مدونة مميزة واقعة بالمنتصف بين الألف والياء مقبلة على الوسطية في شتى أمور الحياة (2 زائر)

[أنين الذكرى]

كنت أفرفر بمدونات الأعضاء وقريت آخر

طلاسم الجنرال​

كثروا الناس اللي يبحثون عن ناس تهتم فيهم وصار البعض يفضل
الموت على انه ما يلقى الشخص اللي يهتم فيه مثل ما يقولون
في الواقع ما تمنيت إنسان يفهمني او يحس فيني الخ
مقنتعة بأهلي وراضية بهتمامهم غير إني ما أفضل أكون مفهومة
إلا لأشخاص ينعدون بالأصابع ,, هالكلام كله سببه إن الإنسان ما يعرف قدراته
يعني البعض يعتقد و من اللي صادفتهم إن إذا ما عنده شخص مهتم فيه لأبعد حد
يكون مو عايش حياته مثل الحياة الطبيعية اللي لازم يعيشها أي شخص

رغم إنه وبعيداً عن هالأوهام وهالأماني​

مافي شي يعرقل حياته ولا في هم يهدمم عيشته ويئرقه
يعني إنه قادر العيش بدون وجود هالشخص او مجرد التفكير فيه
قدراته أقوى من هالشي وعنده مقدار تحمل أي شي يواجهه بدون اي حاجة لاهتمام شخص ما
لكن مو من الجمال إن يكون بحياتك شخص يهتم فيك ويفهم أدق تفاصيلك ؟


^تقريباً خرجت عن فكرة الكلام لكن حبيت اربطه بشي كنت افكر فيه من زمان ​

 

[أنين الذكرى]

إذا ما قدرت تفهم الجاهل الصغير اللي تبيه ماراح تقدر تفهم أي شخص

مقولة مدري من وين سمعتها أو مدري منو اللي قالها لي
او حتى مدري اذا كنت قاريتها ولا لا المهم إنها انطبعت بعقلي الباطني
مرة من المرات كان في موضوع أبي أكلم فيه شخص معين
ما كنت عارفة شلون أبدي بالموضوع ولا كيف اوصل اللي افكر فيه
او حتى كيف ممكن اقنعه برايي .. بالنسبة لي ومعرفتي بقدراتي
صعب كثير علي إني اكلم شخص واناقشه بموضوع مصيري مثل هالموضوع
تذكرت هالمقولة ورحت لإختي الصغيرة عمرها 7 سنوات ومسكتها
قلت لها اذا قلتي الصج كل ما سألتج أوديج الجمعية على حسابي
و بديت اقول لها كل اللي ابي اقوله ولما اخلص اسألها فهمتي ؟
ترد علي بلا ما فهمت وعدت هالشي فوق الست مرات لما قالت إنها فهمت
وكل مرة كنت اغير من طريقة توصيل كلامي ومن المفردات اللي استخدمها
وبعد فترة واجهت الشخص ولله الحمد اقتنع وتفهم الوضع
نهائياً وبقوة كان هالموضوع مأزمني ~ ​

 

[أنين الذكرى]

Happy new Year

هالفيلم خيب آمالي حسافة عليه إنتظار سنة
أفشل فيلم لشاروخان مافي شي فيه حلو غير الرقصات
والملابس والاغاني لا أكثر

^راي كل شخص تابعهه ما يبشر بالخير
بالذات ان رفيجتي الهندية راحت السينما وتابعته
وطايحة سب فيه المسكينة كانت تنتظره من سنة
أنا للحين ما تابعته بسبب الامتحانات غير إن
أهلي مو معبريني شحاذة ابي اروح السينما ساحبين علي
بتابعه مع إن بالعادة رايي من راي الهندية إذا عجبني سويت تقرير
إذا ما عجبني بسحب عليه ​

 

[أنين الذكرى]

أمة اقرأ لا تقرأ ..!!

^ عنوان موضوع جديد أفكر أسويه
بيكون اول موضوع من كتاباتي انزله بالمنتديات

*كتبت هالكلام عشان اجبر نفسي ما أتكاسل وانزل الموضوع


​

 

[أنين الذكرى]

أحم ~

إذا كنت سخيفة ، إذا كنت غبية ، إذا كنت ما أفهم ، إذا كنت عديمة إحساس ، إذا كنت عصبية ،
إذا كنت ، إذا كنت ، و إذا كنت ...
وكل شي من أي شي سيئ فيني

لو إنك ما كنت قريب مني ما شفت كل هالسيئات
و ذاتي لا تحبذ إجبار أي شخصٍ بالإقتراب منها ، في النهاية
كل هالااشياء ماراح تحكم علي بمصيري ​

 

[أنين الذكرى]

نحن في زمنٍ أصبحت المشاريع والملتقيات أهم بكثير من المواد الدراسية

مالت عالتدريس ووزارة التربية والتعليم الكويتية
ي ليت تصير لهم ازالة ونرتاح منهم
راحت فلوسي وضاع وقتي والحصص تضيع بسبب هالمشاريع والملتقيات
والمعلمات صايرين ما يعطون درجات الا للي يشاركون فيها
طيب والكتب ؟ والحصص ؟ والمناهج؟
^جيب مدرس خصوصي

 

[أنين الذكرى]

أعترف اني فعلاً انسانة صعب تقتنع بشي لكن عندي احترام لرأي الآخر

مو من حقي انشب ببلعومه الا غصب يقتنع ويقول ان كلامي صح
كل واحد وتفكيره وطريقة فهمه للموضوعه وحتى لو اشوف انها غلط
ما اقول ي باشا انت غلط براحته يفكر باللي يبيه وما عندي الاهتمام الشديد بالناس
عشان اعدل فهمهم الخاطئ وادلهم عالصواب بالذات اذا كنت انا اللي يتناقشون عنه ​

​

 

[أنين الذكرى]

وأخخخخخخيراً خلص هالكورس بخيرهه وشرهه باقي بس الإمتحانات
وتنتهي معاناتي بهالكورس الكورس الثاني عندي تفاؤل ان بتصير أشياء أجمل
بالذات إن معلمتي الفيزياء اللي درستي السنة اللي طافت وهالسنة ما درستي
قالت لي أمس إن احتمال كبير تدرس صفي الكورس الثاني ي فرحتي والله
هالمعلمة لو شنو ما صار ماراح انساها طول ما أنا عايشة .. من الناس اللي ينطبعون بالذاكرة
نادراً ما يتواجد معلمات مثلها تقدر الطالبة كل التقدير والاحترام لدرجة تخلي الشخص غصب طيب يحترمها
غير هالخبر المفرحح اللي قالتها .. باجر آخر يوم دورات للقدرات تعبت منها بشككل ><
والامتحان يوم السبت الله يستر وبعده عاد امتحانات الفاينل

الله يعين وييسر وينتهي هالكورس بامتحاناته على خير والنسبة ما تنزل يارب ♥
​

 

[أنين الذكرى]

يقال أن ليليان لن تسقط إلا إذا عَشقت

وليليان الآن تنتظر متى يأتي المسبب لسقوطها

 

[أنين الذكرى]

س: ما هي أسمى العلاقات بالنسبة لك ؟

ج: المرتبة الأولى المحبة
المرتبة الثانية الأخوة
المرتبة الثالثة الحب
المرتبة الرابعة الصداقة

*صوت اعتراضات ومنها :
- الصداقة لازم تكون أول وحدة
- يعني انتي الحين الحبيب بالنسبة لج أفضل من الصديق
- شالفرق بين الحب والمحبة

تم الرد بـ :

بالنسبة لي أشوف إن المحبة هي أساس اي علاقة بين أي شخصين
المحبة في فرق كبير بينها وبين الحب المحبة تشمل الاهل المعرفات السطحية
الاشخاص اللي كان التعارف بينهم بالمواقف العابرة , وحتى اللي اعرفهم بالنت
الاساس المحبة والمحبة دائماً مقترنة بالله .

ما أشوف اني مثالية كاملة عشان اقول ان الصداقة أعلى مرتبة
وأقول إنها كنز لا يفنى , وإنها أحسن من الحب في الواقع لو خيرتوا
مية شخص يكون فعلاً عنده حبيب وعنده صديق بيطلع واحد منهم يختار الصديق
والصداقة الفعلية قلت ومو كل شخص لو مرافجته لسنين أقول انه صديق
ومشاعر الحب أقوى وأعمق من اي مشاعر غيرها رغم إنها ما تنطبق علي
هالمشاعر لكن أقيسها بالحياة الواقعية .

ما جربت الحب اذا جربته بشوف هو افضل ولا لا


^موقف صار الاسبوع اللي طاف طبع بذاكرتي ​