مدونة مميزة Lights will guide you home ♦ Batool In the city (2 زائر)

[Nαncy ☀]

رد: Lights will guide you home ♦ Batool In the city

السلام عليكم...

هالأيام صرت أحس بشعور هيوان .. ش7
ما أدري أيش هالشعور بالضبط يو9
بس عندي رغبة قوية بالركون في الغرفه
وعدم الاحتكاك بالآخرين ف2 المشكله مو بس
كذا! أحس ما لي خلق أسوي أي هواية أو
شي كنت أحب أسويه سابقًا س4 .. يمكن حتى
في الدردشات ماقمت أدردش بحماس زي أول آ2
أحس أني أبي أسوي سكيب لضجة الحياة لفترة
وأنام مدة طويلة .. حاسة بالركود !


أمم عندي كلام واجد أقوله بالمدونة،
بس مالي خلق للأسف .. عشان كذا بستأنف
التعليق عًلى التقييمات اللي سحبت عليها من فترة ث0

> فاصل إعلاني :

^ قولي للطبيب: مين طلب رايك؟
ومين هذا الطبيب أصلًا؟ أكيد داوُد الشريان!
& إيه أكيد اللعبه لازم تركيز وانتباه وتشغيل
مخ وحل مشكلات ولا كيف تبين تفوزين
وأهم شي سرعة الملاحظه عشان تحصلين
الكنوز المخبأة أو بيض الإيستر بس أبصر
شو الألعاب اللي تلعبينها هاللي ماتبين تركزين
بس ترى إذا اندمجتِ وانتِ مركزه ف اللعبة بتنسين
الهموم والضوجه وتحسين مخج تفرمت وصفى

^ شي حلو والله .
يب يب.. عاد أنا مرة وحده ما احب
أتعامل مع اللي مايتقبل المزاح ، أحس
إني جالسة أكلم معلمه والله ما اعرف اتكلم
مع اللي كذا إييه أكيد منوره ، عارفه روحج .

^ شكرًا لتعليقك ث0

^ مو متأكدة مين اللي حط لي هالتقييم الحلو،
بس أعتقد أنه لولا.. على أية حال أعتذر منك
دورت التقييم بجهازي بس مالقيته، وأشكرك على التعليق.

بروح اشوف لي شغله ._.
طلعت الشمس ، بعد شوي بروح أتشمس
يقولون التشمس مفيد للصحه
نراكم في تدوينة لاحقة ..









​

 

[Nαncy ☀]

رد: Lights will guide you home ♦ Batool In the city

السلام عليكم...

امم ودي أفتح وكالة بس ودي أسوي مواضيع بعد ،
جاي على بالي أخلي الوكالة لوقت الفراغ يعني
أفتحها لما أكون مخلصه مواضيع وشغلات..
أو مثلًا أفتحها أيام محددة في الأسبوع
حلو الوآحد يحس أنه عنده وقت يسوي الأشياء
اللي يبيها ث0

لما انفتحت فعالية "حين تنبش الذاكرة" من جديد
كنت متحمسة أشارك فيها.. بس الحين تغير رايي
مدري ليش صراحه.. بس أحس مو متحمسة لفكرة
أني أكتب تدوينة بس عشان تنختم أو بس عشان
آخذ عليها جائزه ص1 مو ذم في الفعالية بس مدري
ليش جات على بالي هالفكره.. وكل واحد وحريته س4

قبل فترة كنت متحمسة حق هالخلفية مالت المدونة!
الحين أحسها مو عاجبتني دايمًا كذا لما أسوي
خلفية حق مدونتي أجي بعد فترة واحسها مب حلوه بي9
بس والله لو سويت حق غيري يعجبني حتى لو
كان بسيط جدًا ومافيه فخفخَه

ما أدري أيش اكتب في المدونة بالضبط ..س5
بس لاحظت فيه ناس نمسين وزعّولين في المنتدى
لو ماسويت طلبهم بسرعه؟ أو تأخرت عليهم؟
على طول يقللون ذوق عليك ويلقون عليك بالإهانات!
معقول أخلاقهم نازله بهالمستوى؟
والأعظم منهم الشخص اللي بس يشوفك تقول شيء
يجي يهب فيك ويتهاوش أكره ذي النوعيه صراحه
وأمقتها.. يا أخي تعلموا المنطق.. تعلموا الحوار
تعلموا الثقافه! صيروا ناس متحضرين ومنفتحين..

ليش على الطالعه والنازله هواش وبزاره!
يعني صراحه ذي النوعيه يحسسوني مافيه فرق
بينهم وبين بزران الابتدائي معليه الشخص
اللي يشوف في نفسه هالصفه مافيها شيء لو راجع
نفسه وصحح خطاه واعتذر ومافيها شيء لو
صرت شخص مراعي و Considerate ث0
بالعكس الناس يحبون الشخص الليّن.. وينفرون-
فطريًّا- من الشخص الفظّ! وإيّاك أعني واسمعي يا جارة،
الكلام مو على شخص ولا شخصين يمشي..

مفروض كلنا نصلح من أنفسنا .. مانقول مافيني
هالصفه -على كيفنا- وخلاص
لازم الواحد يسعى للتعلم من أخطائه ..
لأن الدين المعاملة.. واللي معاملته مع الناس سيئه
مافيه فايده من شهادته ولا أعماله وإنجازاته
ولا منصبه ولا مدري أيش ..

> فآصل إعلاني :

^ لقيت التقييم بالهارديسك واتضح إنج إسراء الحلوه
يالله نعيد اللقطات السابقه: وانتي بخيرات يً حلوه .. آمين يارب
وانتي كذلك عقبال ما أرسل لج تقييم حلو في يوم ميلادج ح1

^ شكرًا لايكوها على التقييم الفاضي قم0
يبي لج دورة تعليم التقييمات
فالحه بالقرقره بس ومو عارفه تقيمين

إيه .. والحين نقدر نقول Happy new year
بما أنه خلصنا من تقييمات السنة الماضيه

^ إيه الألعاب حماس يً أخونا شكلك انت بعد جيمر قديم صح؟
وللأسف رجعت السوني وفرحة السوني راحت هباءً ص1
بسبب أنه الحفظ كله انحذف وفوقها ما استعدل تخيلوا عاد! ج0
بس الزين أنه أخويه اشترى بلايستيشن 4 خلاص وشرينا
ألعاب حلوه ع4 إن شاء الله بنصلح بلايستيشن 3 بعد عشان
الألعاب القديمه ماتروح خساره .

& يب قعدة البيت تخلي الواحد حيران ومايدري أيش
يسوي بالتالي يضيع وقت طويل منه وهو زهقان قم0

ههههههههههههههههههههه.. إي والله ترى احنا تجمّع محششات
شكرًا .. تسعدني متابعتج

^ حتى صديقتيً تقول هالكلام .. أنا حساسه للجو >_<1

" جيت أسلِّم يارفيقي والولَه يملي حشاي،
وبفؤادي قصة الحب اللي تبعثر من سنين "

" جيت وكل الشوق فيني ويتحكم في خطاي،
ساقني لك يارفيقي في دروبٍ من حنين "

^ هالأنشودة تذكرني بـ يارا لأنها كانت
هي اللي جابتها المهم من زمان عن يارا
اشتقت لها .. يً ليت ترجع للمنتدى وتغير رايها ش7
عاد فيه ناس يحبون النفسيات وهالسوالف الحزن
والابتعاد ووحشتيني ويتدلعون ومدري أيش
أنا بس أحب أعطي حكم واتفلسف ح1

وقبل ما أمشي.. ترى بنص التدوينة رحت أطالع
التدوينات القديمه وشفت التدوينة اللي فيها
حلم مرعب وخفت وقمت نزلت تحت
يخي ليش أنا أكتب هالأشياء <انفصام
نرآكم في تدوينة أخرى.. في أمان الله

​

 

[Nαncy ☀]

رد: Lights will guide you home ♦ Batool In the city

السلام عليكم...

^نَيْت يسلم عليكم يقول ابتسموا ، ضحكوا،
تونّسوا ، قربت الدراسه ..
ويقول لحد يزعل بتوله بعد

شيسمونه، صراحه مدري أيش أكتب في المدونة،
ماني مصدقة إنه هالصفحة مافيها غير مشاركتين
والله الكسل والنت ماقصروا فيني ، خلوني أسحب سحبة أليمة
طبعًا كم عضو منكم شجعوني إني أرجع للمدونة وقالوا
لي لاتسحبين عليها وهكذا.. بصدق أشكركم ج4 لأني صج
حسيت إنكم مهتمين لي، ومهتمين للكلام اللي أقوله ،
ورغم إنه البعض منه حلطمه وممكن ماتكون واضحه
إلا أنكم قريتوه واهتميتوا فيه وقدّرتوه ، أشكركم من
صميم قلبي .. وإن شاء الله كما تريدون بشارك في
المدونة أكثر من السابق ،

وادعوا لي ظروف النت
تتحسن ياجماعه النت ذابحني مو حاسة بالاجازه

صراحة هالأيام قمت أكتب في دفتر مذكراتي وكذا،
طبعًا دفتر مذكراتي ذا أكتب فيه مشاعري كلها، يعني
أي شعور حتى لو كان تافه وصغير أكتبه فيه، لأني أنا
وحدة تعبر عن نفسها بالكلمات، يعني بعض الأشياء
أحس إني أقدر اجيب كلمة وحدة وتوصفها ببلاغة وأحس
هنا إني وصلت المعنى، حتى لو كان لنفسي فقط

أحيانًا بعد أتناقش كذا مع نفسي عن أقل الأشياء،
وأعبر عنها في داخلي بس بالكلمات طبعًا مش بالمفاهيم
وهيك، أحس إني لما أحط الشي في هيئة كلمة أعطيه
اللي يستحقه بالضبط وبالدقة ث0، عاد شيسمونة يعني
أحس إنه مافي أحد ممكن يفهمك أكثر من نفسك علشان
كذا أحب أكتب لنفسي هالأشياء ذي ، في مرة قلت حق وحده
أنا عتبانة عليج ، قالت لي مافهمت هالكلمة أيش معناها؟ عاد هنا
الوهقة يعني أنا ما أعرف أوصف لها كيف يعني أعاتبج
مافي كلمة في الدنيا تساوي هالكلمة ذي في المعنى ،
علشان كذا هونت خلاص ما أقول حق أحد الأشياء اللي تضايقني،
مو عدم ثقة ولا إنه أسرار وهالخرابيط.. بالعكس أنا
شخصية شفافة وواضحة، بس إني لاحظت إنه محد
يفكر مثلي بالضبط بحيث يفهم كل شيء أقوله س5
فأنا الله يسلمكم شيء مثل الـ perfectionist
يعني إني أبغى كل شيء كامل مكمل، وما أتحمل إنه ينفهم
نص كلامي ونصه الثاني ينفهم غلط أو ينحكم عليه وهكذا..

تدرون ليش أنبسط لما ألاقي أحد يفهم اللغة الانجليزية
تمام مثلي؟ ولا أحد يحب الألعاب مثلًا؟ ولا أحد
نظرته للأمور مشابهه لنظرتي؟ لأني أحس إني أقدر أقول
لشخص شيء من الأشياء اللي أقولها مع نفسي وتنفهم
أحس إني لقيت أحد أقدر أتناقش معاه ويستوعب أيش اللي
قاعدة أتكلم عنه

بالمناسبة، إذا مالقيت أحد يفهمني أحب
إني أجلس بروحي حتى لو لفترة وجيزه ، خصوصًا
أيام المدرسة كانت فسح كثيرة اللي جلست فيها لوحدي
أفكر بيني وبين نفسي وأتناقش عن أشياء كثيرة، كنت أتكلم
مع نفسي عن مواضيع مثيرة للاهتمام صراحة غالبًا
الساعات اللي أجلسها بروحي هي مصدر إلهامي لكتابة
التدوينات أو حتى المذكرات اللي في الدفتر

من الأشياء اللي فكرت فيها كثير ، بيني وبين نفسي ،
هي الغرور والتكبر Vs التواضع، بصراحة كثير فكرت
في هالموضوع.. الغرور مو يعني إنك تحس نفسك
أفضل من غيرك وبس! والتكبر مو يعني بس إنك تقول
أنا عندي رتبة كذا وكذا ولحد يقرب مني ..
التكبر والغرور يظهر عليك لما تصير بينك وبين شخص
خلافات ! هل تسبه وترميه بكلام كالرصاص؟ هل تتلفظ
عليه بألفاظ دانية؟ إذا تلفظت عليه هذا أكبر دليل إنك شايف
نفسك عليه ومعتبره أقل منك، وفيه مثال شائع على التكبر
في مدارسنا، إنه المعلمه تشترط على الطالبات يوقفون
لها وتقول بعد "قف للمعلم..إلخ" واللي ماتوقف تنقصها
وترمي عليها تهزيئات، هذا بدل ماتكون هي اللي عندها
معرفة أكثر منهم وتدري إنه وقفة الطالبه ماتسوى شيء
ولا تعبر عن الاحترام في شيء ، إذا ماكانت بإرادة منها وإخلاص ..

بذكر لكم موقف صار مع معلمة لنا في متوسط، كانت تدرس
مواد الدين، وكان اسمها أبلة "دليِّل" ، في البداية كنت
أستغرب من اسمها .. كيف إنسانة واسمها دَليل؟ كنت افكر
اسمها دَليل وبعدين يوم عرفت النطق الصحيح نفس
الشيء ماكنت أقدّرها ذاك التقدير، كنت انقهر منها لأنها كانت
تدعي علينا بالرسوب وغيره وجاء يوم.. دخلت فصلنا
ووقفنا لها.. قالت جلسوا جلسوا، وجلّستنا ، وقالت كلام ثاني
ماسمعته، المهم جاء يوم والبنات اقتبسوا كلامها، وسمعتهم
كانوا يقولون إنها قالت: الرسول لما كان يدخل على الصحابة
كانوا يقفون له ويجلسهم وينهاهم إنهم يقفون له، فمين أنا
عشان توقفون لي!

صراحة كلامها ذهب.. من أروع ماسمعت في حياتي،
ما كنت أدري إنه في بشر يفكرون بهذي الطريقة المبهرة!
من جد يعني في زماننا كل واحد شايف حاله عً الفاضي،
لكن صُعِقت لما عرفت إنه في معلمه! وتتكلم بذي الطريقة!
والحين نقول فهم العبرة واستيعابها لكم أنتم، والله يذكر
هالمعلمة بالخير،، هاللي سوت للبنات درس مستحيل ينسونه

طبعًا اللي مو فاهم معنى اسم دليِّل .. حسب استنتاجي
إنه تصغير لاسم دلال.. مثل لما اسمي بتول تصغرونه بتيِّل؟
نفس الشيء هنا..

أتمنى تعذروني لعدم عرض التقييمات..
لإنه النت مو مقصر فيني.. وحر ياجماعه متى
يخلص الصيف؟ T^T ولاتنسون تقتبسون
اللي يعجبكم.. ترى تعبت وانا استناكم تحسون
نرآكم في تدوينة أخرى.. في أمان الله

​

 

[Nαncy ☀]

سلام.. جايه من الجوال وچذي

بعدين برتب التدوينه المهم حابة
اسولف سوالف عشوائية منوعه..

أول شي حابة اقول لكم إني رجعت للمنتدى
بإذن الله.. يعني النت صار احسن شوي

شي ثاني متحمسة جدا للمجلة

برضو
بديت أكمل مشاهدة كونان.. وصلت 108 تو
الناس يعني

المهم ماعندي شي ثاني اتابعه
مالي خلق مسلسلات

نكمل سوالف.. لما تعرفت على مسيزو حسيتها
بنت شاطحه ومحششه طول اليوم

حسيت
بشعور اللي يتعرفون علي.. يعني هي بعد آدمية
وتتضايق من اللي يغلط عليها

مسيزو حيل
شخصيتها تشبهني..

مع اني مدري شدخل هالفيس
المهم يعني الواحد كلما نال من الإهانات كلما زاد
يقينه إنه على حق

وبس چذي أول مرة اسولف
بعفوية في المدونة

يعني هالمرة ماكتبت من الكلام
ذاك الفلسفي مجرد جوز كلام

على أية حال.. اللي يعرف أنميات ممكن تعجبني خل
يقترحها علي لأني نوب في الانميات ما اعرف الانميات
الحلوة

وبعد الانميات اللي فيها تحقيق ترى احبها
يعني لاتقصرون

في أمان الله..

​

 

[Nαncy ☀]

رد: Lights will guide you home ♦ Batool In the city

السلام عليكم...

ودي أسوي مواضيع يً جماعه ق
بس مو بيدي النت كله يقطع ب0
لا وبعد جاتني أفكار خطنطيرية ق
ماعلينا عندي سنة كاملة يمديني اسوي فيها
مواضيع لين ما أشبع -إذا تصلح النت طبعًا -
وكذا حبيت أطلب منكم ماتزعلون مني.. لأني
عصبيه فأوقات أكون متضايقة بسبب ظروفي الخاصة فأنفجر
على أي شي حتى لو ماكان مزعجني عرفتوا؟
يعني مو شرط اكون زعلانه من احد ولا كارهته بس ساعات
يعني مع الضغط نسوي أشياء مو حاسين عليها

ماعلينا.. في مدونات مميزين وجميلين في القسم
ودي أشيك عليها بس يخي من وين ابدأ ومن وين انتهي
وبعد ودي أشارك بردود *^* إيه صح لاتنسون
ترى وصلنا العدد العشرين باركوا لنا في مجلتنا
+ شيسمونه اللي حاب ينضم ترى فتحنا باب الانضمام
قلت اقول لكم عشان يعني لو ماشفتوا البنرات

بالمناسبة من حماسي لأفكاري شوي وأحرقها ق
بس خلاص بجتهد وبسويها وبكافح النت ح1ح1

إي وفي فيديو حبيت أوريكم إياه.. للي يبغى يضحك وينبسط
هالفيديو شخصين يلعبون لعبة .. واحد منهم يلعب بالطفل والثاني
يلعب بالأب.. اللي يلعب بالأب يكسب نقطة إذا منع ولده من الانتحار
يعني إذا حاول يبعده عن الخطر وكذا.. أما اللي يلعب بالطفل
يكسب نقطة إذا انتحر وسوى مصيبة ف نفسه هذا هو الفيديو
للي يبي يشوفه افقعوا ضحك على تعليق اللاعبَين

اسم الفيديو : كيف تطبخ ولدك (مع نار حراق)
حذفت الرابط لأن كان فيه موسيقى وانا ناسيه هالشي

نراكم في تدوينة لاحقة ..

​

 

[Nαncy ☀]

السلام عليكم ..
اتوقع ثلاث ارباع اللي اعرفهم تركوا التون؟
المهم انا جيت عشان المدونات وعشان عيون مانكا الجميله..

أحس اني تركت المدونات والتون بسبب خوف جاني:
اللي هو اني صرت ما احب اشارك أي شي عن نفسي بالانترنت
معرف هل انا كنت اخاف يجيني مطارد؟
أو يمكن لأني كل سنة اقرأ الاشياء القديمه واتفشل منها
المهم هالشي وصل لمرحله متطرفة ،، صرت حتى ما اتكلم أو أسولف
مع أحد عن أي شي يصير لي.. صار عندي خصوصية زايده
وصلت لمرحلة الكبت .. يعني فعلا صرت إنسانة ذاتية التدمير
أتوقع كل هالشي بسبب الدراما اللي مريت فيها ببعض السنوات

أحيانا الحياة تصير جدا محيره وتلعب بعقلك ماتدري مين الصح مين الغلط
كان عندي تجارب لما تصير معي مشكله مع أحد تلقائيا ألوم نفسي
وأصف مع الشخص المخالف! شفتوا احد يسوي كذا؟
مريت بمرحلة self gaslight حرفيا.. صرت أحسس نفسي اني غلطانة
ومتوهمه ودايما الغلط علي عشان كذا يمكن صرت ما احب اقول شي
لأحد لأني احس الاشخاص بيلوموني .. أو بالعكس بيشجعوني ويطفي حس
الضمير عندي اللي اصلا كان مفروض يطفي لأنه زايد عن حده
أتوقع المشكله سببها أني شديدة على نفسي أكثر من الآخرين؟

وزياده على هالشي الناس اللي حوليني العكس شديده على غيرها
فهذا الشي يخلي أي محادثه أومناقشه عن أي مشكله تبدأ باللوم ومين
الغلطان ومين البادي.. من ضمنها سالفة جيران الغرفه اللي مريت
فيها بالجامعه محد علمني أنه ممكن يطلع لي roommates مجانين
يحبون الهواش والعناد والأسوء محد قال لي انه الروميت يهاوشون

المهم بسبب الدراسة اونلاين تخلصت من مشكلة الروميت لفتره..
واتوقع بكمل دراسة بدون روميت عشان احافظ على عقلي


مافي فاصل اعلاني.. كنت بسوي مدونة جديده بس لقيت هذي وبكمل فيها
اهم شي لحد يكلمني عن أي شي قديم ترى اتفشل

>> مدري ايش سالفة هنا ايها اللاعب بالتدوينه اللي فوق
بس بحذفها ماعجبتني

 

[Nαncy ☀]

صباح الخير ..

شكل مدونتي مزري بسبب الخلفيه انها خربت
لولا الصور والألوان كنت حذفتها .. ودي اعدلها بس مافيني

كنت ادور ايقونات بكسل هذيك اللي كنت احطها بس مولاقيتها
مافي غير انسخ هذي الكرزه من فوق :

ايوه كذا ارتب.. خلاص واضح اني صرت عجوز في السوشال ميديا والمنتديات
صرت ما اعرف اسوي شي فيها


المهم بتكلم عن الحلوين اللي زاروني بملفي وجلسوا يكلموني
حكيمه - ماي ثك - ستارلايت- صفاء- صنوبر - مانكا ..
وكل احد نسيت ماقلت اسمه .. شكرا لكم يخي

بتكلم عن اسلوب كنت اشوفه ببعض المنتديات زمان .. الي هو اسلوب
الغموض.. في ناس تحب تكتب بطريقة فلسفيه ومعنويه غامضه..
أحاول استوعب دوافعهم ورا هالشيء.. يمكن يحبون التفكير العميق
لسبب من الأسباب هالنوع من الكتابات والتدوينات تخليني احس بالكآبة واليأس
أفضل الاسلوب الواقعي يعني زي اليوميات والأفكار وفيها لمسه من شخصية
الكاتب.. فيها الحلو وفيها المر يعني.. نظرة واقعيه للحياه أو على الأقل حياديه

ما أحب أبدا اني اتمعن بخواطر احد لأنها تحرض طريقة تفكير سلبية في مخي..
يمكن هالشي صفه فيني أنا ، أما الآخرين مو نفس الشيء؟؟
احيانا احاول اقرأ هالنوع من الكتابه بدون ماتأثر فيني بس دايما أفشل
حتى الأفلام أفضل الفلم يكون أكشن وتركيز ع المشكله بس .. مو على
فلان زعل البطله ومدري ايش صاير بينهم وبين أهلهم هالأشياء مرا تنرفز
لأنها تذكرنا بذكريات مؤلمه احنا في غنى عنها..

خصوصا الأفلام اللي عن أم وأب فقدوا ابنهم أو ناس مات أبوهم وهالكلام ذا
لما كنت صغيره كنت اكره اشوف كذا لأنه ما في داعي الانسان يعاني من
فكرة فقد احبائه قبل حتى مايصير هالشي له ويواجهه بنفسه!..

يعني الشخص جاي يتفرج فلم ينبسط ويضحك ويشرب قهوه ..
ولا جاي يوسوس بالماضي تبعه والحكايات الحزينه ؟
ما اعرف ليش هالاسلوب من الافلام منتشر بشكل موطبيعي
وكيف الناس اللي تكتبها وتتابعها عادي عايشين حياتهم ياكلون ويشربون
ويضحكون؟ ولا يعني يستخدمون المشاهد ك صندوق يرمون عليه الهم والغم؟

ماودي احد يشوف تدويناته ويحسب اني اقصده.. بس اتكلم بانتقاد عن
الاشخاص اللي قاعده تنشر نظره سلبيه وحزينه .. هل هم مستوعبين كمية
التأثير على حياة الناس؟ ممكن شخص يتحول الى سلبي أو ممكن هم
ماعندهم فعلا هالمشاعر السلبيه بس يحبون يكتبون ععن الحزن والهم
عجزت استوعب الدافع..

يعني الحياه مو مكفينا اللي فينا لازم الواحد يطلع فلوس وياكل تبن
عشان يوفر لنفسه أبسط المتطلبات.. في ناس مايمديها تاكل أو تتدفى بالشتاء
وزياده لما يجون يتفرجون فلم يشوفون الهم ملاحقهم بكل مكان..
يمكن عشان كذا نحب الخيال العلمي والابطال والخرافات..
لأنه الانسان مو مخلوق عشان يعيش في وهم المشاعر..
المشاعر لازم يكون لها حد.. ومالازم الشخص يخليها تزيد عن حدها
أو يظل يفكر فيها أو كل شوي يبغى يستانس يشوفها طالعه له بالفلم ..

كنت بتكلم عن فلمين شفتهم وبقارن بس خلاص بخليها بتدوينة جايه
بلا ما اطول عليكم ...

ارتاحوا

 

[Nαncy ☀]

هلا وغلا..
عجبتني شغله العوده الى التدوينات
كنت احسب اني خلاص كبرت ع التون وكان فتره وعدت
بس الظاهر الشغله بالادمان.. تتركها وترجع لها
طيب.. الظاهر الموقع اللي استخدمه لرفع الصور صار متسول
لازم ادفع عشان تروح العلامه المائيه من الصور
ماعلينا.. جربت الخليج واكتشفت انه مايقبل الصور
بعدين اكتفشت انه عندكم مركز رفع؟ ي سلام

طيب خليني أتكلم عن التطورات تبع التون مرا عجبتني
اكتشفت انه صار نقدر نسوي أكثر من مدونه؟
وعادي نحط صور بنات؟ وعادي نحط فيديو فيه موسيقى
طيب لاحد يحكم علي من الجانب الديني كلكم تتابعون أنمي
وكلكم تشوفون مسلسلات فيها بنات مو محجبات ليه يعني
بأنمي تون مايصلح وبرا يصلح؟ أحس انه احلامي تحققت أخيرا
زمان كنت احب احط موسيقى بالمواضيع بس كانوا يقولون لي ممنوع

ماعندي كلام فلسفه كثيره.. بس صراحه حبيت التطور والتغيير
ودي افتح دورة اللغه الانجليزيه هنا .. بس مدري يمكن ما استمر
اتوقع اني بغزو قسم التصميم دام انه الشي الوحيد اللي صرت احب اسويه
وبما أنه عقليتي تغيرت بشكل كبير وصار عندي ميولات محدده وأخيرا
وصرت أحب الماث #صدمة العمر فأتوقع اني بسوي بوستات
عن الاهتمامات الجديده حقتي.. ع الاقل هنا بالمدونات..
وكمان برجع لقسم الألعاب حببيب قلبي.. أول مره اشوفه بهالنشاط

كنت متوقعه اني وصلت صفحه جديده عشان كذا سويت "هيدر" جديد
بس يلا مو مشكله ..

طيب نجي للجانب الفلسفي والتدويني
حاليا احس نفسي انظر للحياه من برا الحياه فهمتوني؟
يعني مثلا اشوف انه الحياه الواقعيه لازم الإنسان أو الحيوان
يقتل حيوان ثاني عشان يعيش؟ والبديل أنه يكون إنسان "vegan"
أما الحيوانات ماعندها خيار من هالناحيه.. يعني هالشيء مو قاسي شوي؟
الشي الثاني اللي تعلمته أنه أأمن طريقة انك تعيش حياتك بدون ماتكون كئيب
انك تنظر للحياه بنسبه من السحطيه والماديه.. يعني بالعربي تستغفل نفسك
لاتفكر كثير بالامور ومعناها ولاتصير عاطفي بزياده... للأسف في صدمات كثيره
نعيشها تخلينا نصير عاطفيين مانقدر نتحمل.. الطريقه الوحيده ان احنا ننجو من
هذي الصدمات ونتأقلم معها أننا نتبلد مشاعرنا.. للأسف المشاعر مع أنها
تميز الإنسان إلا أنها تطغى على العقل بشكل مو طبيعي تخليك أحيانا مجنون
زمان كنت أقول الناس يقولون الأنثى عاطفيه ويعتبرون هذا استنقاص
الحين اقول هي عاطفيه لأن احنا قلنا لها انتي عااطفيه وغير عقلانيه
فصارت تصدق هالكلمه وتغفل عقلها وتبرر لنفسها تصرفاتها الغير منطقيه
حتى في ناس تبرر الغيره بكلمة "طبيعه الانثى عاطفيه" .. طيب ليه لما يكون عندك
اصحاب وإخوان وزملاء مايصير تغار منهم بس لما تكون المرأه غيرانه هذا شيء مبرر؟ ح

التناقض العجيب أني احب الاشياء العاطفيه خصوصا في الموسيقى
بس اللي اكرهه اني اشوف تصرفات وثقافات مبنية على العواطف الخاطئة
ونجي نقدسها على أنها صحيحه ومانرجع للعقل ولا المنطق!
صحيح العاطفه لها ضروره لكن مو معناها نبني حياتنا ومجتمعنا على العواطف
يعني ماودي اجيب امثله لأنها بتكون شاطحه بس اتوقع كل شخص مر بهالاحساس بيفهمني
هالتدوينه تقريبا تشبه اللي قبلها بس للأسف هالفتره توني استوعب اني
احتاج ابتعد عن ملوك الدراما في حياتي لأنه صراحه قلت الناس اللي تعيش
حياتها على أساس منطقي وكثرت الناس اللي دوافعهم أنانية
ومبعوثه من مشاعر مالها أي عقلانية

المهم خلاص احس اني صرت اكتب زي الناس اللي كنت اقول عنهم غامضين
بس صراحه مالقيت أحد عطاني مثل هالنصيحه من قبل ووكان ممكن تنفعني بشكل كبير
وتغير ردة فعلي للمواقف اللي اتعرض لها .. وممكن كمان تمنعني اطيح ببعض المواقف
ف حبيت اشارك هذي النصيحه مع غيري

نشوفكم .. ​