مدونة مميزة - ٱيلـوٰثيريـا (2 زائر)

[M.SaMa]

مرحبا
كيفكم يا أطفال
فاتي أو NAY هيك بتعرفوها
وأنا عرفتها بــ: آماسيا وكثير أسماء
لا تسعني الذاكرة ولا الحروف
ولا يسعني الوقت لتذكرها وذكرها
لكن يبقى اسم واحد متشبث بجدار الذاكرة
متعلق بهوامش جدار الذاكرة ببقايا الذكريات
التي عصف بها الزمن"" كواندا""
هكذا سميناها لدقائق فقط
أعرف هذه الطفلة المتحذلقة من 2018
لازالت كما هي مزعجة وفضولية
لست هنا لتشريح شخصيتها ولا لتحليل نفسيتها

محتوى مخفي: ممنوع الدخول

ادري تنتظرين أمدحك صح؟؟
فشرت ""بصوت أبو عصام""

لكني هنا وكلي فخر واعتزاز بأختي الصغيرة المزعجة
فخورا أنا جدا بتواجدي هنا، لأترك أثرا وذكرى
تغمرني سعادة لامتناهية، لأقرأ لها وعنها آرائكم
التي غمرتني بكل الحب والود والاحترام
الذي لمسته واستشعرته في حروفكم لها
للإشارة فقط، دائما ما كانت مدونتها من أرقى المدونات ولازالت طبعا
كتاباتها ها هنا تنبئكم عنها، عمن تكون
هنا نثرت بين قلوبكم آمالها، أحلامها، آلامها، همومها
ألقت بنفسها بين ثنايا حروفها، اختبأت بين سطور كلماتها
وقالت: ابحثوا عني، لست قريبة منكم ولا بعيدة عنكم
ببساطة هذه هي ""كــوانـدا"" خاصتنا تتجلى أمامكم بــ ٱيلـوٰثيريـا
رائعة ومميزة هي، أعتز كثيرا بأخوتنا
وأتمنى لك كل الخير والتوفيق والسداد في حياتك
للأمانة لا ادري كيف ختمت كان في جعبتي الكثير لأقوله
لكن ""ادري اكتب للطفال وخلقكم ضيق ""
وكواندا ما تستاهل لو مدحتها اكثر تمسكها علي
لهذا ، وهنا أضع هذه .

 

[YAFA]

-
نبذة عن مستوى الاجتماعية اللي عندي : #هنا
اخوي تزوج من ٤ شهور وبضل يقولي تعالي عنا
وانا مش عارفة الاقي مبرر او حجة لانه ما عليّ دراسة
ولا مشغولة ، فقلت عن مزح سويلي كرت دعوة
وغاب عشر دقايق ورجع مع دعوة بجد الحين لازمني اروح​

 

[YAFA]

-
أنا شكلي رح اضل ألمّ المدونة من الصفحة الثانية ​

كيف يفكر العقل من وجهة نظرك ؟ ​

ما أذكر اني قرأت او تابعت شي متعلق بالعقل والذكاء حتى
يكون يكون عندي فكرة معقولة عن الموضوع ، لكن من جهتي
أشوف الافكار تجي من عقلنا اللاواعي يلي تدخل عليه معلومات
كل لحظة خلال اليوم ، يعني العين تراقب وتحلل ، والمعلومات تتخزن
بشكل غير مُلاحظ من جهتنا لحد ما يجي الوقت اللي نحتاج فيه
ننفذ مشروع معيّن ، أو ندوّر فكرة جديدة وتلاقي نفسك في طريق مترابط ،
كل جزء يوّصلك لجزء جديد ، اشوفه شي محسوس
أكثر من إنه فلسفة ممكن تتم ترجمتها بكلمات .​

هل الذكاء فطري أم مكتسب ؟​

أحسّ فطري أكثر من مُكتسب ، لكن مو فطري من الولادة
إنما من فترة الطفولة ، من و عمرك أشهر ومعروف كل ما كنت
أصغر بالعمر بتكون قدراتك أعلى ، قادر عالتعلم بشكل أسرع
وتذّكر اللي تعلمته حتى بشكل أقوى وما أقصد إنه شرط تتعلم
كلشي حتى تصير ذكي مع الوقت ، في أمور استيعابك الها
يصير بديهي دامك مسكت طرف الخيط في أولها ،
المثال اللي خطرلي لو إنت في امتحان وقدامك سؤال اختيار
من متعدد ، السؤال نفسه ما عندك معلومات عنه لكن..
الاختيارات أ ، ب ، ج عندك فكرة عنها وبديهياً تعرف إنها
بعيدة عن المطلوب وهيك توصل للإجابة بشكل أسهل.
كمان في ناس تستخدم حدسها وتعتمد عليه بشكل كبير
هاي أشوفها مهارة فيها تتطور مع الأيام ومو رميّة حظ.​

كيف أصبح ذكياً ؟​

غير إنه الذكاء فيه يصير مُكتسب لما تثقف نفسك في
كلّ المجالات ، أو قدر استطاعتك عالأقل واشوفه شي
مهم الواحد ما يكتفي بمجال واحد أو اثنين ، يلي يحتاجهم
بوظيفته مثلاً ، فيك تتثقف بكل المجالات وإن كنت مو محتاج
لاستخدامها بحياتك الشخصية ، ومع الأيام حتلاحظ استفادتك
منها من ناحيّة تطور شخصيتك.

​

 

[A S T E R]

السلام عليكم ورحمة الله وبركاته

كيفك بنت بلدي وبنت عيلتي كمان ؟
قبل كل شي ، شو معنى عنوان مدونتك؟ تعرفي اني بسحب وبكملش قرايتو ؟
عفكرة يمكن حكيت قبل هيك عن المعنى بس محسوبتك زهايمر مبكر صايبها
المهم ما علينا
فاتي من اول دقيقة عرفتها جد حبيتها وكيفنا على بعض انه واخيرا لقينا حد من نفس البلد بالمنتدى ههههه
تتذكري اول ما تعررفنا بوندر
بس انا خلص سحبت من هناك وانقطع التواصل
وحتى هاي بس جيتي هون ، لقيتيني ساحبة ، وهينا رجعنا وصرنا اصحاب وعرفتك اكثر
بس من اول ما عرفتك مبين عليك حدا اجتماعي جددددداااا ، انا لأني اجتماعية بعرف الاجتماعيين الي مثلي
قوية الشخصية بشكل كبييييير
مستحيل تسكتي عن قول كلمة الحق قدام مين ما كان
ما بتحبي العوج وبتحبي تحكي عن العوج عوج
يا ويل الي بطب فيك لانه لسانك ينطلق وبتبلشي ترردحي هاي الصفة برضو مثلي ، ترا انا هيك الي بطب فيي يا ويلو ، يا اما بردح عالقوي او بقصف عالناعم

ضايل بس تتعلمي صفة البرود تجاه كثير مواقف لانه مش دايما بحتاج الواحد يرد ،او يحرق دم حاله ، التجاهل فن لازم تتقنيه وهاي نصيحة من اختك الكبيرة واهم شي ما تزعلي حالك على اي حد بهالدنيا مين ما كان ، اهم اشخاص بالنسبة الك وتزعلي عليهم هم اهلك وبس ، غيره فش حدا بستاهل لهيك بقلك فن التجاهل لكثير مواقف لازم نتعلمه بحياتنا لنكسب راحتنا وهدوءنا ونقائنا النفسي

يعني انتِ دمك حامي عالآخر ، ومتأكدة انك مش شخص هادي ، مجنونة باختصار مش ذم هاد ، ان شاالله فهمت قصدي ،
يعني من الناس الي ما تخلص طقطقة وهيك ومزح بالقعدات ولا غلطانة؟
بس بنفس الوقت عقلك كبير وواعي باين هاد الشي من مواضيعك وردودك وتدويناتك وطريقة نقاشك مع اي حدا
على قد المسؤولية الي تنعطى لك ، شغوفة تجاه الشي الي تعمليه وتعمليه بحب واتقان
فضولية عادي هاد مش ذم ، بس انه بس تشوفي اي موقف خلص تحبي تعرفي تفاصيله
هيك مكس شخصيتك جامعة بين كثير شغلات
بتحبي توصلي للأهداف الي راسمتيها براسك ، بتحطي هدف ما تكلي ولا تملي الا لتوصليلو ، لمست هالشي من كلامنا سووا ، بحييك على اصرارك ، ضلي هيك وما تتغيري ولا تسمحي لحد يحبطك او يثبط من عزيمتك
بتحبي بلدك واهل بلدك ، مثلي
ومش عارفة شو احكي كمان ، بس جد انتِ انسانة تستحقي كل الاحترام والتقدير وتستاهلي كل خير بحياتك ورح ادعيلك بهالأيام الفضيلة ربنا يوفقك في كل نواحي حياتك ، كوني بخير دايما حتى لو ما حكينا بشكل مستمر

​

 

[YAFA]

"فأدركتُ أنهُ نهرٌ كبقيّة الأنهار ، وأن بقية الأشياءِ مثل بقيّةِ الأشياء ،
لا يمتازُ منهَا إلا ما نُميّزه نحن بما نكسُوه بهِ من وهمٍ وظنّ واعتقاد"​

 

[YAFA]

صدَق وعدَه
ونصَر عبدَه
وأعزّ جُنده
وهزَم الأحزابَ وحدَه.​

 

[YAFA]

"‏أن تجعلنا على قدرٍ كافٍ من السّلام والنور ،
يكفِينا لإمضَاء الطرِيق مهما كانت عتمتهُ وضبابيّته..آمين"
​

 

[YAFA]

كيف تتصرف في المواقف الصعبة ؟ هل أنت ضعيف ضد الدموع و سريع التأثر و لا تعتقد أن بإمكانك اصدار أمر قاسي حتى و إن كان يصب في مصلحة الاغلبية ؟ أم لديك شخصية قوية تنظر للأمور بموضوعية و تصدر قرارات صحيحة حتى و إن كانت قاسية على البعض ؟
أم هل لديك طرق أخرى في التعامل ؟​

السؤال راح ب اتجاه أمور كبيرة ما دخلت فيها قبل
قراراتي عطول كانت ترجعلي انا بس وما يوصل طرفها لمصلحة
أو أذى طرف ثاني ، بس أرجح إني من النوع الثاني يلي يحسب
الأمور بموضوعيّة ، لما يكون شي جدّي وكبير فعلاً ، بس الأمور
البسيطة بنسلّم عالمنطق والادارة وقتها وبتصرف بالطريقة يلي متأكدة إنها غلط وبفوت بحوض نعنع ، اعترف انه انا وحس
المسؤولية العالي مش أصحاب ، يعني اشوف نفسي أوقات أصغر من إني آخذ كلشي بجديّة فبخليها تسيب واقول بعدين بفكر بحل
تعرفوا مبدأ دلل نفسك وأحب نفسك انا مطبقته زيادة عن اللزوم :$
​

 

[Dr.Saki~☆]

السلام عليكم ورحمة الله وبركاته
كيف فاتي وكيف العيد معك

صح تعرفنا جديد بس في صفات بشخصيتك جدا واضحة خفيفة دم ومهضومة كل ما بشوف مشاركاتك سواء بالملفات او بقسم الاشراف ببتسم تلقائيا

شخصيتك قوية و قيادية و جريئة بتحكي رآيك وما بتهتمي شو ما صار يصير و بتحكي الحق

وبنفس الوقت لطيفة التعامل معك مش صعب سلسلة وما بتحبي تمسيح الجوخ و المجاملة كتير بالعامية مش لقلوقة

مواضيعك و اسلوبك فخمين بتعرفي تنتقي المصطلحات والكلمات بحيث توصلي المعلومة بسهولة بحب اقرأ مواضيعك بشغف رغم طولها

هي ابرز الصفات يلي لاحظتها فيكي ان شاء الله ما تكون قدراتي التحليلية تعبانة

 

[ATHENA]

-

السلام عليكم ورحمة الله وبركاته
كيف حالك يا جميلة؟ وكيف حال المتابعين الأجمل؟
أعجبتني الفعالية، تجعلك ترى نفسك من مختلف وجهات النظر.
وأنا أقرأ تحليلات الأعضاء بمدونتك وجدتني أبتسم لوهلة وأقف مستغربة لوهلة أخرى .

لعل كل فرد منهم رأى فيك جزءً مختلفًا عن الآخر، لكن وبالرغم من أن الأشخاص من
مختلف الأعمار والخلفيات كانت هناك صفات تتكرر عند كل شخص ألا وهي الصفات
الجميلة والملامح التي تنحث شخصيتك اللطيفة .

لعلي إن أردت تشبيهك فلن أجد أقرب وصف لك من زهرة الليلك النقية والتي تعبقك
سعادة وكلما اقتربت منها أعجبت بشجاعتها وقوتها، تسحرين كل من مر بك بشخصيتك
ونقاء قلبك -طبعًا إن استبعدنا الأوقات التي نتبرأ فيها من لسانك لكننا سنعتبر الوضع
أسلوبًا من أساليب الدفاع عن النفس للترقيع -

من بين الأمور التي تشدني فيك هي صراحتك وقوتك، لن أتردد يومًا في وضعك أيقونة
للقوة اللطيفة، وإن اعترض البعض -ومنهم أنتِ- على وصفك باللطيفة، لكنني أعلم جيدا
ما أقصده بكلامي، ولا أريد الإسهاب والوصف أكثر من هذا بخصوص هذه النقطة لتجنب
بلع مخالفة منكِ في أول يوم لي هنا .

لا أعلم كيف أصفك، أعجز وأجدني غارقة في فوضى أفكار تتصارع حتى تخرج كلها وتُخَطَّ
على صفحتك بهذه المناسبة اللطيفة، لكنك كائن رائع جدا وشخص لا يعوض ويستحيل أن
يكون لكِ شبيه، سعيدة لأنني عدت قبل 5 سنوات وتعرفت عليك وعلى مارتن -أذكر إسمها
هنا لأنها عديمة مدونة وتستحق قليلًا من المدح هي أيضًا -

وكما أقول دائمًا، لكل منا نصيبه وحظه في أمور معينة في هذه الحياة وأنا على يقين أن
نصيبي الأعلى في الحظ كان في لقائي وتعرفي عليكِ أنتِ ومارتن أشخاص آخرين.
ممتنة لله أن رزقني بكن في حياتي وعوضني بكن على كل ما ذهب.

أسعدكِ الله فتاتي المذهلة وأدام الله السرور والحبور على قلبك النقي، دمتِ بود .​