ما حجم تأثير وسائل الإعلام عامة و التواصل الاجتماعي خاصة على الرأي العام ؟
تأثيرو كبير و شفت كتير قصص واقعية صارت و تغيرت بسبب الرأي العام
قضايا بمحاكم حكمها تخفف او زاد بسبب تأثير الرأي العام
هل رأيك هو نتاج تفكيرك الخاص أم أنك متأثر بما قرأته على وسائل التواصل الاجتماعي ؟
عاد هون انا مو من البنات الي بتتأثر بوسائل التواصل الاجتماعي لأن اغلبه مو صادق ولا حقيقي
ف اني كبنت واعية ابني تفكيري على شي مو شايفتو قدامي ومو متأكدة لو كان صحيح او لأ بكون حرفياَ تناقض مني
يعني هون رح كون مبينة للكل اني مو واعية , رأيي بكتسبو من ثقافتي العامة من كسب معلومات بتفتح آفاق تفكيري
او من تجارب الحياة , من حكي بابا و ماما , اما من سوشل ميديا ؟ فعلاَ هو اسوأ مكان الشخص يبني فيه رأيو
كتير قصص كشفتها , كنت مفكرتها حقيقية اتضح انها كلها تلفيق و كذب و ما اسهل التلفيق
بوسائل التواصل الاجتماعي لحصد المشاهدات !
هل يمكن لهذا التأثير أن يكون إيجابيا أم أنه سلبي بحت ؟
اكيد سلبي , لأن في كتير عوائل تفككت و انهارت من ورا تأثر الوسائل التواصل الاجتماعي على التفكير
و القناعة اهم شي , كتير من الناس للأسف وعيها على قدها , حتى قناعتها على قدها , في ناس للأسف
عقلها حرفياَ ما بيحمل , يعني تخيلي زوجة شافت ستوري لحياة زوجين آخرين و كانوا سعداء , هي بالاساس
ماتأكدت 100% انهم فعلاَ سعداء و هل هاد بالاساس تلفيق مشان حصد المشاهدات ؟ و لو كان بالفعل صحيح
ف القناعة هون للأسف تبكي بالزاوية !
يعني من اي جهة اخدتيها في عطل بالموضوع !
اول قانون المفروض ينوضع للي بكون عندو سوشل ميديا انو يكون عندو قناعة قوية لأن لو ماعندو حرفياَ
رح يتأزم نفسياَ , تفكيرو رح يتغير , و يخرب الشي الحلو الي بحياتو
و هالشي الي ذكرتو مثال واحد من ملايين الأمثلة , صارت السوشل ميديا مكان لأنو الشخص يفرغ طاقتو السلبية
بدون محدا يعرف مين هو بمعنى بيعمل حساب وهمي و بيقعد يتنمر , ينتقد و بتوصل مرات للسب بعض الناس !
هالشي ممكن يسبب أذى نفسي مو طبيعي للشخص المستقبل ! و مابحكيلك ما صارت معي , لا صارت و كتير
و شغلات كتيرة , بحس السوشل ميديا , سلبياتو اكتر من ايجابياتو للامانة , و سلبياتو ممكن تنحد كتيير لما الشخص
الي عم يستخدمها يكون واعي , مثقف و متربي مع بعض هدول بيجو كومبو , لأن لو الشخص ما كان واعي اي فديو
بياخدو و بجيبو و ببطل بدو الحياة الي عايشها بتصير كئييييييبة و المثقف لأن هالشي بيحمي عقلو و رأيو , الثقافة متل
ما حكيت بتفتح آفاق العقل و بصير منفتح , بيتقبل اراء الاخرين بس بنفس الوقت بيتشبث برأيو , هيك بتعلم الثقافة
و التربية الجيدة انو ما يوصل مواصيل هالاشخاص الي بتتنمر بحسابات وهمية , بيقدر انو يفضي هالطاقة السلبية
بطرق افضل من هيك و بدون ما ياذي حدى !
يعطيكِ الف عافية يارب على هالموضوع القيم ![at1 ق1 ق1](/styles/default/xenforo/smilies/at1 (1).gif)
استمتعت فيه ![At (39) ش1 ش1](/styles/default/xenforo/smilies/at (39).png)