مدونة مميزة واقعة بالمنتصف بين الألف والياء مقبلة على الوسطية في شتى أمور الحياة (2 زائر)

[أنين الذكرى]

​

يوم الاربعاءء اللي طاف بدت المدرسةة
كان يوم عادي ما عدى الصدمة من البنات اللي معي بالصف خخ
مو معقولة اتخرجج وهم معي ><
و المعلمات اسم الله عليهم مو مقصرات كل ما دخلت وحدة
تقول انتم آخر سنة تصحيح الاوراق الفترة الثانية والرابعة في الوزارة
يعني عادي أول فترة بنت تكون نسبتها 97 وثاني فترة نسبتها 85
شيحسون فيه على هالاحباط من هالصبحح يسدون النفس
وكملوا وقالوا ان هالسنة مظغوطة بتخلصونها بست أشهر بدل تسع أشهر
و امتحانات الفترة الأولى 30-10-2014 يعني مضغوطين مضغوطين
وفوق كل هذا جايبين الوزارة الصبورة الذكية وحاطينها بكل صف والكمبيوتر جنبها
وكل صبح يسكرون الصفوف خايفين عليها واحنا نعفن بالحر لما يبدي الطابور ويخلص
غير ان المعلمات للحين مو عارفين شلون يتعاملون مع هالصبورة ولا شلون يفتحونها
وموقفين شرح الدروس بسببها يكفي باقي شهر ونص هالامتحانات ><
و الاكبر من كل هذا صفنــا حــــــــــر المكيف خربان وع وع وع جـد

مرة جت ابلة الانجليزي تتفلسف ويعني تعطينا همة
و تقرقر و تقرقر وانا مالي خلق اي شي نهائياً غير ان هالابلة ما أطيقها وصارت تدرسني
المهم قالت في حكمة تقول خذ من كل بستان وسكت تبي أحد يكملها
جان اقول انا وعلى نياتي : نخلة
طالعتني وقالت نخلة بعينج بدى استهبال البنات و تقعد ساعة تعطيني محاضرة انها ما تحب
الاستهبال وان بدايتي هذي معها بكلمة نخلة مو بصالحي

شعرفني انا بالله بحكمتها اللي من وين جايبتها في النهاية طلعت زهرة بدل نخلة خخ بس كله واحد

يلا ما عليه خل يصير الكرهه بينا متبادل

 

[أنين الذكرى]

هلا بالزين جولز نـورتـي المدونة
تشرفنـي متابعتجج كوني بالقرب من هنآ $

أخي كينجين من ذوقك الراقي
نـورت المدونة كن بالقرب من هنآ $
​

 

[أنين الذكرى]

من نعومة اناملي وأنا اسمعع عبارات تقولها أمي
على أي موفق مقصود أو مو مقصود لازم عبارة
وهالعبارات بلهجة بدوية بححتة ,, كلمآت أشك إنها كانت تُستخدم
ومن تبدي أمي بأي عبارة من هالعبارات وجهي بطولهه وعرضه يصير علامة استفهام
وانا مرات افهمها وأكثر المرات لا , بس اللي أعرفهه ولله الحمد إنها مستحيل تكون مدح
ولما أسألها عن معنى أي وحدة فيهم تقول : خليس على حالس ي بنت الحضر *
^ طبعاً أمي ما تقول هالعبارات إلا وهي معصبة
ومن هالعبارات عبارتين لهاليوم مدري شمعناها بس أدري إنها زفة سنعة

أول عبارة : " ي مال السقط في عيش الأقط "

وثاني عبارة : " العلم ما ينفع ي عليان طاقية القلب منفرطة "


^ عاد آخر وحدة مدري منو هالعليان اللي تنضرب فيه المثل
ومدري شجاب الطاقية للعلم ومعرف كلمة منفرطة وش تطلع ​

 

[أنين الذكرى]

أهلاً بـ الجنرآل المتألق أسعدني كلامك
من ذوقكك الراقي , إذن شخصيتك فريدة للغاية
نورت المدونة بقوةأخوي كن بالقرب من هنآ دوماً $

رينبو أحسنت بقول بمرض العصر
نورتي المدونة ي جميلة
كوني بالقرب من هنآ $

يوس >>اختصار
من ذوقج والله خيتي تسلمين
نورتي المدونة وشرفتيها
كوني بالقرب من هنآ $

أهلاً بـ القممر منورة المدونة
تشرفني متابعتج ي جميلة
وكلجج رقي ي ختي
كوني بالقرب من هنآ $​

 

[أنين الذكرى]

أمس رجعت حملت الفوتوشوب وقعدت ألعب فيهه واجيب هذا وأحط هذا واشيل هذا
كنت حددي متأثرة بحلقة هنتر 147 تحطمم ي خي
ي خي خنقتني العبرة لما تفرقوا جون و كيلوا عوروا قققلبي ودمعت عيوني
فرحت وقعدت ادور جم صورة متحركة لهم على اساس بسوي فيها أعرف اصمم صور متحركة
ذي النتايج اللي طلعت

الأولى الكلمات اللي عليها هي الكلمات اللي وردت في الانمي لحظة الوداع
اعجبتني وهكذا أدري شويتين ما ضبطها وفي جم خلل بس ما عليه xD

أما الثانية هي نفسها بس مخربة اللون الاحمر داخل عرض مدري متى حطيته بالاصل
غير لون النص يتغير والكلام غيرت فيهه بس أعرف مو حلوة

هذي اككثر صورة كانت عاجبتني هي صورة متحركة بس لما سويتها مدري
اي غلطة صارت وخلتها ثابتة ><
ومن زود الذكاء حفظتها باستبدال للصورة الاساسية :\
بس ما اخلي حبي لها يروح هباءً منثورة حطيتها توقيعي
و برجع أدور الصورة الاساسية وأعيد التصميم

وهمن سويت تصميم ملخبط مدري شلون صاير

صراحة اللعب بالفوتو يونس حيل xD
بس أنتظر أعرف شلون استخدم كل خصائص الفوتو ورموزه الخ الخ
وبعدها بسوي تصاميم سنعة إن شاء الله

​

 

[أنين الذكرى]

قبل أمس رجعت من المدرسة ونمت نووومة شطولها وبالقوة صحيت
ومن صحيت مزاجي بخشمي والكشة حدث بلا حرج والغرفة لاعبين فيها خواتي الصغار لععب
قمت صليت المغرب وضبطت كشتي والغرفة ورحت اسوي قهوة وهكزا
قلت بطق فرة بالمنت بعدين ادرس
رحت ادور عن اللاب ما لقيته وساعة ادور قلبت الغرفة اللي كنت توي مرتبتها فوق تحت ومافي امممل
واخواني نايمين قومت فيهم وين اللاب وكل واحد يحلف ما يدري عنه شي
رحت عند امي اسألها عنه قالت بنت خالتي اخذته لابها خرب
وقتها حسيت بشعور الام اللي لقت ولدها الضايع ب5
ولما استوعبت كلامها رحت بدق على بنت خالتي ترجعه حلفت امي ما ادق
وقعدت معصبة فانتقلت الى بديلي الاخر الايباد << ما احبهه بس حدني الزمن
المهم دخلت المنت ولا اشوفني ترقيت لمشرفة
ياني روقت وتعدل المزاج والابتسامة شقت الوجهه ورحت اشوف خصائص المشرفين
اشتقت لهها
والحين انا داخلة من الايباد ي ثقل الكيبورد في المتصفحح ولا اقدر ارد ردود عالمواضيع ولا انسق شي
الحين ان ماجابت بنت خالتي اللاب باجر الخميس بروح اتهاوش ما يهمني

ااااييييي باااجججر خممميس
ي ثقققل هالاسبوعع المعلمات مشطااات وشادين حيلهم كارفينا كككرف
الواجبات مو صاحية غير التحضير واكمال الدفاتر حششى ندري الوقت ضيق
بس مو تضيقون على انفاسنا حتى الجمعية او السوق مو فاضية اروح لههم
والعطلة حق العيد بس اسبوع شهههالظلم !!!
الله يعين بس الاهم في عطلة واكيد بنكون ندرس فيها للامتحانات ><

بس الحين شغلي الشاغل يرجعع اللاب ب5​

 

[أنين الذكرى]

هنتر

[FONT=&quot]اليوم تابعت 148 من هنتروهي آخر حلقة وما أدري متى يرجع للعرض [/FONT]
[FONT=&quot]هنتر الانمي الوحيد اللي راقت لي الفلسفة الموجودة فيه في العادة , انا مو من محبي
[/FONT]
[FONT=&quot]الفلسفة نهائياً[/FONT] وأي إنمي اتابعه ويتفلسف ما أكون مركزة بكلامهم اذا كان حامل للفلسفة ..

[FONT=&quot]فقط أهتم بالحوارات [/FONT]
[FONT=&quot]اما هنتر من شدة ما كانت فلسفتهم قريبة للواقع اقعد اعيد مقطع الفلسفة أكثر[/FONT]
[FONT=&quot] من مرة عشان استوعبه[/FONT][FONT=&quot] واقعد دقايق أفككر فيه [/FONT]xD
[FONT=&quot]راح أفتقد هالانمي كككثير شككلي صج بروح اعيده من البداية لأني من حلقة 1 إلى حلقة 65
[/FONT]
[FONT=&quot]تابعتهم على سبيس ستون [/FONT]
[FONT=&quot]و أشك بمصداقية هالقناة في دبلجة الانمي مع إني من محبيها [/FONT]
[FONT=&quot]اللي يتابع هنتر من البداية بيقول ما فيه قوى خارقة او اي شي منافي للعادة [/FONT]
[FONT=&quot]ومن يستمر بالحلقات بيشوف تغير تقريباً جذري , لكن مع هذا ما يستغرب منه [/FONT]
[FONT=&quot]لأن الطاقة المنافية للعادة اللي انعرضت بالانمي هي قوة الرين كان شرححها
[/FONT]
[FONT=&quot]في الانمي إنها طاقة في الجسم [/FONT]
[FONT=&quot]وأي شخص يقدر يستخدمها لما يتدرب على أمور معينة ويركز وينمي من قوته .. إلخ [/FONT]
[FONT=&quot]فما كان تقريبهم للقوة إلى الواقع شي ما يستغربه دماغ الانسان [/FONT]
[FONT=&quot]^ هذا من رأيي [/FONT]
[FONT=&quot]المهم إن هنتر انمي جميل وأي شخص بيتابعه ماراح يندم إلا اذا جا له شعور
[/FONT]
[FONT=&quot]الشوق للانمي[/FONT][FONT=&quot] وينتظر سنتين على ما يستمر [/FONT]
[FONT=&quot]وشارة نهاية الحلقة كانت جميلة حممستني للحلقة الجاية بعد سنتين xD[/FONT]


[FONT=&quot]وشسمة لاحظت في بعض المواقع والمواضيع المناقشة الخاصة بهنتر او حتى تعاليق على
[/FONT]
[FONT=&quot]الحلقات اللي تنزل[/FONT][FONT=&quot] لاحظت سب بمؤلف هنتر اللي للحين مو راضي عقلي يحفظ اسمهه [/FONT]
[FONT=&quot]اللي يقول ليشي اخذ اجازات عشان المانجا ,[/FONT]
[FONT=&quot] و اللي يقول خل يموت بس قبلها يكمل الانمي [/FONT]
[FONT=&quot]واللي يقول إذا يعرف انه مريض ليش بالاصل يعرض الانمي ويعلقنا فيه[/FONT]
[FONT=&quot] الخ الخ الخ [/FONT]

[FONT=&quot]بإختصار مدري شسمي هالفئة[/FONT]
[FONT=&quot]
[/FONT]
[FONT=&quot]انا عن نفسي أوقف وقفة احترام لهالمؤلف اللي لولاه ما تابعت مثل هالانمي
ولا عشت نفس[/FONT][FONT=&quot][FONT=&quot] [/FONT]لحظات الحماس , التشويق , السعادة , الحزن , و الدموع
وكل المشاعر المتقبلة اللي مريت فيها وانا اتابع هنتر [/FONT]
[FONT=&quot]رغم مرضهه كمل بهنتر إلى أن وصل الى هالحلقات رغم كل المشاكل اللي مرت عليه
واعادة رسم الانمي من جديد[/FONT][FONT=&quot][FONT=&quot] [/FONT]وكل مرة ياخذ اجازة عشان مرضه يرجع
بفكرة أجمل من سابقتها بهنتر [/FONT][FONT=&quot][FONT=&quot][/FONT]و إن شاء الله يرجع ويكمل المانجا وبعدها يرجع الانمي ولو
بعد سنتين ما عندي اي مانع انتظر [/FONT][FONT=&quot]وعندي ثقة بأن القادم أجمل من اللي راح بالاخص
إن في أسرار كثيرة ما وجد لها حل للحين وافكار هالانمي [/FONT]
[FONT=&quot]مافي لها مثيل بأي انمي غيره وكسرهه للمتوقع شي أبدع فيه الكاتب . [/FONT]
​

 

[أنين الذكرى]

ما هُو مُهم حقاً حَصَلت عليه قبل أن أحصُل على ما أُريد .


أفضل عبارة في حلقة هنتر 148 , تلخيص لقصة جون منذ أن بدأ بحثه عن
والده ودخوله إلى اختبار الصيادين إلى أن وصل إلى قمة شجرة العالم والتقى بوالده .
المهم حقاً هم كيلوا , يوريو , وكورابيكا
ما أراد الحصول عليه هو إيجاد والده وسؤاله ​

 

[أنين الذكرى]

اليوم تذكرت موقف صار أيام تاسع ( آخر متوسط ) قبل تقريباً ثلاث
سنوآت صار موقف مع وحدة وانا شهدت هالموقف بالصدفة
كان عن بنت ومعلمة وعلاقتهم جداً قـويــة ,, ومرة من المرآت ظلموا بنت
كانت بصف البنية الظالمة ما كان الظلم قوي ولا كبير بس يعتبر ظلم بحق البنت المظلومة
والأقوى إن المعلمة ساعدت الظالمة بسس عشان خاطرها لا أكثر
في يوم من الأيام كانت المدرسة مسوية يوم مفتوح وجايبه خيمة كبيرة من أول
ممر الإدارة إلى حدود قسم الإنجليزي وهالابلة كانت معلمة إنجليزي
والبنت الظالمة جابت تلفونها ( جوالها ) معها للمدرسة وطبعاً ممنوع
المهم كانت هي ورفيجاتها ورى هالخيمة ويشوفون صورها ومحادثتها إلخ
فجاة جت المديرة جان تخبي البنت فونها ورى الخيمة بحيث محد يقدر يشوفه
ولا قدرت تاخذه عشان ما تشك المديرة فيها .. وقالت إن هالمكان مناسب له ولا أحد بيدري عنه
بالصدفة طلع هالمكان على دريشة ( نافذة ) قسم الإنجليزي ورى هالنافذة مكتب معلمة الانجليزي
اللي ساعدتها وشاء القدر إن هالمعلمة تشوف الفون لما فتحت الدريشة ولا كانت تدري لمنو
فقالت في بنت مخالفة وكهذا وأخذت الفون للوكيلة ووكيلتنا وقتها كانت متشددة بمعنى الكلمة وميشة مدرستنا سيدهه
وودته للوكيلة واخذته الوكيلة وقالت البنت صاحبة الفون بتجي تسألنا لما ما تلقاه
وفعلاً البنت سوت مناحة لا صارت ولا استوت لما اعرفت ان الفون مو موجود بمكانه
ومريت بالصدفة من صوبها هي وشلتها وهي تقول : شلون اختفى .. منو أخذه .. صوري فيه وصور بنات العايلة الخ
وقعدت تبجي ورفيجاتها يهدونها ,, فراحت للإدارة بما إنها الحل الوحيد ظناً منها إن في بنت سرقته
ومع انتهاء الدوام بيختفي فونها ولا تقدر تلقاه
ولما راحت ما علمتها الوكيلة إنه معها من الفرصة الأولى إلى الحصة السادسة ما علمتها
والبنت طول اليوم عندها تبجي وتقول دوروا عنه والوكيلة طايحة تهزيء فيها
المهم بعدين علمتها عالحصة السادسة ودرت إن معلمتها الانجليزي هي اللي عطتهم الفون
وصارت سالفة شكبرها عالبنت أخذوا الفون ولا رضوا يرجعونه إلا بآخر الفصل وياخذه ولي الامر
وهي ما كانت قايلة لأهلها إنها ماخذته وتوهقت وبعدين دريت إن أهلها ما اهتموا بسالفة الفون ومحملينها كل المسؤولية

من هالسالفة عرفت إن الظلم شي كبير مع إنها كانت سالفة عادية ممكن تصير بأي موقف
بس مشيئة القدر بإن جوالها يروح للإدارة بإيد المعلمة اللي ساعدتها شي ما غاب عن بالي
وكيف إني بالفة امر عليهم واسمع كل اللي صار وتأكدت من السالفة لما انتشرت بين البنات


وبس ~ خلص الموقف

هلا بالزين ككله هلا بتويكسة الجميلة
هالتقييم تعليقاته غلط بالممرة xD ولا يوم ابيه ضروري الا علق
تشرفني وبشدة متابعتج ي الغلاا نورتي الحتة دي ونورتي القسم
من ذوقج وإن شاء الله ان ما سحبت على فكرة التصميم
كوني بالقرب من هنا دوماً $


سنباي الجيكر مرة مسكين كسرت خاطري
انا عشانك ممكن أجي وأعيش جو الإجازة بدالك
بس لا تتضايق ولا تهتم لاحق عالمدرسين تقدر
تداوم والجامعة فاضية شي جميل ومبتكر ويمكن يعطونك بكل المواد A
وشسمة الدراسة جميلة أصلاً >> افتراءء وظلم
نورت اخوي كن بالقرب من هنآ $
​

 

[أنين الذكرى]

http://www.anime-tooon.com/showthread.php?t=8742

^ حصلت عالختم الإداري

من أفضل الروايات ولها أفكار ما لقيتها بأي رواية ثانية قريتها
مبدعع جنرال ايي بتأليفها ويستحق الختم بجدارة
وعشان هالختم نزل البارات بوقت اسرع ي خي

​