مدونة متألقة في مٌحادثة عميقة مع " الفوضى _ (1 زائر)

[J o u l Z]

-

ها انا هنا اعجز فعلا عن التعبير بكمية الابداع بشخصك
فعلا كلماتي عاجزه حرفيا عن وصف @Selene
ان اردت الافكار فهي هنا وان اردت الاراء الحصرية فهي هنا
وان اردت التصاميم والتعبير الكتابي فهما هنا
@Selene كما قلت واعيد واقولها ولن امل من تكرارها
ان كم ما يكتبه قلمك حرفيا هو عبارة عن فن بحد ذاته
فانتِ من النوادر ولأصدقك القول انكِ وحدكِ الفريدة التي لم يسبق لي ان رأيت مثلها بعالم النت اجمع
لذا فما يستطيع قلمي فعله هو ان يقف شموخاً لبحر ابداعكِ المتجدد دوماً
وتعقيباً على تصاميمك التي اعتبرها مبهرة ودائما ما انبهر بجديدها على الدوام
فأنتِ مثال يحذى به سواء بابداعك او بشخصيتك حقا
انسانة رائعة بكل ما تعنيه الكلمة من معنى
خلوقة وافكارك استثنائية وهذا ما يميزك عن البقية
وحين يتم مناقشتك في امر ما تعجبني توجهك ودائما ما يكون مقنع لان شخصيتك اقناعية بحق
اتمنى ان تكون كبوة الجواد مؤقته وان تعود سيلي المبدعة كما عهدناها
لا استغني عن وجودك بصرحنا واتمنى ان ارى المزيد من سيلي في الارجاء
فانتِ ملهمة الجميع بشهادة الكل وشهادتي فيك مجروحة

بحر سيل ابداعك لا تكفيه كلماتي ولن توفيه اساسا
كانت هنا بصمة اختك المحبة في الله

جولز ​

 

[Sleepy]

اوبس نسيت انك قلتيلي اجي احللك
يووووه انا اعرف سيلين من ايام زمااان
كانت من اوائل الناس اللي عرفتها في التون كان اسمها وقتها بابل غام
يوووه احسني مرة قديم
وحدة من أكثر مبدعين التون معلمتي بيبي
يا كمية الازعاج اللي تلقته مني < مزعج الطاقم كله انا ماشاء الله عليا
ولما قررت اتعلم تصميم بمجرد النظر لمستوى ابداعها ماشاء الله
ما لقيت احسن منها يعلمني
هي احيانا كانت تكون معلمة لطيفة واحيانا تكون شديدة حسب الحالة والمود < مو انا اللي كنت تلميذ يستاهل قص خشمه مثلا

من جبر الخواطر كانت تلبس الرمزيات اللي اصممها لها
معلمة عظيمة والله
حتى شرحها غالبا كان سلس ومفهوم علطول
صحيح انها دايما تقولي ازبط الخطوط وانا ليومنا ذا ما اتوقع اني عرفت ازبطها بس قدامنا وقت لنتعلم
كنت افرح اروح اوريها تصاميمي الجديدة وهي تمدح وتنتقد بطريقة لطيفة
مو دايما النقد كان يجي بطريقة لطيفة كان يجي احيانا صريح شويتين
لكن كله لمصلحتي

انسانة ماشاء الله معتمدة على نفسها وبرضو محبة للسيارات
كون اني الاقي بنت تفهم في السيارات الموضوع عجيب والله
من عشاق BMW < اودي عمتكم
اكثر من مرة اشوفها تتهاوش ياخي هواشاتها فلة وحماس
ومدري والله وش اقول بس انسانة رهيبة جدا صدقوني
عموري مر من هنا ~ ​

 

[Selene]

-

حبيت كتيرة فكرة تحدي الاسبوع و الشهر بخلي الواحد يزبط اولوياتو و ينجز


تحدي الاسبوع :
1- نزل موضوع المسابقة الخاص بمسابقة زهورة
2- اني سكر حلقة الرياضة 3 مرات على الاقل
3- نزل مجموعة ردود مافي عدد معين بس هن مجموعة ف مو رد واحد

تحدي هالشهر :
1- الي اكلة همو اكتر شي اني قص غرتي و طرف شعري من تحت
^ لا تضحكوا ها هي صارت اولوية صارت الغرة تحت انفي

2- كمل تسجيل ال uni-assist

3- انزل 3 كيلو < كنت رح اكتب 4 بس نسيت انو عندي سفرة و متأكدة رح زيد 3 مو انقص 3
4- اني اعمل حملة تنضيف , تعقيم و ترتيب لبيتي كلو
5- اني سكر حلقة الرياضة 5 مرات على الاقل
6- اني اخد بنشاطي هالشهر علامة 8 على الاقل

+ اذا اجا ببالي تحدي جديد رح عدل ع الرد و ضيفو

@Mirai @THE KNAVE @Hudα @Detective JoulZ

مابعرف لو حابين تشتركوا معين بالتحديات


​

 

[Selene]

-




انا حابة ابدي رأي بالاختراع الشنيع الي بسموه المنكير الجل
او الاكريليك او المنكير تبع الضو الازرق

سبحان الله في كتير شغلات البني ادم بيحلم انو يعملها بفكر انها واو و انها بس للطبقة المخملية من كتر ماهي غالية

بس بعد ما يجربها بيحكي انو فعلاَ هالطبقة لا تفقه شيئاَ وانو معقول هالشي الي كنت احلم سويه

انا جربت هالنوع من المنكير كذا مرة و بكل مرة يعني كنت اتضايق < بتحكولي شو الي ضربني على قلبي و اعملو
رح احكيلكم كل شي

اول مرة كانت السنة الماضية قبل عيد ميلادي بيومين و هداني ياها اخي و كتبت تدوينة عنها
انا ما بكذب عليكم , المنكير الجل كتير حلو بس احساسو ع الضفر جداَ جداَ مزعج !
و ما بتحسوا انو هو ضفركم بالاساس

المهم الي سويتو هو جل اكريليك اول شي ( شي شفاف بعمل طبقة سميكة ع الضفر بعدها بتحط اللون )
هاد كان من اسوأ الانواع الي جربتها لأنو كان كتييييييييير تقيل ع ايدي و ضفري كمان و عطاه منظر مو طبيعي بنوب
هيك كأنيه منفوخ مع اني حكيت للي عم تعمل بدي ياه كتير نحيف ما بدي سماكة < كانها كانت عم تسمع من مكان تاني

تاني مرة سويتو كان تجديد للأول ( مشان الواحد يوفر فلوس ما بشيلو كل الجل الشفاف لا بس بملوا الفراغ من فوق الضفر
محل ما نمى و هيك بوفر حق اكريليك جديد ) و غيرت اللون ( طبعاَ انا هون اضطريت اعمل هيك لان بالمانيا شيلهم بكلف 15 يورو
و حطهم بكلف 20 يورو بالاضافة لما شيلهم ما بيقدروا يشيلوه كامل من الضفر بخافوا يدوبوا الضفر الحقيقي ف يعني مابعود بقدر
حط منكير عادي حتى بعد ما شيلو الا بعد كم اسبوع لحتى يطلع الاكرلك من الضفر لحالو من الاستحمام و المي بشكل عام )

ف اضطريت اني بس جددوا و جدد اللون

بعدها شلتهم كلهم و لما شالتهم صار متل ما ذكرتلكم حكتلي ما بتقدر تشيل اكتر من هيك لأن بعدين رح تدقر بالضفر الحقيقي
و انا قلت منيح اهم شي الضفر الحقيقي يضل سليم اذا بروح لحالو تمام

بعدها بفترة طويلة نسيت كم شهر سويت بس ( منكير جل ) بدون المادة الشفافة الي اسمها اكريليك لأن اضافري كانت سليمة

هلأ المنكير الجل حلو و كل شي و بقوي الضفر بس الشي الي زعجني كتير انو ما توقعت انو منكير جل بعد شهر بيتقشر !
متلو متل المنكير العادي !

يعني بصراحة في منكيرات عادية بتكون اغلى بشوي بس حرفياَ بتضاين شهر ! متل شركة ESSIE منكيراتها غالية بس حرفياَ
بتضاين شهر ! و هو عادي مابدو لا ضو ازرق ولا مليون خطوة

و المصيبة مو هو منكير سميك لأنو جل ؟ يعني حرفياَ بيعمل سماكة للضفر الحقيقي و مشان هيك بيعطيه حماية دبل من انو ينكسر
او ينشعر من النص

ف المشكلة انو لما يتقشر جزء منو ف بصير في اختلاف كبير بين المنكير و الظفر الاصلي لأن المنكير سميك ف بتحسوا كان الضفر
خشن و لما تلمسوا ع شي سطح ناعم بتحسوا بخشونة بالرغم من انو الضفر ناعم بس بسبب تقشر المنكير بسبب هالاحساس السيء

و فوق هاد لما اتحمم صار الضفر المتقشر يعلق بشعري من كتر ما عامل اختلاف بالطبقات لدرجة فكرت ضفري انشعر
من النص

و الي زاد الطين بلة انو ما بينشال ولا باي طريقة غير اني روح عند صالون ادفع 15 يورو ليشيلوه !

كرهت حياتي منو !

الفكرة انو هالنوعية من المنكير فعلاَ للأشخاص الي بيشتغلوا يعني معهم حق حطو و شيلتو
بس شو الي الله جابرني ادفع هالمبلغ لشيلو او لحطو ؟

يعني ب المانيا كتير غالي اغلى من اي دولة تانية يعني لحط منكير جل بدون اي شي بس لون ب 25
و لشيل اللون ب 15 يعني كوني ما بشتغل ف كتير بكلف و ياريت لو بيستاهل كل هاد

يعني شفت نفسو نفس المنكير العادي

و انا بنت يعني لو تشوفوا درج المنكير الي عندي من كتر ما هم كتار الالوان مصنفتهم حسب لونهم
كل مجموعة الوان مع بعضها عندي كل عدة المنكير العادي من ستيكرات فرش رسم و الوان

لأني انا مزاجية كتير يعني ما بقدر خلي نفس لون المنكير شهر كامل لازم كل اسبوع غير اللون و مرات بغيرو مرتين بالاسبوع

كمان هي نقطة ليه كرهت هالنوعية من المنكير الي صرعوني فيها و ما شفت بنت بالمانيا الا و عاملتهم
اتضح انهم لاحقين ورا موضة الطبقة المخملية البايخة

يوم الجمعة كنت بالتشيك و هنيك كتير كتير رخيص المنكير الجل يعني تخيلوا اللون ب 15 بس يا بلاش والله
بس ولا اجا ببالي اني اعمل لاني كرهتو من قلبي من جوا و ما عاد بدي قربوا ع اضافري

و هاد انا ما حكيت ابداَ ع مساوؤه

و بالاساس اضافري قوايا يعني انا مو من البنات الي اضافرهم بتتكسر مرات اضافري بتوصل لطول بفكروه اكستنشن
بس لا طبيعي , انا باكل بيض يومياَ و بشرب حليب كتير و تغذيتي تمام و ما بقرب ع المي كتير ف كلها عوامل بتقوي اضافري

ليه لروح على هالنوعية ؟

اما مساوؤه و انا كنت بعرفها بس مرات النفس و ما تهوى , كتير مرات بعمل شغلات بعرف انها مضرة بس من باب الفضول و التجربة
و بقول لو ما جربت رح موت طقيق

بس مساوؤه اول شي انو بدوب الضفر الاصلي ان كان وقت حط المنكير او وقت شيلتو بحطولكم من هاد الجهاز الي متل القلم
و ببلشوا حف و تخشين سطح الضفر مشان يمسك عليه الجل اكتر

تاني شي الضو الازرق كارثة و كذا دراسة طلعت انو ممكن يسبب سرطانات الله يبعد عني و عنكم

تالت شي لما تروحوا ع هالصالونات انا ما بعرف كيف ببلدكم بس عنا , عنا صالون المنكير لحالو يعني لما فوت
بتشموه ريحة كيماوي حرفياَ حتى الي بيشتغلوا بحطوا كمامات من كتر ما الريحة مؤذية , عاد تخيلوا لو ضليتو
هنيك ساعة او اكتر و هي عم تشتغل ع اضافركم كم رح تشموا من هالكيماوي ؟

و هي مرة كيف لو كل مرة ؟

و بصراحة حطتو كتيييييييييييييييييييير بتاخد وقت مو طبيعي ! يعني بالتشيك لأنو رخيص ف بيشتغلوا بسرعة
مع انو شغلهم تمام بس مشان يخلصوا اكبر عدد من الزباين ولأن المانيا غالي ف بيشتغلوا عالبطيييييييييييء مو محتاجين زباين كتار
بس لانها المانيا

يعني اخر مرة سويت فيها بس لون بدون اي شي تاني اخد مني ساعة و ربع !
و انا حرفياَ كنت شوي و رح اغفى لأن البروسس كتير بطول و طبقات فوق طبقات

والله ما عم كرهكم فيه انا لحالي كرهانتو خير الله

هالتدوينة بس لتبين الجانب الخ&&& من المنكير الجل و الاكريليك !
هن كمنظر حلوين و بيطلعوا الاضافر كأنهم بونبون من كتر ما بيلمعوا
بس نفسياَ مو مريحين و سلبياتن اكتر من ايجابياتن

​

 

[Selene]

-





كان ببالي اكتب هالشي من زمان لأن حرفياَ عم بمر بمشكلة عميقة

الكل كان يمدح السكنة لحال يعني مستقل عن اهلو بس هل فكر يا ترى

انو لما يستقل يعني لازم يعرف يعمل الادارة المالية لبيتو ؟

و هل بتعرفوا يا ترى انو 99% من الناس ما بتعرف تعمل هالشي و منن

انا . يعني ما تخيلت ابداَ انو هالقد الموضوع صعب ! يعني لما كنت

مع اهلي بصراحة ما كنت فكر بشي , بمعنى لما اشتهي شي بيجي ما

فكر ب اديه بكلف و هل اذا ماما جبتلي ياه رح تنكسر هالشهر او لا

يعني كل هالتفكير ما كان عندي ياه بس هلأ كلما بدي فكر اشتري

شي صرت فكر , هل اذا شتريتو رح يضل معي على الاقل 50 يورو

للطوارىء لآخر الشهر ؟

والله هالتفكير ولا كنت فكر فيه و هاد تفكير البالغين بصراحة

و الكبار بس انو صعب صعب يعني تخيلوا بكل شي بتصيروا

تفكروا بالمادة بكل شي بدكن تحسبوها خاصةَ اذا كان المعاش ع

القد مو انو مبحبح

ف يعني بنظري كنت شوف هي اكبر صعوبة حتى مرات كنت اغرق

بالديون و اهلي يستغربوا انو كل هالديون من البقالة ههههههههههههه

انو ياريت لو مشترية شي محرز ف يعني تخيلوا اني

انكسرت بس على مشتريات اغراض البيت ف يعني لو ما اهلي

طلعوني من الدين بربي ما كنت طلعت منو و هلأ عم يعلموني

كيف اتسوق , كيف اختار الي لازمني و متى رخص بالشي و متى غلي

و كيف اعمل ادارة مالية و كيف حط الاولويات و كتير شغلات

بصراحة انا ما بخجل انو وصلت لهل العمر و عم اتعلم هيك شي

البخجل انو في ناس بيوصلوا لل 50 و ما معتمدين ع حالن

كان المفروض من عمر 25 كون فاصلة عن اهلي بس للأسف

كنت ببلد عربي -.-

ف يعني هالشغلات كتير رح تفيدني بالمستقبل ان تزوجت

و ان مثلاَ لا سمح الله ضليت لحالي

و اذا انتوا ما عندكم هالمهارات تعلموهن حتى لو كنتوا مع اهلكن

لان ما بتعرفوا متى بتحتاجوهن ​

 

[Selene]

-

انا مبسسسوطة لأنو نجحت بإمتحان كنت متأكدة 100% اني رح ارسب فيه !!
لأن كان كتير كتير كتير صعب

يعني الانسة حكت انو بس 30% من الناس الي بقدموه بينجحوا فيه
و عنجد يعني صفي فيه 12 شخص رسب منو 7 اشخاص و نجحوا 5 اشخاص بس
بالرغم من الي رسبوا كانوا ممتازين باللغة

مع اني قبل قدمتو 3 مرات بإصدارات مختلفة و ما كنت اقدر اخدو بالرغم من انو قبل كانت الامتحانات
الي قدمتها اسهل يعني المستوى الي قدمتو الو كذا نوع من نفس المستوى بس بتختلف صعوبة الامتحان
حسب نوع الامتحان الي فايتو

جربت امتحن عام ( general ) و جربت عمل ( beruflich ) و العمل دايما اصعب من العام
لأنو مخصص بمصطلحات و ثيمات خاصة فقط بالعمل عكس العام الي بعلمونا مواضيع عامة

ف الي قدمتو مو بس عمل لا و تصنيفو B2-C1 من صعوبتو طبعاَ انا ما حسيت انو C1 لحتى
الانسة مرة عطتنا امتحان تجريبي و عليه هالتصنيف انا انصدمت حكيتلا نحن عم ندرس C1 ؟

حكتلنا اي تصنيف امتحانكم B2-C1 و انا من هذا المنبر بحكي من لما عرفت و انا خايفة و قلبي
بيرتجف لأن انا امتحان B2 عام ماقدرت انجح فيه فما بالكم C1

طبعاَ ما حسيت انو C1 لان مستوى B2 نار و شرار و بالاساس ما بيختلف كتير عن ال C1 بحس
عنجد ال B2 اصعب مستوى لانو من هالمستوى ببين الشخص اذا فاهم اللغة تمام او لا

هلأ بعد ما نجحت بهل الامتحان اذا قدمت العام رح انجح فيه بعلامات عالية لأنو شفت الويل
من هالامتحان يعني توزيعة علامات النجاح بربي تحسوها تعجيز و بحس الي بجيبهن انو واو
امو داعيتو

تقسيمة العلامات ولازم كل النقاط تكون موجودة :

اقسام الامتحان 4 ( قراءة , سماعي , كتابي , تحدث )

1- تكون كل اقسام الامتحان علاماتها ماتنزل تحت ال 36 علامة
2- بحقلك بقسم واحد من اقسام الامتحان تكون علامتو تحت ال 36 و ما تنزل تحت ال 24
3- لازم الناتج النهائي يكون مجموعو 144 : بمعنى لو بكل الأقسام جبت 36 علامة و قسم جبت 35.5
رح يكون المجموع النهائي 143.5 و رح يكون رسوب بالرغم من انو مسموح اني انزل عن ال 36 بقسم
واحد بس لازم المجموع النهائي يكون 144

^ فهمتوا وين التعجيز بالموضوع ؟

بمعنى القسم الي نزلت عن 36 علامة لازم عوض علاماتو بأقسام تانية و المجموع النهائي ما ينزل عن ال 144
و القسم الي نزلت علامتو عن 36 لازم عوض علاماتو بأقسام تانية بشرط انو ما تنزل عن 24

الي عمل توزيعة علامات النجاح هاد نازي اكيد

و انا صح نجحت ع الحفة بس الحفة بهل الامتحان يعني متقنة اللغة
لأنو الفقرات الي كانوا يعطونا ياهم بالقراءة الالماني العادي مابيقدر يحلها
لا و بوقت قصير يخربيتن

حتى كانوا يعطونا لغة القانون و لغة القانون حتى لو كانت بالعربي مستحيل افهما لانها معقدة

و فوق هاد كنت مريضة و ما كنت مركزة مزبوط و بالاساس قسم السماعي ما سمعتو مزبوط من كتر ما كنت اسعل

انا توقعت اني رسبانة بربي و لما سمعت اني نجحانة من الفرحة اجاني مغص ببطني

يالللللللللللههههههههههه انا مبسسسسسسسسسسسسوطططة !

هالامتحان بينجح فيه بس 30% من الي بقدموه !!!

انا رسبت ب 3 امتحانات قبلو كانوا عاديين و كان لسبب لحتى الله يخليني انجح بإمتحان بحط هال 3
بجيبتي بيحكوا انو كل شي بالحياة بصير لسبب و كل تأخيرة فيها خيرة




رسمياَ بتاريخ 13.06.2024 صارت لغتي الالمانية أقوى من الانجليزية


​

 

[Selene]

-

^ لهلأ لابستا بإيدي كنوع من انواع الافتخار


الشي التاني الي مفرحني اني حضرت افتتاح كأس امم اوروبا بحفلة خاصة حضرها 70.000 شخص

هي اول حفلة بحضرها شخصياَ يعني عمري قريباَ رح يصير 30 و هي اول مرة بحضر حفلة CONCERT شخصياَ

و كان احساس غريب من كذا ناحية , اول شي اني كون موجودة بحفلة افتتاح لحدث عظيم و كل اوروبا بتحكي فيه

و تاني شي اني عيش تجربة جديدة ماعمري جربتها من قبل و اني احضر حفلة !

ولأن هالحفلة كانت لإفتتاح الكأس الي رح يصير ع ارض المانيا ف كانت الحفلة مجهزة بآخر تقنيات التقديم

يعني كان الستيج يطلع نار و هي اول مرة بشوفها و كان احساس حلو بصراحة هيك مٌهييب مو نفس ما شوفا ع التلفزيون

و الاحلى من هيك انو الجو كان بارد بليل ف لما كان يطلع نار كنت اتدفى

و كانوا حاطين شاشات كبيرة كتير للعرض لأنو الموجودين ورا مو شايفين كل الستيج 0.0 ! < عقلي ما استوعب هالشي لحتى تذكرت عدد الموجودين

انا لحسن حظي كنت حاجزة ب المنطقى الاولى الي عند الستيج و من المحظوظين بالاساس اني شايفة الستيج بعيوني و شايفة المغنيين

طلع غيري مو شايفو كلو ع بعضو

تاني شي , ال Graphics الموجودة ع شاشة العرض كتير انسحرت فيها يعني كتير شغالين عليها

الناس كانوا مركزين مع المغني و انا سرحانة بجمال الجرافيكس

و كمان الفرق الي كانت مسجلة بالعرض انبهرت فيهم بالرغم من اني ما كنت بعرف ولا واحد منهم الا تنين

اد شيران و نيلي فورتيدو في مغنيين المانيين ابهروني ما توقعت انو اللغة الالمانية هيك حلوة بالغناء مع اني

كنت ما بطيييقها بالاغاني بس ما بعرف كيف تغيرت نظرتي للغة بالاغاني من بعد ما شفت هاللايف من المغنيين الالمان !!

-

و شفت نيلي فورتيدو عم تغني لايف
و هالغنية الي كنت اسمعا لما كنت بالصف التاسع سمعتا لايف

الجرافيكس عالم تاني

^ شو حلو

صورت كتير فديوات بس للأسف الحفلات بالذات تأكدت انها احلا ( كتصوير و جمالياَ ) لما تكون ع التلفزيون
لأن لما كون موجودة نص الشغلات ما بتنشاف لازم من منطقة بعيدة , يعني الالعاب النارية الي كانت فوق
الستيج ما شفتها شافوها الي بعاد عنو و يعني لما راجعت الفديوات من اشخاص غيري اتضح كلامي صح

المهم كانت تجربة كتير كتير كتير حلوة و مميزة و اجت بوقتها لأنو كانت نفسيتي محتاجة اني جرب شي جديد
ما توقعت الحفلات هيك حلوة و لما نشوف مغني منحبو هيك القلب بصير بدق بسرعة و لما اسمع روك

و ااااخ يا قلبي من الروك لما اسمع سولو لايف مهيييييييييييييييب !!
-
المهم انا ما بعرف من متى مخي مخ بزنس , انو فكرت و انا هنيك و ما بعرف شو الي خطر ببالي
انو اذا كل شخص دخل ب 70 يورو للحفلة و الحفلة فيها 70.000 شخص يعني رح يطلع
4 ملايين و 900 الف يورو
و هاد لو الكل كان دافع 70 و انا تذكرتي مثلاَ كانت ب 120 بس يعني نقول هالعدد 70 مشان ما عقدها
انو واااااااااو معقول هيك حفلة تدخل هالقد 0.0 !!!
بعدين حكيت لاختي لأنها كانت تشتغل بالحفلات حكتلي هاد كلو بروح ضريبة و اجار عمال و ما بيصفى شي
انو بااااااااال 5 ملايين تقريبا ما بيصفى شي
يعني حكتلي بالمانيا كل شي حرفياَ بدو ترخيص و اي حركة بدك تدفعي عليها
يعني الستيج لحتى ينصبوه بمنطقة معينة بدو ترخيص
النار الي طلعت من الستيج بدا ترخيص
الالعاب النارية قالتلي كتير غالية ( مو الالعاب نفسها بل ترخيصها )
صوت الاغاني العالي بدو ترخيص ( اني حط بفلات )
السكيوريتي
الحمامات ( هاد موضوع تاني )
ستاندات الاكل و المشاريب
حتى أساور الدخول
و شغلات كتيرة هي مو ببلاش
انو السوارة لحالها و الله متعوب عليها مصنوعة من القماش مو ورق مقوى
يعني مانا رخيصة بنوب و واضح انهم متكلفين عليها
حاولت شدها بإيدي لتنقبع ما كانت تنقبع لقصها بالمقص 0.0
و فوق هاد انا بقول انهم مطلعين من المشاريب لحالها حق الحفلة كلها لأنو الكولا لحالا ب 8 يورو
انو شو 8 يورو -.- ! مصنوعة من ماء الذهب ؟
يعني جد جد جد و متأكدة المشاريب جابت حق الحفلة كلها
طبعاَ ما كنت اشرب اي شي مشان ما اضطر روح ع الحمام لأن الحمام قصة تااااانية
انو يعني هالشي اكتتتتررر شششيييي سسسسييييءءءء بهل الحفلات و الي مستعدة اني ماروح على اي
حفلة مستقبلاَ مشان موضوع الحمامات
و لا حدا يسالني ليه
و ما كنت مصدقة انو خطيبة اخي راحت على 25 حفلة 0.0 انا حفلة و انكسر ضهري حرفياَ منها
تخيلوا من ساعة 2 الضهر للساعة 11 الا ربع المسا و نحن واقفين ع رجلينا 0.0 و هي حاضرة 25 حفلة متل هالنوع 0.0
انو اي هواية و اهتمام بس ليه هيك كتير صعبة و متعبة و غالية بنفس الوقت 0.0
قال انو اختي بتدعمني اذا كان بدي روح على حفلة مستقبلاَ بس انا بدي انسحب انسحاب تكتيكي لان مابدي ضهري
بيوجعني من الوقفة
المهم انها كانت تجربة مثيرة للإهتمام

​

 

[Selene]

-


يقول الكاتب الروسي فيودور #دوستويفسكي في رواية الجريمة والعقاب :
كل الذين أحبوني وأحببتهم كنت أنا دائماً الطرف الأكثر حُباً لهم
أقصُد أن ورغم قدرتي الضعيفة على التعبير لكنني أُقدم أشياء صادقة
ربما لا يعرفون قيمتها إلا بعد نهاية علاقتنا ! هم رائعون في البداية كالجميع ...​

 

[Selene]

-

عندي كتير اخبار حلوة بس ما كان الي حيل شاركها من كتر الشغل

مبدئياَ كنت بالكناري اسبوع متخيلين زدت بس 3 كيلو !

و قبل فترة بشهر 4 هالسنة رحت ع ايطاليا 3 ايام بس زدت 3 كيلو

قصدي شفتوا الفرق بين الشتي و الصيف

انو بالكناري كان مليان نشاطات و شمس و سباحة

كل وقتي هنيك قضيتها و انا اركض ورا الطابة

المهم ف لما رجعت ع المانيا كان يوم احد تخيلوا عاد

من هاد الأحد للأحد الي بعدو يعني اسبوع نقصت 4 كيلو !

ما بعرف كيف لا تسألوني !

انا بعرف انو النقصة الصحية بتكون كيلو بالاسبوع و انا نقصت 4 !

بصراحة انا كمان مصدومة ما توقعت , انو اوكي جسمي تحول لآلة حرق

بس مو 4 كيلو بأسبوع 0.0 !!

المهم , الهدف رح يتحقق قبل عيد ميلادي متل ما توقعت !!

رح ادخل السبعينات قبل عيد ميلادي ما توقعت للأمانة اني اوصل هالرقم

متخيلين وزني كان بالتسعينات , يا الله لو تعرفوا اديشني مبسوطة بهل الانجاز

و الانجاز مو انجاز نحف وبس لا بانية عضل كتييير ! رجلي متغيرين 180 درجة !

صايرة لما عم اوقف عم تنفصل عضلة الفخد من فووووق قبل كانت تنفصل بس من النص

انو توصل لفوق ما توقعت !!

كتافي برزوا و صدري انشد اكتر و ضهري تحسن يعني ما تتخيلوا اديشني مبسوطة !

انا هلأ ما حدا بضاهيني سعادة لأن سعادتي صايرة بصحتي و مو مصدقة اني رح اوصل

للهدف الي طالما كنت عم احلم فيه ! اني انحف بس نحف عضل مو نحف مرض و بدون تفاصيل !!

لا و كمان صاروا ايدي يبينوا فيهم العروق بشكل قوي اكتر عن قبل بالرغم من انو قبل كنت اضغط ع حالي
بس هلأ لاني مشيت ع برنامج تدريبي اقوى
​

عند ممارسة الرياضة، يرتفع ضغط الدم ويدفع الأوردة إلى الجلد. بمجرد انخفاض ضغط الدم إلى طبيعته، تصبح عروق اليد أقل وضوحاً. مع ذلك، يمكن أن تجعل التمارين الرياضية بانتظام عروق اليد منتفخة دائماً.​

^ بس انا حتى بيوم الراحة بدون اي مجهود بتضل عروقي واضحة ما تتخيلوا اديه هالمنظر بحبو !!
انو تكون الايد نحيفة مشدودة و بارزة فيها العروق !!

كنت بدي موووت لطلعهم ما كنت اقدر شربت كرياتين كمان صارت تطلع بايد و ايد التانية لا

هلأ لما وقفت كل شي حرفياَ طلعوا لحالهم هاد هو قانون الجذب لما تترك الشي بيجيك لحالو

المهم كنت بدي احكيلكم كمان انو انجاز تاني سويتو و هو مو انجاز لألي يعتبر انجاز للي بشوفني بصراحة

انو وزني كان بال 95 وما كان عندي سيلولايت لأن حتى لو وزني عالي كنت بمارس الرياضة بانتظام ولسنوات

مشان هيك بيحكولكم حتى لو ما بتنحفوا مارسوا الرياضة الها فوائد عديدة غير انقاص او زيادة الوزن

هي معلومة حبيت شاركها معكم مشان تتشجعوا لممارسة الرياضة يغض النظر لو مارح تنحفوا مارسوها مشان صحتكم

و بيحكوا انو السيلولايت بكون اكتر عرضة للي وزنهم زائد بس كمان بيجي للنحاف , اخواتي التنين عندهم ياها بالرغم

من انهم انحف مني و انا فخدي بعادل فخد و نص من عندهم ماعندي ياها

انا طفولتي و أخيراَ طلع شي منيح و خير فيها انو من طفولتي و انا متمرسة للرياضة بهدف المتعة

لو ما طفولتي والله كان رح يكون شكلي اكبر بكتير بس الحمد الله طفولتي كانت كلها جدا جدا سيئة و طلعت بهل الشي الوحيد

المنيح الي فيها
-
^ انتوا متخيلين انو كل هالنتائج و انا ما كنت استخدم مكملات !
لو استخدمت مكملات شو ممكن يصير ؟
بروتين ماعم اخد , كرياتين ماعم اخد , BCCA ماعم اخد , امينو ماعم اخد, قلوتامين ماعم اخد, الكرياتين ماعم اخد, CLA ماعم اخد
بالرغم من اني كنت اخدهم كلهم قبل و ما كان في نتيجة متل هلأ
هلأ صح كان في خطأ سويتو قبل و يمكن هاد الي عمل فرق مو المكملات !
هو انو بعد ما اجاني اخر انزلاق غضروفي ( بروح و برد بيرجع ) و ما كتبت عنو هون انو رجعلي بشهر 4
المهم بعد ما راح , انا هون قلت لازم لازم روح لعند مدرب حتى لو بدي ادفع فلوس ليعملي جدول مناسب لحالتي
لأن مو معقول يعني يجيني هالوجع الفظيع كل فترة بسبب تماريني ! بالرغم من اني متأكدة تماريني مالها علاقة !
المهم رحت لعند المدرب اول شي بهدلني على الحكي الي حكيتلو ياه الي هو :
- كنت روح ع الجم يومياَ و اخد يوم واحد راحة ( هون بهدلني كتييير بسبب اليوم واحد راحة فقط )
- كنت كل يوم خصص يوم لعضلة منفصلة و كل عضلة تاخد 4 تمارين على الاقل
- كنت كل يوم بعد كل تمرين حديد العب كارديو من 30 ل 45 دقيقة !
- كانت عداتي اعلى شي الي هي 15 عدة و فترة الراحة بينهم بس 30 ثانية
الي عدلو المدرب انو خلاني اتمرن يومين و يوم راحة يومين و يوم راحة
اثنين و ثلاثاء تمرين الاربعاء راحة او بس كارديو خميس و جمعة تمرين و سبت و احد راحة او يوم واحد منن كارديو
يعني خلا بأسبوعي كتيير وقت للراحة

حكالي انو ضهرك ماعم يتعب من التمارين ولا من الوزن , عم يتعب لأن ما عم تعطيه وقت للراحة , 6 ايام تمرين
مقاومة و بعدها كارديو قوي انتي مو محتاجة كل هالجهد !
ضهري عم يرجع فيه الانزلاق لأن حرفياَ هالكتو وماعم ريحو !
تاني شي الي عملو المدرب مو خلاني اتمرن يومين و يوم راحة ؟ ف بهل اليومين جمع كل التمارين
و قلل من عددهم كلياَ
يعني باليوم الأول upper body
6 تمارين بس , 2 للضهر 2 للكتاف 2 للصدر و بس
باليوم التاني lower body
4 تمارين رجلين و تمرين معدة
متخيلين انو قبل كنت العب 12 تمرين للرجلين ! و هلأ 4 و عم احكيلكم اني لقيت نتيجة !
تالت شي عملو المدرب حكالي انو كتر فترة الراحة بين كل تمرين يعني حكالي دقيقة و نص دقيقتين منيح
و عنجد عنجد لقيت فرق !

رابع شي حكالي نزلي العدات لل 10 بدل 15 و ارفعي وزن قد ما تقدري , يعني طلعي طاقتك ب 10 عدات x 3
و عنجد عنجد لقيييت كتيييير نتائج ع هالحكي ! قبل ما كنت اقدر بالاساس ارفع اوزان لأن عداتي كانت عالية
كنت داخلة قوة تحمل مو بناء عضلي و شكل
و علمني ع تمرين حرفياَ غير شكل رجلي من ورا ال هامسترينغ و كنت خايفة اتمرنو لأنو لو حركتي خطأ بيتدخل
الضهر السفلي !
ف علمني ياها و طلعت حرفياَ سهلة لأن عرفت التكنيك !
ف بعد ما بلشت سوي التمرين كملت شهرين و حرفياَ بحكيلكم لقيت فرق فظيييع برجلي الخلفية انشدت اكتر
اسم التمرين RDL ROMANIAN DEAD LIFT
بتصير بدمبل واحد و تعملوه رجل رجل , او دمبلين و مع رجلين التنين بنفس الوقت او مع بار و هاد اصعب مرحلة الو
لأن البار لحالو بدون وزن 20 كيلو
شي خطيييير ! و قال رح يعلمني كيف اعمل سكواتس بالبار الحر لأن كنت كمان خاف منو بسبب الاصابة
قال هدول كلن ما بأذوا ضهرك دام معطيتيه راحة و اهم شي ماعم يوجعك وقت التمرين لما ترفعي وزن و انا ما عم يوجعني
بس ما كنت اعطيه راحة !
خامس شي حكالي ياه , انو مو ضروري كل يوم العب كارديو بعد الحديد عادي العب حديد بس و ارجع ع البيت
قبل كنت اضغط ع حالي اني العب كارديو بعد الحديد قالوا انو منيح و بخفف التعضيل و هيك ( هو هيك فعلاَ بس حالتي استثنائية )
و انو بزيد حرق الدهون لأن مخزون الطاقة بكون خلص بالجسم , بس انو ليه كنت اجبر حالي ؟ حكالي مانك مجبورة
و مو 45 دقيقة , نص ساعة ماكسيموم , باليوم الراحة لو بدك تلعبي كارديو 45 اي بدون حديد
مو كلام منظقي ؟
و نظمت اكلي كمان صايرة صحية و انا ما بعرف المهم اهلي ما يقربوا مني لان اول ما يصير في تجمع عائلي
بزيد 5 كيلو هلأ طبخ ماما مو دسم للأمانة بالعكس كتييير صحي كتير قليل بتستخدم الدهون او الزيوت
بس مو لأنو طيب ؟ ف باكل كأني ما اكلت من سنة
هاد غير انو بيعملوا حلو و انا نقطة ضعفي الحلو !!!
مرة شفت صورة فرطتني ضحك و اديه وصفتني




​

 

[Selene]

-

تاني خبر حلو انو شوزي المفضل من كونفرز انشق



^ كان هاد

بتحكولي وين الخبر الحلو

هو بصراحة تضايقت لأنو عنجد كان شوزي المفضل

بس لأن عيد ميلادي ع الطريق ف اقترحت ع اهلي يجيبولي شوز

Custom shoes from converse

و ما تخيلت بيوم من الايام اني اجي صمم شوزي لحالي و اختار لونو كمان !!

هاد حرفياَ رح يكون سسسطططلللةةةة للي رح يشوفوا !



^ حطيت نجوم , مع انو كان في ورود بس حسيت النجوم طالعة احلى

كنت محتارة بين خلي الشوز كلو وردي او نص نص , حسيت النص نص حركتو مميزة اكتر ؟




^ غيرت لون الباتش للوردي هي اكتر شي متحمستلا

بال Customized بتقدروا تغيروا من لون :

الباتش ( لوقو الكونفرس و شكلو )
لون الرباط
لون الخياطة
لون داخلية الشوز
لون الحلقات المعدنية الدائرية
لون المستطيل الطولي بخلفية الشوز
بتقدروا تغيرو لون نص الحذاء او كامل
بتقدروا تضيفوا اشكال و زخرفات حسب ذوقكم
بتقدروا تضيفوا اسمكن عند المستطيل الطولي بخلف الشوز
حتى بتقدروا تغيروا لون ( الجلد الأبيض عند اسفل الحذاء ) بين الأسود, كحلي و احمر أو ابيض
شفتوا لسان الشوز من قدام الي بكون تحت الرباطات ؟ حتى هاد بتقدروا تغيروا لونو

و الخيار بكون يا اما لون سادة او باترن و بتختاروا تحتوا لون الخلفية


^ الخيارات كتير مغرية للامانة , انكم تصمموا شوز ع ذوقكم و الاحلى انو شوز مو موجود منو 2 !!!

هي عنجد رح تكون اكتر هدية عيد ميلاد مميزة لألي !

و لسا كمان بعد ما يوصلني , بدي اطلب من شي ان رباطات كذا لون مشان خلي الشوز لسا كول اكتر
في رباطات بشي ان بتضوي بليل متخيلين

و رباطات وردي نيون , جد متحمسة للموضوع !!

^ و بتعرفوا شو الغريب بالموضوع ؟
انو قبل ما كنت طيييق شي اسمو لون وردي !
يعني كان حرفياَ اخخخخر لون بفكر فيه لما تخلص كل الالوان بقول وردي !
كنت شوفوا لون مااايع و انثوي بزيادة كان يحكني جسمي لما البسو

هلأ متخيلين اني سويت كوستوم شوز بلون وردي ؟
و فستان كتب كتاب اخي بلون الوردي ؟

شو قصتي ؟ معقول هالتغير الفظيع لا و صرت كتير حب هاللون
يلا هي تغيرات ما قبل ال 30
​