s h a d o w | 30-9-2024
السلام عليكم ورحمة الله
كيف الحال سلوش الجميلة عساكِ بخير
يعني معقول سلوى يلي بتنزل موضوع مرة كل خمس سنين تنزل وما نرد عليها؟
صح غيبتك طويلة بس لما ترجعي بتكون رجعة قوية جدًا، لكن هالمستوى من الجمال والفخامة
مو غريب عليك، من اكثر الأشخاص المبدعين يلي عرفتهم انتِ
طريقة عرض الموضوع فخمة جدًا وملفتة، بس تصدقي اول ما شفت اسم الفيلم وشكل
البنت والقطة السودا يلي جنبها ضحكت، حسيت الفيلم حيكون سيرة ذاتية عن حياتي :$
ما عندي قط اسود والبنت ما تشبهني بالشكل لا بس لإنه يتكلم عن الحياة النحسة
وكمان افلام الانميشن احبهم بجد وعطول بكون أدور ع هيك أفلام حلوة، آخر واحد تابعته
كان inside out وموضوعك حمسني لفكرة إني اسوي تقرير عنه كمان
التقييم تبع هالفيلم مو عالي كثير على IMDb بس أنا تعلمت إني ما اوثق بتقييمات
الناس الغريبة واكيد رح اوثق بذوقك اكثر كونك طلعتي بموضوع بكل هالجمال والتفاصيل عن الفيلم
فأكيد إنه يستاهل، ورح احرص أتابعه بأقرب وقت ان شاء الله
شخصية سام كنت اقدر أتوقعها من شكلها، إنها حيكون فيها حس فكاهي، اما النحس
فهذا لا بد منه. هيزل حسيتها صغيرة بالعمر اصغر من سام ف استغربت كونهم صديقات
اما القط الأسود لما قريت تعريفك له ذكرني بطبيعة القطط البرتقالية في الواقع
لئيمة وغريبة ومزعجة بس مسّلية، شخصية التنين حسيتها من النوع يلي لما يصحى
من النوم يروح يدور علبة المكياج ويجلس قدام المراية!، عاد تنين وانوثة ومكياج خلطة غريبة xd
شخصية رئيسة الأقزام بصعوبة اقنعت نفسي إنها بنت مو ولد، باين عليها هيك حد بلطجي متسلط
عمل الأقزام فعلاً جميل ومريح لو أني ألاقي هيك وظيفة رايقة بالواقع :$
الأرانب لطيفة جدًا، لا شك إنه في فكرة وربط ورا اختيار دور كل حيوان وتصويره بهذا الشكل
في الفيلم من قبل المخرجين، لكن الخنزير؟ احس نسف تفكيري هذا، ورقة البرسيم المرتبطة
بالحظ كنت بسمع عنها قبل بس ما اذكر وين وبنت خالي تحب هالورقة وتسعملها كثير
-هي احد الناس يلي عندهم فكرة ربطها بالحظ-
ولو نوقف شوي كمان عند هالفقرة، كنت بحاول اتخيل طريقة شغلك وتصميمك، احس انجلطت
عنك يا اختي! خصوصًا ان المشاهد المتحركة طويلة جدًا وهذا خلاني أتعجب اكثر، لأي درجة
شاب شعرك لحتى طلعتي فيه؟
لما وصلت عند التريلر تركت المحتوى تبعه ولفتني Apple TV+ رحت أدور بالجوال
ولقيته بجد ، اول مرة انتبه له بأمانة واعرف انه موجود، مو مجاني طبعًا بس فيه تجربة مجانية
7 أيام وأقدر ابحث بمحتوياته، هنا فكرت أشوف لي كمان كم فيلم واستغل التجربة المجانية لمتابعتهم
في هاي الفترة، ما شاء الله عليك ع كمية التفاصيل يلي ذكرتيها عن الممثلين والعاملين
وشركة الانتاج وكل هذا، والأحلى ان كل فقرة فيهم معروضة بتصميم وشكل مختلف
وكل واحد احلى من الثاني، وأكثر الفقرات الإبداعية هي المقتطفات ووضعها داخل
إطار شاشة ، والرمزيات يلي بإطار ذهبي
فخمة جدًا أنت وأفكارك يا فتاة، رفعتِ المستوى لفوق كثير، وإذا ما انختم الموضوع
اداري انتظريني أصير إدارة لأحظرهم كلهم
يعطيكِ العافية واي شي ثاني مخبى عندك بالورشة طلعيه للنور نشوفه كمان
بانتظار جديدك بكل حماس، جاري التقييم وفي أمان الله
.gif "at1 ق1")
وأخيراً وصلت لختام الموضوع المنحوس.png "At (162) ضض1")
.png "ne (1) هه4")
.gif "At (138) ه1")
.gif "At (448) ض2")
.gif "At (209) ش2")
