مدونة مميزة - ٱيلـوٰثيريـا (4 زائر)

[وتِين]

-
وَهَبْ لِيَ الثّقة لِأُقِرّ مَعَهَا بِأَنّ قَضَاءَكَ لَمْ يَجْرِ إِلّا بِالْخِيَرَةِ.​

 

[وتِين]

"إنَّ للشدّةِ مُدّة. ثُمّ يلقى المرءُ سَعْدَه"​

 

[وتِين]

-
بعد تجربة ببجي ستيم صرت ادعم اكثر نظرية ان
البنت مكانها المطبخ، كيف يعني بدي احفظ عشرين زرّ بالكيبورد
مشان اعرف اتحرك؟
تأكدت لي كمان نظرية إن اللي ما يعرف لالعاب الموبايل
كائن فضائي لأن كيف عقلك يستوعب استخدام
كمية الازرار هاي بوقت واحد بس ما تعرف تتحرك بلمس الشاشة؟
برفقة القناصة المحترفة @D A Я K

وكمان فزنا ما ادري كيف، كمية اعاقة لا نهائية بالتحكم
^ كلها اجتهادات دارك XD
لسا افضل الموبايل بس كانت تجربة حلوة، الطف من العاب
الرعب اللي دائمًا دولور لاحقتنا فيهم
-المشروع الجاي نتعلم داما او شطرنج- ​

 

[وتِين]

-
‏"أحبُ وصفَ العُمر بأنَّه يتسَاقط لا أنَّه يمضِي، نحنُ نَموتُ كلَّ يومٍ بالتَّدريجِ؛ نُدفن دهشةً في مَقبرةِ الاعتيادِ، نفقدُ وهجَ الأشياءِ فِي زحَامِ التَّمنِّي، نودِّع مَعنى لطالمَا رافقنا؛ حتَّى تَأتِي لحظةُ الرَّحيلِ الأخيرِ لتَجعلَ الأمرَ رسميًّا وعَلنيًّا للمرَّةِ الأولى"​

 

[وتِين]

-
“لا يتأكد لدي شيءٌ كلما تقدمتُ في العمر إلا عجزي ومحدوديتي،
أنا كأيّ إنسان لا أملك إلا أن أتلقى أقداري، أسعى محاولًا الفهم
تارةً وتارةً استسلم في صمت، في كلّ الأحوال، فهمت أم لم أفهم،
ليس لي إلا القبول، والقبول معينٌ على الصبر، والصبر يفضي إلى
الرضا، والرضا لا يتعارض مع الأمل في تغيير الوضع، لا يرضى أحدٌ
بالبلاءِ نفسِهِ وإنما يرضى بوضعٍ ربما كان من الممكن أن يسوءَ أكثر،
ودائمًا هناك ما هو أسوأ، فيتكلف أحدهم الحمد وهو لا يعلمُ أنَّ ما
هو فيه من البلاء محاطٌ بلطف الله ورحمته، فإن كنتَ في بلاءٍ فضعه
في حجمِهِ وستجدهُ برحمةِ اللهِ أفضل من ظنّكَ، وإن كنتَ في نعمةٍ
فضعها في حجمها وستجدها بفضل الله أعظم من أن تستطيع أن
تؤدي شكرها، في كلّ وقتٍ تطغى نعمُ اللهِ على ما سواها ولكنَّ
الإنسان لا يرى إلا ما ينقصه. أنتَ محدود مهما أوتيت من قوة، ليس
لك من الأمر شيء مهما سعيت، ولا يملك لك نفعًا ولا ضرًا إلا الله،
فاستعن به وتوكل عليه واحمده على عظيم فضله.”​

 

[وتِين]

-
رحت ع صلاة العيد بالمسجد اللي قريب منا
وهو اكبر واحلى مسجد بالمدينة لهيك عطول يكون ازمة
وتلاقي فيه ناس بيوتهم بآخر الدنيا، طبعًا انا مين لقيت؟
لقيت بنت كنت ادرس معها بالثانوية وعرفنا بعض
وسلمنا بنفس الوقت وهي لطيفة ما عندي مشكلة معها
بعد بشوي طلعوا بوجهي بنتين توأم درست معهم في الابتدائي
وفي الثانوي وفي الجامعة اول سنة، لفيت بسرعة كان بدي
انزل بس شافوني واجو سلّموا وانا عملت حالي منصدمة بشوفتهم
في المنطقة وإلا وحدة منهم بتحكيلي عنا جروب واتس مجتمعين فيه
لليوم بنات المدرسة هاتي رقمك اضيفك عليه حكتلها
اكيد اكيد سجلي عندك.. < اعطيتها رقم خطأ غيرت آخر خانة
منه وهربت قبل ما تطلعلي كمان وحدة بالمكان
عمومًا كل عام والجميع بخير بس من بعيد لبعيد لا تحكولي
جروبات وطلعات فكّوا عني
لا سألوا كمان عن موقع بيتنا الجديد حكتلهم بالشارع اللي ورا
المسجد واحنا في الجهة المعاكسة XD
​

 

[وتِين]

​

امتحانات فصلية و أخرى وزارية ! هل يعيدك موسم الامتحانات لسنوات مدرستك ؟
شاركنا قصة لك في إحدى أطوار دراستك​

-
في الصف الحادي عشر - اول ثانوي - وفي مدرسة اسمها
"الشرعيّة" بس كل اللي كان يصير فيها ما يقرب لاسمها

درست هناك عدة سنين بس صف عاشر طلعت لمدرسة ثانية
وما حبيتها ف بصف 11 رجعت للشرعيّة
كل كلشي تمام ومر شهرين وما في شي نهائيًا، لحد موعد اول يوم
امتحانات شهرية وحدة من البنات نادتني تحكي معي بعد
ما خلصنا تقديم الامتحان وكان معها بنتين سجلوا بالمدرسة
بالسنة يلي انا كنت فيها برا ف ما بعرفهم ولا بعرفوني
مدة معرفتنا بس الشهرين اللي مروا
صارت تقول انه واصلها كلام إني كنت بتكلم عنها بشكل سيء
واخرب سمعتها خلال السنة يلي طلعت فيها للمدرسة الثانية
مع الاختين الحارسات اللي وافقات بصفها ويأكدوا ع كلامها
-وهم ما بعرفوني للتذكير كمان مرة-
غير اني خلال السنة ذيك ما كنت بتعامل مع اي بنات غير
ثنتين مقربات مني اعرفهم من زمان كثير - يعني صداقات
وجلسات فيها كلام مع بنات المدرسة الجديدة = صفر

المهم بعدها صارت اصواتنا عالية واجو المعلمات والمديرة
وقتها المديرة سألت شو صار وهذيك حكتلها اني
كنت بشوّه سمعتها والمديرة قلبت عليّ قبل ما تسمع مني
وقالت جملة "لو سألت بهذيك المدرسة وطلع كلامها صح
جهزي حالك لانه تاخذي فصل نهائي من المدرسة "
حكتلها اتصلي ع مين ما بدك واتحدى والله لو تسمعي كلمة
من اي وحدة هناك عني اني جبت سيرة هالبنت

بالنهاية مرت الامتحانات بأسوأ شكل ممكن وبعلامات مثل
وجه المديرة، بعد نهاية آخر يوم امتحانات اجت البنت وشلتها
يعتذروا مني وقالت انه حد وصل لها هالكلام بعدين عرفت
انه كان كذب، اما عن المديرة؟ ما رجعت حكت معي بعدها
ولا انها حتى تعتذر عالبجاحة اللي كانت فيها

بعد التخرج من المدرسة ب 3 سنين او سنتين
صادفتني المديرة في الشارع واحكيها بدون مبالغة
والله قالت اهلين فاطمة شو عاملة؟ ومدت ايدها تسلم
انا وقفت جزء من الثانية بس اعطيتها نظرة قرف وخليت ايدها
معلقة بالهوا وكملت طريقي
ولو ارجع اقابلها مرة ثانية رح احكيلها اني ما سامحتها
فعليًا كلهم ما سامحتهم اللي كانوا رح يتسببوا بفصلي
من المدرسة قبل آخر سنة ويخربوا حياتي

المختصر من القصة : ما عندي مكارم اخلاق اتعامل فيها
مع احد تعامل معي بوقاحة بغض النظر هو بعمري او اكبر
مني، مثل ما اشوف منك تشوف مني وكثّر الف خيري لو
ما كان اللي حتشوفه مني اسوأ كمان.​

 

[وتِين]

“أريدُ أن أبدأ من حيثُ انتَهيت، أسيرُ مُعتدلاً كأني
لم أتعرَّض إلى أيّ إصابةٍ من قبل، أنظُر إلى الأشياءِ
التي لم تعُد لي ولا أريدُ استعَادتها، أتفقّد ماضيّ دُونَ
أن يرِفّ جِفني أو يحنّ قلبي، أو يتحرّكَ شعورٌ قد سكَن.
أريدُ أن أنهَض بالمحَبة لا بالغضب، بالأملِ لا باليأسِ،
خاليًا من أيّ ضَغينةٍ ، وداعيًا إلى كل فضيلةٍ ، أبحَثُ
عن السكينةِ في الأرجاء ؛ لأعودَ بكاملِ سَكينتي إلى
اللحظة الراهنة”