مدونة مميزة واقعة بالمنتصف بين الألف والياء مقبلة على الوسطية في شتى أمور الحياة (1 زائر)

[أنين الذكرى]

رد: ♠ || عالم من الفراغ , مساحات من الوحدة || # أنين

غيورة جداً على من أحب
........................... وأكره هذه الغيرة !​

 

[أنين الذكرى]

رد: ♠ || عالم من الفراغ , مساحات من الوحدة || # أنين

لمآ أحد يهاوشني ويكلمني بأسلوب مافيه ذرة ذوق
ما أرد عليه بنفس الاسلوب أبداً .. أرد عليه
بأسلوب محترم ابتعد عن التجريح او اي كلمة بذيئة
في كم شخص قال لي هالنوعية اللي ارد عليهم بهالسلوب
ما ينفع معاهم لـآزم أسب او اجرح عشان ما يقربون مني بعدها
ما إني ما اوافق هالكلـآم أبداً لأن إن سبيته وجرحته مثل ما يسوي معي
بيكون نجح في إنه خلاني مثله وغير باسلوبي !
وهالشي ما ارضى فيه لـأن عندي ثقة كبيرة بنفسي
و مستحيل أي شخص يغير فيني أي شي مهما كآن
و أعرف اتصرف مع هالناس بالطريقة اللي تناسبني ~​

 

[أنين الذكرى]

رد: ♠ || عالم من الفراغ , مساحات من الوحدة || # أنين

صممت هالتوقيع قبل فترة كنت حزنآنة وقتها ونفستي بالحضيض
وقاصدة كل كلمة بالتوقيع اللي أتذكره كسرت خاطر أختي
الكبيرة وقتها وودتني المعطم نتغدى
شفته مناسب للون اسمي فحطيته توقيع

ق5
​

 

[أنين الذكرى]

رد: ♠ || عالم من الفراغ , مساحات من الوحدة || # أنين

شخص يكون قريب جداً مني يصير موقف استنكره منه
موقف يا زعلني او ضايقني ويمكن جرحني .. اسكت
يجي موقف بعده موقف وبعده موقف ولا اقدر اقول له
عشان ما ينقال لي اني [ حساسة ] على اشياء مالها داعي
غير هو مو حاس انه سوى لي شي ليش اقوله !!
تتراكم هالمواقف تجاه هالشخص ولا اعرف اخذ راحتي معاه مثل قبل
لدرجة اقول لنفسي انا شلون قبل كنت اسولف معه وما بينا حاجز
انسى شلون كنت اسولف معه و اشك في معرفتي له
يصير بالنسبة لي شخص آخر .


#الأمور المزعجة متعاونة جداً فيما بينها لدرجة ترفض القدوم متفرقة .. ​

 

[أنين الذكرى]

رد: ♠ || عالم من الفراغ , مساحات من الوحدة || # أنين

منشغلة جداً ومتعبة .. اشتقت للفراغ ..،

 

[أنين الذكرى]

رد: ♠ || عالم من الفراغ , مساحات من الوحدة || # أنين

ممكن ابكي على اي شي الا على الدرجات

رغم اني انقهر واعصب واتضايق جداً بس ماش دموع
كل اللي حولي يبكون وانا عديمة احساس بينهم
جد احس ان ما تستاهل درجات الدنيا دموعي

اخر امتحان كان رياضيات في مسألة مفروض نحلها بطريقتين
اكثر بنات الصف وانا منهم حلينا بطريقة وحدها وراحت نصف درجة السؤال
والامتحا سهل سهل سهل جداً لكن ضاعت درجاتنا عالسؤال
صارت مناحة واكثر كلمة انقالت لي وقتها ' اتمنى نفس برودج '
مع اني من داخل منقهرة بس مو راضي يطلع القهر على شكل دموع
دايماً يقال اني قاسية

احلى شي صار امتحان العربي الكل يقول انه صعب وانا شفته سهل !
ممكن هو احلى امتحان عربي مر علي بحياتي وعموماً العربي سهل بالنسبة لي

الكمياء رغم اني مدري شنو خبصت وشنو سويت ولما سلمت الورقة
نسيت انا شنو حليت وشنو كتبت الا اني انصدمت لما شفت درجتي كامل
والمهم مو هنا المهم لما خلصت الامتحان راجعت مع جم بنت وقالوا عندي سؤال غلط
وشككوني باجاباتي في النهاية اشوف اني الوحيدة الكاملة بالصف

امتحان الفيزياء كان سهل وبقوة لكن نزلت فيه درجة ونص ! القهر مو اني
نازلة القهر اني كنت حالة صح وشطبت

كنت جالسة بالباص على وقت الهدة نبي نرجع البيت جوا كل البنات اللي معي بالباص
وقلنا للسواق تحرك بس ما تحرك واشر على المكان اللي جدام الباص شفته
وشفت بنتين يضمون بعض وجدام كل الرياجيل اللي يسوقون الباص
ومو ضم الصديقات لا الضم الخياس حقهم مع كل الضيقة والصداع اللي فيني
قمت وعطيتهم من المقسوم وتهاوشنا ممكن احترم اي شي لكن اللي ما يحترم نفسه ماعندي
له احترام اتوقع فشلتهم بما فيه الكفاية بالذات ان المعلمات جووا وسحبوهم للادارة يجون اهاليهم
ياخذونهم من الادارة .. مهما يكون السواويق رياجيل والحيا من نفس الجنس فكيف اذا كان جنس ثاني

احنا نحط للعشرة والرفاقة قدر وهم ما عبروا ولا عندهم لنا قدر ليش تهون علينا العشرة مثلهم؟
بالذات اذا الموضوع اللي كان سبب الخلاف مالنا دخل فيه من الاساس!! في النهاية سحبت عليهم بكل برود
ورجعوا اعتذروا لكن في كل جدال تطلع كم كلمة من قلب صعب ينساها اللي توجهت له


# هذرة بدون مراجعة

 

[أنين الذكرى]

رد: ♠ || عالم من الفراغ , مساحات من الوحدة || # أنين

​

|| حاجز القدرة ||


في كل مرةٍ أريد فعل شيء جديد لم اتعود عليه , لكن لدي اليقين الكآمل
بأني أستطيع فعله ,, لا أجد سوى نفسي في منطقة بيضاء أسميها الفراغ
أمامي على بعد مسافة مجهولة حاجز أسود اللون مكون من طبقتين
سميكتين خلف بعضهما البعض ,, لتحقيق ما أريد علي كسر الحاجز
ليتبدد الفراغ و أصل إلى ما أريد تحقيقه خلفه وبمجرد عبوري من ركآم الحاجز
وصلت لمبتغاي وفعلت ما أريده , لكن لكسر الحاجز علي عبور المسافة المجهولة
وغالباً ما تكون خوف النفس وإحبآط الآخرين عندما أغلق أذني داخلياً وخارجياً و أثق
أصل إلى الحاجز كل ما تبقى لي الآن كسره بعدة محاولات و كمية من الإرادة كسرت
الطبقة الأولى بقيت الطبقة الثانية ,, سأكسرها لكن كيف ؟
هنا تبرز الوسيلة فكل شيء أريده يختلف عن إرادتي للشيء السابق
وكل شيء سابق له ظروف معينة وعند توفيري للظروف المناسبة كأخذ المعلومات الكافية
سينكسر الحاجز الثاني وأعبر الركام وعند إنتهاء العبور يكون ما أريده قد تحقق
والأساس الثقة و اليقين !!

* مشهد يصير معاي بعقلي في كل مرة اكون ابي شي وأسويه !​

 

[أنين الذكرى]

رد: ♠ || عالم من الفراغ , مساحات من الوحدة || # أنين

​

بين همسآت الليـآلــي و ضحكآت السحر .. بين الصبآح وموعد اللقآء
في موعد اللقآء نحكي ونحلم عن أبناءٍ نصفهم مني و نصفهم الآخر منكـ ِ
لم أفكر بالأطفآل إلا عندمآ قابلتك .. و لم تؤمني بالزوآج إلا عندما قابلتني .. !!


جمآنة : أحببتك يا عزيز أكثر مما ينبغي وأحببتني أقل مما أستحق
عبد العزيز : أحبك يا جمان فالتغفري !


^ كلش ما ينفع لي إني أقرأ رواية رومانسية أتأثر بسرعة xD .. لكن مو كل الروايات
الرومانسية تعجبني ذوقي صعب من نآحية الروايات جداً صعب .. لما تكون الرواية بالفصحى
هني أحط ببالي اني اقرارها لما تكون عامية ابداً أسحب عليها اذا كانت بكتب مو عالنت
أول شي أقراه بالرواية الخاتمة أحكم عالرواية من الخاتمة إذا شفت الأسلوب بليغ راقي
هني أصر على إني أقرأ الرواية .. آخر رواية رومانسية قريتها رواية أحببتك اكثر مما ينبغي
و الجزء الثاني لها فالتغفري الأبطال جمآنة و عبد العزيز أسلوب الكاتبة أثير كان ممتآز بشكل كبير
سرد التفاصيل ورسم الأحداث والأهم الأهم الحوارات أعشق تلاعب الكلمات في الحوار
في كون المرأة لعوبة بالألفاظ ضعيفة في الأفعال والعكس للرجل .. حبيت منهج الكاتبة في إن الأبطال
هم اللي يسردون الأحداث كذكرى قديمة في آخر جزء يوصل للحاضر .. النهاية كانت مقبولة نوعاً ما
مع إني تمنيت حقيقة يموت البطل الإنطباع النهائي عن شخصية عبد العزيز إنه جبآن و عن جمانة
إنها ضعيفة مأسورة كثير تمنوا وتكلموا عن إن في جزء ثالث يتزوجون فيه .. نعم؟؟ خير !!
النهاية جداً مناسبة ولو في جزء ثالث ابصم بالعشرة ماراح يتزوجون الضعف و الجبن ما يجتمعون ابداً
غير شنو بيكون موقف أهل جمانة من عبد العزيز .. أفكر أرجع أقرأ الرواية من جديد وأفهمها اكثر .
​

 

[أنين الذكرى]

رد: ♠ || عالم من الفراغ , مساحات من الوحدة || # أنين

الاشخاص اللي ممكن أخاف منهم هم الاشخاص اللي ما ينسون التفاصيل الصغيرة !

 

[أنين الذكرى]

رد: ♠ || عالم من الفراغ , مساحات من الوحدة || # أنين

ورجععع اسمي الحبيب أنين الذكرى يمكن اطول على ما غيرهه xd

في كثير اعضاء اشتقت لتواجدهم الفعلي بالمنتدى منهم سنباي جوكر ، الجنرال ، جوينآ
كآن لهمم حضضور مخخختلف بالمنتدى ،، ق5

مافي واحد من المسلمين له حق يقول فلانـ / ـة كافر/ة يحكم بدخولهم للنار او الجنة وعذذرهم المسبب لهالحكم ان هذا مثلاً مغني ..،
وهذي مثلاً ارتكبت فاححشة ..، وحدة كانت سبب بموت امها ..، واحد سفاحح ..، اشخاص مجاهرين بالمعصصية ...،
هل فعلاً عندما معرفة بالعلاقة اللي بينهم وبين رب العالمين ؟
علاقة العبد بربه علاقة ما يعرف عنها الاا ثنين العبد وربه مهما ارتكب من معاصي ما تدري شمتن العلاقة اللي تربطه بربه
ما تدري لو هو اقرب منك لربه .. يمكن هي مغنية ورقاصة لكن هل اغتابت ؟ .. هل نمت ؟ هل قذفت ؟؟"
ما لنا اي حق اننا نقول هالشخص بالنار او هالشخص بالجنة ...، ومالنا حق نكفر اي مسلم على هوانا ..،
ما أدري اي بجاحة يمتلكونها هالناس اللي يتجرؤون يحكمون على مصير هالبشر ..،!!
باب التوبة مفتوحح للحين ما انغلق فما ندري في يوم القيامة منو افضل ومنو منا مصيره الجنة و منو مصيره النار .


ريلوو رغم اني احب مدونتج الا اني أوافقج على فتح جديدة اذا كنتِ مصرة على اللي تبينهه ^^

ميموري سنباي عودة حميدة نورتناا ..