مدونة متألقة - ٱيلـوٰثيريـا (2 زائر)

[YAFA]

تخيّلني شخصًا لا يعرفك، جئتك اليوم لتحدّثني عن نفسك
بدون ذكر تخصصك الدراسي أو عملك
من أين ستبدأ؟ وما الجانب الذي ستظهره لي؟​

شخص ملول جدًا، نتيجة لهذا الاشي هواياتي واهتماماتي كثيرة
ومتغيرة ومتزايدة لدرجة ممكن انسى بعضها لو بدي اعددها

ما أحب اتكلم مع شخص فترة تزيد عن ساعة ساعتين باليوم..
بطاريتي الاجتماعية فيها خلل ما عندي نية أصلحه، مثلاً كان
عندي صديقة من الجامعة نقلت لبيت مجاور لبيتنا القديم بعد
زواجها وكانت تصرّ اني ازورها يوميًا لما تكون لحالها بس لأنها
ما كانت تتقبل الرفض أو اني بس مش عبالي اطلع قطعت علاقتي
فيها والغريب إنه لسا عندها اصرار تكلمني، لقيت حسابي الانستا
وارسلتلي تسأل ع اخباري من اسبوعين رغم انه مر ع انتقالنا لبيت
جديد بعيد عنها سنتين.. و أنا ما فتحت الرسالة للآن

عمومًا ما عندي مشكلة اقطع أي علاقة بأرضها مهما كانت مقربة
مني، صح ممكن اسحب ع شخص فجأة بس ولا مرة كنت شخص
مؤذي أو ظالم، هذا الجانب الإيجابي انه فيني بذرة خير لسا،
بس لا تجرب تستفزني لإني ما بسكت لحدا ولو كان اكبر مني

لو شفت تصرفات غبية من أحد ممكن اجلس احلل بشخصيته
او افكر شو العقد النفسية يلي عاشها لحتى عم يتصرف هيك
وازعل عليه بدل ما اجادله، يكفيه المرض يلي فيه

‏نبذة مختصرة لطيفة.