فخر المدونين Make Some NOISE (3 زائر)

[خَوْد]

اليوم فتحت قناتي القديمة باليوتيوب شفت الفديو هاد وصل ل مليون مشاهدة

فتحت عليه قبل 6 اشهر كانت 800 الف مشاهدة و اليوم فتحتها وصلت ل مليون و 180 الف مشاهدة
و العدد في ازدياد لانها صارت الترند على هالعنوان

والي بشلني كيف كان عمري 17 سنة و كنت قادرة سوي كل هالمونتاج ببرامج جدا بدائية مقارنة بهلأ

و المصيبة انو بهل القناة فيها كتير فديوات و اغلبهم مشاهداتهم بالآلاف و على كل الف مشاهدة
باخد 1 دولار ومن الفديو الاول لحالو باخد منو 1000 دولار و الباقي 50 او 200 دولار

و للأسف ناسية الباس و الايميل لان هالحساب قدييييييييييييييييييم
و حاولت حكي اخي لان اختصاصه الدراسي بالهكر و الكمبيوترات قلي مجنونة انتي
انا هكر قوقل ؟ وصل الجواب ههههههههههههههههههههههههههه

والي ما بيعرف المسلسل يروح يحضرو لانو حلو ولو مانو حلو ماكنت حطيت فديو
الو و انا صغيرة عن اغنية البداية لهل المسلسل

المهم بكفيني فرحة انو اعمالي بلشت تطلع و عم فكر اني اتعمق بمجال المونتاج
وبلش اتعلم على برامج احترافيةة


شوفوا الفرف بين هالفديو

و هاد الفديو

عنجد فرق شاسع بين الاثنين الفترة الزمنية بين الفديوين 6 سنوات

مع اني مابحب عيد اغنية انا سويتها من قبل بس هالاغنيييية مستحيل اني مل منها
احبببببببببببببببهههههههههههههها و احب الي يغنيها Deep Raw ​

 

[خَوْد]

يجب القراءة تدوينة مهمة


انا ما كنت بعرف انو في بنك للبذور حول العام في حال صار اي مرض او اي شي بالأرض
و خلا النباتات تموت كلها و تنمسح ف حاطينها بمخازن للإحتياط في حال صار شي متل هاد
مشان يرجعوا هالنباتات و مايموت جنسنا . . و سمعت انو في حركة غريبة بالنسبة لهل المخازن
اي ان صارت بعض الدول تروح لهل المخازن لانو شكلو المرض رح يتطور للمرحلة التانية بشهر 4
يعني الوضع صاير خطير لدرجة ان بعض الحكومات صارت تتفقد هالمخازن !! نبذة عن هالمخازن

تاني شي خطير سمعتو انو واحد طلع بفديو عم بورجينا انو في باخرة ضخخخمة اجت ع المينا
بتاريخ 30.3.2020 و سمو هالباخرة Comfort ship لأنو هنيك لما واحد يكون شاكك بحالو انو
معو كورونا و تطلع النتائج انو مامعو بيدخل هالباخرة !! مافهمت الفكرة من الباخرة ؟ او شو فايدتها
اذا الي بيدخل مامعو كورونا؟ وليش الجنود هنيك مابحطوا ماسكات ؟ و الي بيصدم انو واحد مسؤول
عن السفينة و طبعا هي نفسها ترامب مسؤول عليها حكا بالفديو انو خصصنا 1200 من الطاقم
الطبي و 1500 من التجنيد العسكري البحري و لشو كل هاد ؟ و قال انو هي الباخرة موجودة
في حال انو المستشفيات ما كفت نفس مابسموها مستشفى الكورونا . . و اساسا هالباخرة عيني عينك
ملفتة للنظر قدام المرفأ ف قام حكا عليها انها للكورونا ؟ على اساس مشان يغطي عليها . . !
انا ببصم مليون بالمية انو فيها شي عكس الي عم يحكيه ! اساسا دامها مستشفى ليه
لحتى يحكي انو ممنوع التصوير؟ ولو هي مستشفى ليه لحط عساكرة بحريين بهل العدد الهائل ؟

الفديو تقصدوا يحطوه طويل مشان محدا يتابعو او الناس تمل و تسكرو
بس كلام هالشخص في كلام بين السطور بيحكي انو في حرب جاية !!
الذكي هو الي رح يفهم !

يمكن هو اكتشف مين الي صنع الكورونا و بدو يرد الصاع صاعين ؟ يمكن بدو يستغل ضعف الدول
هلأ دام اغلب الدول بأضعف مراحلها هلأ ! حاسة احساس جدا فظييع للي رح يصير !
و على فكرة هالتدوينة مجرد تخمينات و ممكن يطلع اي شي منها صح ؟

و خاصتا الحركات الغريبة لمخازن الحبوب بالعالم ! شي ابدا مو مبشر للخير !
و هالسنة رايحة رايحة !! و هاد غير انو هالفايرس رح يتطور و لمرحلة تانية و المرحلة التانية
رح تكون بالهوا نفسو قال مابعرف حتى لازم نسكر الشبابيك و مرحلة هالفايروس رح تكون
من 10.4.2020 لآخر 4 . . بهل الوقت الكورونا رح تقوى لدرجة الهوا بصير سام و عادي ننعدى
من الهوا يمكن لان صار اكتر من مليون شخص معو كورونا يمكن لان الاوكسجين قل بسبب
ثقب الاوزون في كتير اسباب لهل الشي ولحد هلأ محدا بيعرف شو السبب ! بس بهل المدة
الفايرس رح يقوا و الكل ياخد احتياطاتو و يسكر الشبابيك . . !

هون نص الكلام روحوا للدقيقة 1:30:00

ليش لحتى يجيب هالسفينة بهل الوقت بالذات ؟ و ليه سفينة بالذات !؟
ماكان بيقدر يشوف شي مركز فاضي و يحولو لمستشفى ؟ و السؤال
الاهم كيف باخرة بهل الضخامة تخلص ب 8 ايام فقط ؟ و تم ذكرها بالفديو
قال انو الباخرة كان بدها اسبوعين لتخلص بس نحن جهزناها خلال 8 ايام فقط !
كيف صارت معكم هيك ؟ ومتى لحقتوا تسوا كل هاد ؟ في ان بالموضوع

مابدي حط الوسوسة بمخكم . . بس بدي تعرفوا لوين الامور واصلةة . .
من اول شهر 1 و عم يحكوا في حرب عالمية 3 و الله و اعلم شو رح
يطلع كمان ؟ الله يمرقها ع خير انا عم قول و ان شاء الله تخميناتي كلها
تطلع خطأ !!!

دمتم بخير و صحة و سلامة
​

 

[خَوْد]

​

- شنو معنى الحُرية ؟ و شوكت اطالب بيها ؟

تعريف الحرية هي لما اتخذ اي قرار بدون اي ضغط خارجي
او جبر او شرط . .

- بس بالنسبة الي هي لما انا سوي كل شي بدي ياه بدون اي اجبار من حدى
او من عادات و تقاليد و سوي كل الي يعجبني بغض النظر اذا كان حلو او لا
عن الآخرين . . الحرية لما احترم اراء غيري و افكارهم و معتقداتهم شو ما كانت
و لما احترم الي بيعملوه حتى لو كانوا ( gays ) الحرية عندها كتير مسميات و تختلف
على الاغلب بس تعريفها الموحد لما الشخص يقرر شي بدون اي ضغوط خارجية او جبر/شرط

- اطالب فيها لما حق من حقوقي ينتهك و لما بدي طور تفكيري
و الاشياء الي بسويها لانو كل الي صار لهلأ كان بسبب الحرية ولولاها
ماكنا تطورنا للي نحن عليه هلأ ! لما اجبر على شي غصبوني اهلي
عليه من و انا صغيرة و لما كبرت صار الي رأيي و عقل فكر فيه وقتها
بطالب بالحرية بس حرية معقولة لانو في حريات سلبية و حريات ايجابيةة
و الحرية لها وقت . . لما يكون الشخص مسؤول على نفسه اي بعد 18 سنة
اما تحت ف اهله هن مسؤولين عن كل هاد . . بغض النظر عن كمية قمع للمواهب
الي قاعدة تصير بس للاسف الي تحت ال 18 سنة مافينو يسوي شي !
لحتى يطلع من تحت وصاية الاهل ! اي الشخص لما يبلغ و يصير فوق السن
القانوني وقتها بحقلو يسوي الي بدو ياه بدون اي قيود او جبر . .

# شطحة

و هون بطبق المعنى الحرفي للتربية اي تربية اهل الطفل بتطلع بعد ال 18 سنة
اي لما هالطفل يكبر و يصير حر بس في اشياء مابسويها رغم انه بيقدر
يسويها ومحدا ماسكو هون بتدخل بتربية الاهل . . ففي اشخاص كتير بدن
يعملوا اشياء هن بحبوها بس مابيقدروا بسبب حبهم لاهلهم و تربيتهم الهم

​

 

[خَوْد]

​

يجب القراءة تدوينة مهمة


انا ما كنت بعرف انو في بنك للبذور حول العام في حال صار اي مرض او اي شي بالأرض
و خلا النباتات تموت كلها و تنمسح ف حاطينها بمخازن للإحتياط في حال صار شي متل هاد
مشان يرجعوا هالنباتات و مايموت جنسنا . . و سمعت انو في حركة غريبة بالنسبة لهل المخازن
اي ان صارت بعض الدول تروح لهل المخازن لانو شكلو المرض رح يتطور للمرحلة التانية بشهر 4
يعني الوضع صاير خطير لدرجة ان بعض الحكومات صارت تتفقد هالمخازن !! نبذة عن هالمخازن

تاني شي خطير سمعتو انو واحد طلع بفديو عم بورجينا انو في باخرة ضخخخمة اجت ع المينا
بتاريخ 30.3.2020 و سمو هالباخرة Comfort ship لأنو هنيك لما واحد يكون شاكك بحالو انو
معو كورونا و تطلع النتائج انو مامعو بيدخل هالباخرة !! مافهمت الفكرة من الباخرة ؟ او شو فايدتها
اذا الي بيدخل مامعو كورونا؟ وليش الجنود هنيك مابحطوا ماسكات ؟ و الي بيصدم انو واحد مسؤول
عن السفينة و طبعا هي نفسها ترامب مسؤول عليها حكا بالفديو انو خصصنا 1200 من الطاقم
الطبي و 1500 من التجنيد العسكري البحري و لشو كل هاد ؟ و قال انو هي الباخرة موجودة
في حال انو المستشفيات ما كفت نفس مابسموها مستشفى الكورونا . . و اساسا هالباخرة عيني عينك
ملفتة للنظر قدام المرفأ ف قام حكا عليها انها للكورونا ؟ على اساس مشان يغطي عليها . . !
انا ببصم مليون بالمية انو فيها شي عكس الي عم يحكيه ! اساسا دامها مستشفى ليه
لحتى يحكي انو ممنوع التصوير؟ ولو هي مستشفى ليه لحط عساكرة بحريين بهل العدد الهائل ؟

الفديو تقصدوا يحطوه طويل مشان محدا يتابعو او الناس تمل و تسكرو
بس كلام هالشخص في كلام بين السطور بيحكي انو في حرب جاية !!
الذكي هو الي رح يفهم !

يمكن هو اكتشف مين الي صنع الكورونا و بدو يرد الصاع صاعين ؟ يمكن بدو يستغل ضعف الدول
هلأ دام اغلب الدول بأضعف مراحلها هلأ ! حاسة احساس جدا فظييع للي رح يصير !
و على فكرة هالتدوينة مجرد تخمينات و ممكن يطلع اي شي منها صح ؟

و خاصتا الحركات الغريبة لمخازن الحبوب بالعالم ! شي ابدا مو مبشر للخير !
و هالسنة رايحة رايحة !! و هاد غير انو هالفايرس رح يتطور و لمرحلة تانية و المرحلة التانية
رح تكون بالهوا نفسو قال مابعرف حتى لازم نسكر الشبابيك و مرحلة هالفايروس رح تكون
من 10.4.2020 لآخر 4 . . بهل الوقت الكورونا رح تقوى لدرجة الهوا بصير سام و عادي ننعدى
من الهوا يمكن لان صار اكتر من مليون شخص معو كورونا يمكن لان الاوكسجين قل بسبب
ثقب الاوزون في كتير اسباب لهل الشي ولحد هلأ محدا بيعرف شو السبب ! بس بهل المدة
الفايرس رح يقوا و الكل ياخد احتياطاتو و يسكر الشبابيك . . !

هون نص الكلام روحوا للدقيقة 1:30:00

ليش لحتى يجيب هالسفينة بهل الوقت بالذات ؟ و ليه سفينة بالذات !؟
ماكان بيقدر يشوف شي مركز فاضي و يحولو لمستشفى ؟ و السؤال
الاهم كيف باخرة بهل الضخامة تخلص ب 8 ايام فقط ؟ و تم ذكرها بالفديو
قال انو الباخرة كان بدها اسبوعين لتخلص بس نحن جهزناها خلال 8 ايام فقط !
كيف صارت معكم هيك ؟ ومتى لحقتوا تسوا كل هاد ؟ في ان بالموضوع

مابدي حط الوسوسة بمخكم . . بس بدي تعرفوا لوين الامور واصلةة . .
من اول شهر 1 و عم يحكوا في حرب عالمية 3 و الله و اعلم شو رح
يطلع كمان ؟ الله يمرقها ع خير انا عم قول و ان شاء الله تخميناتي كلها
تطلع خطأ !!!

دمتم بخير و صحة و سلامة ​

تابع لهل التدوينةة

اليوم ناشرين انو jeff bezos رئيس موقع امازون رح يتبرع ب 100 مليون دولار لبنوك الأكل
بسبب الكورونا . . يا شباب الموضوع مو جاي من المريخ بس محتاج حدا يدور و يقرأ و انا كنت جاهلة
لحتى اختي هي اجت و حكتلي القصة كلها لان هي بتحب انها تبحث و تدور على اشياء ما تطلع بالميديا
و تشبك الاشياء ببعضها . .



المهم ماعلينا اليوم جمعنا صنوبر من الشجر مشان نشغل المدفئة و انا شفتهم مجمعين
و ماقدرت قاوم جمالهم هدول بقدر اني ابدع فيهم و حطهم اشياء للديكور بالبيت



ما احلاهم . . عم فكر حط عليهم لميع و صورهم تحت اشعة الشمس
يمكن تطلع الصورة فنانة . .



هي من كم يوم صورت هالطبخة سوينا اكل بحري و ماقدرت قاوم جمال الصور



حسيت الصور كتير ارتيستك بس عنجد اختي فنانة بالطبخ الغريب و نحن مو كتير
متعودين نطبخ الروبيان بس اختي طلعت الطبخة بأحلى و اطيب شكل . .
و على فكرة هي اول مرة كانت باكل الروبيان بهل الطريقة يعني مو مقشر ولا منضف
بس الاكل مع التقشير غير شكل بحس بلذة غريبة غير لما يكون مقشر جاهز




​

 

[خَوْد]

من فترة اخي طلب مني صمم بوسترات اعلانية لشركة DB الالمانية هي الشركة الاولى
بألمانيا للمواصلات و هي بتمتلك اكبر سلسة خطوط للسكك الحديدية و هي شركة حكومية
و انا ماصدقت انو ممكن تصاميمي تدخل هالشركة على اد مانها كبيرة و عريقة و كانت
اكبر فرصة الي اني انشر تصاميمي هنيك التصاميم رح تنعرض ع الشاشات الداخلية
محل الشغل يعني بالورشات و مكان العمل الداخلي للشركة

التصاميم عبارة عن نصائح



!Beware of unknown QR codes, Never scan a QR code from a source you don't know
The QR code could be misused to steal your personal information or direct you
to a harmful site to use your device

ابحث عن رموز QR غير معروفة لا تفحص رمز QR من مصدر لا تعرفه!
يمكن إساءة استخدام رمز الاستجابة السريعة لسرقة معلوماتك الشخصية
أو إعادة توجيهك إلى موقع ضار لاستخدام جهازك.




Always keep your devices locked, Set your devices to automatic lock when not in use

احتفظ دائمًا بأجهزتك مقفلة اضبط أجهزتك على القفل التلقائي عند عدم الاستخدام.




Keep the software you are using up to date, Most updates contain security-related ones
Corrections. If the manufacturer releases an update, install it as soon as possible to close
vulnerabilities

حافظ على البرنامج الذي تستخدمه محدثًا. تحتوي معظم التحديثات على تحديثات متعلقة بالأمان
تصحيحات. إذا قامت الشركة المصنعة بإصدار تحديث ، فقم بتثبيته في أقرب وقت ممكن لإغلاق نقاط الضعف.



Beware of bad advertising, Clicking on advertising banners can contaminate
your computer with malware

احذر من الإعلانات السيئة, يمكن أن يؤدي النقر على لافتات الإعلانات إلى تلويث الكمبيوتر بالبرامج الضارة.


قلت اني سوي الالوان تكون فاتحة و ملفتة مشان الكل ينتبه لها ماحبيت اختار الوان كاتمة

شوفوا التصاميم القديمة الي كانت ع الشاشات. هي تصاميم لشركة تصميم
مع انو تصاميمها رسمية و اختاروا الوان قاتمة ف حبيت اني حط لمساتي و اعكس تصاميمهم





عطوني رأيكم هل بنفع اني صمم بوسترات توجيهية ؟

​

 

[خَوْد]

.

 

[خَوْد]

المهم مشان نطري الجو شوي لاني من زمان ما كتبت بجدية لدرجة اني نسيت
كيف اكتب بجدية

المهم ما علينا اعتبروا التدوينة الي فوق كأنها ما صارت

من كم يوم لقيت موقع مدري هو تطبيق لحد هلأ مو عارفة قرعة ابوه من وين
و عجبني كتيييييييييييير و صدقا انا صرت من النوع الي نادر مايعجبه موقع
خاصتا لو كان الو علاقة بالمنتديات لانو في جو معين بيجذبني و لو هالجو ما كان
موجود هالموقع مابهتم فيه حتى لو كان واو

المهم هالموقع مدري هو تطبيق اسمو تطبيقات امينو ( amino apps ) لما فتحت عليه
من اللاب ماكان زابط نفس ما كان على الموبايل ك تطبيق ف حسيت انو هو بالاول تطبيق
و يفتح على اللاب . .

المهم هالتطبيق كأنو مجموعة منتديات كاااملة !! مابعرف لو حدا بيعرفو او شافو
من قبل بس جدا جدا رهيب ! انا بحب المنتديات الي بتخليني اتعلم شي جديد
والي بتحفز الشخص انو يطلع من حلقة الراحة الي عندو و لهل السبب تسجلت
بأنمي تون

و هالتطبيق عبارة عن عدة منتديات بداخله , اي كل شخص بيقدر يفتح منتداه بنفسه
و يجمع اعضاء فيه و في سمعة شهرة لكل ملف بيدخلو اعضاء كتيرة
وفيه خاصية تبديل اطار الافتار بشكل متحرك و لقب ومدونة بكل ملف شخصي
بحط فيها كل تدويناته تصاميمه بشكل جدا انيق و مرتب وكتير اشياء مابقدر اني احكيها كلها

ففي منتدى اسمو امبراطورية الانمي هاد راااائع لقيت فيه اشياء جديدة ممكن اتعلمها
ومن هالاشياء . . كيف اني اكتب وبصراحة انا بعيدة كل البعد عن الكتابة و عن
اللغة الفصحى بحس اني بصير جدا بطيئة بالكتابة لما اكتب فيها مشان هيك مابحبها طبعا
ككتابة بس مو بشكل عام . .

ف من فقرات هالمنتدى كيف فيني حلل شخصية انمي و كيف فيني حلل ارك بأنمي معين
و كيف فيني اكتب مدونة تكون جذابة و غير منسوخة مع الخطوات و كلها واضحة ومافي
اي صعوبة و كتيير بشجعوا انو الشخص يكتب !

بصراحة انا قررت اني بلش نزل تدوينات فيه واول تدويناتي رح تكون تحليل عن اركات
انمي بليتش بما اني حضرتو كامل و حللت كل الانمي هو صح كبداية صعب علي
بس بحب الصعب . .

قلت ببالي ليه ما انمي تون يسوي منتدى عليه ؟ بحس جووه غير
وفيه دردشات كمان كتابية و صوتية وكتييييييير خواص تانية مابتنعد بس للاسف
انا متل الاطرش بالزفة لاني مابعرف حدا هنيك هههههههههههههههههههه

المهم اني لقيت شي تاني غير التصميم ابدى فيه ك هواية و لو صارت الكتابة
من هواياتي والله لأكتب كتييير مقالات لاني في عندي كتير اشياء بعرفها بس
ماني شاطرة بالكتابة . .

انتظروا تحليلاتي بالمنتدى لاني ناوية على شي مبهر لأنمي تون

​

 

[خَوْد]

التدوينة الاسبوعية
​

ما هي أفضل طريقة بالنسبة لك لقضاء العطلة الأسبوعية ؟

سولف لنا بالتفصيل.​

اني سافر على مقاطعة تانية ومرة سويتها سافرت برلين 3 ايام بس
متفيقة الاخت اي و بقضيها بالقطار و طريق القطار حلو يعني مابحسو
عذاب مع انو 9 ساعات تقريبا . . حلو شعور السفر حتى لو بعطلة اسبوعية
و اني اقضيها مع شخص بحبو كتير . . اسهر انا و اخواتي بمكان
بس انا افضل اني سافر على اماكن بعيدة بالعطلة . .

اصحى الصبح و افطر و جهز حالي مشان روح ع الجم لاني بحب اتمرن
الصبح بعدها بضل بالجم شي 3 ساعات تقريبا و بجهز حالي بالجم
للطلعة بما ان الجم هو بمركز المدينةة و من هنيك بروح مشوار مع اختي
و الاصدقاء بنروح نتمشى على النهر او نروح ع شي مقهى او نتمشى بالمدينة

خاصتا وقت الويكند بكون ( مركز المدينة ) مليان ناااس والكل متجمع
وبس والله

​

 

[خَوْد]

السؤال هو : انتو ضد الإرتباط او لا ؟
فكرة " الإرتباط " سواء أكانت هذه العلاقة زواج او حب .

سؤال حلو كتير و كان دائما بيجي عبالي لاني كنت ضدو
انا ضدو لانو لما انا ارتبط بحدا و هالحدا تكون نيتو سيئة ويستغل مشاعري
ومو بس المشاعر ؟! و كمان الوقت و الجهد المبذول بهل العلاقة لحتى تمشي !
لانو مرات البنت بتبذل جهد لحتى تمشي العلاقة لحتى توصل لمرحلة تحكي خلاااص
اانا تعبت ! ف تخيلوا لو كل هاد راح ع واحد هو اصلا داخل على لعب ! و ايمت بتعرف
البنت هالشي ؟ بعديييييييييييين و تكتشف انها كانت مخدوعة !!

و المصيبة انو هالشخص مستحيل تعرفوا لو هو بيلعب او لا ! في بنات ممكن يجوني
ويحكوا انو لا انا بعرف فرق بينهم وواضحين ! بس والله العظيم في فئة متقنين لفن
الخداع !! ومتمرسينو من زماااان يعني خبيرين لانو كيف واحد بيقدر يخدع شخص
بكل بساطة مع اني ماني غبية بس لحد هلأ بحكي كيف صار هيك ؟

خداع بالعيون و الكلام و التصرفات وكل شي ! في فئة من الشباب مستعدة
تحرق كل العالم مشان تضحك ع بنت معينةة بس و هالبنت اذا كانت ماعندا خبرات
راحت بخبر كان !! وشو قصدي بخبر كان ؟ كل واحد رح يفكر من منظوره الخاص بس انا
قصدي ب انو رح تدمر داخليا و معنويا و نفسيا !! و عادي يصير فيها عقدة نفسية ضد
الارتباط لدرجة ممكن ماتتزوج ولو تزوجت رح يكون في نغزة بقلبها ضد هالموضوع !

فهالشي صار فيني بالضبط طبعا تعذبت كتير لحتى قدرت اطلع من هالحالة
هالشي كان سنة 2014 و تخيلوا بلشت اتعافى من الموضوع هالسنة 6 سنوات
عذاب مع الارتباط . . وعذاب داخلي اني بدي قضي كل حياتي وحيدة بدون رجل !
لانو عنجد وصلت لمرحلة قرفت من كل شي الو علاقة بجنس ادم من ورا هالشي !

المهم مارح طول عليكم الكلام كتير . . بس اول ما البنت تلاقي الشخص المناسب
الحنون و الي بيفهم عليها رح يتشافى هالكسر تماماَ !! و الي هي بتحس من جواتها
انو هالشخص مابيلعب مابعرف كيف البنت رح تعرف هيك !؟ بس هالشي احساس
بيجي للبنت لما يكون الشخص مناسب سبحان الله عنجد بالقلب ببين كل شي !
ولما الله يرسل هالشخص لألك و يهيأ قلبك لهل الشي

قبل كنت ضد فكرة الارتباط و خاصتا اني كون ام او اتزوج و كنت بانية احلامي
و مستقبلي انو يكون بكون رجل بحياتي لدرجة ما تأذيت ! بس بتعرفوا ؟
بعد ما تعرفت على الشخص المناسب غير مسار كل هالاحلام مع انو احلامي
كان تحتها خط احمر لكل من يدخل حياتي ! بس هو قدر يغير هالمسار و انا مبسوطة

و هلأ حاسة اني ابدا مو ضد فكرة الزواج او الارتباط بالعكس انا بنصح كل بنت
ترتبط بس اذا كان الشخص مناسب فعلا و يستحقك من جواتك قبل خارجك !!

بالعكس يوم عن يوم صرت فكر بموضوع الزواج و اني ارتبط بهل الشخص للأبد
مع انو صدقاَ كانت فكرة الزواج فاشلة بالنسبة الي طبعا بحكم كتير اشياء ان كانت
تجاربي او اهلي . . بس انا تعلمت شي بالحياة اني ما عيد اخطاء ناس تانيين و خلي
هالشي درس اتعلم منه و ماكرره انا بنفسي !!

والشي حلو لما يكون في شخص يفهمني ك انا من جواتي و يحس فيني و يكون
طيب و حنون ! اهم شي صفة الحنية اذا كانت بالرجل كانت الورقة الرابحةة للبنت

ف نعم انا مع فكرة الارتباط ان كان الشخص مناسب لكِ ​

 

[خَوْد]

تحدي العجز لشهر 5:

التحدي الشهري:
1. اتقن استخدام برنامج ادوبي بريمير ولو شوي
2.سوي فديو بإستخدام برنامج ادوبي بريمير
3. ادخل تكريم الدرجة الاولى بفريق الابداع
4. تابع الاقسام المسؤولة عليها هالشهر
5. اقرأ كتاب
6. اقرأ القرآن ان شاء الله على الشهر كامل ( ماعندي عدد معين من الصفحات )
7. سوي تنسيق جديد لبوستات الانستا
8. رد على 10 مواضيع على الاقل

التحدي لأول اسبوعين:

1.طبق دروس على برنامج ادوبي بريمير
2. رتب درج الميكب بغرفتي
3. رتب غرفتي
4. كمل الموضوع الخاص بمسابقة الكتب و الروايات
5. سوي nail art بفكرة جديدة
6. سوي لوك ميكب جديد
7. سوي موضوع جماعي كان متوقف
8. كمل تدوينتي عن اللغة الالمانية


متحمسة على هالتحديات خلونا نشوف شو رح سوي منهم
نتائج التحدي السابق هنا طبعا ما خلصتهم كلهمرو
​