مدونة متألقة في مٌحادثة عميقة مع " الفوضى _ (3 زائر)

[خَوْد]

-



عندي كتيييييييير صور حابة شاركها معكم
بس كلو من ضغط الشغل بالتون و لما لاقي ولو فرصة صغيرة اني اخد راحة بسكر اللاب كلو بتنسد نفسي اني اشتغل اي شي بعدها !!

صرلي فترة طويلة هاملة مدونتي بالرغم جد عندي كتير اخبار و اشياء احكيلكم عنها

بس شو اعمل نزلت علي لعنة شغل التون الي ما بيخلص حرفياَ

​

 

[خَوْد]

-

نحن عنا تطبيق اسمو VINTED للأمانة انا ما شفت هيك تطبيق بالوطن العربي و بالاخص الامارات
هو مختص فقط بالمنتجات الي الناس استخدمتها و بدها ترجع تبيعها و ممكن ما تكون استخدمتها
بس بتكون second hand مستخدم بس بكون بسعر ارخص من السوق

بس الي شفتو بهل التطبيق عنجد شي رهييب ! هالتطبيق حرفياَ منقذ ! تخيلو اني شريت هالشوز
من كونفرز , حقو الاصلي 75 واضح انو basic تخيلوا عاد البنت حطتو ع البيع ب 20 يورو

الشوز متل مو شايفين نضيف وجديد و كاتبة بالوصف انها لبستو كتير قليل !




بدل لا اشتري واحد جديد جبت هاد ب 20 لا و التوصيل ب 5 لأن الباكج بكون بوكس يعني هي ربحانة بس 15 منو !
مو حرام ؟ ليه تبيعو بترات الفلوس ؟ كاتبة انو كان صغير ع رجلا بس حتى لو ما ببيعو بهل السعر

و المصيبة انو في متل هالشوز كتييييييييييير و مختلف الالوان , لقيت منو اخضر وبنفسجي ووالله ب 15 مو ب 20 كمان !
تخيلوا لو كل شهر اخدلي واحد ؟ بالاخير بجمع كل الوان الكونفرس

المهم انو لقطة, و كتييييييييير انبسطت فيه ! يعني تخيلوا وردي ! كيف رح يقلب لبس الجم عندي !
انا بالاسود و عاملة عمايل بلبسي كيف لو وردي

المهم و مرة اشتريت منو بلوزة للجم , والله ما بعرف شو احكيلكم البلوزة حرفياَ اجتني جديدة قالت استخدمتها مرة
البلوزة كانت من بيرشكا BERSHKA ستايل البلوزة بعطي فيها سعر مو اقل من 15 يورو اخدتا ب 5 و التوصيل عليها

شايفين كيف هالتطبيق منقذ ؟

وحلاوتو انو فيني فاصل بكل شي بالسعر و بالتوصيل

مرة كمان شتريت من عندو قلمين حمرة من ماركة NYX الواحد كان ب 7 التنين اخدتن ب 10 يا بلاش

عندي تاريخ طويل مع هالتطبيق حرفياَ فيه كتير شغلات من كل شي مو بس البسة و العطور كمان
يعني تخيلوا من فترة بعت عطر من لطافة اسمو خمرة حقو بالسوق 35 بعتو ب 20 يعني انا ربحانة
و الي اشتراه ربحان لأنو اجاني هدية , و الي اشتراه وفر 15 يورو و في كتير متل هالعروض بالتطبيق

والله الي سوااه عبقري

​

 

[خَوْد]

-



والله يمكن تفكروني مختلة عقلياَ او مجنونة
بس انسحابي عنجد روح ثقل كبير عن كتفي

لكذا سبب و اهمو و الي الكل منتبه عليه انو انتاجي قل بشكل واضح
انو نتجيني كذا رسالة طبعاَ بأوقات متفاوتة او تلميح انو نشاطي قل كتيييير كنت اتضايق من جواتي للأمانة

قبل كان غير هلأ بمراحل ! يعني ما بكذب عليكم لما كنت مشرفة و مراقبة كان الشغل مضاعف عن لما كنت بالادارة !
بس الفرق انو قبل اول شي كنت اصغر بالعمر كان عندي طاقة هائلة كنت اقدر نسق مابين مهام الاشراف و اني انتج في ارجاء التون
من مواضيع و ردود

بس الي تغير انو مع كبر العمر يعني فرق 5 سنوات مو قليلة بيحكوا كل 5 سنوات البني ادم بيتغير
ف ما عاد عندي طاقة كافية انو نسق ما بين الاثنين و يعني حتى ما صرت اقدر اقعد ع اللاب اكتر من ساعة
قبل كنت اقعد فوق ال 5 ساعات متواصلة و هلأ صار يضيق خلقي ع العقدة ع اللاب

و بتعرفوني ما بحب انو ضوئي ينخفت بسبب مهام كتيرة علي

و فوق هاد بتعرفوني اديه بحب التصميم و قبل كنت صمم كتير ان كان لنفسي او لغيري و كانت وكالتي شغالة
مع مهام الادارة و ضيق خلقي بالقعدة الطويلة و الطاقة القليلة بالانتاج ما كنت اقدر افتح وكالتي او اني صمم
اي تصميم يعني خارج المنتدى مجرد تسلية لأن حرفياَ كل طاقتي كانت تروح لأني انجز المهام و لما انتهي منها
سكر اللاب و ما بعود الي خلق للتصميم ولا طاقة

و لفي بينا يا دووونيا

ف قررت انسحب لحتى اعطي فرصة للأشياء الي ما قدرت اني سويها لان مافي لا وقت ولا طاقة

ف هلأ رح كرس طاقتي لأنو ضوئي يسطلع مرة تانية

و حابة احكيلكم , اني تعلمت شغلة مهمة هالكم سنة , انو صرت فكر بهل الطريقة :
ما عدت اتحدى حدى اني صير نفسو او بمستواه بأي شي كان , الي تغير اني صرت فكر
انو اتحدى نفسي و بس , اتحدى نفسي الامس بمعنى انو طور من مهاراتي و اتحدى حالي
و ما شوف فلان و علان شو عمل , بهل الطريقة الشخص بينجز و بيتطور بشكل اسرع و بشكل صح

لما يغير تفكيرو انو يصير يتحدى نفسو بدل ما يتحدى شخص معين .

عندي مجموعة مواضيع كاتبتها عندي بالمذكرة لحتى ما تروح ببالي و رح اشتغل عليكم كلهم ان شاء الله

ما عندي مشكلة شارككم فيها و حتى لو استلهمتوا منهم بفكرة موضوعكم القادم لأني مؤمنة انو لكل عضو
لمسة خاصة فيه بمواضيعو :

1- موضوع بيحكي عن هدى بيوتي
2- موضوع بيحكي عن زهى حديد
3- موضوع بيحكي عن ستيف هارفي
4- موضوع تصميم عن فن المجلة
5- موضوع بيحكي عن المرآة ( موضوع علمي )
6- موضوع بيحكي عن نورا جونز
7- موضوع بيحكي عن الدحيح ( يوتيوبر )
8- موضوع بيحكي عن مهنى المحاماة و اشهر المحامين و قضاياهم
9- تقرير عن ال moth او الفراشات ( بس رح يكون التركيز عن شكلهم قبل فتح الشرنقة )
10- موضوع بيحكي عن الفورملا ون
11- موضوع بيحكي عن كايلان مورفي
12- موضوع نقاشي بيحكي عن البخل و اسبابه
13- موضوع نقاشي بيحكي عن الحياة التشاركية 50\50 بالحياة الزوجية
14- موضوع بيحكي عن الجمارك
15- موضوع بيحكي عن الغواصات
16- موضوع بيحكي عن مصممي احذية ال CUSTOM
17- موضوع بيحكي عن حياة سائقي التركات ( الشاحنات ) و اجمل شاحنات النقل


هدول المواضيع الي مسجلتهم , و موقفتهم كلهم لأن ما كان عندي وقت ابدا بأي واحد فيهم

طبعاَ الكم الحرية انكم تاخدوا اي فكرة , انا واثقة بأنو عندي فقرات ما رح تخطر ع بالكم ضيفها بموضوعي

المهم , رح اغلق هالصفحة

2019 - 2024 ​

 

[خَوْد]

-



في خبر حلو ما كان بدي شاركو لحتى يتم ما كان بدي شارك نص نتيجتو و استنى النص التاني
قلت بلكي ما صار

المهم , اني تسجلت رسمياَ بالجامعة , و هاد لحالو يعتبر انجاز , لأن الجامعات بالمانيا مو نفس دولنا العربية
بدولنا العربية كتير سهل الواحد يسجل فيها ما بيطلبوا متطلبات تعجيزية غير مستوى اللغة

بس هون مليون طلب والله , و حتى لو اتممت مستوى اللغة احتمال كبير ما لاقي معقد للسنة الجاية بسبب طلب الكبير
ع الجامعات يعني انت و حظك

هاد غير انهم بيطلبوا جد جدك السابع عشر شو كان يشتغل

ف بعد ما اخدت تسجيل الجامعة لازم ارسلو لمكتب العمل لحتى يعرف اني رح افصل عنهم
و اخيييييييييييييييييييرا رح صير مستقلة عنهم حرفياَ

ف هلأ اجاني لعنة اكبر منهم و هو ( البافوغ ) bafög
تخيلوا انو اختصار هالكلمة بهي الكلمة :

Bundesausbildungsförderungsgesetz

متتتتت ههههههههههههههههههههههههههههههههههههههههههههه
@THE KNAVE صدقتي لما بعتيلي هداك البوست الي بيحكي انو اللغة الالمانية لغة الاموات لان هن بس الي عندهم وقت بتعلموها
هههههههههههههههههههههههههههههههههههههههههههههههههههههه

Bundesausbildungsförderungsgesetz

الكلمة و هي مجزئة

Bundes ausbildung = التدريب الفيدرالي
förderung = الدعم المالي
gesetz = قانون

وحرف ال s بين الكلمتين هن فقط لفصل الكلمات بنفس الكلمة
لأن اللغة الالمانية عبارة عن مجموعة كلمات بكلمة وحدة بتكون معنى مختلف
ف الاس هي بس لحتى نعرف انها نهاية كلمة

الموضوع معقد مو ؟

المهم انو البافوغ عبارة عن منظمة مالية بتدعم المواطنين بدراستهم
بتعطيهم قرض مالي دراسي لحتى يدرسوا و بس يتخرجوا و يتوظفوا
بصيروا برجعوا هالمبلغ جزء منو 50% و مرات هالمنظمة بتكون عاملة
عروض مثلاَ لو دفعنا المبلغ كلو مرة وحدة ف بتعفينا من الفوائد
او بتقلل المبلغ نفسو

ف هي المنظمة كتير شديدة مافي حدا سألتو عنا الا و حكالي انها حجيم
و انا عم عبي 3 استمارات من عندهم كل استمارة 10 صفحات

بيسألوني حرفياَ عن جدي السابع عشر

ف انا سويت كل شي و عم استنى ردهم

و الشي الحلو انو لما صير ع البافوغ اعتبر كأني عم اشتغل يعني بمجرد اني اتخرج
ف رح تكون الجنسية عم تستناني

و احلى شي بالموضوع انو الجامعة جمب بيتي بالضبط , بالبسكليتة 10 دقائق بس
و الله ما حلمت بهيك حياة سلسلة ابدا , بدون سيارة و مواصلات و الجامعة مكنكنة
مو صخمة ( بمجرد انها المانية تعتبر كبيرة بس قصدي انها تعتبر اصغر من الجامعات
التانية بالمانيا ) ما بحب لما تكون كبيرة بحس اني بضيع بين الابنية

و دوامي رح يبدا بالشهر العاشر ان شاء الله تكون سنة خير الي
الكل بيحكيلي انو اول سنة كتييير معتة ! و صعبة لأنو بدرس فيها مواد عامة
اول شي

طبعاَ هون النظام بالمانيا ما انا الي بختار المواد نفس الامارات لا هن بكونوا
مقررين علي المنهاج بالضبط نفس المدرسة

الله يستر
اخترت هالتخصص
neue medien und interkulturelle kommunikation
وسائل الإعلام الجديدة والتواصل بين الثقافات

موادو حلوة بتجمع ما بين التصميم و الميديا هاد كان اقرب شي للي بحبو
و يعتبر تحت اقسام الفنون ARTS يعني رح اتخرج بشهادة
BACHELOR OF ARTS

تصنيفاتهم غريبة والله

​

 

[خَوْد]

بحرا عرس اخي و مو مصدقة للامانة
حاسة اني بحلم

اخي الي بعرفو من 30 سنة الي كان الشب الصايع
< حكي اخوة هاد
المجنون تزوج خلص وعرسو بكرا

اهلي من يوم كتب الكتاب و الفرحة مو سايعتن
انا ماكنت حس هيك وكنت استغرب ليه ماني فرحانة
معقول من الصدمة عقلي مو مستوعب الي عم يصير ؟

اخي خرب خطتنا ع اساس محدا يتزوج منا خون وراح حب الاخ و رح يصير عريس هاد اول عرس من اهلي بصير و حرفياً مو مصدقة

بكرا لما شوفو بالبدلة و تجي العروس بالابيض رح طير من الفرحة 🥹🥹🥹🥹

الله يتمملن على خير و الله يبعتلن ايام حلوة كحلاوة قلوبن 🥹

 

[خَوْد]

كان في موضوع بدي احكي فيه و ناوية نزلو كموضوع نقاشي لانو منتشر بكثرة و حابة اعرف رأي الاغلب فيه

و انا ماعندي خبرة بالمواضيع التقاشية و الارتجال بالكتابة

اذا حدا بيقدر يرشدني كيف اعمل هيك موضوع بكون ممنونتلها

او ممكن نعملو كموضوع مشترك بحيث انا و هي نعطي رأينا بالموضوع ونخليه نقاشي

 

[خَوْد]

-


ليه ال body mists تبعول فيكتوريا سيكريت غالين بشكل خرافي

تقولوا عم اشتري ذهب مو عطر للجسم
لو ديور او شانيل كنت قلت بس مو طبيعي انو بأي مكان عم
دور فيه السعر ثابت

وفوق عاد كلو ع بعضو مست ياريت لو برفيوم تقيل

حدا بيعرف شي ماركة منيحة عندا عطور mists للجسم غير فيكتوريا ؟

محتاجتها للجم بحب تضل ريحتي مهفهفة ع الاقل مشان تغطي على ريحة الناس المعرقة بالجم فطسوني

 

[خَوْد]

يا جماعة انا بوضع خطير
من شوي كنت بالسي ان وعم افرز المفضلة ل boards
اكتشفت انو 95% من مفضلات كلا غراض للجم

الاخطر من هيك انو من كم يوم كان بدي اطلع طلعة عادية
برا اجواء الجم يعني فتحت خزانتي لشوف شو في شي البسو

اكتشفت انو كككككل تيابي تياب للجم
حرفياً عم احكي كلن للجم كان عندي بلوزة او بلوزتين برا الجم

تطلعت هيك وقعدت اضحك انو شو هالحياة كلا جم

الغريب بالموضوع اني ما انتبهت ع هالنقطة الا لما اجتني هالطلعة يعني لو ما اجتني كنت لهلأ مو منتبهة

الي بضيق الخلق انو ستايل حياة المانيا مابتخليني اشتري شي مرتب يعني شي فستان عادي كاجوال لان الطلعات قليييييلة يعني اذا صدفت مرة بالشهر بكون وااااو

يعني عكس الامارات كنت وازن مابين طلعاتي والجم لان كان في نشاطات ولسا هلأ جاي الشتي حتى نشاطات هون مابعود في نفس اني اركب البسكليتة او العب سكيت

رح يصير بس جم وروح وارجع بالمواصلات
جو الشتي بالمانيا قاسي وبكون كتير برد هاد بموت الواحد اذا ركب البسكليتة هاد لو كان الصو صافي لو في تلج في احتمالية ان البسكليتة تتزحلق

ف عم شوف شو ممكن جيب شغلات برا الجم وعملية وماعم يعجبني شي بالمرة

طلعت من هالجو تماماً

 

[خَوْد]

-

​

 

[خَوْد]

-



العزف خيالي
بحس انها قصة عم تنروى
الكلمات عالم آخر
واقعية و مؤثرة
القوافي on point !
التنوع بين نبرات الصوت شي مٌبهر
و صوت الخلفية كأن عم يحكي مع حدى غير مرئي
و عم يرد عليه
الكورس الي حكا فيه
I'm trapped in a vile world
Where the end game's all the same as every other
We're only here to die

من اجمل الكورسات الي انكتبت !!!
و بحس انو بتمثل اغلب واقعنا , عالقين بعالم حقير
نحن هون لحتى نموت

و الاصرار بهل المقطع

Help me find my way
I said help me find my way

لما رجع عاد نفس الجملة للتأكيد
كتير حبيت هالفكرة
كأنو عم يحكي للشخص الغير المرئي انو بدك تساعدني !!!

-

هالمقطع

No pulse inside of me
Stone cold-lips and heresy
All lies and to a degree
Losing who I wanna be
You'll find out right now

as He maybe out of his mind
But some day you will find
That sanity's left us all blind
And dragged us all behind

A moment seen through those eyes
Crystal blue disguise
They say that all beauty must die
I say it just moves on

If you'd only open your mind
Then someday you will find
Insanity's left us behind
And walked right through the door


مقطعي المفضل !!
No pulse inside of me
Stone cold-lips and heresy
All lies and to a degree
Losing who I wanna be
You'll find out right now

بدكن اكتر من هيك جمال ؟
و اكتر من هيك انو هون نبرة صوتو تغيرت و صارت اعمق

حبيت طريقة الالقاء هون You'll find out right now كأنو عم يروي قصة للمستمع

طريقة انتقال اللحن من صاخب للحن عميق بثواني رهيييب !


as He maybe out of his mind
But some day you will find
That sanity's left us all blind
And dragged us all behind

هالمقطع عميق عميق !!!

But some day you will find
That sanity's left us all blind
And dragged us all behind

الله الله !!!!


A moment seen through those eyes
Crystal blue disguise

كيف وصف العيون !!!!

I can see the pictures clear
As yesterday pictures of my own
I can hear the voices begging you to stay
But know you're not alone

طريقة وصف الصورة رااائع !!!
و طريقة رجاءه انو هالشخص يضل !

و عاد اجمل مقطع من الأغنية

9:10

هالمقطع كتير بيلمس فيني شي
طريقة الغناء
انتقال نبرة الصوت من حزينة , لنبرة مليانة اصرار و و انتهت بغضب

وعزف الدرمز اكتر ما احكي عنو خيالي

هي الاغنية ع قد ما هي طويلة بتمنى انها ما تخلص من كتر ماهي حلوة
ككلمات , لحن , عزف , صوت و احساس

شي رائع

من الاغاني المخلدة لهل الفرقة !!!

​