فخر المدونين Make Some NOISE (2 زائر)

[Selene]

مرحبا يا حلوين

قبل ما بلش تدوينتي حابة اني اشكر المبدعة @R E E M لتصميمها
هالتحفة الفنية . .

حبيت خلي انمي Fate/zero ثيمي هالفترة مع اني حضرتو من زمان
بس شفت موضوع للمبدع @BriGht liGht هنا كان مسوي مجموعة رمزيات
لهل الأنمي و كانوا كتيير فخمين و هالانمي اساسا فخم مابعرف كيف ما سويت
تطقيمة من زمان عليه . .

انمي FATE/ZERO ممكن يكون في حرق

طبعا اخترت سايبر لانها كانت بطلة الانمي و حسيت شخصيتها كتير حلوة
طبعا بغض النظر انو الانمي بشكل عام كان ممل نوعا ما وفيه كتير حكي خاصتا
من الملك ارشر ياويلي شو بيتفلسف و بيحكي و فيه شوي لقطات رعب جد انها
خوفتني نفس ما هداك الولد المجنون الي بحب يشوف الاطفال يتعذبوا اي خادمو
اول ظهور الو لما قتل اول ولد يخربيتو شو رعبني وربي ارتعبت قلت خييبة بالله هاد انمي

بس Overall الانمي رهيييب و صار احلى و احلى بعدين لما زادت علاقات الخادمين مع بعض
خاصتا لانسر و سايبر كيف صارت علاقتهم قوية و زاد احترام لانسر لسايبر يوم عن يوم

و زعلت كتيييييييييير لما سيد لانسر ضحى فيه مشان يعيش والله كتير و كلمات لانسر
قبل لا يموت كتير وجعتلي قلبي خاصتا اننو كان طيب

بس بصراحة حسيت نهاية الانمي غريبة و ماحبيتها كتير و حسيتها كتير مأساوية
مابعرف لو فيه غير هالجزئين ؟

ع كل حال بعطي هالانمي 8/10 يستاهل خاصتا ان الرسم رهيييب و حسيتو كتير
واقعي و القصة رهيبة و فيها كتير تفاصيل الانيميشن عجبني كمان ق . .

بصراحة اول 4 حلقات من الانمي كنت رح سكرو لاني كتير مللني وماجذبني
بس قلت اعطيه فرصة و بالحلقة الخامسة فعلا جذبني و كملتو . .

​

 

[Selene]

خلونا نلعب لعبة نغير جو التدوين شوي
رح حط مجموعة اسئلة و جاوب عليها و بآخر التدوينة رح منشن 3 اشخاص
يجاوبوا عليهم و بدورهم هال 3 اشخاص يمنشنوا 3 غيرهم و هيك
يلا نبدا . .


’ * ،


1. الإنتقاد يغيرك للأفضل ولا يحطمك ؟
ع حسب الانتقاد في منو بناء و منو لا

2. شخصيتك بالمنتدى نفسها خارج المنتدى ؟
لا

3. احلى تواريخ ؟
12.12.2012 < اخدت فيه الليسن
20.6.2012 < تخرجت فيه من المدرسة

4. لو فتحنا خزانة ملابسك شو اكتر لون رح نشوفو ؟
اسسسسووووددد

5. اكتر شي بتكرهو ؟
الكذب و اللغة الالمانية

6. اطول مدة قضيتيها بدون موبايل ؟
شهر

7. اكتر شي مشهورة فيه مدينتك ؟
مممممممممم البوظة العربية و الشاورما

8. قبل ساعة شو كنتي عم تعملي ؟
كنت عم اكل اندومي

9. كم من عشرة نصيب توقعاتك ؟

4 و كتير علي هههههههههههههههه

10. اكتر شخص يفقل بوجهك الخط ؟

محد

11. اكتر شي تضيعيه ؟
احس اغراضي المهمة ماتضيع الباقي مو مهم ف ما اهتم ان ضاع او لا

12. كم نسبة سعادتك بشكل عام ؟
8/10 غمبو

13. الوضع مع ابوكِ فلة ولا رسمي ؟
مرة هيك و مرة هيك بس الاغلب رسمي

14. تنجذبي للناس الي . . . ؟
ماتتصنع . . العفوية . . الطيبة . . الي يظنون خير

15. من سماكِ ؟

بابا




انسخوا الأسئلة و جاوبوا عليها

1. الإنتقاد يغيرك للأفضل ولا يحطمك ؟
2. شخصيتك بالمنتدى نفسها خارج المنتدى ؟
3. احلى تواريخ ؟
4. لو فتحنا خزانة ملابسك شو اكتر لون رح نشوفو ؟
5. اكتر شي بتكرهو ؟
6. اطول مدة قضيتيها بدون موبايل ؟
7. اكتر شي مشهورة فيه مدينتك ؟
8. قبل ساعة شو كنتي عم تعملي ؟
9. كم من عشرة نصيب توقعاتك ؟
10. اكتر شخص يفقل بوجهك الخط ؟
11. اكتر شي تضيعيه ؟
12. كم نسبة سعادتك بشكل عام ؟
13. الوضع مع ابوكِ فلة ولا رسمي ؟
14. تنجذبي للناس الي . . . ؟
15. من سماكِ ؟


اتحدى @R E E M @سنفور مُفكر @D A R K @OPALE @Gil
يجاوبوا ع هالأسئلة ولا تنسوا تمنشنوا 3 اعضاء بتدوينتكم


​

 

[Selene]

اقتباس اليوم :





في البداية ستعتقد انها الطعنة الحاسمة
لكن بعد 48 ساعة ستدرك انها مجرد خدش آخر !

لا يٌمكنك هزيمة شخص يٌهزم يوميا, ينام و يستيقظ ويبدأ من جديد
كأن شيئاَ لم يكن, يبدأ ثانية مستعداَ تماماَ لهزيمة أخرى, و تظن أن
ثغرة غيابك ستٌحدث فرقا ؟

المطر حزين و كذلك قلبي ترى أيهما أكثر ألما
حين تسحقهما أقدام العابرين ؟

مثل أرنب خائفةٌ انا, ربما أقذف نفسي تحت عجلات سيارة
لأن الأضواء ترعبني, وتحت موت العجلات الأعمى المظلم
سأكون آمنة. انا مٌنهكة جدا, مبتذلة جدا, مشوشة جدا . .
لا أعرف من أكون هذه الليلة .

و رٌبما لم يٌحِبٌكَ أحدٌ
كنت مثيرا للفضول لا أكثر . . !

علمني ألا أكون مثلهم يارب . .
علمني ألا أجرح ولا أخذل ولا أفلت أيادي
الرفاق في منتصف الطريق . .


​

 

[Selene]

مساء الورد للجميع

اجيت فرحكم معي بخبر حلو و اكيد الاغلب عم يستنى اخبار حلوة

اليوم و من بعد شهر كامل معاناة و انشغال بتقديم الجامعة
و عمل الكثير من الاوراق و المعاملات و امتحان انجليزي

مبارح كانت مقابلتي من الجامعة بخصوص اختيار تخصصي
حسيت اني جبت العيد فيها بس دائما احساس السلبي يعني
اني قدمت منيح و العكس صحيح

اجاني قبول النهائي مع الجامعة و ما توقعت بنوب اني
انقبل مابعرف ليه هالسلبية الي فيني يمكن لأني
قبل ما اجي المانيا كنت كتير مستهترة و ماكنت اشتغل
ع شي ؟ و هلأ صرت مسؤولة اكتر

المهم انو خبيت هالخبر لحتى فعلا يتحقق لان نشر
هيك خبر قبل ما اتأكد من القبول النهائي بتروح بركة فيه

اكتر شي فرحني بهل القبول اني لقيت سبب فرح فيه بابا
لأني هو بعيد عني و اشتقتلو كتير و هلأ عم بمر بظروف صعبة
و فرحت كتير لما شفتو كتير فرحان بقبولي





BERLIN I'M ON MY WAY TO YOU



​

 

[Selene]

GUESS WHAT

الكورس الي كنت داوم فيه طلع في واحد من الطلاب معو كورونا
و لحسن حظي بسبب انشغالي بتقديم اوراق الجامعة ما داومت من
تاريخ 24.9.2020 يعني انا طوفت 5 ايام الي بتبين الاعراض فيه
و مع هيك متصلين علي اليوم قايلين انو لازم احجر حالي < ومابعرف ع شو ؟
دامني كملت 5 ايام ما داومت ع الكورس اساسا يعني كملت بدون كورس 7 ايام
بس يلا هيك و لا هيك ب 8.10 بخلص 14 يوم و بكرا رح يعملولي تحليل
و بتطلع نتائجو ب 5 ايام

و المصيبة مو هون المصيبة اني حاجزة قطار من شهر
ع اساس اني سافر تاريخ 10.10 لان عنا اجازة اسبوع اجازة
الخريف . . تخيلوا يروح سعر تذكرة القطار بسبب اهمال الدولة
دام انهم عارفين لسا الكورونا ما خلص ليه لحتى يودونا على كورس
و يكون في احتمال ولو 1% اني انعدى من حدا ! هلأ داومت و لحسن حظي
اني ما كنت روح ولو رحت بهل الفترة كنت انعديت

هلأ اذا اخروني و طولوا بالإجراءات ولو ان الاجراءات ما بتتأخر بس 5 ايام حجر
رح قاضيهم بتأخير الاجراءات مع انو مافيني شي ولو ان فيني شي كان المفروض
الاعراض تبين من اسبوع

بس رح قاضيهم لإهمالهم لو ان عنجد اكلين هم انو ننعدى المفروض
يلغوا الكورسات و الدراسة الحضورية كلها . . مو يخلونا نحضر و نعرض
حياتنا للخطر و نعطل كل مشاغلنا مشان ننحجر بالبيت

شي بقرف والله . . هلأ رح انجبر اني اقطع جم و احتمال تروح تذكرة القطار
كأنو لاقين مصارينا ع وجه المي و عم نلقطهم بشبكة السمك


​

 

[Selene]

ما أكبر مَخاوفك ؟
#فعالية الأسبوع

​

أكثر ما يخيفك بحياتك ؟

اذا قرأتوا اغلب تدويناتي كانت تحكي عن الوحدة اي اكتر شي بخوفني الوحدة و اني اتعلق بحدا و يروح
لاني من النوع الي بيتعلق بسرعة و خاصتا بالذكريات . . حتى بحس لأماكن الذكريات الها ريحةة و قلبي
بحسو بارد حتى لو كانت الذكريات حلوة و سعيدة و هاد الي بخوفني اكتر لما الذكريات تكون حلوة مو
بشعة لاني لو بشعة بحكي يلا منيح شر و راح بس الحلوة شو احكي ؟ مع انو انا اغلب الوقت لحالي و اغلب
الاشياء الي بعملها لحالي و تعودت اسعد حالي بحالي و شجع حالي بحالي . . بس الحمد الله انو هلأ معي
شخص كفاني ووفاني عن كتير ناس و اصدقاء هو معي بكل شي و بحمد الله انو هيك شخص موجود بحياتي
ماعدت حس باحساس الوحدة من لما تعرفت عليه و صرت كتير مبسوطة و سعيدة من جوا و متفائلة بكل
شي و انو لسا الحياة فيها اشخاص مناح و اني مارح ضل طول عمري وحيدةة . .
​

جاوبت عليه من قبل ف اقتبست الاجابة نفسها


×"

شاركنا ذِكرياتك التونية؛ تحدث عن مواقف، أشخاص، أحداث،
أي شيء عِشته هنا ولازال محفورًا في ذاكرتك.

#فعالية الشهر
​

هي التدوينة تابعة لتاريخ 24.3.2020 اي يوم امس

وربي كان احلا يوم مارح احكي بحياتي بس لأن هالفترة كتير كنت مكتأبة نوعا ما ف هاليوم
جد حسن مزاجي و انبسطت كتير . . لأن اول مهرجان بحضرو معكم و كان كتير حلو
خاصتا السهرة مع اني وربي بالعادة ما بشارك بالسهرات ممكن شوف من بعيد بس ماكنت
استمتع و اطلع من اولتها بس سهراتكم عنجد رهييبة و مابتنمل خاصتا الضحك و المزح بين بعض
نفس العيلةة عنجد حبيت انمي تون بكل تفصيلة فيه و ماني ندمانة على الوقت الي عم قضيه بهل
الموقع الجميل لأنو عرفني على ناس نفسكم حسيت اني ببيتي التاني والله هية مو قصة
جوائز ولا اوسمة ولا تونات و لا هدايا . . لانو سهل الواحد ياخدهم بس محبة الاعضاء و جو الموقع
نفسو يكون مريح هاد الي صعب تلاقيه . .

اكتر شي ضحكني مبارح هو فعالية سكاي بالسهرة . . بصراحة عنجد ماتوقع تكون هيك وانا
مجهزة حالي على اساس انو اسئلة و هيك و بغشها من قوقل و اذ قال بدو اجوبة سكاوية
بصراحة مو قصة ارتحت بس هيك فرغت التفكير الي بمخي و كنت رد دائما ردود هبل ومضحكة
و لاول مرة ما هاممني اني اخد نقطة او لا لا و الي بضحك اني قبل ماكنت بستخدام الري أكشن
بالصور كنت بس استخدم الفيسات الموجودة ضمن الموقع و هاد الي زاد السهرة ضحك
خاصتا باتمان ماقصر هههههههههههههههههههههه . . المهم . . انو نحن هالفترة جد تعبانين بسبب
هالفايروس و الحجر ! . . اجت السهرة بوقتها و ياريت لو تعملوا سهرات بين فترة و التانية
مشان نغير جو و نضحك مع بعض و الاهم انو نقوي علاقاتنا و الاهم الاهم من هاد كلو السهرة
ما تكون جدية حبيت فكرة سكاي انو الاجوبة تكون بالهبل

كتبت هالتدوينة مشان تكون ذكرى ارجعلها بعد سنة و اتذكر اديش كنت فرحانة
بأول مهرجان . . و بإنتظار السيلفي الفخم مشان حطو هون . .

دٌمتم سالمين

.​

حلو لما يكون في تدوينات تجاوب على اسئلة الفعاليات لأن لما اقتبس حدث من مدونتي
ف انا اقتبستو مع احساسي بهديك اللحظة

بالنسبة لفعالية الشهر . . هاد اليوم الي سكاي سوا سهرة المهرجان التوني كانت كلها تحشيش بتحشيش
و كان يسال اسئلة و اكتر جواب خطأ كان يحكيه هو الصح و كمان خلانا نكتب
قصة تحشيشية و اي كلام و خلاني اكتب مع اني انا بالكتابة زيرو بس كتبت اي شي ههههههههههههه

هاليوم مستحيل انساه على اد ما كان كلو ضحك و غيرت جو كمان


شكرا @D A R K على الفعالية الجميلةة


​

 

[Selene]

Hello Everyone

قبل فترة نزلت تدوينة عن ذكرياتي الجميلةة و انا من النوع الي يحب يحتفظ
بتذكارات قديمة ان كانت صور او حتى اشياء مادية ك رسائل او اشياء رمزية

اعششق تجميع هالاشياء و خاصتا لما يكون مزاجي داون . . بروح بفتح صندوق
الذكريات و بس اني ادخل بالجو بحس انو الضيقة راحت

المهم ما علينا الي بحب يشوف التدوينة الاولى لذكرياتي بالصور
يزورها متأكدة رح يستمتع



هي ذكرياتي مع السيارات




هون لما كنت مع اختي بالجامعة و اختي دخلت بالسيارة لمنطقة فيها
رمل و طبعا المنطقة مو كتير فيها رمل بس لأن السيارة كانت كتير منزلة
زيادة عن اللزوم ف علقت و اجتمعوا الناس و العالم و انفضحنا
بالجامعة ههههههههههههه و اجا رفيقي مشان يطلعها لان هو عندو
سيارة فورويل و مابعرف شو اجا ببالي لما صورتها ههههههههههههههه



اما هون لما اخدت سيارة اخي CAMARO SS كانت موديل السنة
و كنت بدي اكشخ فيها طلعت فيها اول مرة عجبتني كتييير
خاصتا اني بحب السرعة و جربت التيبترونك قير تبعها رهيييب
ما بيفصل نفس باقي السيارات العادية لحالو لا انا لازم اضغط عليه
لحتى يحول للقير الي بعدو يعني نفس القير العادي بس اسهل بشوي
بس بخلي السيارة تطير . .

المهم ف بيوم من الايام كنت رايحة اسهر و مزبطة حالي
و عبيتها فل وطبعا خزانها كبير يعني فلستني لما عبيتها فل
اخدت 140 هيك شي وكل معاشي كم؟ 250 ؟
المهم ف ضليت اتمشى فيها لحتى يجي وقت الطلعة و انا
عم اتمشى شفت رفقاتي ع الكورنيش وفقت مشان سلم
قاموا حكولي وين رايحة ؟ قلتلن رايحة اسهر مع اخواتي
قاموا حكولي اونة حاسس شي رح يصير بالطريق حكيتلن
لا بعيد الشر شو هالحكي . . و انا رايحة من الكورنيش للمول
و المول جمب الكورنيش بالضبط بدي 10 دقايق لاوصل
مافي كنت بدي سوي يوتيرن و اذ واحد هندي قدامي ضرب
بريك فجأة و جاااان فوت فيه لك حتى مالحقت سوي بريك !
طبعا اجت الشرطة و العالم و كنت مرتبة حالي على اخر طرز لاني
طالعة . . و الي بضحك انو ماببين شكلي عربي وقتها
من قوة الضربة البمبر الي قدام عص على باب السيارة ف قفلها
لما اجا الشرطي حاول انو يفتح الباب ما قدر و شافني عم ابكي
و انا كنت عم ابكي ع السيارة مو ع حالي
لما فتح الباب حكالي ARE YOU OKAY ؟ حكيتلو
السسسسسسيياااااررررةةةة ررراااااحححتتت
و انا قاعدة ابكي ههههههههههههههههههههههه
حسيت فيه ضحكة بس ما ضحك لانيه شرطي
قام حكالي بالحديد ولا فيج
لما اجا رفيقي كان معو G63 و شافتو الشرطة و لما شافو
انو الملكية بنفس اسم العيلة الي انا منها ففكر السيارة
الي بس مسجلة باسم اخي و انا بحكي بقلبي يارب ما يفكرها
الي و يخالفني ع الليسن . . لاني نسيت جيبها
لانن مرات بمشوها بس مو شافوا الي عندي ؟ ففكروني
مريشة بس مابيعرفوا انو انا منتوفة هههههههههههههههههه
والله خالفوني ع الليسن و قام حكالي الشرطي اونة كان بدي
حط الحادث ب اسمي بس في كاميرات ما بقدر
لان في قانون اذا التأمين كان شامل و كنت تحت ال 25 سنة
بتحمل 10% من سعر التصليح . . و كان وقتها عمري
23 . . ف سجل الحادث باسمي و تخيلوا كم طلع السعر
الي بدي ادفعوا ؟
طلع تصليحها بالوكالة 70 الف لان متل مو شايفين بالصورة
من قدام كلها رايحة و السيارة technically كلها من قدام
ف كلفت 70 الف و دفعوني 7 الاف 10% و المصيبة انو
السيارة دخلت الوكالة و تصلحت و ابوي قاعد يسألني وين السيارة ؟
بحكيلو السيارة بالوكالة وديتها ع التشيييك هههههههههههههههههههههه
ماضحكني غير اني وديتها ع التشييك هههههههههههههههههه
مابيعرف انها انطحنت ههههههههههههههههههههه
و لما حكيتلو القصة شو عصب مني لهلأ بتذكر الحديث
كأنيه اليوم هههههههههههههههههههههههههه
و السيارة رجعت وكالة بكل التعديلات نفس لون الرنقات
و الخطين الي ع البدي . . و انباعت بمزاد بعدين و بس والله




و هي صورة قبل اليوم النحس

و هي من جوا



و من جوا رهيييييييييييييييبببببببببةةةةةةةة و كتييييييييييييييييييييررررررر
مررررررررريييييييييييححححححححةةةةةةةة و ريحتها رههههههييييييبببببببةةةة
من االاخر السيارة طر لدرجة الكومارو ما كانت داخلة مخي بس لما جربتها
وربي فخااامة حتى من برا ثقيلة و انا بحب السيارات الثقيلة حتتى صوت محركها
رهييب بدون اي تزويد خارجي . . كنت ناوية اشتري نفس هالسيارة بس للأسف
انا ما بتنازل عن سيارة احلامي BMW M6 GT3

^ شوفوا جمالها
لك بكفي جمال جناحها . .



اما هي الصورة ذكرياتها حلوة لاني يومها كنت على خط الفجيرة
وكنت شارية السيارة جديدة وولا مرة سكرت عدادها فلما كنت على هالطريق
قلت هي فرصتي لأن هالطريق في مدري كم كيلو بدون رادار يمكن فوق ال 50 كيلو
يعني بقدر امشي بسرعة 200 او 240 لمدقة ربع او 20 دقيقة بدون رادار

بس مع هيك السيارة ما كانت تتسكر محركها ضعيييف بشكل . . كنت متعودة
ع الالماني و فجأة قلبت كوري شسالفة ؟

هالصورة صورتها بعد معاناة و كانت على نزلة و بدون رادار لحتى لقطها
و هي اعلى سرعة ممكن السيارة توصلها . . شكل العداد مقفول . .

عندي كتير صور نفس هي نفس بسيارة امي وصلت 240 و في سيارة اختي
كمان بس من كتر ما بوصل لهل السرعة ف بطلت صور لاني مليت






اما هون لما بابا سجل السيارة بإسمي بس مشان موضوع المخالفات
طبعا وقتها حسيت بإحساس رهيييب كأول سيارة تتسجل بإسمي و انا شو حكيت
وقتها ؟ و اخييييييييرا لما موت في حدا رح يورث مني شي هههههههههههههههههههههه
بس جد احساس كتير حلو

رح كمل باقي ذكرياتي بتدوينة تانية ان شاء الله

​

 

[Selene]

ماذا لو ولدت عجوزاً وكبرت بشكل معاكس حتى اصبحت طفلاً ؟
The curious Case of Benjamin Botton

الفلم فكرتو غريبة ومثيرة بيحكي عن رجل بعيش عمرو بالعكس يعني بينولد عجوز وبيتقدم
بالعمر بالعكس بإتجاه الطفولة شيء خيالي طبعا و الفلم تم تقديمه بشكل مبهر وأخد أوسكار
أفضل مؤثرات بصرية , نفس الفكرة كان بيحكي عنها وودي ألان لما قال إنو كان بيتمنى
يعيش الحياة بشكل عكسي.

" تخيل أن تبدأ ميتاً فتتخلص من الموت ، ثم تصحو في دارٍ للمسنين ، تشعر بتحسن كل يوم ، تُطرد
لأنك صرت معافى للغاية ، تذهب لتحصل على معاشك ، وعندما تشرع في العمل ، تحصل في يومك
الأول علي ساعة ذهبية وحفل ، تعمل لمدة أربعين عاماً الي أن تصير شاباً بما يكفي لتستمتع بتقاعدك
تحتفل وتشرب الخمر ، أنت عربيد بالكامل ، الان أنت مستعد للمدرسة الثانوية ، بعدها تلتحق بالابتدائية
تصبح طفلاً ، تلعب ، ليس لديك مسئوليات ، ثم رضيعأ الى أن تولد ، لتمضي أشهرك التسعة الأخيرة
عائمأ في منتجعك المترف المزود بتدفئة مركزية ، خدمة للغرف ، وسكن يتسع كل يوم ، و الآن انظر
ها أنت ذا تنتهي .. كنشوة جنسية "



​

 

[Selene]

بما انو طلع عنا قرار بكل المانيا رح تتسكر كل الاماكن الترفيهية نفس الصالات الرياضية
ابتداءاَ من 2 نوفمبر لآخر نوفمر 4 اسابيع

ف قررت اني ما ارجع عيد نفس الخطأ الي صار بأول Lockdown صار و زاد وزني
اكتر من 10 كيلو بهل الحجر

ف قررت اني سوي جم صغير بالبيت و انا اساساَ بالجم بلعب كتير تمارين سويدية
الي بتعتمد على وزن الجسم بدون ما استخدم الالات الرياضية

ف قلت ليه ما سوي نفس هالتمارين بالبيت بهل الشهر ؟ لأن حرام نزل 10 كيلو
وما بدي اني ارجع زيد

ف اليوم اشتريت حبل للنط مشان حمي قبل ما بلش بالتمارين لأن بدون
تحماية كل الجسم بيمسك و بصير بيوجع حتى لو الشخص كان متمرس للرياضة

التحماية مهمة و كنت دايما فكر وين حمي بالبيت ؟ مابقدر اركض ولا شي و برا البيت
الركض مستحيل لان الجو بارد ومضر بالصحة ف قررت اني جيب حبل نط فيه شي
5 دقايق بالحديقة لحتى يتحرك شوي جسمي و بعدين بلش بالتمارين

مع اني كان بدي جيب اوزان الي بتتعلق بالرجل مفيدة لهل التمارين بس مالقيت
ف رح استخدم قناني المي و لزقها برجلي ههههههههههههههه

مابعرف ليه متحمسة للفكرة لأني كرهت الجم من الفيقة بكير
و بهل الحالة رح ارتاح من الفيقة بكير لاني رح اتمرن بالبيت و باخد راحتي
باللبس كمان مابكون محددة بلبس معين يعني فيني البس بجامة بالتمرين
مو ضروري لبس الجم ههههههههههههههههه

و الحلو انو هالمرة مو حجر كامل بس للاماكن الترفيهية يعني كل شي رح يكون
طبيعي هالشي مريحني مع اني من النوع البيتوتي يعني مو فارقة معي
ان انحجرت او لا لاني بالحالة الطبيعية انا محجورة لولا الجم

ان شاء الله تعدي هالفترة ع خير و مايخلونا محجورين لراس السنة لأني مابتخيل
اني عيد بالبيت . .


​

 

[Selene]

هالمسلسل من نت فلكس مبارح من الملل كنت عم لفلف بنت فلكس بدي شي احضرو
و اذ بشوف هالمسلسل مع انو وربي تصنيفات المسلسل مو جوي بنوب - رومنسي
و كوميدي - ابدا ما بحب الرومنسية و بحاول كتير اني ابعد عنها

بس الملل وما يفعل قلت اني افتحو شو بخسر و حضرت اول حلقة عجبني والله
خاصتا انو حسيتو كتير بمثل حالتي كوني بالمانيا جديد و لسا لغتي مو كتير

ف هالمسلسل بيحكي عن بنت امريكية من تشيكاغو راحت تشتغل بفرنسا
لان شغلها نقلها لهنيك و هية حبت كتير العيشة هنيك لانها كانت دايما تحكي
فرنسا عالم تاني فرنسا خياليةة

مع اني انا كتير بكره فرنسا يعني بصراحة اخر فكرة ممكن تخطرلي اني
سافر عليها مع انو بيني و بينها ساعتين بالقطار بوديني لنص باريس بس مابحبها ولا بحب لغتهم

و بالمسلسل كانوا عم يورجونا معاناة الوافد او الغريب لما يجي يسكن بدولة
ما بيعرف لغتها و المصاعب الي بتواجهو

و هي البنت ما كانت بتعرف فرنسي بنوب و مديرتها بالشغل كانت تكرهها لانها
امريكية و مابتعرف فرنسي ف انو داخلة عرض بثقة

^ ع فكرة الالمان بالضبط هيك عنجد هالمسلسل كتير كان يشرح حالتي

و انو تعرفت ع صديقة حكتلها لحتى تتعلمي اللغة منيح لازم تتعرفي
ع رفقات و تحبي لأن الرفقة بتخليكي تتعلمي اللغة بسرعةة

عنجد حسيت انهم بيقصدوني ص0

و اكتر شي حبيتو هو شوارع فرنسا لانو بالمسلسل كانوا كتير يعرضوا
لقطات للمعالم و المنظار الطبيعية و انا عنجد انسحرت بجمالها

و كمان الكرواسون صوروها و هي اول ما جربت تاكل منو و كانت ردة فعلها
مو غريبة لانو الفرنسيين مشهورين بالكرواسون

و اكتر شي ضحكني لما الفرنسسين لما قالوا بأحد اللقطات

- مين الي بينبسط بدون متعة ؟
قالوا الالمان هههههههههههههههههههههههههههههههههههههههههههه

موتوني ضحك والله بهل اللقطة هههههههههههههههههههههههههههههههههه
لأنو جد جد كلامن صح معروفين الالمان ما عندن متعة
بتحسوهم مبسوطين بس مافي متعة او لذة باللي عم يعملوه

و بيني و بينكم حبيت اللغة الفرنسية من المسلسل و انا بسمعهم و هن بيحكوا
مع انو هاللغة كتير بعيدة عن ذوقي بس بتضل كل لغة و لها حلاوتها

و الي بحب الموضة و الفاشون فهل المسلسل الكم اكيد

بنصح الكل يحضر هالمسلسل و هو قصير يمكن من 9 حلقات

ان شاء الله ما كون حرقت شي من المسلسل


​