RO-CHAN

أسماء المستخدمين السابقة

جار التحميل…

RO-CHAN قال:

وعليكم السلام ورحمة الله وبركاته ~

يا ويلي عليكِ يا جنىٓ على هالموضوع اللي طرحتي ~ قنبلة وفجرتيها
هلأ خلينا متفقين من الأول أني أكيد ضد أنه البنت تهرب من أهلها بس ~
أنا فهمت الحالات اللي أنتِ بتحكي عنها بس كلامك كان في تعميم وكان في خلط بكلام مش كتير صح وإطلاق أحكام أنا ضدها ~

راح أبدأ بوجهة نظري ~ مين فينا ما فكرت بموضوع تهرب من أهلها بينها وبين نفسها ! خاصة في فترة المراهقة !!
وشو السبب ؟ الأهل وضغطهم وتعاملهم الغلط مع المرحلة اللي بنمر فيها
الحمد لله أنا ما كنت بمجتمع في قيود كتير وبعتبر حالي أخذت حقوقي كاملة وما انظلمت من أهلي ~ حتى مرات بحس كنت ماخدة حرية ومساحة أكثر من أخواني الشباب ~ طبعا كله بنطاق وحدود الدين
بس هاد ما بينفي أنه غيري بعاني و بتديق عليه
أنا بشوف المشكلة بالأهل ~ الضغط الزائد هو اللي يوصل لهاي المراحل ~ ومش شرط عنف جسدي ~ في عنف نفسي ولفظي هاد أسوء بكتير على فكرة ~ أنا ما بقدر أجي أحاسب مراهقة عمرها ١٤ و١٥ وحتى ١٨ وأترك الأهل اللي هما أساس المشكلة ~ ما بقدر أقنعها وأأثر عليها بالقيم الدينية خاصة إذا ما اتربت عليها أصلا ~ لأنه للأسف بنسبة 75% إذا مش أكثر إحنا بتربى على عيب أكتر من حلال وحرام ~ وحتى الحلال والحرام بنعطيه من غير ما نوضح أسباب وطبعاً هاد كله من قصر الفهم للدين والاعتماد عالترهيب اللي في أحيان كتير بوصل للتكريه بالدين ~

اعتراضي على كلامك في نقطتين أكثر شي
الأولى ~ كلمة عاهرة أنا كمان برفضها لأنك عممتيها حتى لو بدون قصد ممكن تكوني ظلمتي لو وحدة من مليون حالة ~
التاني موضوع الصبر ~ مش دايماً الصبر هو الحل المشاكل ~ ربنا ما بيرضى بالظلم ~ أنا لما يكون عندي طريقة أرفع الظلم عن نفسي لازم أعملها ~ لأنه النفس أمانة كمان بتحاسب عليها ~ وفي مرات العنف والأذى ممكن يوصلوا لأزهاق النفس ~ هل مفروض علينا نصبر لنوصل لهون ! إكيد لأ

برجع بقول أنا مش الهروب إلا لو كان أخر حل لمنع ضرر أكبر بس مش مع أني أقعد وأستنى الفرج ~ لأ بضل أحاول طالما أنا ما بعمل شي بغضب ربي الباقي ما بهم ~ وزي ما في بر الوالدين ~ في بر للأولاد كمان ~ وكلكم راعٍ ومسؤول عن رعيته ~ أساس القضية الأسرة مش البنت

تقبلي مروري ودمتِ في حفظ الله ورعايته

أنقر للتوسيع...