مدونة متألقة Philosophy of Mind (5 زائر)

[The Darkness]

والحين قررت أستعرض معكم المشاركات اللي وصلتني بالخاص بس للأسف كانوا 2 بس
خلاص بطلنا نسوي لكم فعاليات .. لازم نعاقبكم غس1
وطبعا مثل ما قلت فأول 3 مشاركات راح أبدي رايي في كل صورة إضافة للـ 20 تون
ومعنا أول المشاركين ونقول ألو : @B A T M A N

- صورة للغيوم
[ هـــنـــا ]
المنظر بروحة عجيب ياخي لردجة انصدمت انه بالسعودية صراحة
بس تذكرت انك تدر بإيرلندا .. المنظر بروحة كأنه من أنمي ياخي ما شاء الله
والمنزل اللي على ضفة النهر شكله غير مسكون إلا إذا انت صدمتني وقلت انه مسكون فها شيء ثاني
بالنسبة للغيوم فحلو بروز الشمس بينهم وتخلخل ضوئها ويكفي الطبيعة اللي معطي جمال للصورة
ترا أنا من النوع اللي يحب الطبيعة وايد فهاي الصور تعجبني وادي

- صورة لشيء لونه أحمر
[ هـــنـــا ]
ما توقعتك بتصور وردة > ليش شو شايفنه يعني
حبيت الصورة وذكرتني بسفرتي لماليزيا لأن فيها صورت وايد ورود بألوان مختلفة
أحلى شيء قطرات الندى اللي على الوردة وما أنسى ان درجة لون الوردة حلو

- صورة لمشروب تحبون تشربونه [ بارد أو حار ]
[ هـــنـــا ]
نيرو كافيه أظن سرت له مرتين يمكن أو 3 بس وما عرفت شو أطلب منه
هذيلا اللي عندك شكلهم ما يعرفون يرسمون على الكوب
فقالوا دامه ولد ما بيقول شيء فنسويله شكبة عنكبوت وخلاص
بالعادة الكافيهات يتفننون بالرسم إلا في حال حطوا رغوة فانيلا وفوقها صوص الكارميل
هنا عاد ماشي رسم وغيره .. صح شو اسم المشروب ؟

- صورة لشيء يحتوي على شكل دائري أو هو بنفسه شكله دائري
[ هـــنـــا ]
يووووووووووووه الله يسامحك ياخي اشتهيت برغر الحين
اللي قريبين من بيتنا ما يضبطون البرغر عدل وأمس راجع من رأس الخيمة [ المدينة ]
والمشكلة ما اشتهيت آكل فاست فود وقتها والحين من شفت البرغر اشتهيت
وخاصة الصوص والجبن السايح على الدجاج المقرمش
الدجاج يذكرني بدجاج كنتاكي ياخي .. آخ بس لو يوصلون لعندنا بس
شكلي بجرب برغرات اللي عندنا يمكن ضبطوها بفترة انقطاعي عنهم > يا واثق

- صورة صورتها وعجبتك
[ هـــنـــا ]
ياخي الطبيعة عندكم عجيبة بإيرلندا .. بجي عندك بس تعزمني على كل مكان بحسابك
هاي بحيرة صح ؟ تذكرت الأنميات اللي يقولون لو اثنين يحبون بعض ركبوا قارب ببحيرة
فحبهم بيدوم للأبد بس المشكلة القارب اللي مصورنه كله شباب فما ينفع لهم المثل
عاد السمك اللي بالبحيرة شيء ثاني .. يبالك تركب القارب ومعك صنارة الصيد وتجرب حظك
ها طبعا إذا ما كان ممنوع يعني لأن الأغلبية يمنعون الصيد في البحيرات

يعطيك العافية مهدي على المشاركة الحلوة وصراحة حبيت تصويرك ونتريا موضوع تصوير منك
طبعا أنا أبدي رايي في الصور واللي يبا يبدي رايه فيروح لملفه تراه يحب كثرة التنبيهات

 

[The Darkness]

يعطيك العافية مهدي على مشاركتك معنا والحين ننطلق للمشترك الثاني
ونقول الوووو : @SAIRYU

- صورة للغيوم
[ هـــنـــا ]
ها مشهد من فيلم ولا تصويرج ؟ اعترفي عادي ما بسوي فيج شيء
ما شاء الله حبيت اللقطة وااااااااااايد والظاهر هاليوم طاحت عليكم أمطار من الشكل واضح
واللي على الأرض ثلك ولا رمل أبيض ولا شو بالضبط
لو ثلج فغش أنا أبا الثلج يطيح عندنا بعد مو بس انتوا
يمكن دقيقة كاملة وأنا أتأمل الصور من جمالها ياخي

- صورة لشيء لونه أحمر
[ هـــنـــا ]
يا عمري على الكيووووووووت
ها ولد صح ؟ ربي يحفظه من كل شر ويرزقه طولة العمر
أحلى منج يالخايسة > طير بس
لبسه جنه سوبرمان لأنه أحمر على أزرق

- صورة لمشروب تحبون تشربونه [ بارد أو حار ]
[ هـــنـــا ]
ما شاء الله على المشروبات اللي تفتح النفس
أهم شيء أنواع حليب الكاكاو [ الشوكولا ] اللي عندج وكلهم أعرفهم طبعا
ولأنهم أكثر من البقية فالظاهر هي مشروبج المفضل
لفت انتباهي الكوفي المعلب وخاصة البني لأنه يشبه العلب اللي بالانمي
العلبة البنية كوفي بعد صح ولا شيء ثاني ؟
وشو رايج بطعم الكوفي المعلب دام انج تشربينه يعني

- صورة لشيء يحتوي على شكل دائري أو هو بنفسه شكله دائري
[ هـــنـــا ]
انتي ومهدي شو قصتكم مع الأكل الدائري
المرة بهتار شكل مربع الظاهر عشان ما تصورون لي أكل يشهي
ذكرتني بالكندر بسبب اللون النب والأبيض .. خاطري أجرب الطعم ياخي
بعطيج العنوان مالي وارسليها بالبريد السريع للإمارات لو سمحتي
هاي كيكة ولا حلا من نوع ثاني وصنع منزلي ولا لا ؟

- صورة صورتها وعجبتك
[ هـــنـــا ]
الله موفي تايم .. يسعدلي جوج ياخي
أنا كل مرة أقول بسوي جيه بس بالنهاية أتح اللاب وأطالع ومع السلامة .. لا أكل ولا شيء
إلا مرات أجيب ديو أو بيبسي وأقعد أشربها وما أقدر أخلصها إلا بعد ساعات
حتى انها تصير حارة بعد لأني مرات أنساها من كثر ما مندمج
تعرفين شو أكثر شيء لفت انتباهي .. الله يسامحج بس
اسم حب دوار الشمس اللي تاكلونه
بس الصورة ككل حلوة وما ألوم الخايسة يوم مدحتها لج

وبالنهاية نقول يعطيج العافية خيسونة على مشاركتج الحلوة معنا
حبيت تصويرج انتي بعد ويبالج تسوين موضوع مشترك مع الأخ اللي منشنته فوق
واكتبوا بالمقدمة لعيون ماجيكال لأنه اللي اقترح علينا هالشيء بعد مشاركتنا في تحديه اللي بمدونته
واللي عنده تعليق أو كلام ع تصوير سايو فيتوكل لملفها تراه هي الثانية بعد تحب التنبيهات

 

[The Darkness]

نشكر سايو على مشاركتها اللطيفة معنا وننتقل الحين للمشترك الثالث
ونقول الوووووو : @HIKAYAMI

- صورة للغيوم
[ هـــنـــا ]
الله على شكل الغيوم بس ياخي
توزيعها بالسما سبحان الله بس كيف معطي جمال للمنظر
بالنسبة للعجلة الدوارة اللي بالصورة فأظن ركبت وحدة مثلها أو اثنين يمكن بس ما كانت مرتفعة وايد
أبي أجرب أركبها ع وقت الغروب ها لو كان المنظر اللي بيطلع لي حلو يعني

- صورة لشيء لونه أحمر
[ هـــنـــا ]
واو هاي تجربة بمختبر عليمي ولا إضاءة عادية بس ؟
حبيت الصورة وبساطتها .. وكأني أشوف كراسات وكتب ورا ولا يتهيأ لي يعني

- صورة لمشروب تحبون تشربونه [ بارد أو حار ]
[ هـــنـــا ]
اعترفي انتي مشروبج العصير ولا البيبسي ؟
احساسي يقول البيبسي لأنج مو صحية مثلي > خف علينا يالصحي بس
الفوشار شكله لذيذ نحن مرات يوم نطلب نخليهم يسوون لنا مثل الطبقات
مرة فوشار بالملح وفوقه بالزبدة ويرجع يحط بالمملح وجيه لين يمتلئ الكرتون
مرات نسوي مال الجبن بس أحس مرات ملوحته تكون زايدة ومرات لا يعني ما تعرف لهم كيف يسوونه

- صورة لشيء يحتوي على شكل دائري أو هو بنفسه شكله دائري
[ هـــنـــا ]
الله على الفوانسي الدائرية بس ذكرتني بالمهرجانات اليابانية والصينية بعد
وبالذات ذكرني بفيلم مولان لو تعرفيها يعني .. بس أظن تعرفيها فأحس السؤال غبي
ها مطعم صيني صح ؟
أظن مرة كليت من مطعم صيني وطلبت شيء مثل الباستا .. نسيت شو يسمونها
وطلبتها باللحم وعاد صراحة ما قدرت أكلها بالمرة لأن اللهم مرررررة طري ولا كأنه لحم حتى
وطعمه أبدا ما عجبني ووقتها كاره نفسي لأني ماحب التبذير بالأكل خاصة

- صورة صورتها وعجبتك
[ هـــنـــا ]
هالصورة عجيبة وتذكرني بالمنازل الأوروبية اللي تكون ع الجبال وجيه
لأنهم يكونون مخالطين للطبيعة وفي انميات بعد مرت علي فيها بيوت قريب من هالشكل
يعني صراحة صراحة من أول نظرة تقول انها رسمة مو صورة
ما ألومج يوم حبيتي الصورة صراحة

خلاص انتي نزلي موضوع لكن مو مع الخايسين اللي فوق نباج مع مشتركين ثانين
^ على كيفه يوزع الناس ويقولهم يسوون مواضيع
يعطيج العافية على مشاركتج الحلوة بفعاليتي
واللي بيعلق فحالها من حال اللي فوق سيروا ازعجوها بالتنبيهات وما راح تقصر معكم وراح ترد عليكم

​

 

[The Darkness]

يعطيج العافية هيكايامي على المشاركة الحلوة معنا وبما ان المشاركين قليلين
وفيني طاقة للتعليق والكتابة فراح نستقبل مشترك آخر
ونقول الووووو : @A S T E R ~

- صورة للغيوم
[ هـــنـــا ]
الله على المنظر بس يا فتاة
الحين ها منظر شروق ولا غروب ؟ لأني بدأت أشك من هالناحية وخاصة من بعد ما طلعت البحر
مرات الإضاءة اللي متعود عليها تكون بالغروب تنصدم وتشوفها بالشروق والعكس
الغيوم لاعب فيها الهوا بهاي الصورة والسبب انها مو متجمعة بل طايرين بعيد عن بعض

- صورة لشيء لونه أحمر
[ هـــنـــا ]
يا عيني .. أحمر×3
كوب على سيارة على قلب .. كل شيء أحمر بالصورة
ها كوب كوفي ولا مشروب حار غير الكوفي ؟
لأن المشروبات البارد مستحيل يحطوها بمثل هاي الاكواب

- صورة لمشروب تحبون تشربونه [ بارد أو حار ]
[ هـــنـــا ] و [ هـــنـــا ]
الصورة الأولى من كلام أستر فهو شاي قيد التحضير ومافي صورة لما بعد التحضير
عاد ما ألومكم لو قلتوا انها خربته أو طاح عنها بس ما تبا تعترف لأني أنا مثلكم أشك بالوضع > طير
بس صراحة ذكرتني الصورة بأيام الشواء بفصل الشتاء واللي ما عشتها هالسنة بسبب الشغل
أما الصورة الثانية فهاي بلاك كوفي بسكر ولا بدون ؟ ولا هاي مو بلاك أصلا بس شكلها خداع يعني
أنا مدمن كوفي صراحة بس هالفترة صرت مخفف منها لأني ما صرت أطلع وايد إلا إذا في مشوار ضروري

- صورة لشيء يحتوي على شكل دائري أو هو بنفسه شكله دائري
[ هـــنـــا ] و [ هـــنـــا ]
الوافلز ألذ لا تحاولين > محد يحاول يعصب في أستر هنا
أمزح أمزح الاثنين يفتحون النفس صراحة
بالنسبة للوافلز فجربته مرة أظن وكان من محل ماذكر اسمه وما عجبني وقتها
بس بعدين قالوا لي انت غلطان يوم طالب من هنا .. في محل يضبطه عدل
ومن يومها للحين ما جربته مرة ثانية
بالنسبة للصورة الثانية فهاي كيكة ولا دونات الحين ؟
ما ينفع تخدعينا وتقولين كيكة وبالاخيرة تطلح دونات أو العكس .. يلا اعترفي

- صورة صورتها وعجبتك
[ هـــنـــا ] و [ هـــنـــا ]
ما شاء الله على الكتاكيت ربي يحفظهم ويحميهم من كل شر
الولد جالس مؤدب ياخي لا يكون مخوفتنه وانتي تصورينه .. اعترفي
البنوتة ضحكتها بسم الله ما شاء الله ترد الروح ربي يحفظها
منو فيهم الأكبر ومنو الأصغر ؟

ومن هنا نقدر نقولج نزلي موضوع صور مع هيكايامي لأنه نخاف ع الصغار ينزلون مواضيع بروحهم
^ يا رب ما ينذبح اليوم بس
ويعطيج العافية على المشاركة الحلوة وحبيت صورج وذوقج بالتصوير
ومثل ما قلت للي فوق وأعيد وأكرر روحوا لملفها للي يبي يعلق لأنها من ضمنهم ترا من ناحية التنبيهات

​

 

[The Darkness]

تخيلوا معي الموقف التالي وشو شعوركم وردة فعلكم لو كنتوا مكاني
من يوم الأحد بدأت أسوي رياضة الصبح ومرات الساعة 7 ومرات 8 على حسب الجو ووقت صحياني
عاد اليوم صحيت 7 تقريبا وبدأت أتجهز عشان بسوي رياضة وجيه كالعادة يعني
وفجأة يرن جوالي الساعة 7:20 أظن تقريبا مو متذكر بالضبط ولا أشوف انه من واحد من اللي بالدوام
عاد أنا إجازة أسبوع ومن شفت الاتصال بدأ ابليس يلعب براسي .. أقول هذيلا الحين شو يبون من صباح الله خير
قلت لا يكون يبوني أسير الدوام الحين أو يبوني اداوم بالويكند
عاد هنا سحبت على ام الاتصال بعد
قلت الوقت صباح أكيد اللي بإجازة بيكون نايم وقتها فخلني أقوم أسوي رياضة أحسن لي
وطلعت برا البيت الساعة 7:40 تقريبا وبدأت مشي سريع لمدة 30 دقيقة
وبعدها رجعت البيت وسويت تمارين مختلفة وعلى الساعة 8:30 تقريبا خلصت وبعدها لازم ناخذ شاور
ومن بعد الشاور انسدحت وقلت ادخل التون آخذ لي لفة وشفت تنبيهات وانتبهت ان نهدي داخل الليل
فقلت مليون بالمية انه هو سبب التنبيهات وطلع حدسي صح سبحان الله
المهم بعد ما خذيت كذا لفت رجعت كملت Boku no Hero Academia الجزء الاول وتابعت لي حلقتين
وفجأة ينفتح باب غرفتي واشوف بنت اخوي فجر يايبة لي اخوها الصغير ويطالعني ويضحك
دوم يجيبونه عندي وما يخليني اتابع شيء أو ألعب على اللاب
المشكلة اني أعشق هالفار الصغير وخاصة يوم يضحك عاد هنا ماقدر أقول شيء
وبعدها يوم قربت الساعة تصير 12 قلت بتصل على اللي اتصل علي الصباح وأشوف شو يبا
^ بعد ما خذيت راحتي شوية الصبح فعادي مستعد للصدمات
والحمد لله محد رد علي ورجعت اكمل الانمي مالي ولا يدخل علي ولد اخوي اقين والضحكة ع ويهه
والحين هو معي ويسلم عليكم ويقولكم خشمكم يالخايسين

​

 

[The Darkness]

أمس خلصت الجزء الأول من أنمي Boku no Hero Academia وبدأت الحين بالجزء الثاني

وطبعا اللي جذبني له شيء واحد وهو انه قريب من One Piece بحيث ان فيه قدرات وآكشن
بس الطابع الكوميدي فيه ما يوصل أكيد لمستوى ون بيس وبالذات لوف
سير الاحداث بالانمي حلو يعني البطل بدايته بدون قوة وبعدها يمتلك قوة كبيرة لدرجة ان جسمه ما يتحملها
وما يقدر يقول لاحد من وين حصل عليها أو كيف اكتسبها والرسم بعد حلو
والتحريك لا تعليق عليه ما تحس بملل أبدا منه والحلو ان الاحداث ما تطول وايد
والحلو انه يتكلم عن حياة مدرسية بعد لأني أحب هالتصنيف بس لو يكون في رومانسية خفيفة بس
وقتها بيكون عجيب صراحة لانه بيكون في تنويع مو كله اكشن بس بعده الانمي عجيب
في شخصية ضحكتني صراحة وهي لبنت قدرتها التخفي والظاهر اصلا انها ما تقدر تكون مرئية
فيعرفوها من لبسها يعني تخيلوا تشوفوا بنطلون وقميص يتحركون بالهواء
ففي حلقة كانت لابسة حذاء وقفاز بس وفجأة قالت للي معها بالفريق راح أشيل القفازات والحذاء
عشان ما ينتبه علي الخصم بس لا تشوفني .. بالله انتي مخفية ومستحيل تصيرين مرئية
فشو بيطالع فيج يعني بالعقل .. قتلتني ضحك يوم قالت له
الانمي فيه لقطات درامية خفيفة بعد بس ما تستاهل انه ينضاف تصنيف دراما للانمي لانها مو واضحة وايد
من الآخر الانمي عجيب والظاهر الاجزاء القادمة بتكون حمااااااس خاصة لو اتقن ديكو قدرته
وتقييمي لهذا الجزء هو 8\10

​

 

[The Darkness]

أمس على أساس رايح الدوام وطلعت من البيت تقريبا الساعة 5:40 العصر
والمشوار يباله من ساعة ونص لـ ساعتين بالسيارة وعاد أنا عاي جوي وقايل بوصل هناك وبتعشى مع الشباب
ما يحتاج أجيب عشى أو أوقف مكان وأضيع وقت على الفاضي
ومن قربت من الدوام وباجي لي حوالي 15 دقيقة وأوصل إلا يوصلني اتصال
يقول لي انت وينك قلت له قريب من الدوام بس باجي لي ربع ساعة وأوصل
قال لي منو قالك تروح الدوام أصلا .. عاد ردة فعلي كانت جيه وقتها
قلت له إجازتي كانت أسبوع فالأكيد ان باجر دوام عشان جيه تحركت وخاصاة ان الحجر يبدأ الساعة 8 العشا
قال لي مو على كيفك باجر دوام .. يلا ارجع بيتك وتعال داوم الثلاثاء
أنا عاد وقتها قلبي طاح من مكانه .. مادري أفرح ولا أتحسف على الساعة ونص اللي قطعتها والمسافة
يعني إذا في تمديد بالإجازة خبروني من قبل مو يوم أنا قربت من الدوام يعني
عاد باجي على حظر التجول 30 دقيقة ولين أوصل البيت يبالي ساعة و 30 دقيقة
توكلت ورجعت البيت وشكيت همي للي كانوا معي بمشواري وطبعا لانهم خايسين قعدوا يضحكوا علي
عاد وأنا راجع البيت قاعد أدعي يا رب محد يوقفني ويسألني وين رايح بوقت الحظر
والحمد لله ما وقفوني المرور إلا مرتين والحمد لله ما صار شيء ورجعت البيت بكل سلام
بس تعبت من المشوار .. قرابة 3 ساعات ونص وأنا أسوق بدون توقف رو
قلبي الصغير لا يتحمل .. المفروض يعوضوني الحين بإجازة مدتها أسبوع

​

 

[The Darkness]

#فعالية الأسبوع

حلوة الفعالية صراحة وخاصة ان رمضان هالسنة مختلف عن السنوات اللي قبل بسبب فيروس كورونا
بداية ها ثاني رمضان لي وأنا بالخدمة وإن شاء الله الأخير لأني إن شاء الله بخلص خدمتي بعد رمضان
روتيني العادي برمضان يكون عادة نوم بالنهار ومرات أقرأ قرآن أو أتابع أنمي
لأن اللي أكون مع الأهل يا نطلع برا نتمشى بالسيارة أو نجلس ونسولف ونلعب ونطالع نلفزيون
بس هالسنة الروتين بيتغير شوية وخاصة من بعد الفطور مع حظر التجول الموجود عندنا
أنا هالفترة صاير أصحى الصبح ومن أصحى متعود أسوي رياضة أو على الأقل مشي
لكن برمضان ما راح أسوي رياضة الصبح عشان ما أتعب نفسي من بداية اليوم وأنا صايم
فاحتمال تكون بدايو يومي على اللاب واطالع أنمي أو أدخل التون وأقعد أتصفح بدون هدف
أو بقرأ لي ما تيسر لي من القرآن وبحاول هالسنة أختمه مرتين إن شاء الله ولأني ماحب أقرأ بسرعة
فبحاول آخذ راحتي فيه لأنه أصلا مو زين الاستعجال بقراءة القرآن لأنه بالنهاية مو سباق هو
وراح أطل على الوالدة من فترة لفترة بالمطبخ لأنها عادة تقعد تسوي الفطور من الظهر فبقعد معها
وأشوف إذا تحتاج شيء وكالعادة بسولف معها وجيه عشان نقضي الوقت بدل ما تكون تطبخ طول الوقت
وبعد الفطور إن شاء الله بطلع أسوي رياضة خفيفة وها راح أعتمده يوميا إن شاء الله إلا إذا صار شيء
وخلاني أغير أو أوقف كذا يوم ها والله أعلم لأنه محد يدري شو اللي تخبيه لنا الأيام
وبعدها قعدة مع الأهل بالحوش وسوالف وأكل حلويات المصنوعة منزليا طبعا
ومتابعة انمي وغيره من الأمور التقليدية واللي بيسأل عن الفرق بين هالروتين وروتين السنوات الماضية
ترا بالعادة من بعد الفطور أطلع بالسيارة أنا وأختي ومرات تطلع معنا بنت خالتي ونقعد لين 12 فليل
نسير نشرب كوفي وغيره بس الحين مع الحجر فماشي طلعة من البيت فلازم نغير الروتين شوية
وإن شاء الله يكون رمضان هالسنة حلو شرات الأعوام اللي قبل أو أحسن
وما يكون للكورونا أثر عليه لأنه بالنهاية هو شهر عبادة والأجر فيه أجر عبادة مو لعب وطلعات
وكل عام وانتوا بخير ورمضان كريم للجميع

​

 

[The Darkness]

روتيني اليوم اختبص فوق تحت للأسف الشديد يعني
ع أساس بقوم الصبح وأقرأ لي قرآن وجيه وبالأخير صحيت صليت الفجر وبعدها رجعت لفراشي
وتعاجزت أقوم لين الساعة 11 تقريبا ومن نشيت رحت المطبخ وقعدت مع الوالدة
يعني زين مني سويت شيء من الروتين اللي حاطنه في بالي
وبعدها رحت ع اللاب أتابع كم حلقة ومن بعدها بدأت أحس بصداااااااع خايس وخاصة عند العين
ما قدرت أتحمله أبدا ووقتها كان معي ولد أخوي الصغير والكل منشغل عنه ><
عاد الحين أنا شسوي فيه وأنا أبي أريح راسي وأغمض عيني لأني اكتشفت انه من أغمض عيني وأشيل النظارة
يخف الصداع شوية لكن من أفتح عيني يرجع لي الصداع > الصداع حابني من أول يوم رمضان
قعدت معه شوية ومن حسيت خلاص نفسيتي صارت داون بسبب الصداع رحت عطيت ولد أخوي لأي أحد
ودخلت غرفتي وطفيت النور [ مع ان ضوء الشمس ما قصر صراحة لأنه منور الغرفة ] وشغلت المكيف
ورحت تحت فراشي من الساعة 3 لين الساعة 5 تقريبا بس ما قدرت انام وطول الوقت أتقلب
بس على الأقل يعني قدرت أغمض عيني وأريح نفسي شوية وبعدها رحت أتطمن على أحوال البيت
وتصيدني الوالدة وتقول لي تعال معي المطبخ .. تباني أسوي معها الهريسة رو
دوم أنا المسكين اللي يشغلونه بالبيت والبقية اللي منسدح واللي يلعب بالسوني
^ [ اللي يلعب بالسوني معروف منو حتى الخايس @SKY NET عارف منو قصدي ]
فقمت وسويت اللي علي وساعدتهم وأصلا دوم أنا النشيط اللي يحب يقدم المساعدة للكل > خف علينا بس
وبعدها فطرنا وخلصنا فطور ولله الحمد وعلى طول رحت آخذ لي حبة بندول عشان راسي
وبعد ما أذن العشاء قمنا صلينا جماعة بالبيت والحمد لله كان شعور جميل صراحة
الله يديم هالشعور يا رب ومن بعدها رحت سويت لي كوفي [ كريمي لاتيه 3 في 1 ] [ صورة ]
امي شافتني وقالت ها اللي ياب لك الصداع لأنك متعود تشرب كوفي وطول النهار مو شارب
هو يمكن هالشيء صج والدليل اني الحين وأنا أكتب التدوينة قاعد أشرب لي كوب كوفي
واليوم لو ملاحظين فأنا سهران على غير العادة .. شيء غريب بالنسبة للي متعودين اني أنام من وقت
كنت ألعب بالحوش مع اختي [ لعبنا دومينو - ورقة لعب عادية ] ويمكن بس فزت مرة وحدة
أصلا عادي أهم شيء انك تلعب وتغير جو مو مهم الفوز والخسارة > أحاول أقنع نفسي يعني
وهاي ختامة يومي الأول من رمضان وقلت أكتبه دام اني ملان وما عندي شيء أسويه

​

 

[The Darkness]

لأني شخص طيب فقررت أعطيكم معلومة بتفيدكم وخاصة للي يبون يضعفون برمضان
انا اسوي هالشيء بس مو بالضبط لاني مو محتاج اضعف لانه ع قولة الوالدة انت لو بتضعف فراح تختفي
المهم بقولكم شو تسوون عشان تضعفون لكن سووه طول الشهر وشوفوا النتيجة بعد نهاية الشهر
ومو شرط بس للي يبون يضعفون لأنه حتى الرياضيين واللي يحبون يسوون رياضة مثلي هالشيء مفيد لهم
الكل عارف الحين الواحد ما يقدر يسوي رياضة بالنهار ولا حتى يقدر يمشي وايد عشان ما يتعب وهو صايم
أنا كنت متحير كيف أقدر أسوي رياضة الحين وخاصة اني متعود أسويها أول الصبح لايك
بعدين وايدين شباب عطوني طريقة حلوة وتأكدت منها وطلعت صح ومفيدة بعد وخاصة للي يبون يضعفون
والطريقة هي انه قبل الفطور بساعة سووا رياضة فمثلا سووا مشيء لمدة نص ساعة أو 40 دقيقة
وبعدها سووا تمارين رياضية بسيطة من تمرين ضغط وبطن وسكواد وغيره بحدود 10 دقايق تقريبا
بعد ما تخلصون ما يباله تخمين شو الشيء اللي لازم تسوونه بعدها .. أكيد بتسيرون تسبحون
إلا لو انتوا أنذال وتبون تخلون اللي حولكم يشمون ريحة العرق ويدعون عليكم وقت الفطور
بعد ما تاخذون لكم شاور خفيف بيكون خلاص وقت الآذان وهنا عاد نبدأ لعبنا
اللي يبا يسوي رجيم لازم ما يكثر أول الفطور أبدا ويكتفي بأكل بسيط مثل 3 أو 5 حبات تمر ولبن
تراه صحي وايد ومفيد لكم وبعد ما تخلصون من الفطور السيط تخلون البطن تهضم هالاكل لمدة ساعة او اثنين
وبعدها تاكلون لكم أكل عادي لكن أهم شيء يكون قليل الدسم يعني الدهن قليل جدا ويفضل لو بدون دهن
مثلا تقدرون تاكلون أرز أبيض مع دجاج مشوي أو سمك مشوي أو حتى مع روب زبادي قليل الدسم
أهم شيء أكل ما يكون فيه دهن وايد حتى ما يخرب عليكم نظامكم اللي راح تتبعوه طول الشهر
وأهم شيء بعد تحاولون تقطعون الحويات والسويتات قدر الإمكان أو تاكلون مرة كل 3 أو أربع أيام
لكن ما تكثرون عاد مو تقولون خلاص تمام مرة كل أربع أيام وبهاي المرة تاكلون سويتات حق 4 أيام جدام
هنا عاد ما راح تستفيدون شيء ترا والنظام اخترب من أوله فماله داعي تكملون عليه
جربوه طول الشهر وبعدها شوفوا النتيجة واللي حاب يجربه يدهلي لي بعد الشهر
وهاي معلومة قلت أفيدكم فيها وخاصة ان الأغلبية ما خلا شيء بالبيت ما أكله والوزن زاد
وتوتة توتة خلصت الحتوتة

​