فخر المدونين الريفُ صوتك و المدائن صوتهم ، أنت الهدوء و كلهم إزعاج ! (1 زائر)

[RELENA]

أحس الأمور الكتير اللي تصير بحياتي تخليني أفكر زيادة عن اللازم
فصايرة هالفترة ما أركز ابداً كأني عايشة جوا عقلي و أفكاري
يعني يجوا اخواني يكلموني ما مركزة معاهم بس جالسة افكر
حتى ما أسمعهم او أشوفهم
و أكون مثلا بدي أسوي شي أنسى شو كنت رح أعمل .

بس تعلمت شي عظيم هالفترة .. انه أي انسان سبب لك تعب نفسي بعقلك أو أيامك
انت رح تنام ليلك مرتاح بس هو ما رح يرتاح ليل و لا نهار
اليوم أعتبره بداية الانتصار بمعركة أخوضها لي تقريبا شهر
و قربت مرحلة الفوز و الظفر فهالمعركة .

الحمد لله حمداًكثير ​

 

[RELENA]

فجأة تجد نفسك وسط كم هائل من الأمور العالقة
و أنت الذي كنت تظن أن الفترة السابقة ذهبت و انقضت !

تضع الحدود للفترات و تقول كما يصور لك عقلك أن جميع هذا سيطوى ، هناك دائما بدايات جديدة بإنتظاري .
لكن النهايات السابقة ستطاردك لديها أسباب كثيرة لذلك و أهمها الانتقام منك !
هل أشار عقلك لك يوما أن تعيش كالظل أو خلف الكواليس .. هل ستحصد عندها النتيجة التي ترضيك لحياتك ؟
انها مجرد تخمينات .
رسماتي بشكل عام أخلصها و ارجع بعد فترة طويلة اصورها
أنا فخورة بهذه الرسمة

​

 

[RELENA]

السنة هذه من بدايتها كانت مرحلة فارقة بحياتي
عم اتخيل لما تنتهي هالسنة و اكتب الأمور اللي مريت فيها عن السنة الماضية .. كمييية الأمور اللي تغيرت و كمية الأمور البااقية مدهشة !

أخر شهرين كنت مشغووولة لدرجة كبير بمشروعي الجديد
المشروع عبارة عن متجر حلويات و كيك بتصاميم السكر
االحمد لله المشروع من بدايته عليه طلب لكن أكيد مع كل طلب في خسارة
و من لما وقفت شغلي الماضي بقيت شهر بدون شغل و بعدها توظفت مع شركة ثانية
وكمية التعببببب الكبيرة انك تلاحق على شغلين و تداوم دوامين
دوام شغل و ضغطط و خصوصا كان شهر 3 فيه عيد الأم و عيد الأم بالنسبة لشغل الكيك و السكر كان يعتبر موسم فيجي فيه كتير طلبيات
فالتعب كان مضاعف .. شغل مو طبيعي بالشركة و طلبيات بالبيت بالاضافة للتجهيز للمشروع من شراء ادوات
فتح صفحات .. و نشر و اشتراء مستلزمات اعلان مسلتزمات تغليف مستلزمات للمشروع
بجد بجد كان تعب مو طبيعي
و جاء شهر رمضان و كنت خايفة انه صيام الناس ما ترغب للأكل و الحلويات
لكن ابتكرت نظام هدايا للزوار و صلة الرحم برمضان و االحمد لله كان عليه اقبال عالي و كبير
و قبل العيد عملت شوكولاة العيد " عندنا الشي التقليدي بالضيافة للعيد هو الكعك و المعمول و الشوكولاة "
و فعلا كان عليها اقبباااال كبييير لكن تعب مو طبيعي ما انام لا ليل و لا نهار لحتى أخلص الطلبيات
مع تجهيز المحل من ناحية بناء و تشطيبات
ربنا ما يضيع لي تعب و يرزقني من اوسع ابوابه
كل شي متعب و كل شي له ضريبة .. و النجاح ضريبته التعب و عدم النوم و الارهاق
و اللي ظاهر للناس غير عن المخفي عنهم
لكن ربنا ما يضيع تعب حد .. كل شي بالنهاية ثماره راجعة عليك
الحمد لله على كل حال


بجد اتمنى الاقي وقت فراغ أنزل فيها وصفات لقسم البنات و بجد عندي صور كتيرة بس ما في وقت ابدا أنزل
ان شاء الله يرجع شغف تنزيل المواضيع
احس بدي دعم كبير عشان انزل
​

 

[RELENA]

من بين الأمور اللي شاغلة بالي كتير هالفترة
تصميم لوغو خاص لمشروعي و كم تصميم للوجو حتى أحطهم للكراتين و قواعد الكيك و علب الحلويات

متحمسة أصممم و أشتغل كل شي بيدي و الله كتيير
بس أبدا ما عم ألاقي وقت
المشكلة المشروع بلش من ثلاث شهور و لحتى الأن ما صممت اللوجو و كل الطلبيات أسلمها بدون ما احط الشعار

كمان أمور كتير ثانية لسة بدها تحضرات و مرات أحس مع مرور الأيام انه هالأمور و التحضرات أبدا ما تخلص كل يوم تتجدد
الشي متعب كتير .. البداية صعبة و أحس كأني وحيدة بالمعركة
انه كل شي على أكتافي رغم انه المشروع المفروض مشترك
لكنه لحتى الأت مشترك بالأسم و أنا عم أسوي كل شي لوحدي

لازم أسوي قائمة مهام لأنو الفترة هذه بجد أحس كأنه دماغي رح يحترق
من كثر الأمور اللي محتاجة أسويها و اروح اريد اسويها اسوي منها جزء
و أنسى الثاني !

يا رب سهل لي أموري

​

 

[RELENA]

اليوم المغرب كنت عم اشتغل طلبيات لبكرا
بابا مر علي ينظر لي نظرات شفقة و يقول " يا بنتي انتي بترجعي من تعب لتعب " قصده من الشغل الدوام لشغل الطلبيات بلبيت
و صار يدعي لي .. هي بتصدف كل مرة يمر علي أكون مشغولة جداً
من كلامه استوعبت اني انا تقريبا ما اقعد .. فعلا ارجع من شغل لشغل و كأنه صار هوس عندي اني لازم أكون مشغولة بشي
و ما أجلس هيك فاضية
حسب تفكير الناس او الاشخاص حولي " يا بختها تشتغل شغلين و وضعها منيح "
" يا حظها تشتغل طول اليوم ما تفكر و لا عندها فراغ لازمات عاطفية او نفسية "
" عندها مشروعها الخاص و عم يجيها طلبيات كتير "

كتير كلام وقح و غير مراعي عم ينقال بظهري و بوجهي كتير كتير و انا أوقف أمامه بدون رد و تفكيري بس عم يقول انه هالناس كيف هي هيك ؟
لساني يكون عاجز حتى عن شرح الموقف
لكن اللي الانسان يمر فيه او عايش فيه او عم يجربه او يعاني فيه ما حد رح يحس فيه
الناس بس رح تشوف الظاهر و الثابت لحدود تفكيرها و يمكن حقدها و سواد قلبها
كتير اجلس بيني و بين نفسي و اقول ليه ما كل واحد ينشغل بحياته انشغال تام يمكن هيك يعيش سعيد بدل ما يركز بحياة غيره !
​

 

[RELENA]

تدوينة تفريغ بدون سابق تخطيط !

خليني أقول إني اكتشفت أنو أكبر مشكلة بحياتي و بصفاتي
هي اني شخص متسامح .. اسم على مسمى زي ما يقولو
و للأسف هالصفة خلتني أكره نفسي و اسمي و حياتي كلها
اني تسامحت مع كتير كتير أشخاص بحياتي و هالتسامح كنت أفكر بدون وعي و بدون تخطيط انه شي بكياني انا مو قادرة أتحكم فيه
دايما أسامح تحت مبدأ المحبة أو القرابة أو الصداقة أو عشرة العمر الطويلة ..
ما في انسان واحد مر بحياتي و سوا لي اساءة الا سامحته على أخطائه معي على خيانته على حقارته على سوئه تجاهي
دايما دايما دايما كنت أسامح
لحد ما وصلت لمرحلتي هذه اللي انا فيها اني كارهة حالي
لاني سامحت
سامحت اللي احبه كرر أفعاله مرة و اثنين و ثلاث و بدأ يتجبر و المشكلة يشوف بكل موقف انه الحق معه
سامحت صديقي اللي خاني و خذلني و تعاملت معه و كأنه و لا شي صاير و صار حاليا بكل موقف يصير بينا ينقل الكلام و تزيد الخيانة و قرف شخصيته لحد ما عاد أصلا قادر يرفع عينه بعيني
سامحت قريبي على قذارة شخصيته و بلحظة عاطفية قال اني أحسن شخص لأني قادرة على المسامحة و المغفرة
لكنه بكل القصص العائلية يلدغني متل الأفعى

أنا هالأشخاص ما سامحتهم بإرادتي لو جاء اي شخص و فتح قلبي ما رح يلاقي ذرة حقد تجاهم
لكن اللي يقهر اني بكل مرة أسامح و أغفر قذارتهم تتجدد أضعاف مضاعفة لدرجة انهم يسحبوا حبهم من قلبك
لحد ما توصل لمرحلة انه القلب ما يبقى فيه ذرة مشاعر تجاههم

الباقي بس شفقة و ذكريات سيئة تحثك على النسيان و المضي بحياتك و تمشي بطريق مختلف كل ما تتعرف على شخصية مشابهة لهم

الناس المقرفة متى توقف عن كونها مقرفة !
بجد متى !

خلص عاد قرفتونا !​

 

[RELENA]

غريبة انه هالأغنية جديد عرفتها
اللحن يجنن و الكلمات واو
مدري وين كانت عني

 

[RELENA]

اليوم بالشغل صار موقفين مو حلوين
فجأة خطر ببال زميلتي سؤال جوهري .. السؤال مبني على الموقف اللي صار
" هل ممكن حد تحبه و ما يكون يحبك او يكرهك ؟ "

هي بنفسها جاوبت انه اي أكيد ممكن ، صديقاتي وافقوها الرأي
أنا رأيي كان غير قلت لهم القلوب تتآلف
مستحيل تكون تحب شخص و الشخص الثاني يكون يكرهك
بعدها بدأت أشك برأيي انه ممكن يكون كلامي غلط
لانو مريت بكم موقف خلال اخر سنة
و وحدة فعلا أحبها من قلببي قالت انها تكرهني " رغم انها حاليا ما تفرق معي "
لكن أكيد ممكن يكون رأيي غلط مع هيك عقلي مو مستوعب انو كيف ممكن طرفين ممكن يختلفوا باللي تكنه قلوبهم
لكن كل شي بهالحياة ممكن

​

 

[RELENA]

إضافة السعادة لحياتك مو شي صعب
أصعب شي هو انك تكون عم تعيش التعاسة يومياً بدون ما تحاول تسوي أي تغيير
تكون تريد تغيير لكنك ما عم تسعى و لا تجاهد لتغير ..

أعتقد اني وصلت لسن واضح كل شي بحياتي .. قادرة كتير منيح احط قائمة بكل الأمور اللي تحتاج تغيير
و أكون واعية تماما ان احتاج اغيرها و احط الخطط لتغييرها

السكوت و الصمت عن تغيير حياتك يراكم الأيام .. فجأة تكتشف انه هالايام هي عمرك و تكتششف انه القطار عم يمشي بسرعة جنونية بدون ما توعى انه هالأيام اللي تركض اما تاخذك للنجاح و للانجاز بحياتك و توصل لسن تكون فخور بنفسك
انه منيح اني واصلة لحد هون بهالعمر
أو تاخذك للدمار و تبقى تراجع بنفسك انه كيف هالايام مرت بدون ادنى انجاز يذكر تاخذك للاكتئاب و الندب على نفسك و سنينك اللي راحت

انا فخورة بنفسي بإنجازي و بوقتي و باللي أسعى له و اني حتى لو أعمل لغيري
فأنا سعادتي أحصل عليها بإسعاد غيري
أنا فخورة فيني

​

 

[RELENA]

هل الانسان بيقدر يهرب من عقله ؟
أعتقد كل اللي هربوا من عقولهم أصابهم الجنون

هل جسد الانسان آلة ؟ لكن آلة بقلب و عقل ؟
لأهرب من عقلي و تفكيري أنهك نفسي طول اليوم من لما أفيق
المشكلة ما عم أشوف اني جهدي كافي .. كأني لازم أشتغل أكثر

مع ذلك الأفكار ما تروح .. ما تختفي .. و للأسف ما تتوقف !
ما فيه زر أو كبسة تضغطها و خلص عقلك يحلق بالفضاء الرحب
لا يبقى يفكر و يدور بحلقات و يجيب أفكار الدنيا كلها و الذكريات
و المواقف و ما يكتفي بهالشي كمان ينسج خيال و مسرحيات

الراحة .. راحة العقل صعبة .

​