-
Temari Nara Kibutsuji Muzan- كتب Temari Nara على الملف الشخصي Kibutsuji Muzan-.
سبحان الله ، الضحكة تزين كل الوجوه الا موزان حالة خاصة
حسيته منظر غريب ومنافي للطبيعة والمنطق
بحب شكله الشيطاني احسن وهو مقمص
+ اسلوب الرسم يذكرني برسم شخصيات بوكو نو هيرو
حسيته منظر غريب ومنافي للطبيعة والمنطق
بحب شكله الشيطاني احسن وهو مقمص
+ اسلوب الرسم يذكرني برسم شخصيات بوكو نو هيرو
النجاح لازم تحسي فيه من جواتك قد ما كان الشي سخيف لأي شخص تاني
ناس عندها انها تتزوج و تكون عيلة نجاح و بتكون مبسوطة كتير و انا بنبسط على بسطهم بالرغم من انو مفهومهم للنجاح ابعد ما يمكن عن مفهومي بس بما انهم حاسين بلذة النجاح ف انا بنبسطلهم
و خديها على كتير امثلة
الحلو عندك انك بمكان مانك مجبورة بإختيار الدراسة او انك تكمليها , في اشخاص عندهم ابداع و شخصية تخليهم مبدعين بشغلهم الخاص اكتر من ما يكون عندهم شهادة و اخر شي يتوظفوا عند حدا
و هاد غير متل ما ذكرتلك انو مستقبلك مأمن وهي لحالها افضلية مقابل شخص ماعندو مستقبل مضمون
-
لموضوع اللجوء الو سلبيات و ايجابيات , بالنسبة الي كوني انولدت بغربة ( الامارات ) ما فرقت كتير معي يعني من وانا صغيرة ماعندي غير اهلي ( ماما,بابا و اخوتي ) وكلن هلأ جمبي ماعدا ابي و بحكم ابي كان بالاصل بعيد عني معنوياَ عكس امي فما حسيت بالغربة متل شخص كان عايش و ولدان بسوريا و طلع ع اوروبا
بس الفكرة من و انا و صغيرة مزروع براسي فكرة ( شهادتي هي الي رح تعيشني ) تخيلي عاد , مين هاد الي بكون عندو وطن و مأمن حالو بيزرعوا اهلو هيك فكرة , و ليه لازم يعني شهادة جامعة ؟ في شهادات اسهل منها بكتير بس انو لأنها معترف فيها بكل الدول
يعني انا مضطرة صح , بنفس الوقت عم حاول اني حبب حالي بالموضوع , و عم حاول اني اخلق طاقة من العدم
بالاخير هالشي رح يخليني حس بالافتخار , من جهة افتخار امي و ابي فيني و من ناحية افتخار نفسي فيني و ابني لما يكبر و يعرف اني جاهدت لحتى حصل هالشهادة ( ان حصلتها طبعاَ مافي شي مضمون )
بس ع الاقل انا حاولت , المحاولة لحالها افتخار , كل يوم بعد ما خلص دوامي بالجامعة بحكي ما اعتقد اني بقدر كمل , كتير صعبة هدى , من ناحية اللغة و من ناحية الطلاب كلن صغار و عاملين مجموعات و من ناحية المنهاج اصعب بمليون مرة من الامارات
بحس اني بوصل لآخر اليوم ميتة تعب 99% منها بروح على فهمي للغة , كتير صعبة , و مابعرف لو رح اقدر كمل بس عم حط ااااااااااااااااااخر طاقة عندي
و ماما فهمتني حكتلي اهم شي عندي سلامتك النفسية , لا تضغطي حالك لدرجة انك تدمري من جواتك لو ما نجحتي ما خلصت الدنيا في حلول غير الجامعة بس على الاقل بتكوني حاولتي , المحاولة رح تخليكي تحكي ( على الاقل لو ما حاولت ما كنت عرفت بدل لا تضل حسرة بقلبي انو انفتحتلي فرصة و ما حاولت و قلت " لو حاولت يمكن زبطت " )
في كتير كلام والله بقلبي و بحس كل ما ارجع بدي ابكي بس بكبتها بقول لسا البكي ما اجا وقتو عم خليه للأيام الاصعب
و دايماَ بطبطب ع حالي بحكي هاد اول اسبوع , هاد اول شهر , هاد اول سمستر و دائماَ بكونوا الاسوأ
نيالك انك بوطنك , يحميلك كل شي غالي يارب
اسفة ع الاطالة و ان شاء الله بين فترة و فترة رح انشر مستجداتي بالجامعة^^