أكثر أنسان سينطلي عليك كذبه هو أنت☘ (1 زائر)

الحالة
مغلق و غير مفتوح للمزيد من الردود.

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 

السلام عليكم ورحمة الله

المدونة مدري رقم كم بس

حبيت أجدد القديمة وبرضو
فيه شيء، بتكلم عن نفسي بحرية
أكثر، كنت اهرب من نفسي لأن احسها تفشل
بس صرت احس ماهو لازم اخبي شيء مهدي5

معلومات عني :.


اسمي:. هدى
جنسيتي:. سعودية
عمري:. قابل للزيادة
اهتماماتي:. التصميم، المونتاج
القراءة،التنسيق، الرقص، الغناء،
الالعاب، صيد السمك، تسلق الجبال .
البرج:. العقرب

لوني المفضل:. الأصفر

شخصيتي ؟ السبب الرئيسي في اختيار الثلاث أعضاء بالمدونة السابقة هو لأشوف
أحد لاحظ الأشياء اللي اخفيها أو لا ؟ وشفت كذا وكذا اشلي1
وكل وحدة من الثلاث لاحظوا شيء أنا فخورة فيكم ه1
كنت دايمًا أحس إني مفهومة منكم مهدي5

أنا بنت شاعرية جدًا أكره الجلافة والأستهتار حتى بالكلام
أحسب حساب الكلمة اللي تطلع مني واتوقع من الشخص المقابل
نفس الشيء بس طبعًا اواجه العكس ويعني اخذت شويا من هالأمور
بتصرفاتي بس بديت أتقلبها، اتأثر بكلام الناس ورأيهم فيني واعتقد ذا وضح


أفضل دايما الناس الشاعرية زيي احسها تفهمني وأفهمها، الناس المنطقية
بشكل مفرط واللي دايم تتكلم بحسب العقل والصراحة دايما تجرحني واصلا هي تقسى على نفسها


أوقات أشوف احلام لحوداث قبل ماتصير

في الواقع وللأسف تتحقق ومقدر اغيرها ! عشان كذا اكره احلامي واهرب منها ور1
ماني عارفة كيف اتصرف معها هل اشوفها لاني لازم اغير أو يكون عندي علم ؟ * محير * ور3

أنا شخص صريح في مشاعري وأفكاري بس اني اٌحارب من البعض فصرت احاول أكون صريحة
بحسب شخصية الشخص المقابل و2 أحس بالأذى أو زي ماتقولون اتوقعو فأصير دايم احط
لي سيناريو معين بعقلي لأحميني، أحس بكل شيء الحجر والشجر والناس ودايمًا احس إن
عندي مسؤولية لمساعدتهم جوجو1 بس تنفهم على أنها شفقة بالنسبة للناس فأحاول إني


مانشب مرره xd أحب العلم وتطوير نفسي هذا شيء معروف، عندي شك بالجماعات

دايم أشك لمن أشوف مجموعات كبيرة تتبع شيء بشكل أعمى أو لأن أحد قال !
أحس أنو فيه خدعة فأروح أبحث


لأرى الحقيقة ودايم أكرر إن الله يرزقني البصيرة ق1 فدايمًا أتابع ناس محد يهتم لهم

أو لهم جمهور قليل دايمًا قلبي يقودني إن هذولا هم الصح ! مهما قالوا
الناس إنهم دجالين أو مضللين، أنا اثق بقلبي أكثر من عقلي ق1 و2

أنا شخص غير متسامح مهدي5 مشاعري تنجرف على الأتجهين

السلبي والأيجابي فلمن أتعرض للأذى أأذي وبقوة لازم أسوي شيء
لنفسي فأنا ماسامح ألا برضايا التام حتى لو كان بالأذى ق1

على قد ألمي وتضرر مشاعري من الموقف

أوالحدث تكون قوتي أنا ما أعلق بالحزن أو
اليأس لفترة طويلة لأن أحس إني اعيش اللحظة بكل مشاعري
فتجيني قوة ق1 بعد هالشيء وأحيانًا أدمر ترا لو تطلب الموضوع و2



كنت متعودة إني أخبص بعدين أفكر بس صرت أشغل عقلي شويا
وهذا سوا شويت توازن بشخصيتي لايكو3 ق1


أخيرًا أنا شخص اجتماعي وأحب الحياة
ودايم أسوي توازن ان فيه ظلام ونور في الحياة
وأني استاهل حياة جميلة حتى لو خالفني الواقع

فمسؤوليتي تسخير الواقع لتحقيق اللي ببالي
مو أجلس أبكي أو أندب حظي طول عمري
مافيه مشكلة واقعي سيء ؟ امشي بالتعديل فيو

ولمن مرره انقهر وتمر علي مرحلة صعبة أبكي بكل قوتي
وارجع أكمل وهكذا فالحزن والضعف واليأس وشبيهاتها
مرحلة عابرة مو أسلوب حياة اعيشها ق1


هذي أبرز الأشياء اللي كنت استحي منها واخبيها
والناس كانت تجلدني عليها أو تقول إني موهومة ور3
 

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 
at159777528954753.png


أنا شخص فخم واصنفني بمستوى خمس نجوم وأكثر !
بكل زلاتي وعيوبي وحسناتي أنا كذا واللي مايعجبو يشرب
من موية البحر ! لا رفضك ولا رأيك أو قبولك يقدمون
أو يأخرون أي شيء عندي أنا هي أنا نص1


--
لمن تعيش بمجتمع يعاني من اعاقات ومشاكل في الاختلاف طبيعي
تشك بنفسك وتكون مهزوز داخليًا ! هذا الطبيعي
عٌلق على شكلي وصوتي وشخصيتي بأبشع الصفات سابقًا
وكنت دايمًا في دوامة أبغى ارضيهم بس مايرضون !
قررت أصفق بكلامهم الجدار وصرت كل يوم أطبق تمرين لسميه/
اتخيل شخص يشتمني أو يقول أي شيء مسيء لي
ويكون كلامو اشبه برصاصة متوجه لي حينها أمد يدي وأصنع
شيء أمامي اشبه بجدار يصطدم به الكلام ويتلاشى.

--
في عامي 27 ظهرت لي أول شعره بيضاء ! أمي قالت كارثة اصبغيها !
لكن عناد بالمجتمع تركتها وتكاثروا واشوفها شيء مميز جدًا
تعطيني منظر فخم ! أنا فخورة فيهم !

--
كنا نتكلم عن الزواج مرة من المرات وذكروا حرق ظهري
وأصروا على إني اسوي عملية تجميل، لكن جدتي قالت إذا غيرتي
شيء عشان أحد بتتعودين مع الوقت، لاتسوين ألا برضاك !
وقررت أبقيوا وأتقبلوا لأجلي أنا راضية ! وهذا كافي

--
في أحد الأيام تقدم لي رجل كلم أبويا، قال سمعت
إن بنتك فلانه كويسة بس ماهي بيضاء ! وأنا أبيض يصير تكون بيضاء
عشاني ؟ فيه زيوت وكريمات تساعد وصارت سهلة هالأمور
نٌقل لي الكلام ورديت إني أشوف الرجال اصحاب البشرة البيضاء
أقل رجولة من غيرهم ! والرجل كل ماكان أسمر شفتو أكثر رجولة !
فلو صرت أسمر عشاني بوافق !
أنصدم وقال أنا كل البنات كانوا يبغوني
لوسماتي وأنا اللي كنت أرفض !
ويوم أخترت أنرفضت !
ماعندي مشكلة مع الرجال لكن
هذا الرجل استحق الدرس !

--
عندي ببشرتي حبوب ومشاكل جلدية قديمة مقدرت اعالجها للان طوال الوقت
كانوا الناس يعلقون عليها ! في اللحظة اللي قلت عاجبتني وتقبلتها
صمتو للأبد !

--
عندي نحافة شديدة لسبب ~ كنت اكرها والناس كانت
تستغلها وتعلق لتجريحي، في اللحظة اللي انرد عليهم
بأنهم يعانون من السمنة، صمتو للأبد!
أحيانًا عليك تذكير الناس بعيوبها أيضًا لتٌخرسها !

--
كنت متعقدة من شكل وجهي وصوتي وكنت دايما
اغطيهم لأن الناس حسسوني إنهم عار ! ولازم يتغطون
في اللحظة اللي مسكت فيها جوالي وفتحت تسجيل الفيديو
صوت وصورة وتكلمت لنفسي وسجلت عدة مرات وسمعتهم اتقبلتهم
وصرت افتخر فيهم واحبهم لا واكتشفت اشياء مميزة برضو !
--
مع التجارب السابقة، انصحك تقبل نفسك زي ماهي !
واعطي نفسك مراتب عالية أنت تستحق أنت موهوب
أنت خمس نجوم نج1نج1نج1نج1نج1 بشهادة سمية الرهيبة نص1
أنت مميز، مهما بلغ عدد الكارهين، غير المتقلبين، وحتى اللي

يتقبلك عشان تتغير !

إذن مارأيك بجمالية خلط العامية مع الفصحى ؟
* مميزة * وإني لمتذوقه وأٌحب حينما أكتب و3
 
التعديل الأخير بواسطة المشرف:

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 
poster,504x498,f8f8f8-pad,600x600,f8f8f8.jpg


Nana
من المانجات الجميلة اللي طوال الوقت حسيتها تلامس قلبي (":
كل التعقيدات والتفصيلات اللي في المرأة تجسدت في هذي المانجا !
حب الصديقات، وفراقهم، ومشاكل ماقبل ومابعد الزواج !

اختلاف الحب والمشاعر بين الرجل والمرأة وكمية الصراعات والضياع
مجموعة مشاعر مختلطة أبدعت الكاتبة بتجسيدها
مبسوطة لأني عرفتها وقرأتها مرات كثيرة بأظل أقرأها وأعيدها وأرجع أحس

بكمية المشاعر فيها بكل مرة شيء لن يتكرر ولن يموت !
 

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 
at159777528954753.png



قررت أمس اواجه مخاوفي وباللحظة اللي قررت فيها
قفلت حسابي بالاسك وقفلت التليجرام على هذا الأساس !
بعدها اكتشفت اني مقدر ودخلت حالة كآبة ونزل اليوم مطر
وجت صواعق قوية وكنت بموت من الخوف ! فقلت تراجعي شويا xd
يمكن احتاج استعد أكثر ~

--

شفت قبل فترة امرأة متزوجة كاتبة مشكلتها بالانستجرام
إنو زوجها خبرها بعد فترة بسيطة من الزواج إنو مغصوب عليها
ومايدري كيف يحبها ويحس بالضياع !
وهي مررة انجنت وانصدمت وهكذا كيف رجال ينغصب ؟
المفروض قوي وصلب وشكلو ضعيف شخصية
ومن ذيك الأفكار اللي عندها


بس اللي ماتفهموا البنت إنو غير صحيح هالافكار اللي عندها
ذي صحيحة لمن يتربى الرجل تربية سليمة أو يطور من نفسو
بتكلم لكم عن طريقة تربية الرجل عندنا


من يوم وهو صغير أول شيء يجردونو
من مشاعرو وعواطفو كيف ؟
اذا بكى أنت رجال ماتبكي الرجال مايبكون !
لاتخاف الرجال مايخاف

يترسخ بذهنو هالشيء فتبدأ مشاعرو تتجمد

بعدها خلك زي فلان ! شفت كيف يتكلم ؟ شفت كيف يسوي ؟

شفت كيف حقق الانجاز الفلاني بذا العمر ؟
هنا تنشأ عندو عدوانية وكره للناس لأن هالشيء ترسخ عندو


يعيبون عليو ويأنبونو يعني إذا اختك طلعت لحالها أنت مو رجال إذا سوت
الشيء الفلاني أنت كذا وكذا، إذا اخفقت بالمهمة الفلانية فهذا ينقص من رجولتك !

إذا سويت الشغله الفلانية الله مايحبك ويعاقبك وإن سويت العكس وهكذا ->
لاحظت الشغلات اللي يحطونها من رأسهم مو من دين الله على فكرة !

فيه اهل يخوفون عيالهم وقت النوم xd ،
إذا مانمت بالوقت الفلاني بيطلع عليك
الوحشش ذا او ياكلك من تحت السرير
وهكذا كلو بس عشان تنام ويرتاحون!


يكبر هذا الطفل على هذه التربية ويطلع شخص ضايع مدمر ! فهو مايقدر يعبر
عن مشاعرو ولايقدر يتمنى الخير للناس حتى بينو وبين نفسو ولايقدر يعطي الحرية
لمن تحت يدو بالقدر الطبيعي ! ويلوم الناس والمكان والزمان والظروف إنها ضدو

لمن يخاف يتظاهر بالعكس لأنو المفروض يكون قوي فتنشأ الأمراض من كتم الشعور !

تجي عندو امو تقول ابغاك يا فلان تتزوج البنت الفلانية هو يقول لا ماودي ومعرفها

بعدها تبدأ الأم تلعب بطريقة غير واعية بالطريقة اللي بالصغر! وهي عارفه انو يمشي
لان التربية كانت كذا من زمان بعقلها اللاواعي وتعرف إنو بتنفع معو


عارف كم عمرك صار بتشيب !
*هذا عار *
لو ماتزوجتها بغضب عليك ليوم الدين أو شبيهاتها ؟
* هذا تخويف *
اصلا احمد ربك يمكن ماتقبل فيك لانك معقد أو شخصيتك فيها وفيها !

* هذا تأنيب *

بالنهاية يوافق لأن هالمشاعر السيئة مشتغله عندو من الطفولة

ولا تخلص منها بس يتأمل يمكن لمن اتزوج برتاح ! بتطلع بنت كويسة
يمكن تفهمني اكيد امي مابتضرني الله معي ومن هذي الأمور


بس اللي مو مفهوم هنا إن مو لازم
الأهل يعرفون مصلحة عيالهم !
هم يحبونهم بس فيه أهل مُضللة !
هي ماتعرف مصلحتها فمن الظلم اتباعها !
ومايحق لأحد استخدام الدين عشان يفرض ارائو ومعتقداتو ق1


على كل حال يتزوج هذي البنت ويقرر يفتح قلبو يتأمل إنها تفهم !
لكنها لاتفهم ! فمثل ماهو عالق هي عالقة فتبدأ تأنبو وتتكلم عليو
أنت ضعيف وولد أمك ومدري أيش هنا يمكن يتمشكلون ويتطلقون
ويمكن يصبرون على بعض لو بينهم طفل ويكررون نفس السلسة
اللي عاشوها مع اهلهم لهذا الطفل ! كأنوا يعتقدون قبل الزواج

إن هي لو تزوجت زوجها بينقذها وإن هو إذا تزوج هي بتنقذوا !

عشان كذا مهم جدًا قبل الزواج

الزوج والزوجة يكونون اصحاء نفسيًا ! السالفة مو كشخة وروحة سوق !
ماهو المفروض اهلي ربوني كذا إنهم ملائكة وفاااااااهميني ومختمين
الدوري ويبغون مصلحتي ! أعرف ناس زوجو بنتهم لأول واحد جاهم

بدون رضاها عشان بس حاسين بالعار إنها كبرت بالعمر فشله وفضيحة !

ممكن الأهل يكون عندهم هالمشاعر السلبية بداخلهم ويحركونك بحسبها

وللأسف هالأمور بتكون بشكل لاواعي لان خلاص تعودوا عليها !

قبل أمس اوري امي سلم هاوكنز هي ماتعترف بهالامور وتشوفها خرابيط
بس وقت ماسمعت المقطع وشافت الكلام عن العار ! قالت أيه والله
أنا وابوش كذا نحس ! سألتها ليش ؟ قالت مدري تربينا كذا ومانعرف
نربي ألا بهالطريقة، طوال الوقت فشله وعار وعمرك والجماعة
بيضحكون علينا وماتزوجتي وذاك باقي مايسوق ... ألخ
فلو تربيت تربية غلط مافيها شيء تطور من نفسك وتتخلص
من القيود الوهمية اللي قيدوك فيها ق1


حب أهلك وتقبلهم، بس لاتخليهم يقررون لك كيف تعيش حياتك
أنت الوحيد اللي تعرف مصلحتك حتى لو قررت غلط بالنسبة للمجتمع ق7و3
 
التعديل الأخير بواسطة المشرف:

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 
اللهم اقهر من أرادني بسوء أو عدواً ظلمني وأعطني من كرمك ما أسر به في كربة الدنيا والآخرة، واحمني عن أعين من يريدني بحسد وكيد وسحر وشر، ومسكني بالحبل المتين واكفني العابثين والحاسدين والماكرين.

🌹 يارب اللهم أمين 🌙
 

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 

هالفترة فيه توترات كثيرة بين الناس عشان اللي يحصل من اعتداءات الصهاينة
الله يعجل بزوالهم في القريب العاجل وينصر الفلسطينيين عليهم جوجو1

--
قبل أمس سويت أختبار شخصية بعد التعديلات والتنظيفات

البسيطة اللي صارت طلعت الشخصية
البطل – ENFP

اللي مكتوب هنا عبر عني على الأقل حاليًا
حسيت ذا أقرب شيء مني وفرحت مره أن لقيت
نمط مفصل عليا ق1

ماتوقعت اطلع شخصية غامضة أو شيء كذا صاروخي
أنا ابعد عن هذي الأمور وحتى بالمستقبل مستحيل يصير هالشيء
بس دايم أطيح مع ذولا الشخصيات
في كل مكان طالعين لي مدري ليه او11

على كل حال شكلوا لازم أصير شخص مؤثر في العالم
واعطي الناس محاضرات في اليوتيوب واحفزهم
ااااااااااااااااااااااااااااااااااااااايه هذا ررررررررررررررررهيب ركض2
حب2حب2
 
التعديل الأخير بواسطة المشرف:

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 

كنت أسمع دايمًا وأرى ان بيئة تويتر سيئة وكلو أمراض نفسية ... ألخ
بس بعد ماحذفت الحساب القديم ورجعت فتحت ذا لمشروع معين
نويت إني أتابع ناس جيدة وعندها نوايا طيبة وأفكار كذلك وفعلًا
شفت ناس طبيعية ومتزنة ومنهم من أهل الدين ومسلمين

كنت مخدوعة بأمور كثيرة وأحسبها صح! بس الحق إن الناس اللي تجلد غيرها
وتروح تطارد وراهم عشان تعلمهم إنهم غلطانين
أو تجلس تصحح وتنتقد وتتهجم بسلبية وعنف تحت مسمى الدين أو العقلانية
أو الصراحة أو أي شيء آخر

ناس تعبانة من الداخل عندها كمية أحقاد وكره وغضب وخوف ... أو مبرمجة على العنف

فتطلعها على غيرها تحت مسمى شريف ! ناس ماتعرف معنى المشاعر أو الأسلوب الطيب
ولو أنوضعت بسلطة على مجموعة تخالفها بالرأي أو بالمعتقدات بتقتل بدم بارد !

كل الحروب الجدلية اللي تصير بمواقع التواصل مع أنها مجرد كلام بس إلا أنها تكشف
السوء اللي فنفس الناس، مستعدين يحاربون ويكرهون ويقتلون حتى الناس اللي مالها
ذنب لا بحرب أو حتى تكون معتدية أو تحمل سلاح ! ومع كذا نفس هالفئة تتساءل إلى الآن
أنا ليش مقدر أسعد بحياتي ؟ ليش أنا مايصير بحياتي إلا البؤس ! ويسقطون الذنب على
غيرهم مع إن الخلل بالداخل فاللي بالداخل جالس يظهر بالخارج ! بس مايفهمون ! يشوفون
نفسهم ضحايا ومساكين ! إذا كل واحد شايف نفسو مسكين ومظلوم أجل مين المذنب ؟

الجواب الحقيقي هو كل واحد يتحمل جزء من المسؤولية فلو ماصلح من نفسو فهو يساهم
بالدمار الحالي، آملنا وطريق صلاحنا هو في الناس الطيبة اللي تعرف تحس بمشاعر جيدة وتحتوي
غيرها من المختلفين وتكون منفتحة فكريًا لتناقش المختلفين بوعي بدون تهجم أو اسقاطات أو سخرية
بائسة والأعجب إن كثير مسلسلات وبرامج تعزز هالتصرفات وتدعمها وكأنها شيء طبيعي ! فطبيعي جدًا
يجيك واحد يحمل كل هالأمور ويفتخر لأن الأغلب عندهم نفس هالشيء، إذا كل واحد يحمل شعور طيب
سعيد يقولون ذا مدلع ماعندو شيء، طيب يقولون ذا غبي، محفز يقولون ثرثار وفاضي فكيف تبغى يصير
تغيير عندنا ؟ نحتاج نركز على ايجابياتنا ونقويها يحتاج نخفف تركيز على الكوارث لأننا نزيدها سوء
مع العقلية والمشاعر الحالية أحنا محتاجين نبني مانهدم، عندنا كثير ناس هدامة تحت مظلات شريفة وهمية ودخلتنا بدواهي كثيرة وكل النتائج الحالية تعبر عن هذا الشيء.

عدو الأمة حاليًا هم الصهاينة المعتدين على
أراضي غيرهم بس كثير ناس عندها عداء مع العالم أجمع !
لدرجة إنها لا ترى العدو الحقيقي لاتملك الوقت فهي مشغولة
بمن يخالفها الفكر والرأي والمعتقد
ومايزال العدو الحقيقي يسرحح ويمرح في الأرجاء تحت صمت
خدع، وانشغالات فارغة .
 
التعديل الأخير بواسطة المشرف:

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 


في الأسك، تجيني أوقات اسئلة عن الحب بين أثنين
وكيف أقول أو فلان حبيتو ودمرني .. ألخ

بس ياجماعة الناس فاهمين الحب غلط
الحب حاجة نبيلة ومو بس يصير بين شخصين وأصلا مايدمر أحد !
هذا أولًا، ثانيًا الناس خالطه بين الحب والتعلق في العلاقات
أي شخص تحس إنك محتاج لطاقتو أو ماتستغني عنو
هذا ماتحبو، أنت متعلق بشيء عندو يعني يمكن
شيء مفقود عندك مثلًا خزان الحب فاضي داخلك
لازم واحد يجي يعبي هالخزان عندك من برا فهنا أنت ماتقدر تستغني
عنو ولو استغنيت حسيت بشعور سيء وهكذا
مع كل الناس اللي محتاج يغذونك بالمشاعر الخارجية
دايمًا تجي معها أحاسيس مزعجة وتدميرية

فلازم تعبي اللي مفقود بداخلك بحيث أن تكون مسؤول عنو ماتحتاج
أحد يسد هالفجوة دايمًا، وماهو لازم تحس بالحب مع شخص عشان تقول حب ممكن
تحب أي شيء في الحياة أصلًا يوم توصل لمرحلة الحب بتحب الحياة
بكبرها ذي مرحلة عالية في النفس فعلى الأقل قدم معروف ولاتهين
الحب وتخلطوا بالتعلق والله يكثر خيرك حاليًا و2

وفي الغالب الناس اللي تتزوج واحد/ه
على أساس خدعة الحب اللي موجوده بالعقول حاليًا " التعلق "
بتكره الحياة والحب المزيف ذا وتبدأ تشوه سمعة الحب
وإنو وهم وتسوي اشعار حزن وكتابات بائسة !
يخي الوهم والزيف بعقلك، لمن تكون متعلق ومسمي التعلق حب
فذي مشكلتك مو مشكلة الحب،
إذا ماتعرف الحب الحقيقي تعلم وحس بالشعور الحقيقي
لاتسمع للناس المضللة .

في الغالب، زواج الحب حاليًا مايعني أن فيه قضية حب حقيقية
بالعكس فيه قضية تعلق حقيقية ومضحوك عليهم إنهم محبين !
فيه كثير ناس ضايعين بدون مايشعرون ومفتخرين أصلًا
تبغى تعرف الحقيقة ؟ شوف النتايج

الحب مايدمر ولايموت الحب دائم ق00
التعلق مدمر ويموت بأنتهاء المصلحة قك1



 
التعديل الأخير بواسطة المشرف:

إنضم
12 نوفمبر 2014
رقم العضوية
2945
المشاركات
22,560
الحلول
1
مستوى التفاعل
30,532
النقاط
315
أوسمتــي
32
العمر
31
الإقامة
المملكة السعودية
توناتي
4,928
الجنس
أنثى
LV
7
 
مشاهدة المرفق 8142

لحظة فخخخخخخر وامتنان لوسيفر11
من خلال هالموقع صرت أشوف
تصاميمي تتحول لمطبوعات جميلة 😍❤️❤️

جدا حبيت الموقع ومبسوطة أن جهدي في
التطور ماضاع 🌼

🌬️🌬️
متجري لبيع تصاميمي على شكل مطبوعات ✨
Ballrena.redbubble.com
أي رسام أو مصمم يقدر يشارك
ويصنع متجرو الخاص لونوا العالم
بأبداعكم ولاتخلونوا يموت 🌺
 
التعديل الأخير بواسطة المشرف:
الحالة
مغلق و غير مفتوح للمزيد من الردود.

المتواجدون في هذا الموضوع

أعلى أسفل