

انا جد لما صار عندي وضع IDGF ارتحت كتير لأنو كلفني هالشي كتير تجارب مريرة لإني وصلت لهل المرحلة

و شي طبيعي مر بهل التجارب كوني كنت صغيرة ف هي انا بعتبرها هدية عمر ال 30 و اديشني مرتاحة فيها

مع انها عطتني كتير هدايا مو بس هي

و منها

اني اعمل الشي الي بحبو بدون ما اخجل او فكر ( و اذا محدا حب هالشي الي بعملو ) لأ! صرت اعملو بإفتخار
و كتير شغلات كنت اخجل اعملها علناَ هلأ حرفياَ ما عادت تفرق معي ان حدا شاف او ما شاف , إن حدا عجبو
او لا , اكتشفت انو عنجد دفنت حالي بالحياة مشان إرضي مٌجتمع ما بيرضيه أي شي .

نوع لبس صرت البسو بالرغم من انو كان يعتبر insecurity بالنسبة الي , بس صرت البسو و مابعرف كيف صارت
صرت البسو و ماحس اني insecurity لأن حرفياَ طريقة تفكيري تغيرت لكتير أشياء و صرت مقتنعة من جواتي انو
انا ماعاد بدي ارضي حدا من كل النواحي فيني !

جسمي , شعري , طول أظافري , لون ملابسي , ستايل ملابسي , هواياتي , نوع الموسيقى , أشخاصي المقربين
حتى الأشياء الي ما صرحت عنها بالتون .

كل هدول ما عاد بدي ارضي اي حدا فيهم . .

ف انا بشكر عمر ال 30 على هالهدية القيمة الي ضليت 29 سنة عم نازع الحياة لأوصلها
و أخيراَ وصلتها . . !




​

 

[خَوْد]

-

-
طريقتي بالحياة جرب وتعلم من تجربتك ولا تعتمد على تجارب الناس
هو الكلام المتداول انك تعلم من تجارب الناس وطورها واطلع بنتيجه مناسبة
انا شخصيًا ما عندي ثقه او اعتراف بهالشي دائمًا اشوف ان تجربه الشخص تختلف عن غيره
ولو اريد اطلع بنتيجه نهائية وخاتمه لازم اكون انا بنفسي ماشي الطريق
هالشي طبعًا اله تكلفه وربما خسائر ببعض الاحيان لكن من وجهه نظري لحتى تتأكد من طريقك
لازم تشوف كل الطرق الي عندك شكوك بيها ومتى ما تأكدت راح ترجع تمشي بطريقك بثقة ..​

انا اتفق مع كلامك 100%

في كتير ناس بخافوا يجربوا شي جديد بعيد عن تخصصهم بس لأن سمعوا من فلان انو هالتخصص درسو وكان كتير صعب
ف هو بيختار انو ما يدرسو لأنو فلان جرب و شاف انو صعب .

صارت معي نفس التجربة بدراسة إختصاص IT و لأن اخي وصل لمرحلة متعمقة منو لما سمع اني ناوية فوت هالتخصص
خوفني كتير , خوفني بطريقة ما بتتخيلها !

انو ليه لتختاري هيك تخصص صعب ؟ و اني انا عانيت فيه , مع انو هو اخد التميز ع الدفعة و انك تاخد تميز بالجامعة يعني
بعتبرو كتير صعب الا اذا انا كتير بحب الي عم ادرسو .

و انا كنت مقتنعة قناعة تامة انو كل تجربة بتم تقييمها على حدى ! يعني اذا اخي شاف هالتخصص صعب يمكن بنية
عقلو و أفكارو شافها صعبة ف نصحني اني ما ادخلو ! بس هاد ما بيعني انو نفس تجاربو تمر معي او نفس الصعوبات !

يمكن يكون في شي بمخي مختلف عنو يشوف هالتخصص سهل ( نوعاَ ما ) و هالشي المختلف الي اكتشفتو اني ما بحب
هول الامور و بحب دائما بسطها و فكك المشاكل لحلها وحدة وحدة , لدرجة صرت شوف الفيزياء سهلة لأني حبيتها
كنظرية فلما تجي للعملي مارح لاقي صعوبة اذا كان عندي أساسيات الرياضيات الصحيحة .

و انا بعرف بالحياة حتى لو كان تخصص ( شحادة ) بدو دراسة و إهتمام و دوام بالجامعة , فلو شخص حاضر و ملتزم و عم يفهم
كل شي اول بأول و عم يمارس هي اهم شي , ف وين الصعوبة ؟

بعرف في تخصصات حتى مع المتابعة و الدراسة صعبة و صعبة كتير , بس كل شخص بيختار تخصص حسب قدراته !

ف هالشي ما بيعني انو ما خوض تجربتي الخاصة , بس متل ما تحكي العمر الو حق , يعني هاد موضوع الفشل كنت بحطو كخيار
اذا كان عمري 20 او 25 بكون عندي وقت ارجع عيد بتخصص جديد وممكن بتخصصات جديدة مو واحد و اذا ماحبيتو او اذا فشلت
فيه , بس تخيل يكون عمرك 30 ؟
و انا هون عم احكي عن شخص ماعندو اي شهادة علمية لا دبلوم ولا شي تاني , بس شهادة الثانوية العامة . ف البني ادم بشكل
عام لما يكون صغير بالعمر بكون عندو طاقة , طاقة لكل شي حرفياَ , طاقة للعلاقات الاجتماعية , طاقة للدراسة , طاقة لتعلم هوايات
جديدة . . الخ , بس لما يكبر بالعمر مفكر هالطاقة بتضل متل ماهي ؟ يمكن بتضل لنوع قليل من الناس بس الغالبية هالطاقة بتنفذ منها

العلم مانو محصور بعمر و انا مع هالمقولة قلباَ و قالباَ بس كمية الإنتاج بتقل كلما الانسان كبر بالعمر . مو بس الإنتاج حتى الخلق لفعل
شيء معين ! هلأ فهمت ليه اغلب كبار بالعمر ماعندهم خلق و بدن نتائج سريعة لأي شي !

و دائما كانوا يحكولنا ادرسوا هلأ لترتاحوا بعدين و اعتقد انو هن ما قصدهم نرتاح بالمصاري من ورا الشغل , انو نرتاح انو صارت
بجيبتنا شهادة حتى لو علقناها ع الحيط ! لأن درج العمر فيه درجات و لكل درجة مرحلتها العمرية ف تخيل انك طوفت درجة المفروض
انك تعملها بوقتها بينما الدرجة التانية الي رح يدق جرسها هي الزواج ف هون رح تلاقي صعوبة بأنك تنسق بين الدرجتين و لا تنسى الدرجة
التالتة و هي انك تشتغل و تغطي مصاريفك . ف لما حكوا خلصوا مرحلة مرحلة لم يٌخطىء بل هو قصدو انو ننتهي من درجة درجة مشان
ما تتراكم علينا الدرجات الغير منتهية . . !

و لأن عنجد بعد عمر 25 بصير الواحد يتقاعس لأنو يكمل تعليمو و مغريات الحياة كتيرة و خاصةَ هلأ عم شوف ناس صغيرة
ماعندهم شهادة علمية عم يشتغلوا و ساترهم الشغل , بس للأسف هالشي مارح يخليهم يتطوروا ابداَ بالشغل - الا اذا كان
عندهم شغلهم الخاص - مع انو ب المانياَ مثلاَ ما بتقدر تفتح اي شغل خاص فيك الا اذا كان عندك ( شهادة ماستر من معهد
عملي بالشي الي فاتح فيه شغل خاص ) و قليلة الأشياء الي بتقدر تفتحها بدون شهادة ماستر من معهد عملي و طبعا شهادة
الجامعة بتقدر برياحة تفتح فيها شغل بدون ماستر كونها اقوى من المعهد العملي . و هون الي مامعو شهادة عم يضطر يجيب
حدا يكون شريك الو بالمحل بس انو يسجل اسمو انو هو صاحب المحل لأنو معو الشهادة هي او التصريح متل ما تقول لتقدر
تفتحو . و تخيل شو ممكن يقابلك بموضوع الشراكة من شخص الله واعلم نواياه ؟ اساساَ مو زابطة . .

دائماَ اهلي كانوا يحكولي لا تشتغلي لتتخرجي من الجامعة لأن اذا اشتغلت و شفت العملة مارح فكر بالدراسة و هو فعلاَ
هيك ليه لحتى فكر بالدراسة ؟ اذا معي معاش مكفيني و موفيني و للأسف اغلب الأشخاص ما بفكروا لبعدين , لبعدين
يعني لبعد 5 سنين على الأقل , انو هالمعاش ممكن يكفيك لما تكبر بالعمر ؟ و تتزوج ؟ و يصير عندك ولاد و تكون مسؤول عليهم ؟

ف هالتجارب كتير مفيدة و انا معها لما يكون الشخص بيعرف و متأكد انو عندو هالطاقة انو يرجع و يعيد بتخصص جديد لأن لما الواحد
يصير بعمر ال 30 طاقته رح تقل و رح يدق جرس الزواج و خاصةَ للبنات , رح يكون في اولويات تانية بالحياة متل انو تهتم بزوجها
و ببيتها و الزوج نفس الشي , و طبعاَ و هاد اهم شي انو بكون الشخص اساساَ طلع من مود الدراسة و تعا رجعو اذا بيرجع لجو الدراسة
و الإمتحانات بعد ما تعود ع الشغل .​

 

[خَوْد]

-





المعلومة الي ممكن تصدم الأغلب و لهل السبب انا كتير بحب اتعمق بالعلم الي عندي ياه
و هو علم التصميم و علم التصميم مانو محصور بالتصميم فقط ! بل بكل شي بخصو ومن
هالاشياء الي بتخصو هي الألوان .

حدا منكم فكر يقرا عن الالوان و يدرسها ؟ و يتعمق فيها ؟ - احكولي ببروفايلي او بالتقييم -

الشي الي انصدمت منو لما قرأت - بالرغم من اني درست نظرية الألوان بس ما خطر ببالي
ربط المواضيع بهل الصورة ! - انو اللون الوردي كان لون ( ولادي ) و اللون الأزرق كان ( لون بناتي )

و السبب انو اللون الوردي يعتبر لون قوي و أكثر تحديداَ ( لأنو لون دافىء ) و هو اكثر ملائمة للصبي
و اللون الأزرق هو أكثر رقة و لطيفاَ ( كونه لون بارد ) أجمل للفتاة .

اقرئوا هالمقال للتفصيل :

إذا رأيت أطفالًا حديثي الولادة في مستشفى في الولايات المتحدة ، فمن المرجح أن تراهم يرتدون ملابس وردية
أو زرقاء لتمييز جنسهم (غالبًا ما يتم الخلط بينه وبين الهوية الجنسية). هل استخدمت الولايات المتحدة دائمًا الألوان
للإشارة إلى الأولاد أو الفتيات؟ الجواب القصير هو لا. تم تقديم ألوان الباستيل لملابس الأطفال - بما في ذلك الأزرق
والوردي - في منتصف القرن التاسع عشر ، ولم تصبح ألوانًا خاصة بالجنس حتى القرن العشرين. أثرت عدة جوانب
مختلفة على التعيين النهائي للون الوردي للفتيات.

في بداية القرن العشرين ، بدأت بعض المتاجر في اقتراح ألوان "مناسبة للجنس". في عام 1918 ، زعمت النشرة
التجارية Earnshaw's Infants Department أن "القاعدة المقبولة عمومًا هي اللون الوردي للأولاد والأزرق
للفتيات. والسبب هو أن اللون الوردي ، كونه لونًا أقوى وأكثر تحديدًا ، هو أكثر ملاءمة للصبي ، في حين أن اللون
الأزرق ، وهو أكثر رقة ولطيفًا ، أجمل للفتاة ". بالإضافة إلى ذلك ، أشار إصدار عام 1927 من مجلة تايم إلى أن
المتاجر الكبرى في بوسطن وشيكاغو ونيويورك اقترحت اللون الوردي للأولاد. لم يكن هذا الاتجاه للون الوردي
للأولاد ساحقًا مثل تصنيفنا الحالي للجنس اللوني.

كان جيل طفرة المواليد في الأربعينيات من القرن الماضي أول من ارتدى الملابس الخاصة بالجنس التي يعرفها
الأمريكيون اليوم. كان الأولاد والبنات يرتدون ملابس مثل الرجال والنساء المصغرين بدلاً من ارتداء فساتين الأطفال
بشكل موحد. أصبح اللون الوردي لون الفتيات والأزرق لون الأولاد. تراجع هذا الاتجاه في ملابس الأطفال في منتصف
الستينيات والسبعينيات بسبب حركة تحرير المرأة. اعتقد الأشخاص الذين شاركوا في هذه الحركة أن ارتداء الفتيات
"GIRLY" الصغيرات بملابس أنثوية أو نمطية
سيحد من فرص نجاح الفتيات ، وبدأ العديد من الآباء في تفضيل الألوان والأزياء المحايدة. بحلول الثمانينيات
. من القرن الماضي ، عادت ملابس الأطفال الموجهة نحو النوع الاجتماعي إلى الموضة بقوة

المصدر : Has Pink Always Been a “Girly” Color?

-
هي تدوينة نزلت لأن انطبلت الدنيا بفلم باربي و اللون الوردي بشكل عام و مشان تتصحح مفاهيم الألوان
أكتر . وانو في بنات مهوسسين بهل اللون كونه لون أنثوي و هو العكس - اذا تعمقتوا بعلم الألوان

وانو لولا الحركة الي تدعم المرأة زمان ما كان هلأ كان اللون الوردي لون انثوي
​

 

[خَوْد]

-

هالغنية كتير بحبها و كلماتها جداَ عميقة

مضمونها انو نحن كوننا كبار فنينا عمرنا انو نكون شخصيتنا
متل ما الشخص الي بنحبو يحبنا بالمقابل

و انو الأشخاص الوحيدين الي اهتموا لوجودي و حبوني
هن " أمي و أبي " - هي الأغنية كسرة نفس و إعلان حقيقي
انو محد حبها نفس ما امها و ابوها حبوها !

طريقة كتابة الكلمات بتوجع بطريقة غريبة ! خاصةَ اذا الي
عم يسمعها فعلاَ مر بالي عم تغنييه المغنية !

لما غنت :

Understand what I've become
It wasn't my design
And people everywhere think
Something better than I am

هالمقطع يالله اديه بيشرح الي جواتي !
انو الناس عم تتأمل كون أحسن من ما انا شوف حالي فيه
و اني انا بشوف | أحسن ما فيني لما كون انا |

My mother, my mother
She'd hold me
She'd hold me when I was out there

My father, my father
He liked me, well he liked me
Does anyone care?

هالمقطع يفوز بقلبي
مابدنا شي من هالحياة من حب غير حب الأم و الأب
لألنا لأنو هاد هو الحب الحقيقي بنظري
-
و انا عم قلب بالتعليقات تحت الفديو لقيت هالتعليق :
So sad to hear of her early death. She struggled with bi polar. Such inexpressable pain. Yet she expressed it. A wonderful Irish poet and artist, who through her sufferings gave such consolation and comfort to so many. May perpetual light shine on you Dolores.


ما كنت بعرف انها كافحت مع مرض ثنائي القطب و ماتت ب 2018 !
و كانت عم تحاول تعطي الناس الشعور بالراحة من خلال أغانيها و كلماتها
و هي كانت من جواتها عم تعاني !

هي تُعتبر من الفنانين النادرين من الزمن الطيبين !

Rest in Peace Dolores .
​

 

[خَوْد]

-




اتفقت مع خطيبة أخي إنو نروح مع بعض الأسبوع الجاي لحتى نجرب الدرندل Dirndl
و هو عبارة عن لبس الماني شعبي و تقاليدي كتيييييييييير حلو !!

و مشكلتو انو كتير غالي يعني بتكون اسعارو من 600-700 يورو و طالع و ممكن يوصل للآلاف !
لما سألت و انا كتير بحب اسأل عن الأسباب لأنو يعتبر هالشي تقاليدي بحت يعني
مثلاَ انا بشتريه و بورثو لبنتي و بنتي بتورثها لحفيدتي و هيك و قال كمان انو كلما قدم الدرندل
كلما كان أغلى , يعني في منهم بخبوه عندهم و ببيعوه بعدين لأي سبب كان و بكون سعرو أغلى
من الي ذكرتو بأضعاف !

و نفس الشي بينطبق لل Lederhosen للرجال و الي هو عبارة عن ( بونتكور مصنوع من الجلد )
Leder جاية من كلمة Leather و هو الجلد و Hosen بنطلون - بس هن اختصروها ببنطلون بدل
بنتكور ( هو بكون طولو لعند الركبة و في منهم بكون نفس الشورت بس اصولاَ لعند الركبة )

و لأني مهرجان أكتوبر October Fest قرب - بآخر شهر 9 لشهر 10 - و مشهور هالمهرجان انو
البنات بيلبسوا دريندلات رهيبة حرفيا ! بألوان كتير حلوة ! و انا حابة شارك معهم
و بما انو الدرندل غالي , ف رح نروح ع سوق المستعمل لنقيس بالأول لأن قياس الدرندل غير عن
العادي يعني قماشتو بتكون حرفياَ من قماش بس ما بمط أبداَ ف المفروض يكون قياسي مختلف
عن الي متعودة جيبو ( كوني جربت واحد قبل بنفس قياسي و ما فات بإيدي متتتت
ههههههههههههههههههههههههههههههههههه )

و هي بصراحة حلاوتو انو بكون مفصل ع الي رح تلبسو !

و اكتر شي حبيتو انو بكون مستر ( نوعاَ ما ) عن باقي انواع اللبس , يعني اغلب الدريندل بكون طويل
بس للأسف بكون صدرو مفتوح < شو استفدنا ههههههههههههههههه لا بس في
منهم صدرهم مغطي , و في منهم كمهم طويل طبعاَ كل بنت و حسها الفني بتصميمه ! مافي
قانون معين لألو ! بس انو لازم يكون تنورة و ربطة ع الخصر ( و شرحت معنى الربطة بموضوع
من مواضيعي مكان كل ربطة الها معنى اذا البنت متزوجة , عزباء أو أرملة )


1- اذا كانت الربطة على اليمين : مرتبطة أو متزوجة
2- اذا كانت الربطة على اليسار : عزباء او غير مرتبطة
3- اذا كانت الربطة في المنتصف : فهي عذراء
4- اذا كانت الربطة في الخلف : فهي أرملة

ولو انتبهتوا كل العارضات بالصور مكان الربطة ع اليسار


و مافي الوان بتحدد اذا درندل او لا ! يعني منقدر نختار اي الوان نحن منحبها !

و كمان الدرندل الأصلي بكون مخيط خياطة كاملة بالإيد ! مشان هيك كمان بكون غالي !
و لو شفتو الصور انتبهوا على شغل الشك فيه اديه متعوب فيه !

شوفوا اشكالهم !! حرفياَ دخلوا قلبي !!

انسحرتوا متل ما انسحرت بجمالهم !! ياريتني انولدت بهداك الوقت ! حسيت كان للبس الو نكهة و لون و ذوق !
-

اما هلأ هاد شكل الليدرهوزيه - و الو كتير اشكال و زخارف و ألوان و اهم شي بكون جلد 100% ولا ما بكون اسمو Lederhose

احلى شي لما يكونوا كاتبين بالوصف : 100% جلد بتحسوا بإحساس غريب
بتدفعوا حقو و انتوا متطمنين انو حقو ما راح ع الفاضي

طبعاَ كل الصور الي انعرضت أسعارها من 150 يورو و طالع سعرهم بشق القلب شق خرج الواحد
يتسول على باب الكنيسة مو الجامع مشان يجيب حقهم هههههههههههههههههههههههههههه

عاد تخيلوا انو المستعمل منو ( عم احكي ع النوع المنيح و الخامة الممتازة ) حقو بكون 100 و طالع يعني
حتى المستعمل غالي بس انو بضل ارخص من الجديد !!

المهم اني متحمسة كتير اني جربو و شوفو كيف بيطلع علي خاصةَ اني بعششششششققق الفساتين الي بتكون
مزمومة من الخصر و فيها ربطة عريضة !! بحس مرات لما اتطلع ع الصور انو الإحساس بيخنق من كتر
ماهو مشدود بس و مع هيك متحمسة

احكولي اي واحد حبيتوه أكتر ؟

شوفوا باقي الأشكال :

Lederhose : Lederhosen für Herren zu Wiesn & Wasen
Dridl : Dirndl kaufen » Entdecke die schönsten Dirndl 2023!

​

 

[خَوْد]

-




متحمسين لتشوفوا المهرجان


اليوم عنجد انهلكت بشكل مو طبيعي !

و مو مصدقة اني بالبيت


مبارح ضليت سهرانة للساعة 2 ونص و صحيت ساعة 9 و نص
مشان الحق روح ع الجم قبل ما يبدا الاحتفال و كل شي كان ورا بعضو
و على حظي كان اليوم عندي تمرين رجلين يعني تعب زيادة

خلصت تمرين ع السريع و رحت ركض عند بيت ماما كون ماما ساكنة
بنص المهرجان ف خفت يسكروا الطريق ف اسرعت للحق و الحمد الله
قدرت ادخل

اهلي نزلوا ساعة 9 الصبح مشان ينزلوا الكراسي و يحجزوا مكان بالمهرجان
و انصدمت مع انهم نزلوا كتير بكير و كان الصف الأول كلو محجوز !
لهل الدرجة الناس متحمسة

المهم , حتى فطور متل الخلق ما فطرت , بيضتين مسلوقة مشي حالي فيهم
لما رحت لعند ماما اكلت عندها شوي لأن كان باقي للإحتفال ساعة

بيبدا ساعة 2 الضهر

بعد ما حضرنا الإحتفال طلعنا ع البيت نمنا شوي و انا حرفيا طفيت من كتر التعب
و مو بعادتي نام الضهر بس اليوم تعب مو طبيعي

بعد ما صحينا و هيك كانت الساعة 6 و نص نزلنا تغدينا تحت و بعدين رحنا للقرية
الي مصممينها على الستايل الألماني القديم , وكان في فعاليات هنيك حلوة كتير
و زحمة بشكل خيالي . .

عم فكر نزل الاحتفال بموضوع منفصل مشان احكي فيه عن تاريخ و سبب هالمرجان
و شغلات تانية

مابعرف لسا , المهم استنوني هالكم يوم لتنزل تدوينة او موضوع بخصوصهم

هي كانت تفاصيل يومي ^^
​

 

[خَوْد]

- يوليو -
فعالية الاسبوع
ممكن تشوفه سؤال عفوي لكن رح يوضح طريقة تفكيرك وطموحاتك
اذا ربحت جائزة اليانصيب، ماذا ستفعل بالأموال؟
​

1- دلل اهلي كلهم و حقق كل امنية من أمانيهم

2- اعزم اخي ع سفرة محترمة لأني هو كان دائما يعزمنا كون هو اول واحد انطلق بالشغل و جيبلو أغلى عطور العالم حرفياَ كل العطور الغالية
لأنو هو بيعشق شي اسمو عطور , و ابنيلو أكواريوم ببيتو لأنو كتير بحب عالم السمك النهري الصغير و جيبلو أندر انواع السمك تكون بالحوض
و كمان جيبلو سيارة جديدة بدل السيارة الي خبطتلو ياها من 7 سنين ! و جيبلو اغلى و افخم SET كمبيوتر بالعالم و اهم شي من ماركة RAZOR
لأنو بحبها كتير , و اعملو غرفة كاملة مخصصة للألعاب و اعطيه اشتراكات دائمة لكل الألعاب الي بحبها و بتكون مدفوعة نفس DOTA 2

3- اختي الكبيرة - الله يخليلي ياها - متل السيف بضهري , كريمة و دائماَ بتعطي اخر يورو معها و بتحكي انها مو مضغوطة و انو ما لازمتلها
و دائماَ بتحكيلنا رح خصص نسبة من معاشي لأخواتي مشان ما ينقصهم شي , هي لحالها بدي اعطيها نص مبلغ اليانصيب .
و جيبلها أفخم و أغلى بدلات الشغل لأنها بتعشقهم و أهم شي كل الكعوبة العالم الفخمة ال Slim و مبوز من قدام ستايل الرسمي
و ما بنسى الساعة الي هدتني ياها بتخرجي من المدرسة , بدي اهديلها ساعة تكون مرصعة بالألماس بدل ساعتها الي ما عادت موجودة
و يكون بالساعة 7 احجار الماس من برا و من جوا 7 احجار الماس لأنها كانت دائما تحكي هاد رقم الحظ ( هدول هن ارقام الحظ
3, 7, 9, 11, 13 ) و كانت تعطينا هالساعة ع كل حدث مهم بحياتنا مشان يجيبلنا الحظ ( نفس مقابلة او هيك شي ) و منكون
متوترين ف هالساعة بتعطينا الثقة انو نوصل لهدفنا و أعطيها عضوية لعند كوافير و يكون أمهر كوافير بالمنطقة الي هي فيها مشان
دائما تلون شعرها اشقر و ما يخرب لأنها بتحب كتير هاللون من لما كان عمرها 18

4- اختي الصغيرة حبيبة قلبي بدي اشتريلها سيارة ميني كوبر لانها بتحبها كتير , و ابنيلها اكبر عالم مينيونز لأنها بتحبهم كتير
على فكرة هي عمرها 28 - و كمان جيبلها كل نقاريش العالم و كل شي - بالحجم الصغير Minis - لأنها بتحبهم هيك
و خليها تختار اي دولة حابة تعيش فيها و غطي كل مصاريفها , و طلعها سفرة كل فترة لكل دولة فيها بحر , و خليها تشوف كل رفقاتها
الي ما كانت تقدر تشوفهم و اخر شي , بدي اعطيها مبلغ محترم شهري لحتى تشتري كل شي تياب بالسوق لأنها كتير بتحب الموضة
و دائماَ كانت تحرم حالها مشان تشتري قطعة تياب

5- ماما نبع الحنان و مصدر نجاحنا بدي جيبلها السيارة الي وعدتها فيها لما كان عمري 15 سنة و الي كانت BMW لأنها بتحبها
و كلما احكيلها لسا ما وصلت لهدفي لحتى اقدر اهديلك ياها كانت تحكيلي دائماَ هديتك وصلت بمجرد انك عم تفكري تهديني ياها
و اغلى طقم ذهب و لو انو رح يكون كتييير قليل لمقامها بقلبي و اشتريلها كومة تياب حلوين لأنها ملكة قلبي و بحبها دائماَ تكون
بأحلى طلة , دللها و ماخليها تتمنى شي و ما يكون عندها

6- اما بابا بدي وسعلو شغلو و ادعملو ياه و خليه يوصل للعالمية مو بس المحلي , و وظف عمال بخبرات كبيرة مشان بدي ياه يرتاح
و جددلو البيت الي ساكن فيه كلو - مع اني هو ساكن بفيلا طابقين - بس انو حابة اني اعمل اعادة صيانة لكل البيت لحتى يرتاح فيه
و بدي جيبلو أحسن و أغلى عود بالدنيا لأنو بحب كتير يعزف عليه و كمان اورغ , وجيبلو أحلى و اغلى تياب لأنو دائماَ كان يحرم
حالو لحتى ما يخلينا محتاجين شي و كمان اهديه سيارة عملية لأن كان دائماَ يسترخص السيارات و تعطل معو كتير

7- الباقي اذا ضل , مو مهم انا دام اهلي مكتفين و مبسوطين , هي لحالها راحة بالنسبة الي و سعادة لا توصف
بس لو ضل شوي , رح افتح مشروع احلامي , كمل تعليمي , جيب سيارة احلامي , و الشخص الي بحبو ما خليه
ناقص اي شي بمعنى اني رح اعطيه حصة من هالمبلغ لانو انا و هو واحد

-

لو انتبهتوا ع طريقة كلامي اني مو بس حكيت رح خصص مبلغ لكل واحد لا انو حكيت بالضبط شو رح جيب لكل حدا
و عارفة كل حدا من أفراد العيلة شو بحب اكتر شي و الشغلات الي ما قدرت وفرها بحالتي هلأ

لما كنت صغيرة كنت دائماَ فكر بنفسي , لما انسألي هالسؤال و انا صغيرة كنت احكي بدي افتح مشروع احلامي
و عيش حياة مريحة , بس مع كبر العمر و التجارب ووقفة اهلي معي بالظروف السيئة خلتني اتخلى عن هالطريقة
من التفكير و فكر دائماَ بالعيلة , لان العيلة هي حرفياَ كل شيء ولولاهم ما كنت رح كون عم اكتب هالتدوينة هلأ !

بعرف هالسؤال خيالي , و ممكن يصير حقيقة محدا بيعرف , بس و انا عم اكتب حسيت بسعادة لا توصف
شكراَ @أجنحَة الحريّة عطيتيني سعادة بشكل غير مباشر

 

[خَوْد]

-




حدا مصدق انو مشان ناكل كنتاكي نروح ع دولة مجاورة أقرب من أنو نروح ع اقرب فرع الو بألمانيا ؟

هاد الي صار اليوم , كانت الخطة انو كلنا كنا مشتهيين ناكل من كنتاكي ف قلنا ليه ما نروح ع التشيك ؟
كونها دولة حدودية و بيننا و بينها ساعة بالسيارة

و لما رحنا لهنيك عنجد انصدمت من كتر ما الأسعار رخيصة بشكل لا يوصف !

تخيلوا بألمانيا قص الشعر بس ب 40 يورو و طالع اما بالتشيك ب 12 !
اكرلك الأظافر بألمانيا ب 30 يورو بالتشيك ب 13 !
المشاريب , الشوكولا , الشبس , الدخان , البترول و الأكل هنيك ارخص بكتير من المانيا !

و ما بستغرب , نفس الشي لاحظتو لما رحت لجزر الكناري , الأسعار هنيك رخيصة بشكل ملحوظ !
تخيلوا معسل لوف66 مشهور عنا بالمانيا بجزر الكناري كان ب 13 بينما بالمانيا بينباع ب 23 !

النسبة الضريبية كتير بتلعب دور ! و كون هدول الدول تعتبر فقيرة كمان بتلعب دور
و المانيا نسبة الرجل عليها اكتر يعني فيها ناس اكتر و معروف كلما كتروا الناس و الطلب
ع السلعة كلما كانت اغلى !

بس بصراحة ما توقعت الفرق لهل الدرجة يعني !!!

المهم , انو نحن انبسطنا كتير هنيك , و أحلى شي انو أخي عزمني اني اعمل اظافري
بمناسبة انو عيد ميلادي قرب

و قال بس بشرط انا رح اختار اللون ! طبعاَ انا قلت عادي لاني بحب كل الالوان
بس حكالي رح اخترلك اخضر مع اممممم مع احمر حكيتلو لا لهون و بس

و اخر شي اختار لون كتير حلو هو لون الأساس أسود و فيو طبقة بنفسجية خفيفة
بينعمل بالمغناطيس مشان يعطي Effect عين القطة

اكيد شايفينو من قبل

بالضبط متل هاد و ما تتخيلوا اديشني مبسوطة لأنو من زمان نفسي اعملو !!
و كمان ارتحت من عمل أظافري شهر لقدام لأني ما بحب اتركهم بدون منكير لفترات طويلة
و لأن انا من عشاق المنكير و معروفة بين أهلي انو عندي Set منكير كبير و عندي اغلب الألوان
يعني هي هواية من هواياتي المخفية اني بحب ارسم ع الاظافر و اعمل ستايلات و حتى
بحب اتطلع ع اليوتيوب و اتعلم رسمات جديدة و سهلة بنفس الوقت

المهم ما علينا بطولة الحديث

لك انا مو مصدقة اشتريت نظارات شمسية ! ما تتخيلوا اديه كان بدي اشتري
نظارات شمسية و اديش كانت لازمتلي بس ماكنت اقدر اشتريها ! لاني بسوق البسكليتة يومياَ
و الشمس دائما بتجي بعيوني ! و انا طبيعة عيوني بتتحسس من الضو العالي !

و انا من النوع الي ما بحب اتخورف يعني اشتري نظارة بالمانيا من السوق ارخص وحدة ب 10 يورو
و اذا طلبت من شي ان مع التوصيل بيوصل لل 9 يورو اما هنيك لقيت نظارة على الستايل الي بحبو
و كتييييير حلوة و اخدتها من 15 يورو نزلتها لل 8 و هي حلاوة التشيك منقدر نفاصل بالاسعار !

شو بدكن بالحكي انا كتير انبسطت بهل الطلعة ! ولسا عنا بكرا كمان و عم نخطط لوين رح نروح
اما اذا اخي بياخدنا على ال Herren Insel بكون يوم سعدكم لأني هي وراها تاريخ عريق و رح ابهركم
بجمال الصور ! هاد يعتبر مكان سياحي بحت وكان على اساس روح عليه السنة الماضية
بس الوقت ما اسعفنا للاسف ف ان شاء الله نروح عليها بكرا !

^ هي الصورة كانت على طريقنا و نحن رايحين التشيك
لو انتبهتو ع يمين الصورة عند الغيمة في خطوط رمادية غامقة
تخيلوا عاد هي صورة المطر لما يكون غزير بغيمة بعيد عنكم

المانيا عنجد بلد العجائب أغلب الظواهر الغريبة الي كنت اسمع فيها
شفتها بالمانيا بس ​

-

و هاد كان كل يومي ​