مدونة مميزة واقعة بالمنتصف بين الألف والياء مقبلة على الوسطية في شتى أمور الحياة (2 زائر)

[أنين الذكرى]

أحبها وهو أبكم فلا يملك سوى العزف لإيصال حبه لها
لكنه لا يعرف أنها صماء , وكم في صمها من خيرة .. !
​

 

[أنين الذكرى]

من التون ~
الأول : ساكورا أو حالياً هنترز هالبنت روحها جميلة بشكل
وجودها بالمنتدى هو سبب وجودي فيه مشتاقة لتواجدها قم0
وادري انها تضغط على نفسها عشان تضل معنا .. للحين هالاخت
ما نزلت موضوع من وقت تسجيلي بالمنتدى وعندها موضوع عن هنتر
ما طلعته من خلف الستار ي ويلها ان كان ما يستاهل هالانتظار XD

الثاني : كيلوا هالإنسان اعرفه قبل ما اسجل بالمنتدى وسحبته وخليته يسجل هني
هالإنسان غريب كل ما اشوف اسمه احس بهالة غموض من حوله وتفكيره ما ينفهم
رغم ان معرفتي فيه من منتدى آخر كانت شبه رسمية لكن تغير الحال من انتقلنا هنا
وأكثر شي اعرفه عنه والمتأكده منه انه كسول وبارد بشكل -_-

الثالث: ترانيم المطر اشتقت لها هالبنت ولثرثرتها بملفي واستهبالها


أما بالنسبة اللي بحياتي مممم
معلمة الأحياء مصرية أثرت بحياتي بشكل كبير درستني سنتين كانت دايم تقول اني اقدر
اسوي اي شي ابيه واوصل لهدفي بسهولة .. والشخص الثاني معلمتي الفيزياء سورية
درستني سنة وحدة وكانت أحلى سنين حياتي الدراسية وهي ثاني ثانوي دايم تقول
اني ذكية وافهم بسرعة لكن عقلي نايم وارد عليها واقول مافي شي يستهويني اصحيه xD
أكثر معلمتين أحبهم ومستحيل أنساهم للأسف هالمعلمتين هالسنة ما درسوني خيرة ان شاء الله
​

 

[أنين الذكرى]

عزاء للامة الاسلامية

منصدمة بششكل كبير مو لان الملك عبدالله مات الله يرحمه
ويجعل قبره روض من رياض الجنة كنت متوقعة هالشي
منصدمة من لما دخلت الفيس بوك وتويتر ناس تحتفل بموته !!!
ناس تسبه ويباركون لبعض بموته ! بعيدا عن اسبابهم لهالشي
وكلامهم الفاضي الميت له احترامه غير انه ما قصر والله الشاهد على اعماله
لكن ناس ما تملا عينها الا التراب وناس دنيئة والاسف ان بعضهم من ابناء شعبه

الله يوفق ملك السعودية القادم ان كان فيه خيرة لهم​

 

[أنين الذكرى]

في الفترة الاخيرة اشوف مواضيع
المقدمة والخاتمة اكبر من الضمون
على رغم التنسيق الممتاز الا ان المضمون
تقريباً لا يذكر !! ​

 

[أنين الذكرى]

المختصر الموجز لكلمة | أنانية |


هو الشي اللي يكون حق لغيرك وتبي تحصل عليه بأي طريقة مهما كانت النتيجة​

 

[أنين الذكرى]

اكره نفسي لاني لما ابي انتقم من شخص اسوي اشياء فعلاً يفي غرض الانتقام
لكن بعدها يشتعل الضمير المتأخر عندي بسبب كوني مثل ما يقولون ارد الصاع صاعين
اكره شعور بالنسبة لي الندم .. لما اندم على شي سويته وانتهى طيب ليش اهتم
وافكر واندم على شي انا ابيه شفايدة هالضمير ما له اي داعي اذا تأخر
اثق تماماً اني قاسية لكن شنو يدل عليه هالضمير المتأخر؟​

 

[أنين الذكرى]

مهما دار الزمن ومهما حدث لن أخجل أبداً من كوني عربية
مهما فعل غيري من العرب لن أخجل من تصرفاتهم الغبية
وأنزل رأسي انتكاسةً من حالي وكوني عربية
لن أخجل إلا من تصرفاتي الخاطئة الشخصية
وليس هناك شخصٌ يحدد عزتي غير نفسي الأبية .
​

 

[أنين الذكرى]

-




تسألني لماذا احبّگ ؟ فلتتدمر أوطان الجدّال !
انت گُلي .. ، انت ظليّ ، أنت نبضي ،
وانت أطراف الإجابة قبَل ولادة هذا السؤال . .|♡

 

[أنين الذكرى]

$



عندما أتلقى الرفض ، عدم القبول ، و كلمات التحطيم
من غير أهلي وفي هذا الزمان أوقن تماماً

_ أنني على [ حق ] *​

 

[أنين الذكرى]

_




[ أصغر القوم خآدمهم ]

هالعبارة مسببة لي أزمة نفسية بكل شي يبونه هالعايلة قالوا
يلآ ي لينو قومي , سوي , حطي , شيلي ... إلخ
وإذا قلت لا عييب !! ما تسمعين كلام الكبآر انتي عوبة
بس كل اللي يتأمرون بصوب وأختي الكبيرة بصوب أنانية بشكل ><

كنت كالعادة محرومة من الرواتر خاصتي لأن أختي
الكبيرة مالها مخلص اشتراكه وكل ما بغت تطلع تاخذ مالي
بلا أحم ولا دستور ولازم انا أضل انتظرها ترجع عشان اشبك
فما كان عندي غير الفوتو اشغل نفسي فيه صورة شاهد ذي محطمتني
​