أكثر أنسان سينطلي عليك كذبه هو أنت☘ (1 زائر)

[هدى.]

همممممم شفت مسلسل عربي يتكلم عن بنت
تعرضت لاعتداء اغتصاب وكذا وطريقة التعاطي
في الموضوع للأهل ! اعرف الموضوع صعب
واعرف زين قضية البنت عار اللي منتشرة عند كثير
أسر بس جد كنت اتساءل متى يختفي هذا العار ؟

يتغلف تحت مسميات غريبة حب واهتمام وشرف ومدري ايش
يعني تتهتم أنها سبب الفضيحة المفروض أنها ورطة
واعتداء على حق مو أن البنت تنجلد المفروض
فيه احتواء لها، هذا الشعور مزعج ويحجب الفطرة الأنسانية

ولمن تعتبر هذي قضية الأسرة كلها هنا
تصير الكارثة أكثر لأن يحسون أن هم تعرضوا للأهانه
بسببها فضحتهم ! ويجي اللي يلوم ويضرب من الأمور
اللي اتمنى الناس تتطور فيها، يعني واحد يقولون لو
أختك شرفك ولا عارك على أساس أن يعني يحميها وكذا

بس هو في النهاية يوصل الموضوع ضرب ولاقتل لأن يحس
أنها ملك لو زي حاجة من حاجياتو ولمن يصير لها شيء هو ينمس بالموضوع
فالعنف طبيعي صراحة مع هالكلام لأنو كذا ينفهم لامجال للنقاش أصلا

بس العكس لو أن اختي احبها واؤمن أنها روح طيبة مستقلة وتعرضت للأعتداء
فأنا بأكون أكثر توازنًا وبجيب حقها وبدعمها في ألمها النتيجة مررة بتختلف !


نحتاج طريقة حضارية لحل الموضوع


تذكرت يوم كنت في
الثانوي كان فيه صديقه لنا حصل معها نفس الموضوع
فصلوها أهلها من المدرسة وحبسوها ولليوم معد
عرفنا عنها شيء كأنها اندفنت عن العالم بسبب غلطه

كنت أشوف
بتويتر قبل ماحذفوا بعض البنات يقولون أن يحسون
ولادتهم كبنات سوء حظ ليتهم انولدوا أولاد
بس أنا أفهم ايش سبب هذا الموضوع، أنا يمكن
ماعشت حياتهم ومحد جلدني زيهم بنفس المقدار

بس كانوا يقولون عندنا البنت عار الله يسترنا وبفخر بس
فككت هالمعتقد عرفت أنو كلام فاضي وخدعة
ونابع عن جهل والخطيئة بعقول بعض البشر
جد وقفت مع نفسي وسألت ليش أنا عار ؟

مين قرر ؟ يعني غريب أني أصير عار بناء على جنسي أني بنت
والله الفكرة يوم تتناقش تطلع بطيخ وتضحك * جربوها *

العجيب يضحكون على أبو جهل يوم كان يدفن البنات ويسوون زيو
بس عاد تعرفون أحنا بجيل التكنولوجيا لازم ناخذ طرق متحضرة

هوني عليك
أنتِ أنسان من لحم ودم
​

 

[هدى.]

من فترة صار عندنا قط يسكن معنا، في الديرة كانوا دايمًا موجودين
في البر يعني وكنا نلعب معهم مؤقتًا بس هالمرة تغير الوضع انبسطت بوجودو مع أني
كنت اخاف منو شويا بس خف مخلوق لطيف ويعطي الحب تعلمت منو
درس واعتقد لو رسالة بحياتنا بحاول أطبقها في الحياة، أعطاني حب
وطاقة الحب الحرة حلوة ​

 

[هدى.]

أحب هذي الاغنية تلامس مشاعري
الفن بالنسبة لي هو اللي يلامس قلبي ومشاعري وبس ​

 

[هدى.]

​

 

[هدى.]

أعجز عن وصف جمال هذي اللعبة استمتعت فيها
مع اني ماخلصتها كلها بس لعبتها مع ولد خالي ابو ست سنوات
ومررة انبسطنا عشنا شعور يجنن شيء كأني في الخيال ​

أطير وعندي جناحات واشوف سحر العالم الواسع وجمالو

يتخلل روحي امتنان لصانع اللعبة
* الموسيق عالم آخر واللعبة
ككل تعلمنا أن العالم مليان مخلوقات غيرنا ومليانة حب *

أجمل شيء أنك تجالس طفل بشيء ما لأن يشوف العالم
بروحو وفطرتو النقية وماتعرض لبرمجة وعقد من الحياة ​

 

[هدى.]

ااااااااااااااااايه ايش اقول ؟
الأيام اللي فاتت كنت مرة زعلانة
على اللي حصل لي
بكيت فترة واانجرحت وانوجعت صراحة
بس تخيلوا اليوم رااااااااااااااااااااح زعلللللللللللللللللللي بسرعة
لييييييييييييييييييييييييييييييش ماطووووووووووووووووول ): ابغى اجرب شعور
اني اكون هيبة وكذا اروح ومارجع تخيلوا عاد يوم كنت مجروحة وزعلانة كتبت رسالة مؤثرة وداعية
يعني وقتها جد جد كتبت من الاعماق الحين معد ابغى ارجع افتح الرسالة
واشوف الرد معدني مهتمة كنت ناوية على قرار الترك

بس ماصار يخي يعني مابغى اغلط على نفسي بس بعض نقاط الضعف اللي عندي

البطل – ENFP | جاسم الهارون

jass.im

مقدرت اعدلها يعني بديت شويا اتقبل بعضها عشان كذا جالسةه اناقشها معكم فيه اشياء تأثر زي
هذي عاد تأثر وبقوة مأخذه رقم 1 ​

- يجد صعوبة في توبيخ أو معاقبة الآخرين.​

يعني لمن احد يسوي هالحركة معايا في الغالب أخذ الموضوع بطريقة عاطفية ـجلس
أقول لامسكين ومشاعرو اخاف ينجرح حرام اجرح الناس ليش اسوي نفس الطريقة
وفوقها أحط اعذار ياناس للشخص احط يمكن مسكين نفسيتو تعبانة
يمكن عندو ظروف صعبة يمكن مزاجو يمكن أحد مزعلوا
فأرد رد كذا مو على قد الموقف :-:" واروح ازعل كم يوم ههههههههههه واعالج جرحي
وارجع بس انا ادري ان ذي الحركة تخلي الناس ماتحترمني واعية بالموضوع

بس هو أوقات لمن اعالج آلمي افصلوا عن الشخص ويتحرر فأحس أن الشخص
اللي سوى هالحركة اصلا متورط أو قلة وعي أو تصرف طفولي أو تهور شيء زي كذا
كل الناس تصير معهم هالحركات فيطلع الموضوع تافه مايحتاج أجلد الشخص
المقابل بس بيني وبينكم ابغى اجلد ابغى افعل هالاداة عندي فيه اشرار في العالم
​

- يتمسك بالعلاقات السيئة حتى بعد أكتشافه لها.​

هذي زي سابقتها
​

- حماسه قد يقوده لأن يكون غير واقعي.​

100% بس هذي احس تخدمني اوقات
​

- يصاب بالملل بسرعة.​

ايه هذي النقطة بالذات ممكن تسويلي اكتئاب
اعجز اقولهم اني بترك حاجة لان مليت
--
فيه نقطة جيدة فيني وتخدمني جدًا أو تنقذني بالأحرى ​

- لطيف وطيب ومتحمس لفهم الناس، ولديه قدرة على التعامل مع الناس.​

أنا بالمجمل شخص اجتماعي وأسولف كثثير على كل حال واحب الناس
بجوادتهم وخياسهم وسوالفهم الكثيرة بس ابغى اجججججججججججججججلد
يومًا ما سأصل
-
على كل حال الاغنية هذي فخمة كنت ارقص عليها اليوم

* اللي مايحب يرقص يتجاهل الجزئية هذي *
-

تذكرت بوقت الحادثة اكتشفت ان ايميلي تعرض للاختراق
لو ان روبي مانبهتني كان معرفت
-
وبيني وبينكم ؟ جتني فترة حماس تورطت ومسكت فريق المجلة يوم كنت مديرة
بعدين مليت وخاب حماسي وكنت افكر كيف اقول أني بترك الفريق بس جت من الله

صراحة يعني مع ان خلاص انتهى الفريق السحري بس
والله يعني كان سحري على اصولوا احتل مكانة في قلبي كبيرة
حتى يوم حليتوا كنت سعيدة وحضنتو وحضني لقد تبادلنا الاحضان ): وودعنا بعض
* ااااااااااااااه كانت نهاية عاطفية ومؤثرة *


صدق المثل
* مصائب قوم عند قوم فوائد *
الحمدلله أٌنقذت
-
أييييييييييييه وايش كمان
تخيلوا فيه واحد حس بأبداعي في ريدبابل
وشرا تصميمي حس الابداع عندو مرتفع ماشاء


سولفت كثير ؟ ترا السوالف حلوة وتحمس
مليون سالفة في الدقيقة ​

 

[هدى.]

هممم عاجبني الجو وانا افرفر بدون مسؤوليات صراحة فرق شاسع
بين الماضي والحاضر احسني سعيدة الحين أكثر من كنت مديرة
مدري كيف كنت مبسوطة أول أحسني كنت في غيبوبة على كل حال زي ماوعدت
نفسي أني معد بهتم ألا بنفسي وسعادتي وبسطتي ومابتحمل
شيء أكبر من طاقتي أو اجامل على حساب نفسي هذي المرة
أنا منتبهه لنفسي زين ومركزة عليها ​

 

[هدى.]

× تغلق ×​