في مكتبة أفكاري (4 زائر)

[S a n d r a]

إنّي لفِي ضَلالٍ كبير .... ​

 

[S a n d r a]

ليش أنا حكيت إنه امتنا مش مشتتة ؟ ولا إنه في أمة إسلامية جامعتنا ؟

التفكير الزايد و الوسوسة هاي رح تهلكنا , رسولنا بكى علينا لما عرف إنه في من امته رح يدخلوا
النار , فبدهوش يزعل على حالتنا هاي ؟ بعدين إحنا بنفكر بغضب ربي , و إنه ربنا غضبان علينا
لأنه إحنا مشتتين و ضايعين , بس هاد مش وقت التفكير ! إحنا هون وصلنا لمرحلة لام نتجاوز فيها التفكير
و نشتغل ! عشان مش إحنا خايفين من غضب ربي ؟ فلازم نشتغل عشان نرضيه و نطلب منه السماح و الغفران !
احنا لسا مش متجمعين على ديننا و مش ملتمين حولينه , كل دمعة بتنزل على خد طفل هناك
و كل قطرة دم على تراب فلسطين على ظهرنا , لحد ما نتوحد و نجاهد .. بس في النية اللي بقلوبنا , بعدين
الموضوع مش إني بدي احكيلك إنه هو مسألة وقت ... لا لا الاشي أعظم من هيك
شغلة التوحد هاي مش سهلة بالمرة , خصيصًا مع الانحلال و الانشطار اللي صار بعالمنا الإسلامي ..
الشغل علينا , و هينا عم نشتغل , ليش مو شايفة كمية التوعية , مش شايفة الأعداد المهولة اللي عم
تحكي عن القضية ؟ اكيد شايفة بس في اشي بالعمق احنا مو منتبهين إله
احنا على صدد تغيير جذري بحياتنا كلنا .. تغير كامل شامل بيشمل دولنا و حياتنا
و بيشمل الامة اللي متجمعة على التوحيد , و التغيير لما يصير ما رح يصير بسرعة و فجاة
التغيير بده وقت , و لأنه بده وقت إحنا لازم نصبر .. ولازم نستمر بالتوعية و بالارشاد عشان جيل جديد ينولد
أو أنه الجيل اللي موجود يصحى ..

ليش مين همه اللي حكى عنهم ربنا بسورة الإسراء ؟ بالآية الخامسة : فَإِذَا جَاءَ وَعْدُ أُولَاهُمَا بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ ۚ وَكَانَ وَعْدًا مَّفْعُولًا (5) .

قال ربنا " عبادًا لنا أولي بأس شديد "
هدول المسلمين و المؤمنين الموحدين , اللي تكاتفت صفوفهم و الأهم قلوبهم على الإيمان
النصر مش جاي لأنه لسا ما في إيمان يقين و لأنه لسا في إنحلال , و هالإنحلال مش بسهولة بيتعالج , فإما
يجينا شخص يوحدنا على الراية , أو إنه المسلمين يصحوا على غفلتهم و تتوحد رايتهم .
و لما تتوحد الراية و الكل بكون مستعد للجهاد و إنه ربنا رح يوفقنا و رح ينصرنا
هون وعد ربنا رح يتحقق و رح ينصرنا زيما قال ربنا : و كان وعدًا مفعولا "
فلما إحنا نتوكل و نعمل بالأسباب ربنا رح ينصرنا , و إحنا في بدايات العمل بالأسباب و بإذن الله منصورين .
و هالشي زيما حكيت ما رح يجي بسرعة . الواحد لازم ما يستعجل على رزقته
لأني زيما حكيت ما رح يفرح فيها على قد فرحه فيها لما تجيه بعد صبر طووييلللل .
عشان هيك علينا بالدعاء و الاستغفار و بالعمل الصالح و التوبة إلى الله
و أنا اول الناس اللي بحاجة للتوبة , عسى ربي يغفرلنا جميعًا .​

يا ناس ! يا عالم !
لا تخافوا ! بالله عليكم لا تخافوا !
والله ربي شايف و عارف و ما في إشي مستور !
ربي يمهل ولا يهمل ..
ربي كاتب لنا كتبة عظيمة ..
كتبة عظيمة لسا ما اجى وقتها
خلينا نصبر فالصبر عظيم و ما بعد الصبر إلا الفرج !
لازم تكون قلبونا قوية , لا تضعفوا قدام وساوس ما رح تزيدكم إلا خوفًا
و رجفًا و توترًا و حزنًا و قهرًا و و و و و كثييير غيرها من مشاعر سلبية
أنا ما بحكي هالكلام استهزاءً , ولا محاولةً لتلطيف الاجواء
لانه الاجواء مش شغل تتلطف و إنما شغل تتفتح ..
إحنا ما بيننا و بين النصر إلا شعرة ..
شعرة رقيقة , و هي الإيمان
إذا إيماننا قوِي إحنا رح نقوَى !
و إذا إيماننا ضِعف إحنا رح نضعف أكثر و اكثر !
خليكم شديدين ! خليكم أقوياء زي اهل فلسطين
اللي بيحكي إنه ربنا إله حكمة ! و اللي بقول ابني عريس بالجنة
هدول قلوبهم قوية ..
اللي بيحكوا صامدين ! و اللي بيحكوا ما رح نطلع من غزة !
هدول قلوبهم قوية ! تعلموا منهم و كونوا أقوياء زيهم !
عشان لما الواحد قلبه يقوى بالإيمان بصير في رغبة عنده بالعمل
و العمل مع القوة و الشدة بكون عظيم !
عشان هيك لا تيأسوا !

و إنَّ وَعدَ اللهِ و نَصرَهُ لَقرِيب !! ​

 

[S a n d r a]

هبة اكتشفت إنها تعرف تقرا !

ملاحظة : لا تخرج من دون أن تقول سبحان الله

-

-

-
​

 

[S a n d r a]

اكتشفت اكتشافًا عظييييمًا للغاية !!
أيعلم أحدكم ماذا يعني أن تقول كلمة " مدهش " ؟
همم...؟
ماذا ؟
ألديكم أية أفكار ؟

حسنًا ... أنا سوف أقول و أفصل و أشرح وجهة نظري الرائعة تجاه الكلمة ... لذلك لنبدأ..

أولًا .. شوف معي ، اجلس و هدي و ركز عمو جيدًا لأننا سنتحدث بأمور عميقة صدقني ..

سأسأل سؤالًا ... متى تقول كلمة مدهش ؟
الجواب : عندما نرى شيئًا غريبًا عجيبًا أو صادمًا جعلك تسكت لثوانٍ تريد التعبير عن ما يخالجك و تفقد بعدها كل قدرتك على اختيار كلمة تعبر عن مدى اعجابك و صدمتك باللذي تراه .. فتقول " مدهش "

مدهش كلمة ليست مشهورة باللهجة العامية فنحن عادة نقول .. رووعة !! مش طبيعي يزلمة ! شو هاظ اللي بشوفه قدام عيوني إشي بجنن !! إشي غريب بس حلو ~ و غيرها الكثير بس مش خابرة اني سمعت حد بيحكي مدهش .. او أدهشتني غير جماعة المثقفين او اللي بدهم يعملوا حالهم مثقفين او بدناش نظلم حدا فخلينا نقول بيستخدموها اللي مختلطة لهجته بالعربي الفصيح لدواعي دراسية أو اعتيادية لكونه دائم الاستخدام لهذا النوع من الكلمات .. او في الخطابات او بلا بلا بلا انتو فاهمين ( حاسة اني بجيب العيد لاني قاعدة بهبد بس )

لكن ! كلمة مدهش جدًا جميلة لو كنت تعرف ذلك !!

لنعد لأصل الكلمة ..
كلمة مُدهِش هي اسم الفاعل من الفعل أدهش .. و تعني كلمة مدهش الأمر المثير غير المتوقع ..

فمثلًا مثلًا مثلًا يعني ... لو كنت جالسًا في أمان الله في مكانٍ مفتوح ثم رأيت دراجة نارية يقوم سائقها بحركات بهلوانية خلابة فماذا قد يخطر على بالك من كلمات ؟

رائع !!
حركات مذهلة !!
أمر غير طبيعي كيف له أن يفعل ذلك ؟!
و في الأخير لدينا الخيار :
مدهش

صراحة و أنا أرى أن كلمة مذهل رائعة لأجب المشهد و لكنننننن كلمة مذهل قد تعبر عن صدمتك تجاه شيئٍ قد يجعلك تنظر لعدة دقائق مصدومًا و كأنك قد فقدت رشدك بلحظات كأن ترى شيئًا مخيفًا او شيئًا مثيرًا ..

و لذلك لا أنصح كثيرًا بها لأنك لم تكن متعجبًا لدرجة أنك ستفقد حواسك لرؤية شيءٍ بسيط كراكب دراجة بارع ... لذلك فلتقم باختيار مدهش ... !!

----

لدواعٍ أمنية بليز مفيش داعي لحد انه يشفق على هبدي و يحكي هاي الانسانة فاضية لانيي جد فاضية .. يلا سلام ..

قبل لا تطلع ..
سلامات طلع مفيش اكتشافات عظيمة هو بس إشي بضيع لك وقتك فيه ~ ​

 

[S a n d r a]

على ما يبدو انا منزلة الاشي مرتين حدا يحذفه لو سمحتم

 

[S a n d r a]

خلص كنسل

 

[S a n d r a]

-



-

و الهَادِر في حَضرةِ الليل يسْكُنُ و يهدَأ ، و اللَّيلُ عندما فاق الهَادرُ هاج ...

عندما حضر الشفق حادَث الهادر فقال له يا هادِرُ اعصف و اطلب الليلَ ليزورَكَ فهو لا يظهر إلّا عندما تحتاج ...

فإذَا طلع الليلُ متخفيًا بلباسهِ الأسودِ لوَّح لك بنجومهِ متبسمًا وهاج ..


-



-

​

 

[S a n d r a]

اليوم رسمت أبو عبيدة بالمدرسة !!

مع إنه مو كثير زابطة بس المهم النية !! ​

 

[S a n d r a]

 

[S a n d r a]

تغطيةً على فظاعة الفيديو الذي قمت بتحميله في الرد السابق ...

أردت أن اكتب كلماتٍ جوهرية ... عظيمة ..

و هي فقط صلاةٌ بسيطة .. على أشرف الخلقِ رسولنا الحبيب ..

فاللهم صلّ و سلّم و بارك على سيدنا محمدٍ و على آله و صحبه أجمعين ...