تعرفون هاي الإحساس ؟ لما يكون بقعة معينة في العالم اهيا كل شي بالنسبة لك .. اهيا امك واهيا ابوك ، اهيا عيلتك واهيا بيتك ، اهيا روحك ونفسك .. اهيا حرفيًا كل شييي، لكن هذي " الكل شي " توسع لكل الناس إلا لك انت !!!
احساس خيبة الأمل ؟ الانكسار ؟ بحة صوتها ؟ عوررتتت قلبييي .. شنو ذنبهم ذلين اللي عالقين صارلهم شهر في إيران ، بلد موبوءة .. تخيلوا قبل لحظات بس وصلنا خبر وفاة بحريني من العالقين في مشهد - ايران - ، وهاي سابع حالة وفاة بين البحرينيين اللي هناك !!! شنو .. كل الدول خذت رعاياها ، شنو ذنبهممم ؟؟ انهم يقيمون شعائرهم الدينية ؟ مب حقهمم ؟!! ولما ضاقت بهم الدنيا وقرروا يردون الوطن على حسابهم ودفعوا دم قلبهم عشان يردون ، جي يتيازون ؟؟
فيه مثل بحريني يقول ، عذاري تسقي البعيد وتخلي القريب !!! كل يوم ايون ناس من بلدان موبوءة من كل مكان ومن اوروبا محد قال لهم شي ، حبكت على عيال البلد ؟؟؟؟؟؟!!!!!
-
عاد تعرفوونن شنو ؟ اهللل عمااننن الحُببب ودييي احضنهمم نفر نفرررر ق8ق8ق8 اهلل الخيييررر والنخوةةةة فديتهممم بس ق8ق8ق8 دمعععت عيني وآنه اجوف تعليقاتهم ، اللي يقول نستضيفهم في بيتنا ، واللي يقول حالفين إلا نستضيفهم ونكرمهم أحسن تكريم ، واللي واللي ، فديتهممم بسسس فيهممم الخييررر والله ق8ق8ق8ق8ق8
* ، هالايام تعرفون يعني شنو ماعندي حياة ؟ حددي ميتتتة .. ماعندي شي اسويه فراغغغغ تاممم .. احسني ابي انجز شي بس بنفس الوقت مالي خلق اسوي ولا شي .. بمعنى آنه فاضيةة .. وعندي اشياء اسويها اهني بس مالي خلق ، اصلا مالي خلق حتى ارد على احد .. رفيجتي تكلمني بالخاص ، حاقرتتهااا ع الآخر .. احد يكلمني بشي مهم واجوفه يكلمني ، والحمورية اللي فيني مبطلة التلفون وافرفر في كل مكان إلا محادثته عشان ما ارد عليه ، طالبة لي اشياء .. يتصلون لي عشان الديلفري، اعطي ابوي التلفون يرد .. اوادم تكلمني بحماس ارد عليهم بايموجي بامووتتت صج صج مالي خلقق شييي ، حتى رفيجتي مسكينة اليوم تونايت مالي خلق اكتب لها تونايت وادور كلام وماعرف شنو ، لا وشنو ابطل سنابها واجوف انها حاطة انها تونايت وبعد احقر ولا جني جفت شي آيم ا باد فريند =/ لحد يرافجني ماستاهل ..
* ،
منذ بدء تاريخي الدراسي والى الآن ، ماحسيت بيوم ضغططط مثل ذي .. يا ربيي احس ماقدر اتنفس من كثر الاشغال اللي علي !! تخيلوا من الساعة تسع الصبح وآنه اشتغل لي احححينن .. وما كملت طبعًا واللي باقي أكثر من اللي راح رو آحسس خلآععععصص طلعوا الاجازة من عيني ، شدعوهه هالكثر اسايمنتات !!! وفوقها بروجكتات بعد.. امبيه كل ما فكر بالكميهه تييني الصيحهه !! صج صج صج تعبتتتتت ..
وهاي مب قاعدهه احل بروححي ، هاي قاعدة احل مع ربعي .. كل وحدة تحل اسايمنت بروحها وتطرش للباقي ينقل ، وبعد ماخلصنااا باصيححح وكل اسايمنت يقول الزود عندييي ..
وتعالوا للمعاناة الكبرى والأكبر ، كل يومم اقعد الساعة 8 عشان بث مافهم منه كلمة ، حرفيًا راسي يصدع من الهذرة والكلام الفاضي وآنه ماستفيد .. واذا مادشيت ماينزل لي حضور يعني بارسب في المادة ، وفوق ذي كله نخلص من مادة يفتحون لنا بث مادة ثانيةة وكل درس ألوع من الثاني .. خلآآعععععص ، النجدة.. آنه في أزمة ي جماععةة أخس من أزمة الكورونا !
جوفوا آنه ماعندي مشكلة أناقش أوادم مايستوعبون بالساعات إلا الجُّهال اللي صاكين أذاينهم عن الحق ، ذليين ..؟ فعلًا ما لهم رد غير " وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا " صدق الله العلي العظيم ، طبعًا ياااا كثرهههم في تويتر ويصدعوونن الراسس وكلهم طائفية مقيتةة بشكلل !!
جوفوا ذلين آنه ماعطيهم ويه أغلب الأحيان وأحقرهم ، وساعات ايون لي عندييي ويحاولون يستفزوني وآنه اقوى تطنيش لهم ، ولكنن أحيانًا تطاولهمم مقرففففف .. والواحد مايقدر يغض الطرف عنهم ! يعني يدش عليك ويحط فيديوهات طائفية بحتتتةةة في اكاونتاتكم أو اكاونتات ربعكم ، ويقول جوفوا هاي هلون هلون .. يا بابا انت قبل لا تيي تسولف ولا تتطنز اعرف قدرك واعرف انك " ج ا ه ل " .
يعني واحد قاعد يتطنز على سالفة ان " الارنب من الحشرات " ، يا بابا إذا ما عندك علم .. إذا علمك قاصر لا تسولف وتفشل عمرك وايد ، لان الارنب فعلًا من الحشرات ، ومانقصد فيها الحشرات من ناحية التصنيف العلمي ، بل من ناحيةة اللغة وعلى لسان العرب !! بطِّل أي كتاب لغة وابحث ، بتجوف الارنب من الحشرات، وهنا التسمية جاءت على أساس انها تحشر نفسها في الجحور والأرض، فتُعد منحشرات الأرض ..
- أكرر مب التصنيف العلمي وانما في اللغة -
-
عمومًا ماعلينا من الناس الغبية فووق ، خل اقولكم اني تخلصت من مادة العربي للابددددد !! تعرفون يعني شنو للابد ؟ يعني خلااااععععصصصص متخيللينن ؟؟ حماسس والله ، توني من شوي مسلمة آخر تعبير في حياتتتيييي وتحسبوونن أي كلااممم ؟؟ لا لا تعبييرر ايننن ، اول مرة اطرشش تعبير عربي ماحسه بييضضض .. حسيتني مألفةة كتااببب ! وبجذي ختامهااا مسكككك .. وضمنت 100 درجة وعقباللل الباقيي ياااارببب ..
يس ، هاي اللي صار .. ويصير كل مرة ، الفرق ان كل مرة نوزع أكل ع الفريج بس هالمرة بسبب الكورونا وي دونت نوزع ناصفة ، نعم أيها السادة .. ماعرف إذا في البلدان الثانية فيها ناصفة مثل البحرين ، ولكن هذي أجواء البحرين كل سنة في ليلة النصف من شعبان ..
طبعًا للي مايعرف الناصفة ، الناصفة مثل القرقاعون بالضبط .. ايون يهال الفريج ويقولون " ناصفة حلاوة ، على النبي صلاوة ، اعطونا من مالكم، الله يخلي عيالكم " وطبعًا بدورنا كأوادم كبار قاعدين في البيت ، نوزع الناصفة - اللي ممكن تكون كل شي - وكل بيت يبدع بالناصفة مالته ، ففيه ناس ناصفتهم بسيطة وايد ، مثلًا يوزعون جبس ولا عصير ولا جلي ، يعني أي نوع من أنواع الأكل ، وففيه النوع الثاني اللي يوزعون أشياء مرتبة وصارفين عليها فلوس .. وطبعًا لو تسألوني أي نوع من أنواع الناصفة تفضلين ؟ ولا واحد من ذلين استناس ع ناصفة الفلوس والله
فيه ناس مايتعبون عمرهم ، يسوون ناصفتهم فلوس .. وهذي البيوت عاد يصير عليها ضرب الحطب يعني تخيلوا خطتي يوم آنه صغيرة شنو ؟ كنت اخلي خواتي يدشون البيت قبلي ، واذا البيت يوزع فلوس ادش وطبعًا هذي مب بس خطتي هاي خطة الكل ، وتشترك في هذه الخطة من ؟ عيايزنا الله يحفظهم فالوضع بالضبطط يصير جي
http://instagr.am/p/3eTMv1utqC/
ههههههههههههههههههههههههههههههههههههههههههههههههههههههههههههههههههههه بامووتتتتتتتتتتتتتتتتتتت ماقدررر ، كل ماجوف هالفيد اضحككككككك لان بالضبططط جي نسوان الفريج الكبار كله يطلعون يناصفون ومن يجوفون بيت فيه فلوس يقلبون يهال يحليلهم طبعًا بيزات = فلوس ، بس بالبحريني
هاي كله بصووب ، والمضيفات - مضائف الطعام - في صووب .. يعني وانت تمشي في الشارع يوزعون عليك أكل ، وشربت - مشروب للي مايعرفه - ، حلا وكل مالذ وطاب .. ويقولون لك متباركييننن ، وصوت الاناشيد يصدححح في الشارععع بشكل رهيييبب والأضواء والزينةةة تاخذذ عقلكم ، وطبعًا كل منطقة من مناطق البحرين عليها بأجواء مختلفة وجميللةة جدًا .. اللي يسوي مسابقات في الشارع ، واللي اييب سيارة العسكريم توزع عسكريم مجانًا للرايح والياي واللي واللي ..
وطبعًا هذي الليلة على كثر جمالها ووناستها ، إلا انها مب بس شكل ووناسة ونوزع وحركات .. لا لا ، هذي الليلةة جميللة لان هم فيها شكثر عبادات يتم اقامتها ولها فضل كبير عند الله ، فاكيد يتم قراءة الادعية في هذي الليلة والغسل وصلاة ركعتين ..الخ من العبادات ، طبعًا هذي اجواء الناس اللي قاعدة ببيوتها أو بالشارع ، أما اجواء المآتم ودور العبادة مختلفففةةة تمامًااا ..
يكون فيه شخص رادود ، ينشد والناس كلها تصفق .. يوزعون الاكل ويكون فيه مسابقاات حلوهه وهدايا - واشهرها مسابقة الارقام - اللي يدش يعطونه رقم وبعدين بالقرعة اللي يطلع رقمه يفوز بهدية ووو ..
-
طبعًا الليلة .. كان الشارع موحش بسبب الكورونا والشرطة تفتر في الفريج عشان مايجوفون احد طالع لان لو يسوونها ربعنا اعتبروا الكل ميت ولكن بنفس الوقت ، احتفلنا في بيتنا احتفال بسييط جدًا .. تعدلنا وتزقرتنا - مرادف تعدلنا - وحطينا الكيك والحلا وشغلنا الاناشيد وكان يوممم حلووو وايددددد ق8ق8ق8
- لولا ان معدتي دقت علي وخربت يومي السعيد جدًا -
^ صورةة من احتفالنا البسيط ، بت يو نو .. مكبجرة الصورة من سنابي لانها في الاساس فيديو وماقدر احطها اهني =) .. ف الجودة تصيح بالزاوية ، بت اتس اوكي
- اشهد يا تاريخ ، لاول مرة انزل تدوينتين بنفس اليوم -
انشغلتت وايددد هالجمن يومم .. لذلك ممكن تلاحظوني مختفيهه.. !! حتى مدونتي نزلت لأسفل سافلين ، بس معليه .. هالاسبوع قاعدة أعيش توتر نفسي مب طبيعي المعلمات قاعدين يستحمرون في كل اسايمنت ، والله العظيم مسابقة من يصير أحمر من الثاني ياخي خلاص ابي اتخرج ، كل شوي يطرشون اسايمنت يذبحوونن ابوو اللي يابنا في استخراج الحلول، صج صج مادري من وين اييبون الاسئلة ! أدور عليها في الدروس المطلوبة والدروس المب مطلوبة وبعد م القى الاجوبة.. مب معقولة اتم احل اسايمنت واحد أكثر من ساعة وماحصل اجوبة كل الاسئلة بعد ، وعندي مليوونن غيرهه ..
باقي السكشنات ، الادبي والتجاري تخرجوا وآنه للحين . ولا عاد عندنا معلمة تبط جبدي ، الى الآن مانزلت اخر اسايمنت !!! شنووو تنطرر ؟ شهر الله مابقى له شيي !! بتجلطنيي حرفيًا .. بروحه آنه فاشلة في الفيز - الفيزياء - احتاج سنة على ما اطلع الاجابات ، صج صج ما يرحمووونننن ولا يخلون رحمة الله تنزل ، يعني معلمة الفيز فوق م انه مادتها غثيثة تخلي كل بنية الاسايمنت مالها غير عن الثانية عشان لا نغش بامووتت يضحك شوي ، بس يجرح !
فووققق كل ذييي غبنة ان مابنتخرج نفس الناس ، لا حفلة ولا روب تخرج ، وولا ودعنا بعض .. تخيلوا صج ادرس 12 سنننههههه وعقب اتخرج في بيتنا، حتى البعثات شكلهم بيسحبون علينا ، والله باط جبدددييي هالوزير ، مب قاعد يتكلم عن سالفة البعثات كلشش ، يعني آنه اكرف عمري 3 سنيين ، واييب معدل محترم وعقب مافيه بعثات ! يقهر وايد ، بس ان شاء الله خير..
المهمم .. هالتدوينةة بتصير سلطةة لانن ودي أتكلم عن وايد اشياء عقب ما شكيت همي لكم فوق خل اسولف عن همي الثاني ، بسبب انشغالي نسيت مسابقة هيدر المنتدى ، صج صج كنتت ابيي اشارك ، حتى صممت هيدر أول ما تبطلت المسابقة بس ماقتنعت فيه وايدد فما طرشته لسكاي وقلت بسوي واحد ثاني وانشغلت عن الواحد الثاني رو آحينن بطلت صورة الهيدر واحس نظرتي له تغيرت ، عجبني فبما ان المسابقة انتهت ، معليه مابضيع تعبي ، ع الاقل جوفوه ق8ق8ق8
- اضغطوا ع الصورة ، بتجوفون الحجم الكبير - - ننتقل لسالفة ثانيةة تمامًا ، تعرفوونن ان احنا في فترة حجر صححح ؟ ولازم نستغلها .. وخصوصًا احنا البنات ، أفضل وقت نسوي فيه سكن كير اهوا ذي الوقت ، لان حتى تعرضنا لاشعة الشمس يقل وتعرفوون ان الشمس اهيا اكثر شي ممكن يدمر البشرة ؟! فاهيا ع قد ما فيدة ع قد ما تخرب البشرهه عدل !!
طبعًا هذا الخطييررر عبرت له البحار والارضين السبع ، بس عشان احصله أكثر شخص يعرف معاناتي في اني احصله حكمو كانت ابديتد وياي في كل خطوة ، خل اقولكم معاناتي بس ج ، أول شي سلمكم الله .. جفت هالمنتج الخطيير في ستوري الانستا مال محل بيوتي واايددد احبه واثقق في صاحبته وايد ، تكلمت عنه وقالت انه اقوى ماسك ممكن تجربونه في حياتكم ، وانه اكثر ماسك تستخدمه وان لازم يكون مع اي بنية ، واهيا وفرت منه طبعًا .. فآنه رحت كتبت اسمه في اليوتيوب وجفت عليهه ريفيوهات خطيررههه ، ناس تسوي جالنج تستخدمه اسبوع ولا اسبوعين ورا بعض، وتراويكم التغيرات ع البشرة في كل يوم وصبيحة اليوم اللي بعده، ياخيي بشراتهممم تتحوللل !!! مب طبيعييين ..
- ع فكرة الجالنج ذي وايد غلط ، مايصير تستخدمون الماسك ذي يوميًا ، لان وايدد قويي -
المهمم ، فآنه أُعجبت بالماسكك عدللل .. وماكتفيت بالريفيوهات اللي باليوتيوب ، بحثت عنه في آيهرب لقيته دايمًا مخلص ، وتعليقات الناس اللي خذته رهيييبةةة ، فييت اطلبه من عند المحل اللي احبه، تخيلوا شنوو ؟؟ صاررر سولد آوتت بأقل من 24 س !!!!!! امبييهه كانت صدمة حياتي ! لهالدرجةة الطلب عليه ؟؟ مع ان الكمية كانت كبيرة !! تحطمتتتت وايدددد .. ورحت ادور عنه في اكاونتات ثانية وماحصلته
وظليت لي يوم ثاني حزينة لان كان حدهه خاطريي فيه جان امي بتطلب من محل وقالت لي جوفيه اذا تبين شي من عنده ، بحثت وايد جان اجوف الماسك عنده ، سألته متوفر ؟ قال اي .. وطلبته !! إلا من الحماس قمت ابحث زيادة عن الماسك جان اكتشف اللي طلبته مب اصلي !! الحمير مغيرين كلمة وحدة بس ع العلبة !!!! امبييههه انقهررتتت ، ورحت كنسلت الاوردر ، وبعدينن بديت رحلتي على مدة يومين حرفيًا ادور عن الماسك من اكاونت لي اكاونت وكل ما احصل واحد يقولون لي سولد اوت ، لين ماجفت وحدة روسية عايشة بالبحرين .. تبيعه والحلو انها ساكنة في نفس محافظتنا !
جان اقولها اني باطلبه ، قالت لي تيين انتي تستلمينه احسن لان مانوصل كل مكان تبعًا للظروف الراهنة ، وقالت ان التوصيل متوفر لـ " المنامة ، المحرق - محافظتي - ، جزر امواج " ، جان اقولها .. آنه في - اسم قريتي - بس ان اوردي في المحرق ، ماتقدرين توصلين ؟ جان تحقرني من القهر طرشت لها نقطة بعد فترة ابيها تردد والله خاطريي فيه جان تقولي ، آي ويل جيك ويذ ماي هازبند ان اذا تقدر توصله لي او لا ، قلت لها آل ويت فور يور ريسبونس ، وولا ردتتت عليي تخيلوووا !
قمت من القهر ، كتبت في آسك بحرين .. ان احد يعرف وين يبيعون هالماسك، جان وحدة تقولي في السوق الشعبي ، طبعًا مستحييللل احدد يوديني السوق الشعبي عشان ماسك لان وايد بعيد ومافيه توصيل ، وفوق جي ما اضمن ان اللي بالسوق اصلي ، وواحد قال لي مابتحصلينه ، اطلبيه من برا وحزنتتت أكثررر !! وقمت شغلت استخباراتي وبعد بحثث طوييللل ، لقيت اكاونت وكلمت صاحبته والحمدلله طلبتته ووصل اول أمس ق8ق8ق8 - ع فكرة استخباراتي وصلتني للعراق - حصلت اكاونتات في العراق يبيعونه ، لو احد منكم يبي يشتريه ، يقولي وادز له الاكاونتات
-
عقب قصة حياتي اللي فوق واللي اشك انكم للحين تقرون تدوينتي خل اسولف لكم عن الماسك ، هالماسك ي جماععةةة ينظففف حتىىى ذنوبكممم ، صج صج اذا لقيتوه اخذوه وانتوا مغمضييننن ، تنظيففف عميييققق جدًا للمسام ، يطلع الحبوب اللي تحت الجلد لسطح البشرة ويعالجها ، عشان جي حتى اللي يعانون من حبوب تحت الجلد اللي مال امهم داعي ، بيروحووون !! الرؤوس السوداء بتقولون لها بيباي ، مع السلامة ، روحة بلا ردة ، يشد البشرة ويخليها SMOOTH وايدد !! مثل ماقلت حتى الحبوب اللي برا يروحون ، يعالج التصبغات وآثار الحبوب ، طبعًا انه جربته مرتين بس .. واحسسس صج صج ايننن ، نظفف بشرتتيي بعمقق ، وكان عندي جمن حرارة - حب - بويهي ، راحوااا صج صج خطييرر !! طبعًا احس تستخدمونه مرة وحدة بالاسبوع ، لان وايد قوي ..
طبعًا لازم ماتستخدمون له اشياء ميتالك ، لان المعادن تخليه يفقد قدرته ع العلاج ، ف.. تخلطون الماسك وتسوونه كله بالبلاستيك ، طبعًا فيه طريقتين للاستخدام ، اما تخلطون الماسك - يكون بودر- مع ماي ورد للي بشرتهم حساسة أو مع خل التفاح العضوي اللي بشرتهم تتحمل ، طبعًا انه جربت الاثنين .. وآنه بشرتي ابدًا ابدًا مب حساسة .. لكن جربت ماي الورد أول مرة ، وحسيت قوام الماسك مب حلو يتكتل ، فحبيت الخل أكثر .. الافكت ع البشرة وايد أقوى وقوام الماسك وايد حلوو مايتكتل ..
- على فكرة بعد الماسك ويهكم بصير احمر جنه محترق ، بتصيرون طماط حرفيًا ، بس مكتوب على العلبة من ورا انه طبيعي ويروح في نص ساعة بالكثير + ينشف الويه فتحتاجون تحطون مرطب بعده ولازم تسكرون المسام بثلج -
وبس والله سولفتت وايد ، عندي سوالف غيرر .. ولكن في تديونات اخرى ان شاء الله سي يو ليتر ..
* ،
تعرفون شعور اللي مابي اسوي شي في الحياة ؟ اللي عندي وقت حق كل شي
بس يدي فاجة من كل شي ؟ اعطي نفسي فرصة يوم ، لو هالشعور لازال موجود .. ماعرف شبصير ، بس بصير شي صدقوني - اهدد يعني -
كان الجوُّ مهيبًا ذاك الفجر ، يُنذرنا بيومٍ عصيبٍ آتٍ لا محالة ..
اعترضته الإوزُ صائحةً في وجهه فلمّا حاولوا طردهن عنه ، قال دعوهن فإنهُنّ صوائحٌ تتبعها نوائح ..
مشى بخطواتٍ كُلها هيبةٌ ورِفعة حتى دخلَ المسجد، فصلى النافلة ثم صعد المئذنة فأذّن ، فلم يبقى
بيت إلا واخترقه صوتُه، ثُم نزل عن المئذنة وهو يسبح الله ويقدسُه ويكثرُ من الصلاة على النبي (ص)
وكان يتفقدُ النائمين في المسجد ويقول: الصلاة ، الصلاة يرحمك الله ، قُم إلى الصلاة المكتوبة ، ثم يتلو
( إنّ الصَّلاةَ تَنْهى عَنِ الفَحْشَاءَ وَالمُنْكَرِ ) ولم يزل يفعلُ ذلك حتى أبصرَ شقيًّا نائمًا على وجهه وقد أخفى
سيفه تحت إزاره، فقال له: قُم يا هذا فإنها نوْمةٌ يمقُتُها الله، وهي نوْمةُ الشيطان ونوْمةُ أهل النار ، بل نَمْ
على يمينِك فإنها نوْمةُ العلماء، أو علَى يسارِك فهي نوْمةُ الحُكماء، أو نَمْ على ظهرِك فإنها نوْمةُ الأنبيَاء. ثمَّ
أتبعَ حدِيثَهُ قائلًا : لقد هممتَ بشيءٍ تكادُ السماواتُ أن يتفطّرن منه وتنشقُ الأرض وتخرُّ الجِبالُ هدا ، ولو شئت
لأنبأتُكَ بما تحتِ ثيابِك ، ثُمَّ تركه.
ذهبَ إلى محرابهِ يُصلّي ، فيُطيلُ الركُوعَ والسجُود ، وبينما هُو كذلك قدِم وراءهُ ذلك الشقيّ
وأمهلَه حتّى أنهى الركعةَ الأولى وسجَدَ السّجدةَ الأولى ورَفعَ رأسه، حينها شدَّ عليهِ الشقيّ فضرَبهُ
على رأسِه فشقّهُ نِصفين، فوَقع يخُور في دمِه وهُو يقول : بِسم الله وعلَى مِلةِ رسُول الله، ثُم صاح
( فُزتُ وربِّ الكعبة ).
اللي يتابع مدونتي يعرف شكثررر احتر لما أجنبي - وبدون عنصرية - يكبر راسه ع البحرينيين .. لما يوصل الوضع ان الأجنبي يتشمت بالبحريني ، ياكل من خير البحرين ويرفس فيها ، لما توصل ان الاجنبي يرفع خشمه ع البحريني ويتطاول ، لما يوصل الوضع ان الاجنبي هو رب العمل والبحريني - يشتغل عنده - ، لما توصل ان هالاجنبي يطالب بان يصير له راي وممثلين حكوميين - اجانب - منهم وفيهم يساوونهم بالمواطن ويخليهم مواطنين واحنا اجانب !
اللي يبط جبدي أكثر لما ترد على هالنوعيات، يقولون لك محد ياكل حق أحد وهذي ارزاق ، وانتوا حسودين وحقودين وتبون تقطعون رزق الاوادم ، وحرام اللي يصير بالأجنبي ، وانتوا عنصريين ، ووو.. لا يبه !! شهالتفكير المعاق ؟؟ لما نطالب بحقنا كمواطنين نصير حقودين وحسودين ؟؟؟
احنا يالبحرينيين متضررين من وجود الاجانب ، اقتصادنا طايح ، ماخذين الوظايف عنا كراسي الدراسة ، تخيلوا اجنبي ينافسني ع مقعد دراسي ولا بعثة أو وظيفة ؟؟ الاجنبي وضعه المعيشي أفضل من البحريني بمراحل وراتبه اكثر من البحريني بمراحل ، الاجنبي موظف حكومي والبحريني موظف في قطاع خاص !!!!! وتبونا نقول محد ياكل رزق أحد ؟ صح اذا مكتوب لك هالرزق بتحصله مب مكتوب لك اكييد م بتحصله ، بس خلونا واقعيين شوي !! القدر يعتمد ع المعطيات الموجودة ترا !! وبما فيه الرزق هم يعتمد على عدة عوامل ثانية ، لو الاجانب غير موجودين حتى لو آنه ماحصلت هالشي ، مواطن بحريني ثاني بيحصله !! ع الاقل م بكون هذا حال المواطنين !! كل بلدان العالم تمشي على نظام " المواطن أولًا " إلا البحرين ، وهاي غلطة عمرها اللي طيحت اقتصاد البلد ، ولما يطلع نائب أو ممثل للشعب يطالب بتسوية هذا الموضوع وبحرنة الوظائف وتقليل رواتب الأجانب صرنا حقودين ؟ حسودين ؟ كل البلدان اوردي تفضل المواطنين ، توظف مواطنينها قبل كل شي بعدين تلتفت للاجانب ، هاي حقنا ان نطالب بهالشي والتعذر بموضوع الارزاق اسمحولي غباء !!!
شنو قالوا ؟؟ حرام !!! حرام اللي يصير حق الاجانب ؟ لما ممثل للشعب يطالب بقرار تسوية الغلط اللي قام الشعب يعاني منه ، صار حرام ؟؟؟ حرام نطالب بحقوقنا ؟ م أعتقد ان أي مواطن في أي بلد ثاني راح يرضى ان الاجانب يتم تقديمهم عليه ، ياخذون الامتيازات وعيال البلد يصيحون من الفقر وسوء المعيشة !
كنت أدري إن سنة 2020 بتكون حافلة، بتكون فيها أحداث حماسية وحلوة بالنسبة لي.. سنة تغيير وتحوّل في حياتي، بس ماتوقعت انها بتكون سنة مصيرية لهذي الدرجة، توقعت إن أقصاها تخرجي ودخولي للجامعة ، دخولي السن القانوني ، حصولي على الليسن .. بس كلش ما كان ببالي انها بتكون سنة ما فيها مجال لالتقاط النفس لهالدرجة !!!
وايد أحداث ماقدر أتخطاها صارت بهالسنة ، أثبتت وجودها بشكل قويّ ابتداءً من كورونا اللي بعدني عن صديقاتي وزميلاتي في آخر سنة لي بالمدرسة، ما مداني اودع أحد كلش، وتخرّجنا اللي تكنسل ويمكن كان أقوى بارت متحمسة له في هاي السنة كلها !!! ومنتهية بالدراسة، ماتوقعت كلش اني بتخذ قرار الدراسة بالخارج بعد ما خسرّت فلوس الدنيا في التسجيل بجامعاتنا المحليّة !!
ماتوقعت انها بتكون سنة حافلة بالقرارات المصيرية والحساسة جدًا.. مثل فكرة الارتباط، هاي الشي اللي ما كنت حاسبة له حساب، ولا اتخيلني بيوم من الايام أفكر فيه لاسبوع وأتضايق طول اليوم لاني فعلًا مادري ! لاني ما كنت متقبلة الفكرة بتاتًا.. ولاني ما كنت اجوفني قد هالشي! وفوق ذي ما كنت اجوف ان فيه ناس كفء بدرجة كافية اني اناقشهم في موضوع جذي ، وماتوقعت كلش اني بالنهاية بختار شخص من التون عشان اقول له اكتشفت اني أثق وأفضّل صديقات التون أكثر من الواقع
ما كنت أدري إن بهالسنة بابتدي فعليًا بعالم البزنز .. وبافتح الكومشنز بشكل رسمي !! وبتييني طلبات رسم .. حلو ان تحس نفسك ناجح وبدّيت تخطو خطوات حقيقة بالحياة.. آقدر اقول احين .. ان هذي سنة المنعطفات الخطيرة ، الحمدلله على كل حال
.gif "At (209) ش2")
ق8ق8ق8.gif "At (284) حبي99")
.gif "At (138) ه1")
آيم ا باد فريند =/ لحد يرافجني ماستاهل ..
.gif "At (131) قك2")
.gif "At (540) بكا3")
.gif "At (526) لا11")
!.gif "At (377) رق4")
.gif "At (367) طش2")
.gif "At (426) شش8")
وتحسبوونن أي كلااممم ؟؟ .gif "At (333) لاء3")
لا لا.gif "At (417) هئ6")
! وبجذي.gif "At (418) حبي9")
.. وضمنت 100 درجة .gif "At (427) حبي8")
وعقباللل الباقيي ياااارببب ..
.gif "At (347) فلو5")
.. وهذي البيوت عاد يصير عليها.gif "At (374) ع99")
؟ كنت اخلي خواتي يدشون.gif "At (313) تبا0")
-
.png "At (50) ق2")
.png "ne (2) هم11")
!!.gif "At (373) بكا10")
، أفضل وقت نسوي فيه سكن كير اهوا ذي الوقت ، لان حتى تعرضنا
.png "ne (1) هه4")
، صج صج اذا لقيتوه.gif "at1 ق1")
