مدونة راقية أنثى نادره من عبّق الورد خُلقت ♡ (2 زائر)

[R E E M]

#فعالية_الشهر

إن لم تكن مضطرًا للعمل أو الدراسة، ماذا كنت ستفعل في حياتك؟

للأمانه صعب نتخيل حياتنا بدون دراسه و عمل لأنهم يعتبرون روتين حياتنا والأساس اللي نعيش فيه والهدف اللي نبي نوصله ونبني حياتنا عليه !

لكن
لو أتخيل مثلا أن لو اني مو مضطره و عندي بديل حق هالشيين راح أختار اني أكثف وجودي بالنادي و اتعلم رياضات مختلفه و اكتسب خبره أكثر بهالمجال
أتدرب أكثر على رقص الزومبا و أسوي ريمكس بين أغاني الاجنبيه و العربيه
وراح تلقوني 24 ساعه بالنادي ويمكن اروح له مرتين او ثلاث باليوم
بدل من قعدة البيت و النوم و الأكل اللي شبعنا منهم بالحجر

عالأقل سويت شي أحبه و مفيد بحياتي ومنها أشوف صديقاتي اللي مشتركين معاي
ونفس نظام الدوام كـ روتين يومي بس بدون معاش

.
.

​

 

[R E E M]

#فعالية_الأسبوع

شارِكنا عشر أشياءٍ مُختلفة عن شخصيّتك.

بالفتره الأخيره لاحظت ان في أشياء واجد بشخصيتي تغيرت سواء بالجانب الايجابي او السلبي
يعني كسبت أشياء زينه و مو زينه بشخصيتي للأمانه

1- مزاجيه إلى أبعد حد :
مرات تشوفوني بارده جدا و ما عندي اي ردة فعل حق اي موقف يصير جدامي و مرات أكون جدا حاره و ردة فعلي تكون جدا مندفعه و احاتي شغلات جدا غبيه

2- منفتحه جدا :
بالسابق كان عندي تحفظات بشكثر أمور لكن حاليا قمت اشوف بعض المواضيع و الامور بنظره متفتحه جدا

3 - العطاء :
أكثر شي أحبه بشخصيتي و أكره بنفس الوقت
أحبه لأن اقدر اسعد اللي أحبهم بعطائي خصوصا لما يكون هالعطاء مفاجئ
أكره لان هم فيه ناس ما تستاهل العطاء للأسف و اكتشف هالشي بعد مده طويله


4 - العصبيه :
للأسف أكثر شي اعاني منه اهوا العصبيه و طولة اللسان و مستحيل أني أطوف موقف يعصبني و أخلي الشخص اللي عصبني يندم طول حياته

5 - اجتماعيه جدا :
أحب اكون صداقات و أسولف مع اللي رايح و اللي جاي و أساعد الناس على قدر استطاعتي و هالشي خولني أني اكون عضوه في القائمة الانتخابيه أيام الجامعه

6 - محبه للتغيير :
أحب كل فتره اني اتجدد من كل النواحي سواء بتعلم شي جديد او اي شي يخص الموضه و هالسوالف

7 - متفائله :
يمكن أكثر شي يستغربون منه القريبين مني اني حيل متفائله و بشكل مبالغ فيه
مع ان تجيني لحظات اتحبط فيها لكن بعدها تجيني طاقة تفاؤل غريبه عجيبه

8 - اللامبالاه في بعض الاحيان :
خصوصا هالفتره صرت ما أبالي وما قمت اهتم حق اي شي ممكن انه يضايقني او يكدر خاطري
( شاريه راحة بالي من الآخر )

9 - عنيده الى ابعد حد :
عاد هالصفه الحمدلله أعتبرها وراثيه لأن ماشاءالله العايله كلها عنيده

10 - عاطفيه :
أحب اني اتغزل باللي أحبهم و أسمعهم كلام حلو و أدزلهم أهداءات و أدلعهم
المهم اني أعبرلهم عن حبهم و مكانتهم بقلبي


وبس والله فديتكم و فديت أميمه
@Fallen Angel
.
.

​

 

[R E E M]

.
.

تدوينة اليوم راح تكون إجابه لـ سؤال الجميله @B E B E

- حابة اسألكم هل انتوا كمان عندكم سلام داخلي ؟ -

حالياً و بعد مده طويله حسيت بـ معنى السلام الداخلي و عشته ولله الحمد بعد صراع كبير
مع الافكار الغريبه و التوقعات المستقبليه اللي كنت اخشاها حيل ومع الاهتمام المبالغ فيه والتعلق و الاكتراث للأشخاص كانوا بالنسبه لي ( حياه ) !

لكن الآن مثل ما قلت بالبدايه قاعده اعيش بأقصى مراحل السلام الداخلي كوني انسانه شاريه راحة بالي و يتملكني برود الاعصاب فبعض الاحيان و ما قمت اهتم للامور اللي ممكن انها تضايقها و تسبب لي صراع نفسي، و مستحيل ان الانسان يوصل لهالمرحله و ما يمر بتجارب صعبه جداً خلته بالنهايه انسان قوي و متماسك لأبعد حد !


" السلام الداخلي شي حلو والأحلى لما تحس بحلاوتها بعد مده من التعب والصراعات النفسية
وما تتحقق الا اذا تحليتوا بالصبر و القوه و التفاؤل و حب النفس و حب الحياه "

.
.
​

 

[R E E M]

.
.


FOR YOU :

I hope there are days where
you fall in love with being alive

آمل أن تكون هناك أيام تقع في حب كونك على قيد الحياة

.
.

​

 

[R E E M]

#فعالية_الشهر

ما هِي الأهداف التي حددتها لنفسكَ مؤخرًا ؟

تصدقون ان لما قريت السؤال غرزت شوي لان حالياً ما عندي اي هدف غير اني اعود لحياتي الطبيعيه

لكن بنفس الوقت جاني إلهام على كذا شغله ودي اسويها
الفتره الجايه وخليتهم هدف لي ولازم اوصله واحققه

١ - اساهم في تأسيس لجنه خيريه ( هالشي من زمان ابي اسويه ) وان شاءالله اني اقدر اسويه قريباً ):

٢ - احاول اني أطور اللغه الانجليزيه اللي عندي و قاعده اخطط اني ادخله مع مادتي في التدريس < بتجيب العيد بالماده

٣ - احصل على شهادة Zumba instructor اللي المفروض اخذها من قبل الكورونا


وبس والله هذي الاهداف اللي اطمح لها بالوقت الحالي
وان شاءالله اني احققهم كلهم خصوصاً اول هدف !!
.
.
.
​

 

[R E E M]

.
.


BE WHO YOU WANT
TO BE
NOT WHO THEY WANT YOU
TO BE

" لا يمشونك على مزاجهم "


​

 

[R E E M]

.
.
.

" وتبقى القهوه فـ مقدمة التفاصيل الجميلة دائما "

من منطلق هذه العباره قررنا انا وخواتي الأسبوع اللي طاف ان نسوي لنا
Coffee Corner

بما أن ادمان القهوه وراثه عندنا فقررنا ان نخصص مكان لها في أحدى الزوايا المنزل
والحمدلله أول مره نخطط على شي وننجزه بسرعه والفال حق باقي القرارات المعلقه

.
.

​

 

[R E E M]

.
.


هاي قايز


تدوينتي اليوم عباره من مقتطفات لـ الرحله العائليه من كم يوم
والوجهه كانت ( منتجع سياحي )
طبعاً بالبدايه كنا متخوفيين من سالفة الكورونا و التجمعات لكن تقبلنا الوضع و حسينا ان لازم نتعايش مع هالشي
و لازم نغير جو خصوصاً ان سفرة هالسنه انلغت للاسف ( كان المفترض تركيا )
بس يلا الحمدلله خيره

دايماً الشاليه يكون الخطه ب بكل صيف اذا ماكو سفره
المهم ان ي اسوي جنطتي واطلع من البيت چم يوم
وطبعاً اللي يعرفني لازم كل طلعه للشاليه اسوي تان و اغير لوني و اخلي لوني لون صيفي مميز خصوصاً ان حلو التان مع اللبس الابيض و الفاتح
لكن للاسف الشديد ما صبغت ولا كسبت سمره و لا ضبط التان - تبكي بالزاويه -
لان هالسنه مصكرين الـ Swimming pool وما قدرت اسبح ولا انبطح و اسوي تان على راحتي

اتس اوكي المهم اني قعدت على الشاطئ و تأملت البحر و ركبت القاري مرتين ( الدراجه الهوائية ) و لعبت كره يد مع جيرانا بالشاليه
هذا غير الاغاني اللي مشغلينها و ابوي سوا لنا حفلة شواء عالبحر



وهذي مقتطفات من الصور اللي صورتها بالسناب
و قلت اشارككم فيها

.
.

​

 

[R E E M]

.
.

اليوم أكملت عاما من عمري وبدأت عاما جديد فـ الحمدلله على ما قد مضى بـ حلوه و مره
, اللهم إني استودعنك عاما مضى من عمري فـ أغفر لي ما كان فيه و بارك لي في عامي الجديد
اللهم أجعله عام خير و سعاده


ممتنه جداً للناس الجميله و اللطيفه اللي صنعوا يومي و شاركوني بعيد ميلادي
سواء بالتهنئه او اتصال او بالهدايا بالإضافه الى التهنئات اللي وصلتني بملفي الشخصي
والله انكم احسن ناس وفيكم الخير و احبكم جميعاً

^ هالهديه من أغلى و أقرب صديقات الى قلبي
وحسبي الله على الكورونا اللي خلتنا ما نطلع مع بعض

.
.

^ هذي الله يسلمكم تسمى بكيكة عيد الميلاد في زمن الكورونا
من أكثر وحده كوميديه و خفيفة دم من صديقاتي

.
.

^
من صديقة الطفوله و الثانويه و الجامعه اللي كل عيد ميلاد ذاكرتني
.
.

^
MY OTHER HALF

.
.

^
هذي اللي صج أشكر 2020 و أشكر التون لأن عرفني عليها وصارت حييل قريبه مني
ووجودها أساسي بحياتي
@T H U N D E R ~
.
.



وهنا تنتهي تدوينتي بمناسبة عيد ميلادي و نلقاكم في التدوينات القادمه بإذن الله





​

 

[R E E M]

.
.
.



20/7/2016

.
.


14/8/2020

From
same person
Different songs
Different feelings


" Everything is changed
and it's time to move on "
.
.
.
.
​