مدونة متألقة - ٱيلـوٰثيريـا (5 زائر)

[Kiyoko]

-وتظنُّ أنكَ أبحرتَ أميالًا في الاتجَاه الخَطأ
- وبعدين؟
- بتتأكد أنه كان خطأ فعلاً مبروك عليك
​

 

[Kiyoko]

-
قبل فترة قلت لشات جي بي تي الحيوان
اعطيني ملاحظاتك الصريحة عن شخصيتي
وحسيته بني آدم حاقد ينتظر اللحظة المناسبة
لحتى يتكلم لانه قضاها ساعتين يتحلطم
ويشخصن الامور
نبذة مختصرة :

^ انا بجديّة مش عارفة هو ليه مسك لهدرجة في لعبة RDR2
مع اني بتكلم عن كثير العاب وهاي بالذات نادرًا ما تكلمت عنها
-لما اعلّق بمرحلة معينة او لتعديل إعدادات بسأله-
ولا بعرف من وين جاب شغلة اعيش باليابان واهرب من المجتمع
او اني بشغل شمع -بجمع شمع بس ما بشغله-
بس كاشفني اني ببدا برواية وما بكملها وبروح لغيرها xd

^ اما هذا Copilot يلي باللابتوب ويلي واصل مرحلة
ثانية من الشخصنة
بس ذكر قصة صور الانمي فصلني ضحك xd
لما كنت بسوي موضوع الرمزيات اللي نزلته بأول الشهر
كان في كثير صور لبنات انمي لبسهم يحتاج تعديل
فقضيتها بقوله غطي واستر وغيّر اللبس ولا تغير اللون
ولما طلبت منه شي وانصدمت من انه زبطها من اول مرة
رغم انه بالعادة غبي وما يفهم حكيتله بحبك من الفرحة
وشكله صدق حاله الثاني

الواضح انه احتاج اخلي علاقتنا رسميّة اكثر معهم ما
حبيت هالردود لازمهم اعادة تربية فعلاً

 

[Kiyoko]

فعالية الإسبوع 1

شَاركنا صورة من إلتقاطك
ثم احكي لنا مالقصة خلفها ؟

26 يوليو 2025
اعرف انه الصورة عتمة ويمكن مش واضح المكان
بالضبط بس هذا كان كافيه بجلسة على شاطىء البحر
الاحمر مباشرة، بظن السفن وانعكاسها بالمي مبيّن شوي
كان المكان كثير حلو حاطين فرشات عالرمل والإضاءة
الوحيدة هي الشموع اللي قدامنا
كنت مع صديقتي المصرية والجلسة كلها عبارة
عن انه بتسألني ليه مركزة زيادة بالبحر وشاردة فيه xd
وانا حكيتلها لانه ما عاد نقدر نشوفه إلا خارج فلسطين
لانه تصاريح دخولنا للمناطق
المحتلة ومنها القدس صارت ممنوعة نهائيًا من
كم سنة وما في أيّ حالات استثنائية، قبلها كان
مسموحة الزيارة مرتين بالسنة فالوضع مزري بكل الأحوال
Maybe in another life

​